زوجي ... و عمليات التجميل ..مادري شسوي !!

[الياسمين]

:krkrkr: اشلونكم بنات
بقولكم قصتي
اول شي انا وزني 76 و طولي 162
و توني امبلشة رجيم .... بحاول اوصل وزني 64 عالاقل لاااااااااااااااااازم ضروري اضعف
المهم ذاك اليوم انا وزجي قاعدين نسولف و لا انصدم منه اول مره يقولي جذي
جنه خاش الكلام بقلبه كل هالمده و انفجر مره وحده
المهم قالي ترى انا عطيتج ويه يالله متى بتضعفيين اناا ملييييت
انا يوم قالي جذي كان ودي الارض تنشق و تبلعني
قتله شوف انت يوم خذيتني كنت اضعيفة بس لمن يبتلك بنتك ولدك خربوا جسمي
عاد قالي شوفي ابيج تضعفين بالطول و لا بالعرض و تشدين بطنج و تكبرين صدرج
انا اشوي و ابجي منصدددددددددددددمه حدي
المهم عاد يوم الثاني على طول بلشت رجيم
و قالي اذا تبين سوي تجميل لي هدرجة قتله ما تخاف علي قااال الحين الكل قام يسوي اطمني
عاد انا قررت اسوي الشد و الشفط حق بطني حتى تكبير الصدر
المهم رحت عند دكتوره ربا الضمان عاد احنا و حوستنا حق الرجيم جان اقولها ما تعرفين دكتور شاطر حق الشد
جان تقولي حرام توج اصغيره و و الشد مو سهل و من هالحجي ...
قالتلي قومي اوووقفي خلا اشوف بطنج .. عاد يوم شافته جان تقول انتي بطنج مو مترهل وايد
حرام تسوين عمليه سووي رجيم و مشي و في ابر و اجهزه و من هالحجي
عاد انا تراجعت و هوونت اشوي
بس الحين المشكله بريلي لي درجة انه يقولي انا عيوني اطالع برا عادي و انتي دشي بتافس مع البنات مو جنج عيووز واااي كلما اتذكر كلامه ودي اليوم قبل باجر اكبر صدري و اشد بطني
المهم شنو تنصحوني شسوي ؟؟؟
انطرر ؟؟؟
و لا اعطي الريل طااف رجيم و خلااص
و الصدر يبني اكبره معنى مقاس صدري 36 سي ........ مادري شسوي و مابي ريلي يشوووف غيرييييييي شتقوولون مع العلم عمري 25
اوووف هالسالفة مكأبتني
شسوييييييييييييي
ساعدوني بلييييييييييز لى
تخيلوا لي درجة انه ماكان راضي على دكتور الحين قالللي عادي روحي بس المهم لا تقولين شيصير معاج
بعد من كل هالكلام حسييييييييييييت اني ولاشي بعيووونه
:0bee2e8d89::0bee2e8d89:

 

[الياسمين]

لا و غير جذي قالي الحب موجود بس الجسم غيييييييييير
واااي شتبوني اسوي ما تنقهرون لو انتوا مكاني

 

[بنت الاحلام]

حبوبه ادخلي نادي


ويسون لج تامرين الكرش وهالسوالف وينزل بطنج
والصدر في خلطات تكبر الصدر طبيعي

جنه عند الملاك واشوف الكل يمدحها ويقولون خلال سبوعين


كبر الصدر وتكور

وانتي سوي حق نفسج سيرج
وبعد الرجيم والنادي
روحي الصالون وسوي نيلو لك


ورحي عمري وديري بالج من العلميات

 

[@شواقه@]

حبيبتي ديري بالج من العمليات ترا مو زينه وفلوس على الفاضي وديري بالج حطي تحتها الف خط من انج تلعبين على صدرج موزين بالمره

 

[bint_looda]

لاتكبرين صدرج .. انتي اذا ضعفتي ان شالله اهو بروحه بيبرز خصوصا اذا البطن انشد ... انتي الحين مسكي روحج عن الاكل عدل ودشي نادي وانتي كل ماحسيتي بالفرق على نفسج بتزيديين ازياده
وربي يحليج بعينه ان شالله يووفقج

 

[Turquoiseya]

سمعت ان حليب الصويا يكبر الصدر
جربيه
ان شالله يفيدج

 

[حقوقيه زوغه]

لا لا تسوين عمليه ولا بطيخ



احسن لج دشي نااااااااااادي ..سوي رياااضه ..

وخلي اكلج صحي ماحب كلمه (( ريجيم )) خلي اكلج يكون صحي ومفيد وبنفس الوقت لذيذ وبكميات معتدله لاتحرمين روحج من شي

وبنفس الوقت عليج بالريااااااااااضه والحركه اهم شي


ترا الرياضه مده شهرين يبين جسمج حلو وتضعفين

 

[بنت شرق]

بصراحه هالعالم ينوا حتى الريايل قاموا يشوفون هالناس تسوى بلاوى بروحها وتغير خلق الله ويبون حريمهم يسوون جذى

 

[اخصائيه]

واااااااااااااااي ما كو ريال راضي بلي عنده انت ريلج يبيج تسوين عمليات تجميل وملزم عليج وانا ريلي زعلان علي ما يكلمني لاني سويت شوية رتوش بويهي

 

[ريونه المزيونه]

هااي حق كل البنات اللي كتبو باهالموضوع ,, وراعيه الموضوع فالمقدمه
امم انا وجهة نظري انه الريال صارحها,, يعني يبي زوجته تضعف واتعدله,, بالعكس .. انتي اذا ماضعفتي وتعدلتي حق ريلج عيل منو.. هكا اللي اصغر منج يسون صدروهم.. عمليه الصدر انا ساله دكاتره مو دكتور ,, يقولون عادي,و واذا تبين تشدينه حسبي حسابج انج مابتحملين ابد

واذا بتكبرينه ,, فريلج يبي مرته حلاله ,, يعني هو مايبي يروح حق الحرام.. وهاذي العملليه بنت عمي مسويتها ,, واسالت شيخ دين وقالها مو حرام ,, وحتى في شيخ دين في قناة قطر في رمضان اسمه الشيح محمد العريفي اسالته وحده قالها ,, الحرام اللي يقلوبن جنسهم من ببت لي ولد والعكس,,,

اما انفخ والبوتكس والخشم ,, اختلفو العلماء فيها وهو بحث في تسع كتب ماشاف تحريم فيها,, وقال بس الوحده لاتخلي الشي يصير اووووفر يعني شكلها كل يوم يتغير,, يعني بحدود

دام يبيج اتعدلين له,, ليش لا,, مو احسن من ماتصيدينه يلعب عليج.,., الحمد الله يبتي له البنت والولد.. بس الله يخليهم لج.. وانتي شوفي عمرج.. المره لازم على
طول تهتم في نفسها وحق ريلها.. لو توصل خمسين سنه,.,, دامه هو راضي ,, سويها,, وسالفة بطنج,, سالي دكتور تجميل شااطر شرايه فالموضوع .. دكتورة التغذيه مابتصير اشطر من التجميل, وانتي والده مرتين,, هكا بنات اصغر منج وفي عمرج لين سوو رجيم غلط وتلتل جسمه شدو.,, انا بعيووني شايفه وحده في لبنان كويتيه ,, يايه ويا امها يفجون خيوط بطنها.. انتي سوي رجيم ورياااضه,,,, واذا حسيتي جسمج يليه نحت ولا صدرج تكبرينه ليش لا


وهاذي وجهة نظري,, واتمنى تحترمنها,,

بالتوفيق حبيبتي

 

[فـلـفـلـهـ]

مايحبج << وجهة نظري

وصدقيني مهما سويتي ماراح تعجبينه دانه يشوف اللي بره

 

[النويره]

ريونه المزيونه انا معاااااااااااااااااااااااج

 

[الفرحه السجينه]

اشكره يقولج عيوني عالبنات برا والله ما عنده احساس اي حب اي خرابيط


هذا يمكن حتى لو سويتي تجميل يدور شي ثاني سوينه براطمج خشمج خدودج بيصير عنده ادمان

خليج واثقه من نفسج هو ما راح ينفعج لا صار فيج شي من العمليه خافي على نفسج وانتي بعدج صغيره وعندج عيال


تلاحقي عمرج واهتمي بجسمج دام الدكتوره قالت ما تحتاجين اشبين بالعمليات فهميه ان العمليه خطره مو شي سهل ياربي ما يخاف عليج

بس لا قط عليج كلمه لا تعطينه مجال وتبينين انج مو واثقه وانج ضعيفة شخصيه


قوليله ابيك تصغر خشمك بعد ولا تشفط كرشتج هم انا ودي يصير جسمك رياضي وكول نفس اللي بالتلفزيون اهم يخافون على اعمارهم لو تحوشهم حراره يخقون واحنا مسوينا حقلا تجارب واصلا ما راح تترسين عينه

 

[ناريه]

36 سي ويبي اكبر ليييييييييش!!!!!!!!!!!!!
انتي اذا ضعفتي راح يبرز الصدر ما يحتاج تكبير اهو كبير من نفسه

 

[تيتانيوم]

صراحه صراحه ابي اسئلج سؤال؟؟؟ زوجج حلو ؟؟؟ مجسم؟؟؟؟؟ وسيم؟؟؟؟ مقرع؟؟؟؟؟ عنده كرش؟؟؟؟
ليش انتي مو بشر وتحملين وتولدين اشيبي منج بعد حدج حدج نيو لوك بالصالون
وذا قالج عيوني على الي برا ترا حتى احنا يالحريم عيوني على هالشباب هالعضلات وهالزين وهالجسم مرصرصين بهالبنطرونات وانته جذي دربالج يهز ثقتج بنفسج ترا الي يطالع برا مايشبع الجميل اكو اجمل منه فمراح نخلص لازم تشدين بذكاء الحريم عليه

 

[تيتانيوم]

لا و غير جذي قالي الحب موجود بس الجسم غيييييييييير
واااي شتبوني اسوي ما تنقهرون لو انتوا مكاني

والله حياتي انتي انقهر وشق هدومي ومن الحره يمكن انط عليه بعد , بس صج حاسه فيج سمعيني اعتني بنفسج غيري صبغه شعرج حطيلج طريقه مكياج يديد ضعفي وتزيني مو له طل حق نفسج انتي اذا حبيتي روحج بالمنظره لو كرشتج بالقاع راح يحبج لاترضين احد يقولج فيج وفيج قوليله فيج وفيك قوليله اعتني بهدومك غير تحسونتك ودي اشوفك شويه معضل منيه مناك حاولي تحسسينه انج انتي تبين مو بس اهو ياربي مالج مشاعر واهم نصيحه مني حبي روحج ومدحي روحج وراح يحبج ولاتزعلين حياتي اوكي

 

[تيتانيوم]

بليز بنات لاتنصحونها غلط (ريونه المزيونه) ماكو ريال يحب مرته يرضه يمشي المشرط على جسمها وتتعذب وتتألم بعد العمليه عشان حضرته يستمتع فيها, هذا اناني ومتفكيره موسليم ,التغير ولتجديد حلو ومرغوب بس مو على حساب صحتي؟ احط سيلكون بصدري؟ خل يحط اهو سيلكون فيه يبيله شويه حجم لووول:krkrkr: يبيني اسوي شفط؟عمليات الشفط مؤلمه وعندج عيال محتاجين لج اكثر من مااهو محتاج للمتعه فنصيحتي بكل احترام لج انتي مو له (يسترييييح)

 

[تيتانيوم]

بليز بنات لاتنصحونها غلط (ريونه المزيونه) ماكو ريال يحب مرته يرضه يمشي المشرط على جسمها وتتعذب وتتألم بعد العمليه عشان حضرته يستمتع فيها, هذا اناني ومتفكيره موسليم ,التغير ولتجديد حلو ومرغوب بس مو على حساب صحتي؟ احط سيلكون بصدري؟ خل يحط اهو سيلكون فيه يبيله شويه حجم لووول:krkrkr: يبيني اسوي شفط؟عمليات الشفط مؤلمه وعندج عيال محتاجين لج وعليه اكثر من مااهو محتاج للمتعه فنصيحتي بكل احترام لج انتي مو له (يسترييييح)

 

[قطوتي]

شوفي حبيبتي

انا اقولج ان لو ريلج مايحبج جان ماقالج هالكلام صدقيني

المفروض تفرحين ,, لان مهتملج ويبيج انتي مايبي غيرج

من جذي كان محتر عليج

وماقال اللي قاله الا من حرته

نصيحتي لج سوي رجيم ورياضه ولي ضعفتي صدقيني بينسى سالفه عملية الصدر

ولي وقتها لك حادث حديث .. اهم شي الحين انج تسوين رجيم وتنتبهين لنفسج : )

 

[أم حيدر]

عورتي قلبي

حبيبتي مالج شغل فيه انا مابي اخرب بيتج واقول اللي اقوله عن ريلج مالي شغل غيه ولا أعرفه ولا أعرف عقليته

بس انتي حايليه بشغله قوليله الدكتورة قالتلي انتي نوع جسمج مو زين له العمليات راح تتأذين الأسلم انج تسوين ريجيم ورياضه وبيضبط كل شي انشالله

وانتي عاد شقي روحج شق ريجيم ورياضه - وبالوقت الحالي لا تفتعلين المشاكل معاه بس مستقبلا اذا انشاااااااء الله امورج ضبطت وجسمج رد بيرفكت عاتبيه

وقوليله انت بيوم من الايام كنت بترخص فيني مقابل جسم حلو وما اهتميت بحلاة روحي.

خلي ضميره يأنبه - واذا قالج مرة ثانية ان عينه على الحريم اللي بره قوليله خاف الله عندك بنية ترضى بنتك لي كبرت وتزوجت ريلها يسوي فيها نفس اللي انت قاعد تسوي فيني ؟؟؟