زوجي يبي عيال وأنا رافضه أبي رأيكم بنات

[قلب زوجي وولدي]

السلام عليكم ورحمة الله وبركاته ​

بنات بأخذ رأيكم بموضوع الانجاب ورا بعض أنا ألحين الحمدالله عندي 2
ربي يحفظهم ويخليهم لي وأنا رافضه الانجاب ورا بعض وزوجي يبي
ورا بعض يقول يعني سنه راحه وايد حلو ليش اهو يقول جذي لانه عمره ألحين صار
34 فيقول متى بجيب ومتى بربيهم وأكبرهم لو بنطر كل سنتين أو 3 سنين راح العمر
وأنا ما أبي لانه أشوف نفسي صغيره عمري 25 وتوه على اني أحمل كله ورا بعض
وفوق هذا وزني بالحمل يزيد وايد وبصعوبه ينزل الوزن للي أزيده هذا ثاني سبب يخلني
أرفص فكرة الحمل بنات زوجي ما يحن وااايد على هالموضوع ومحترم رأيي بس أنا قلت لكم لانه أحس إني أنا مضايقته بكلامي يوم
أقول ما ابي واهو يبي وأحس إنه يفكر بهالموضوع بينه وبين نفسه وااايد أنا حدي محتاااااره ومادري
شسوي وأنا مابي شيء يضايقه بليز أبي رأيكم بنات ​

 

[شموخ الحلا]

احملي هالمرة عشان خاطرة وطفل واحد زيادة مايضر
ومع الازعاج والمسؤولية هو بيقول ارتاحي

 

[قلب زوجي وولدي]

يعطيج العافيع حبيبتي عالرد

بليز بنات أبي ردودكم لا تقرون وطنشون يمكن رايي وحده منكم

يغير كل شيء


​

 

[توتا حمرا]

ترى صج لازم اتفكرين بعمر زوجج
يعني متى بشوف عياله كامل اذا وصل الاربعين على كبر ؟!!

 

[قلب زوجي وولدي]

امممممممممممم توتا مادري محتاره بصراحه أنا أفكر بنفسي أكثر
مو أنانيه مني بس أحب اهتم بنفسي وايد



​

 

[فـراوله]

اتفــق مع زوجج اهو تفكيره صح وانتي تنازلي اشوي عن الاهتمام
وجيبي ورا بعض وبعدين اهتمي مره وحده








​

 

[بنت الاحلام]

ارضي زوجج

 

[ام عبد العزيز م]

اهم شي رضا زوجج

 

[زين ودلال]

سنه زين الحمدلله

عالاقل احسن من ال٤٠

الله يكتبلج اللي فيه الخير يارب

 

[قلب زوجي وولدي]

انزين والوزن شسوي فيه



​

 

[قلب زوجي وولدي]

اي أوكي سنه زين بس معاي أحس صعب لانه وزني يالله بعد سنه ينزل ويرد
ما يمدي أتهني بجسمي وأحمل أجل ليش أتعب بالوزن وأخرتها أحمل مادري
أنا كل للي معقدني حاليا الوزن


​

 

[Withered flower]

تبين الصج هذي عيوب الريال الكبير
ودج الريال يكون 5 سنين اكبر من زوجته بس واكثر من جذي لا

لان الريال بيفكر بالعيال والمره تفكر بنفسها وجسمها وشبابها
انا اقول ييبي 2 ورا بعض وعقبها وقفي 4 سنين وتالي 2 والحمدلله


انا ريلي جذي يبي عيال ورا بعض وانا جسمي بسرعه ينتفخ وصعبه انزل وعندي وايد شغلات ابي اسويها واحس العيال بيصيرون عائق
الحمدلله على كل حال

 

[قلب زوجي وولدي]

تبين الصج هذي عيوب الريال الكبير

ودج الريال يكون 5 سنين اكبر من زوجته بس واكثر من جذي لا

لان الريال بيفكر بالعيال والمره تفكر بنفسها وجسمها وشبابها
انا اقول ييبي 2 ورا بعض وعقبها وقفي 4 سنين وتالي 2 والحمدلله​

انا ريلي جذي يبي عيال ورا بعض وانا جسمي بسرعه ينتفخ وصعبه انزل وعندي وايد شغلات ابي اسويها واحس العيال بيصيرون عائق
الحمدلله على كل حال​

أنا بيني وبين زوجي 8 سنين بس عشان اهو عمره 34 يفكر بالعيال أنا

ألحين عندي 2 وهذا كان تفكيري أرتاح 4 سنين وبعدها أحمل بس زوجي يقول
4 سنين واايد ويقول بعد سنه حلو على كلامه سنه تحملين وسنه تريحين
بس للي أحاتيه جسمي وايد انتفخ بالحمل يعني ما اكل شيء وازيد من 15 لي 20
كيلو وبعدها اذا ولدت أقعد سنه أنزل بالـ 20 كيلووو واهو ما يبي 4 يهال
لا يبي 6 أو 7 يقول العيال عزوه
​

​

 

[ديانا سبنسر]

ارضي زوجج ووزنج. مع رياضة وريجيم يرد أحسن

 

[قلب زوجي وولدي]

امممممممممم مادري محتاره والله للحين

بس حييل بالي التوأم حاليا عشان أرتاح سنتين أو 3 سنين عالاقل

بس أدري ممكن ما تضبط


​

 

[أم معاذ الكندري]

ارضي زوجج
ولاحقه أختي ع الوزن والرياضة وترا في حميه للحوامل الي ماتبي وزنها يزيد

 

[كويتية بروما]

ييبي الثالث وريحي عقبه 3 سنين او 2

بالعكس لنتي صغيره ووزنج ينزل بسرعه ان صرتي فوق الثلاين وحملتي انسي انه ينزل

الوزن ينزل وهدي ضريبه الحمل الله يوفقج

 

[قَلبڪْ صًخرْ]

راجعي دكتور تغذيه بحملج

والله يوفقكم

 

[قلب زوجي وولدي]

50% مقتنعه و 50% مو مقتنعه

يعطيكم العافيه بنات والله يكتب للي فيه الخير



​

 

[أأأميرة الورد]

كلاااام زوجج هو الصح

العمر يمشي بسرعه احسن وراء بعض وعقبها ارتاحي

وسنه زين يمديج ترتاحين

ميخالف حبيبيتي كلنا جذي يزيد الوزن من الحمل والولاده


انتي تقولين انج تسوين ريجيم وتنزلين الوزن

وعقبها تحملين خلاااااص اهتمي بنفسج وقت الحمال


واكلي اكل صحي ماراح تمتنين واااايد


وحتئ اذا زدتي رااح تنزلينهم بسرعه وقت النفاس

وصدقيني اكيد جسمج عاجب زوجج داام اهو يطلب منج الحمااال


اعرف وحده زوجها زعل عليها ومايكلمها لانها حملت وهو مايبي

علشان جسمها لايخترب



حمدي ربج دام هذا تفكير زووجج