نصيحة : لا تعطينه لا نصهم ولا كلهم
قولي أمي أحتاجتهم وعطيتها أياهم
ولا تبينين إنج ما تبين تعطينه .. قولي (( لو عندي جان عطيتك وأنت عارف ظروفي وتوني طالبه بالجامعه غير أنك ما تعطيني مصروف !! يعني بالله منين أعطيك .. فلوس وراحت للوالده ^_^ ))
وترى أغلب الرياجيل لا خذوا ما يردون الفلوس إلا من رحم ربي
وإن ردوها يردونها عقب ما تنبط جبدج .. هذا إذا ردوها .. مع أنهم بالبداية يقولون نفس زوجج : سلف والله سلف ^_^
والأهم من هذا كله : إنج ما تفتحين له المجال في المره الجاية إنه يطلب منج
والبنات اللي يقولون لج ( زوجج وأنتي مسلمه نفسج له سلميه فلوسج .. إلخ ) .. أسمحولي خواتي أخالفكم الراي: زوجها أوكي ما قلنا شي .. مسلمه نفسها له بس مو معناته تسلمه كل شي حتى الفلوس !! .. ما قلنا لها تطلقي .. ولا قلنا لها شني حرب عليه .. كل اللي قلناه لا تعودينه أنه ياخذ منج ولا تعطينه وجه .. لان اللي عليه بس سيارة وأقساط .. يعني الرجال ما دش السجن .. ومو في موضع خطر .. من كلام الأخت راعية الموضوع .. أنه بس يبي يطيح الأقساط من معاشه .. ترى ممكن ينطر شهر شهرين 3 شهور مني مناك يقدر يصفي معاشه من الأقساط من دون لا يتسلف .. لازم ألحين .. ومن ألفج يا فلانه
لو عندج عيال والسالفه تخص عيالكم .. راح أقولج ساعديه .. بس أنتي توج عروس .. وبخيل معاج حتى مصروف ما يعطيج وفوق هذا عينه على الألف ^_^ .. فالقول الراجح عندي : لاااااااااا تعطينه << رايي
وأنتي أخبر بزوجج .. يستاهل أو ما يستاهل :eh_s(8):
