زوجي و twitter ? ابي رايكم

[خـــوخـــه]

عني انا مااقدر احط يدي على خدي واسكت لازم اكلمه واتفاهم معاه بهدوء

 

[هامورة]

عني انا مااقدر احط يدي على خدي واسكت لازم اكلمه واتفاهم معاه بهدوء

انا جذي كلمته ورده انه الموضوع تافه وانا مكبرته وسوالفه معاهم مافيها تجاوز واذا شاف تجاوز اكيد بيحط حد

ادعوولي بنات:yaaaaaarb:

اللهم اكفينهم بما شئت

 

[عيش و مرق]

لا اتعبين روحج حبيبتى لا اتدورين وراه تويتر وفيس بوك وغيره وغيره ترا ماكو شى يردع الانسان الا اخلاقه وانشاله ماعنده شى زوجج

 

[poom poom]

أنا أشوف مافيها شي مادام اسلوبه محترم انصحج انج اتسوين اكاونت بتويتر وتغردووون مع بعض بالعكس راح تستانسون وتجربين شي يديد وتغيرون الروتين ومنها بعد يرتاح قلبج

 

[reem alflla]

والله مادري شقولج الريايل ما ينعرف لهم ​

بس الله يطمن بالج وقلبج خيتووو ​

 

[الدر المكنون]

الأجانب ما ئسون شيء حق العرب إلا غسان خراب البيوت ولا هم مو هدي اهتماماتهم

 

[FeShinGoOo]

:/ شالمسخره شكو يسولف مع بنات ؟؟؟؟

اذا سوالف عامه او تعليق على كلامها اوكي

بس سوالف ورايكم وقولي ومادري شنو لا وستين لا

 

[Nokia N95]

ادعي ان الله يحفظه ويبعده عن بنات الحرام ...

وكلها فترة وراح يمل ...

 

[ليلو جبريت]

عادي

انتي لاتتهاوشين معاه في هالموضوع عشان لايطفش

 

[Tom ♥ Jerry]

,

حبيبتي ترا اغلب الرياييل الي عندهم اكاونت في التويتر او الفيس بوك
يتواصلون مع بنات آو يغردون مع بنات على قولتهم ,،

آهم شي انه تكون العلاقه سطحيه و مو بره الموقع
يعني حدودها الموقع وبس ,!

لانه مآ رآح تقدرين تمنعينه من التواصل مع هالبنات الي بالموقع
راح يسويلج سالفه مآلها أول و لا تآلي ,،

اذا مآ يت من نفسه محد رآح يجبره انه يسويلهم بلوك ,،
الله يعينج و عليج بالدعاء دآيمآ انه الله يهدي ريلج عشان يخلي هالسوالف من كيفة
و ادعي على طوول انه الله يحفظ لج ريلج و يخليج قره عينه

موفقه :***

 

[krkooora]

التويتر شي على المكشوف ما اشوف منه خوف مثل السايتات الثانيه
لانه كل العالم تستخدمه كبير و صغير اعلام ولا اخبار ولا شخصيات عامه
و مادري حسيت ماله داعي تعترفين له انج تراقبينه لو ساكته احسن لج دام الكلام مع البنات بحدود الاحترام

 

[اه ع قلبي]

يوووووووووووو من الايفون
كل البلا من الغرب طوروا العرب اللي ما يستاهلون هالتطور لا ن عقليتهم ما تتغير

 

[وردة^الكويت]

والله انكم سخيفات
شنو المشكله بالتطور
عقولكم مو راضية تتطور
عالم كله جذي وقفت على زوجج؟؟!

الله يهديكم يا بنات

 

[دكتواره]

انتي بصراحه شكو تفتشين اعرف وحدددددده متزوجه هو يفتش بالتليفونها مو هيييي لقافه

 

[ToOoT"Q8]

أمبيه توني ادري انه في رسايل خاصه
لووول بروح اجيك

 

[مطيريه ^ ماركه]

حبيبتي لا تجسسين وتعبين عمرج والله التويتر اهون من الفيس بوك
خليه على تويتر لايروح الفيس عاد هذاك على مستوى والبنات اشكال والوان استغفر الله

 

[بنت احلام]

الله يعين كل متزوجه
والله موقادرين نلحق عليهم كل مانخلص من شي طلعوا لنا بشي ثاني
ألحين تويتر باااجر شنو

انشششششهد

من رااي انج ماتسكتين وبعدين دام هو متزوج شله بهالتوتر الي كل من هب ودب يقدر يضيفه

يعني شات ؟!! بس محترم اتوقع ولو اني ماعرفه



وبنفس الوقت ودش ماتناقشينه اليوم عندج وجدامج باجر من ورااج



الله يهديهمممم

 

[Lourdez]

قولي حق ريلج يعطيها بلوك و خليه يستمر بالتويتر ماله داعي يطلع عشانها

 

[dam3at fara7]

حبيبتي انا مع وحده من الاخوات اللي قالت ديربالج تمنيعينه عنه لانه ممكن يدش الموقع من وراج وشوفي دام اهو يدش جدامج يعني اكيد ما عنده خرابيط بس هذا مو يعني ما جيكين عليه لا حبيبتي بنات بلييس واايد وبنات هاليومين هبه يموتووووون على المتزوج خلييه يدش بس خلج وراه و قعدي ساليه شنو اخبار التوتر بس لا تزهقينه وتخلينه يتملل منج والله انشالله يبعد عنه بنات بليس ويخليه لج ويحببه فيج اكثر واكثر

 

[بوغاتي88]

انا اشوف عادي بس انتي مكبره الموضوع اشوي/ كا انا زوجي عنده تويتر وفي بنات يتحرشون فيه بس اهوا طاف ما يضيفهم عنده ويخليني اقرا السوالف ونضحك