زوجي يبي عيال وأنا رافضه أبي رأيكم بنات

[قلب زوجي وولدي]

أميرة الورد اي صح اهو عاجبه جسمي بس أنا مو عاجبني جسمي

لانه للحين ما رد مثل ما أول ما تزوجت

اضاهر اذا فكرت بالحمل راح أتبع نظام حميه لانه ما ينفع معاي أكل من البيت
أمتن بسرعه



​

 

[انجبر قلبي]

انا نفس حالتج ريلي يبي ورا بعض عشان بس يفكر بالعمر

وانا الحين حامل بالثاني ان الله تمم وولدت بالسلامة ابي اخذ بريك طويل لان هالحملتين ورا بعض ما ارتحت


و فاقده الاهتمام احس اني اختربت و صرت حدي ويع وكلشي ممنوع ليزر ممنوع حمام مغربي ممنوع اعشاب ممنوع حبوب ممنوع و انا هالشغلات متعلقه فيها

خصوصا اني حملت علا طول من تزوجت و كله المزاج سييء و الحاله تعبانه و لا اطلع ولا اروح ولا ايي ما عشنا حياتنا


اهو شاف شلون قاعده اتعب مع بنتي و لمه جرب كسرت خاطره قال خلاص بخليج ترتاحين عقب الثاني مع ان قبلها تهاوشنا عشان قلت مابي ورا بعض و اهو يبي بس الحمدالله الله هداه التربية مو سهله لازم الوحده تكون علا استعداد لمه اتييب ياهل مستعده تجابله مو اتييبه و تقطه علا غيرها و تطلع و تعيش حياتها والياهل المسكين يفقد حنان امه

و حتا الابو لازم يفكر انه قادر علا مصاريفه و مصاريف الولاده و كل شي سالفه العيال مو سهله يبيلها استعداد و تخطيط هالايام اييبون اليهال و يقطونهم عالخدم و مرتاحين لا عايشين امومة ولا شي حرام جذي


اذا انتو الاثنين مستعدين اوكي بس اذا تبون ورا بعض علا احساب العيال حرام


وانا اقول اذا مشكلتج بس الاهتمام ارضي زوجج لان ما طلب الا حقه خصوصا راحه سنة اشوفها زينه لا باس فيها يمديج اتريحين جسمج شوي

 

[قلب زوجي وولدي]

انجبر أنا بعد نفسج حملت مرتين ورا بعض وأول ما تزوجت حملت عشان جذي
مابي الحمل لانه ما استانست لا بجسمي ولا طلعات مثل الناس بس عيال ومسؤوليه
وفوق هذا ما جبت خدامه بيتي يعني كل شيء صار فوق راسي وضغط علي حيييييل
من مجابل عيال ولا زوج ولا بيت ولا وطيفه ولا نفسي وووااايد شغلات ضغط علي
بقنع زوجي أريح سنه ونص عالاقل بعدين بقوله أحمل مرتين ورا بعض

​

 

[انجبر قلبي]

حاسه فيج حددددي نفس الحال وماعندي خدامة واعتقد ريضه عشان اييب ماعندي لها مكان والله يعين انشالله

انتي باسلوبج قنعي ريلج و قوليله لا اتفكر بالعكر بعد عمر طويل يارب ما يدري متا عمره ينتهي انا كله اقول لريلي جذي


مهما خطط الواحد اللي الله كاتبله بيصير ان الله كاتبله بيشوف خمس من اعياله بيشوفهم و ان الله كاتبه اثنين ماراح يشوف غيرهم

يمكن الله يمد بعمره سبعين وثمانين سنة وما يرزقه الله غير هالاثنين صح ؟؟


خل يعيش حياته انا وايد اقول جذي لريلي و احس اقتنع لمه قال لو الله ما يعطيني غير بنتي خلاص انا راضي

و انتي شوقيه علا ان تجابلون نفسكم وتسافرون وتريحون من المسئوليات شوي و العيال مو كل شي بالدنيا

 

[ام دندوونه]

عن تجربه انا تزوجت صغيرة وبين عيالي ٣سنوات بس والله ندمت لو اني جايبتهم ورأ بعض احسن جان الحين شكبرهم وانا موتاكم ومعتنيه بجسمي عشان جذي جيبهم ورأ بعض بتتعيبين اول السنين بعدين خلاص

 

[رنيم الروح]

حبيبتي زوجك معاه حق في كلامه وطيعيه وقدري عمره 34 لسى يعتبر عمره شباب بس فكري في التربيه لبعدين و حالك يذكرني بزوجة حماي الكبير جابت اعيلها 10 وراء بعض ماشاءالله وكل الفرق بينهم سنه اتقول ربيتهم مع بعض وكبروا مع بعض وشلنا همهم مره وحده والحين مرتاحه من موضوع الحمل وكله اهتمام بنفسها

 

[قلب زوجي وولدي]

شكرا بنات على اهتمامكم

ألحين أنا بنات ان شاءالله ناويه الحمل

بس أتمنى إنهم توأم عشان أرتاح وين أراجع للحمل بتوأم ؟؟


​

 

[رتو الكيوت]

لو بمكانج واسمن بالحمل والولاده

بجيب اربعه ورا بعض عقب اشتغل على جسمي شغل جااامد واقعدد خمس ست سنين اجيب عقب اثنين واقفل : )

 

[ناتشوو]

انا بس
مستغربة
الحمال يزيد الوزن لي هالدرجة؟؟؟
لا انا اسوف الاكل بس يمتن
وزن الحمل ينزل اغلبه بروحه بدون تعب
اوكي
الحمل يرهل يغمج بس مو لدرجة٢٠ كيلو بدون ماينزلون
بعد الولادة
الله اعلم بس انا اقول راقبي نظامج الغذائي اثناء الحمل
وضروري خادمة
( مساعدة لج) عالاقل شغل البيت
وانت اشراف عليها
والحضانات موجودة
استفبدي منهم
وتتيسر

 

[ام الحلوااات]

ارضــــي زوووجــــج واذا ولـــدتـــــي
ادهـــري بــعـــمـــرج مــن ريــااضــــه وريــجــيــم
ودشــــي نــــااادي يــســـاعـــدج اكـــثـــر وارتـــااحــي مـــره وحـــده​

 

[قـــمـــرهم]

الله يعينج اختي ادري صعبه
بس لازم ترضين زوجج خاصه بهالموضوع لانه هذي قناعته
واهو يبي جذي ولا راح يتغير تفكيره

واعتقد كل الرياجيل يبون ورا بعض

 

[*مطبخ الذواقة*]

اهو كلامه صح

وانتي مالج الا تدخلين نادي صحي
وتشتركين بدايت سنتر وقت الحمال

شوي شوي وتعدي ونفرح بمولود يديد ورشاقة مميزة

 

[Perfume]

انا لو منج ما اوافق
بصراحة وايد تعب
خصوصاً انه عندج 2 ورا بعض
من حقج ترتاحين
قوليله الحمل والولادة متعبين حيييييل
على الاقل تنطرين سنة ونص او سنتين
لانه سنة شوي
ومثل ماقلتي مسؤولية كبيرة
وبعدين روحي نادي حق تنزلين وزنج
لانه في ناس وزنهم ينزل بصعوبة

 

[ملوكة الامورة]

شوفي حبيبتي انا جلست بعد بنتي سبع سنين متحسفة قد شعر راسي
نصيحتي لك جيبيهم ورا بعض عيالك
بعدين ابدي اهتمي بنفسك وجسمك احسن والله يوفقك

 

[قلب زوجي وولدي]

الله يكتب لي للي فيه الخير

أنا أحاتي الوزن لانه أول ولاده لي زاد وزني 14 كيلو وما نزلت الا3 كيلو وحملت عليهم
وزاد وزني 7 كيلو بالولاده الثانيه بس هذيلا نزلوا يعني للحين الوزن مال أول ولاده ما نزل
مع إني بالحملتين ما كنت أكل وأزيد على شنو مادري وهم بعد الولادتين رجيم ورياضه وما أنزل الا جم كيلو
ويوقف عليهم هذا للي معقدني بالوزن



​

 

[أأأميرة الورد]

الله يكتب لج اللي فيه الخير

 

[ايمان......]

انا يوم قريت موضوعج حسيتج تتكلمين عني نفس مشكلتي انا اصغر منج بسنه وزوجي اصغر من زوجج بسنتين. وعندي ولدين
وهذا هو يحن علي يبيني احمل وميت عالحمل وانا كلش ماودي وبعد ماقريت رأي البنات احس اني مقتنعه نص بنص. يعني اهو لفكرتي تحسين صح الوحدة تفتك وتربيهم جميع وترتاح بعدين وترتاح من الحنه. بس عاد جيبي قلب قوي يسويها حتى وهو مو مقتنع.

 

[قلب زوجي وولدي]

الله يعين حبيبتي ترى أنا بعد للحين مرات أقول خلاص بتوكل على الله
ومرات أتردد

​

 

[ملوكة الامورة]

عشان الوزن اشتركي بنادي
وان شالله تنزلين على طول

 

[حبيبة عز]

عدل كلام ريلچ

وانا برايي تحملين وانتي صغيره وعيالج يكبرون معاج احسن

والله يوفقج