زوجي يا بنات لحقوني رد من السفر

[love love]

لا تحطين تفاصيل حياتج بالمنتدى

عرضي مشكلتج بدون تفاصيل

اخذيها نصيحه مني والله

 

[فوفو الدلوعه]

الله يسخرة لك يارب ومايشوف غيرك
شوفي من واقع حياتي مشكلتك نفس مشكلة مرت اخوي بالضبط كانت 24 ساعة مقابلة اخوي وهو كل اهتمانها وكانت المشاكل مرة كثير ودايما تشتكي لي
قلتلها رغم اني مو متزوجه بس استفدت اشياء كثير من المنتدى ومن اخواتي
عيشي حياتك لنفسك اول بعدين هو اخر شي والله كانت حتى وهو نايم عند راسة كنا نقول انزلي عندنا يوم الجمعه الكل متجمع تقول لا بقعد جنب زوجي يمكن يبغى شي رغم انة يكون نايم وكان على طول سهر برا وهيه على طول مزعجته اتصالات
الين مافكت عنه واخدت بنصيحتي وعاشت حياتها لنفسها اولا تغيرت حياتها 100درجة
الحين ماشاء الله مايسهر برا الا اذا كانت مو موجودة بالبيت وبس ترجع يكون معاها وحياتها وايد تعدلت واحس صار يحبها اكثر ومايرضى فيهها
حتى هية حاسة بالفرق ودايما تشكرني على النصيحة
عيشي حياتك لك اولا وبس وكل شي ييجي بعدين
ان شاء الله مااكون طولت عليك بس حبيت اعطيك امل من واقع تجربه
الله يخلية لك ويهنيك يارب
دعوووووووواتك

 

[المسكـ]

امبييييييييييييييييه شفيييييييييييج قاطه روحج عليه ووووين عزت نفسج ووين كرامتج تدرين لو ريلي يقولي نامي لا مصخرج ولا اقوله لمني ومايلمني
والله انا اللي امصخره مو بطول لسان لاااااا بس اعلمه الشغل شلون

شوفي انا حاسه انه ريلج يحبج وهالشي ماكو عليه خلاف
بس

احسه مل من تصرفاتج وانج تحت امره والمرا المطيعه والمرا المسكينه والمرا اللي كل ما حاجاها بجت جنها ياهل
كلامي يعور قلبج صح ؟؟
لازم

لازم تعرفين متى تبجين ومتى ماتبجين
مو كل ماقالج شي بجيتي

ولاتكشخييييييين له

كشخي حق نفسج ولبسي حق نفسج
لما رحتي دبي ليش ما عشتي حياتج
دامه مستانس مع ربعه الله يوفقه
بس انتي لازم تعيشين حياتج



نصيحه اقري محاضرات د.ناعمه الهاشمي وايد وايد بتفيدج وتغير من شخصيتج
مثل ما فادتني انا وغيرت مني وايد



نصيحه ثانيه من اختج



لاتتكلمين عن حياتج الزوجيه حتى جدام امج وامه

العين حق صح ؟؟

لاتقولين حق ولاااااااااااا احد عنج ووعن زوجج وشيسويلج حتى تشكي لاتشتكين منه لاجدام اهله ولا اهلج
حلي مشاكلج بنفسج

والله يهدي زوجج وكل الازواج يارب
​

 

[سموة حضرتي]

بنات وشفيكم وش هالردود البنت تبي منكم ومنا نصايح فقط وهيا تشوف اللي يناسبها اكلتوها بقشورها وحده تقول انتي ذاله نفسج والثانيه تقول المفروض ماتقربينه هذا المفروض تقوليله روح افحص نفسج ردود اليمه وفيها نوع من التحطيم


اختي حبيبتي ماراح ازيد على كلام البنات اللي نصحوج راح اقلك شي واحد لاتطنشينه بس لاعاد تكونين انتي هاذيج الاوله خلاص الاوله بح ماتت الله يرحمها اللحين فيه الجديده اللي بتعطيك كل واجباتج بس ماعدت الاوله راح يشوف التغير منج وراح ينعدل لج بس صبري علاج الزوج مثل العلاج المستعصي يبيله وقت والله يسر امرج حبيبتي

 

[LADY~O$CAR]

لا تفكرين بالطلاق خيرر شر

ادعي من الله انه الله يهدي ريلج ويسخره لج ان شاء الله

الريال ما ايي الا بالسياسه
سايسي وكلميه وتفاهمي معاه وشوفي اشفيه شنو يبي وشنو ما يبي

لا تخربين بيتج بيدج

ما فيه بيت ما يخلا من المشاكل

وشوفي مشاكل احد من قرايبكم

وبتسمعين وبتنصدمين
وبتقولين بينج وبين نفسج
من شاف بلاوي الناس هانت عليه بلوته

وادعي من الله انه الله يوفقج ويصلح ما بينج وبين ريلج

اهم شي الدعاء والاذكار

 

[نونه المنكوشه]

حبيبتي الله يحنن قلبه عليج ويسخره لج

 

[سـما]

زوجج مو قوي جنسيا هذا اختصار الموضوع
حتى لو سافر تايلاند ..

الرجل القوي جنسيا ما يمر يوم الا ..... مع زوجته
على الاقل ما يمر اسبوع الا ....


انتي تقولين من زمان يعني اكثر من شهر وهالشي مو طبيعي
حتى لو كان يعرف بنات وعنده علاقات ومشبع جنسيا .. مستحيل انه ما يرضي زوجته
لفترة طويلة

هو عنده مشكلة وانتي باصرارج قاعدة تحرجينه
ما يقدر يقول لج انه ما يقدر !!
فـ يضطر انه يهاوشج

والدليل انه اذا كان بعيد يكلمج على طول ودائما بالواتساب
بس اذا جا عندج يخاف يكلمج وتطلبين منه الجنس ومايكون عنده عذر !!
وبنفس الوقت ما يبي كل شوي يطلع الغلط عليج ويهاوشج


تحمليه واصبري واحتسبي الاجر من الله
وادعي الله ان يشفيه ويسخره لج
وانتبهي .. ديري بالج لا تصارحينه انج شاكه انه فيه ضعف جنسي !
ترى راح ينتكس اكثر وتكسرين رجولته بايدج !!!


مادري من متى متزوجين
لكن
ما لج الا تدعين العلي العظيم
والله يرزقج ويسخر لج زوجك

 

[miss swan]

انتي مومقصره معاه ومااشوف الا انج طلبتي حقج
مخليته على راحته سفرات
انا اقول لهي نفسج عنه كثري طلعات مع رفيجاتج واهلج
بس لاتنامين بيت اهلج اتوقع يزيد اذا نمتي برا البيت​

 

[ber00]

بصراحه مارح اجاملك لو انا مكانك مارح اتحمل هالمعامله
وثانيا ليش تذلين عمرك له واترجينه يلمك ولا يعطف عليك
حبيبتي زوجك هذا يبي له وحده ترفسه عشان يتأدب اجل روحي سافر بروحك وانا بروح تايلند
ويومييييييييين مايرد ولا يتصل عليك
والاهم من هذا تايلند ديره......اعتقد معروف شنو السياحه بتايلند ؟؟
لاتحسنين الظن فيه لان مبين حييل انه شايف له شوفه ومستغني عنك
صيري حازمه معاك اذا فعلا تبين علاقتكم تتعدل
وبنات كفايه لاتجاملونها وتقولون يحبك ويحبك اي يمكن يحبها بس هذا مايمنع انه قاعد يغلط عليها
قاعد يهملها ومايعطيها حقوقها وعايش حياته كنه عزوبي ومو شايل مسؤوليه واكبر دليل يقول لها سافري واستانسي بروحك
المفروض وناسته تكون معاها مو مع صديقه

واااااااي عفيه عليج ايقولج كل هالكلام وتقوليله بعد لمني !!!!!!!!! لا و اقوله ابيك ويقولي مابي حريمتج وعناد بعد !!! والله اقعد اشوت فيه من اليوم لي باجر!! حلوه هاذي متزوجه عشان اعف نفسي ولا اتمصخر!! حتى لو مريض وماله خلق فيه اسلوب افضل من جذي.... بس واضح انه حاس بتآنيب الضمير و الذنب وبيقلب السالفه عليج<<< ويحسسج انج انتي الحنانه واللزقه والدعله.... الله يهديه و يصلح حالكم

زوجج مو قوي جنسيا هذا اختصار الموضوع
حتى لو سافر تايلاند ..

الرجل القوي جنسيا ما يمر يوم الا ..... مع زوجته
على الاقل ما يمر اسبوع الا ....


انتي تقولين من زمان يعني اكثر من شهر وهالشي مو طبيعي
حتى لو كان يعرف بنات وعنده علاقات ومشبع جنسيا .. مستحيل انه ما يرضي زوجته
لفترة طويلة

هو عنده مشكلة وانتي باصرارج قاعدة تحرجينه
ما يقدر يقول لج انه ما يقدر !!
فـ يضطر انه يهاوشج

والدليل انه اذا كان بعيد يكلمج على طول ودائما بالواتساب
بس اذا جا عندج يخاف يكلمج وتطلبين منه الجنس ومايكون عنده عذر !!
وبنفس الوقت ما يبي كل شوي يطلع الغلط عليج ويهاوشج


تحمليه واصبري واحتسبي الاجر من الله
وادعي الله ان يشفيه ويسخره لج
وانتبهي .. ديري بالج لا تصارحينه انج شاكه انه فيه ضعف جنسي !
ترى راح ينتكس اكثر وتكسرين رجولته بايدج !!!


مادري من متى متزوجين
لكن
ما لج الا تدعين العلي العظيم
والله يرزقج ويسخر لج زوجك

كلام سليم :eh_s(15):

وبصراحه انا مستغربه من عدم غيرته عليك عادي تسافرين بروحك عادي الى هالدرجه ؟!

طنشيه ولا تجعلينه اكبر همك وانا مع الاخت سما مو معقوله حتى لو لا قدر الله ومانظلم الرجال ولا نحط فى ذمتنا اي رجال عادي غيره وعنده خرابيط وبنات مستحيل يترك زوجته طول هالفتره

حتى الرجال المعددين وعندهم 3 اربع 4 حريم يعني قمه الاكتفاء مايتركون حريمهم طول هالفتره


الله يصلح مابينكم ويسخره لك

 

[Om_Ksha]

الله يحنن قلبه عليج

 

[q8 83]

كل الي اقدر اقولج اياه


سورة البقرة

شغليها كل يوم في بيتج و بتشوفين ان شالله شلون بيصير زوجج

 

[white haert]

حبيبتي الله يهديه لج يااارب
وباين عليج بعدج اصغيييره شوووفي ترووحين بيت اهلج انسي لان هالشي اللي يبيه الرياااال ..... ومبين انه يحبج بس قااعد يشوف نفسه عليج لانه شايفج متعلقه فييه
شنووو الحل : اول شي اهتمي برووووحج وانسييييييه انسييييييييييييييه
عيشي حياتج خليج ثقيله عليييه ولاتسالينه عن شي راااح يحتاار ليش متغيره اشفيها راح اتصيرين شغله الشااغل بس اول شي بيعجبه الوضع بعدها يبدي يفكر ويحاتي ويسال عنج
وكثررييي استغفااار وادعيه ان الله يهديكم لبعض وترااا ماراح يفيدج الا ربج
وريلج نوعه يحب المره اللي واااثقه بنفسهااا وعاازه روووحها ويحب اهوا اللي يركض وراهاااا اتوقع جذييي وماادري اذاهالشي راح يفيدج او لا بس الاكيد ان محد راح يفيد الا الدعااااااااااااااااااااااااااااااااااااااااااااااء​

 

[white haert]

اييي وبعد نسيت اقري سووره البقره يوميا بنيه ان ربي يوفقكم ​

 

[Moim]

يا حبيباتي يا بنات المنتدى والله احس اغلب الردود طمنت بالي وتخلوني اصبر حتى لو كنت صج مضايقه انتو تصبروني اكثر فدييتكم ما قصرتو والله ابيكم دوم واقفين وياي


واللي شككوني برولي الله يسامحهم لان صج اثر فيني وحلمت ان اخو ريلي ياني يقولي ريلج خانج بتايلند لووول

 

[ليلو جبريت]

حبيبتي فجي عن الريال شوي
ترى الريايل مايحبون المراة الي تبجي وتتلصق وتحن

 

[نوور]

الله يعينج بصراحة وايد من رمضان مو جايسج ؟! انا مع البنات اللي يقولون وخري عنه شوي وخلي ثقتج بنفسج كبيره لايهزح شي مدام واثقة من نفسج

 

[شادن33]

ها حبيبتي طمنينا

 

[أحلام مؤجلةة]

في رجال ما يحبون الالزوجه الثقيله الي هو يجري وراها

 

[الحزينه 12]

بالله هذا اسلوب تعاملين فيه ريلك
تستاهلين ماجاك

 

[Moim]

مشكورين عالردود