زوجي وولادتي تكفون مقهوره

[غلا حائل]

الله يعينك

 

[ريماس--]

الله يفرج همك

 

[_ظل الياسمين _]

الله يهون عليج...

 

[غير كل الناس]

دامج موظفه منتج علي كرتج

 

[pusy cat]

دام انج موضفه جان جمعتي حق ولادتج احتياط

انا رايي انج اتسلفين من احد قريب منج بس لا تاخذين قرض عشان الله يبارك لج

 

[~LiBrA~]

حبيبتي مافيها شي اذا ساعدتي ريلج مو كل شي عليه

كلنا ماقصرنا على رياييلنا ونساعدهم بس ما نمن عليهم اذا قالو ماعندهم

المفروض من بداية الحمل تتفقون كل واحد شنو عليه عشان تدبرون نفسكم

وزين منه دفع حق ولاداتج الي قبل في رياييل من اول ولاده ما يدفعون هذا دليل ان صج ماعنده


اذا انتي كلش كلش ماتقدرين عالحكومه وموباجي شي على ولادتج اخذي من اهلج ورديهم على دفعات احسن من فوايد القرض

او اخذي فيزا

مايسوى قرض على شي ما يكلف فوق ال1000

وشوفيلج مستشفى رخيص يسوون فيه عروض للولاده وزينين دكاترتهم مثل مستشفى طيبه

اخذي غرفه عاديه
ومارتح يكلفج اكثر من 500 دينار

 

[نور و نار]

حبيبتي يمكن صج ماعنده وبعدين شوي شوي ليش احسج عصبتي عليه مرة واحدة .. هدّي شوي وكله بالتفاهم يمكن يقدر يتصرف او على الاقل منه شوي ومنج شوي ... الله يرزقج الذرية السليمة المعافاة

يعني في مستشفيات رخاص على 500 كامل روحي وفكي عمرج

اي مستشفيات تقصدين حبيبتي؟ :eh_s(17):

 

[عبث طفله]

روحي اخذي قرض ولا تسلفين من احد ..

ويمكن صج ما عنده المسكين ..

ومالومج اللي يجرب الخاص ما يفكر بالحكومه اللي يبهدلون الواحد تبهدل مةو طبيعي

هي مو ع الولاده لانه الولاده تساهيل من ربي السالفه سالفه عنايه واهتمام ويدارونج مو يحقرونج وانواع الاهانات ..

 

[كويتيه مذهله 87]

من صجج بتاخذين قرض علشان ولاده
انزين ليش ماتروحين الولاده تري انا والده عندهم من 8 شهور ماعليه الا العافيه ماحسين بولادتي الحمدالله

وثانيا انتي موظفه جمعيج معاشين وأولدي بالهادي او طيبه طلينك تري رخاص ولادتهم

 

[q8 83]

انا مع البنات اذا مصره على الخاص تقدرين تشخطين المبلغ على الفيزا و فكي عمره و تقدرين تقسطين المبلغ يعني ما يخصمونه منج مره وحده لا يسونه اقساط

و حلي ازمتج بدون مشاكل و لاتأذين نفسج

 

[المسكـ]

بولادتي الاولى كليت تبن بصراحه مع اني ولدت بارقى مستشفى حزتها كنت بولد بالهادي واهو قال انه عنده عاد تلخبطت الامور ومالقينا الا الشفا والامبراطوري وبصراحه قص علي قالي انه ميمع طلع لا ميمع ولاشي بس انا لاني عبالي عنده اصريت ناخذ الامبراطوري
بعد الولاده اكتشفت انه ابوه الله يحفظه دافع له لان الفلوس اللي يمعها صرفها
من يومها وانا قايله ماكو ولاده من غير تخطيط اول ماحملت قالي اوولدي بالصباح قتله نعاااااااااااااااااااااااااام انااااااااااااا اولد بالصباح ليش ان شالله
انا مدرسه ومعاشي موشويه عشان اولد بالصباح شنو كل يوم بحمل وايب ولا شنوو وليش افرق البيبي عن اخوه هذاك مرفه وعلى كفوف الراحه وهذا ياكل هوا بالصباح ؟
اسفه اخوي ومابي منك ولا شي

وقمت اشيل من معاشي كل شي تقريبا 350 واي مبلغ يعطيني ياه حقي اشيله حق ولادتي وحق البيبي يوم نزل الكادر جهزته من مجاميعه وشهر من الشهور شريتلي انا نفانيف حق النفاس وكل شهر اسوي شي
ولا منتهم الرياييل
وليلحين يقول اولدي بالصباح مادري شكو
انا برووحي خوافه

واذا ضاقت فيج الوسيعه يختي مالج الا القرض اخذي قرض بسيط على قدج يعني 2000 ولا 1000 وخلي قسطه عالي عشان يخلص بسنه وحسبي نفسج داشه جمعيه يعني اكثر شي بيكون القسط 100 ماتقدرين تستغنين عن 100 كل شهر مقابل راحتج ؟؟؟
وانتي وكيفج

 

[ام التوحد]

والله الكويتي ما يلقى مثل الكويتية
حبيبتي القرض حرام وانتي تبين الله يقومج بالسلامه كلش كلش سلف ومرة ثانية لا تعتمدين على احد
لو الربع بيسافرون تطلع الفلوس من تحت القاع
زين بالنص بينج وبينه ولادة مستشفى الامومة 400 دينار وشوية
الله يسهل عليج

 

[ام الحلوااات]

اللـــــــه يـــعــــيـــــنـــج ويـــســـهــــل امــــرج​

 

[لهفة المشتاقه]

الله يسهل عليج
لاتعورين قلبج شتسوي توكلي علي الله وان شالله تولدين بالعدان سهالات
لاتفكرين تري السهالات من الله

 

[قمورة الكويت]

لا والله شفيكم بنااااات

الحين احنا نوولد ونتعب واحمل تسع شهور ونسات ووحام غثيث وثقل اخر الشهر وحالتي حاله وهم انا ادفع لاااااااا ومليون لاااااااااا ياربي خل يحسون خل يتعبون نفسنا شنو هذا
لا حبيبتي لاقرض ولاهم يحزنون
في مستشفيات تولدج كااامل على 300 على ما اظن الهادي رخيص وخوش كمام قوليله دبر نفسك اخوانه وينهم ابوه وينه كيفه عاد هو يتصرف والله حاله
والله عندهم واللي يقول ماعندي جذاب مع احترامي الحمدلله ديرتنا مو مقصره
تعطيهم زوجيه كل شهر
وبدل ايجار كل شهر
ومصاريف العيال كل شهر
هاذا غير معاشه اللي ما تدرين عنه ؟؟؟
اولدي على حسابه ودبسيه

 

[انصاريه قمره]

يا قلبي السهاله من الله
كاني انا شحليلي ولدت بالحكوومه مرتين والله سهلهاا علي وحماتي تولد بخاص وتتعذب ترى السهاله مو من العبد من الله سبحانه والخاص ياختج لو فيهم خير جان مو يوم انه يعجزون عن حالتج يطرشونج انتي بدمانج الحكووومه اولدي بالصبااح ترى يمدحونه صج الخاص اريح ورعايه ودلع بس الحكومه عندهم خبره اكثر

 

[STILL G L A M ~]

حبيبتي روحي مستشفى لندن كمامهم روعه ورخيص اختي مجربه ولادتهم وحمااتي ومرت اخوي كلهم يمدحونها واختي بس اخر مرا ادفعت 300 وشي ولاده طبيعيه مع كمام وابره منومه

 

[غلا عزوزي]

صمت كويتيه شي طبيعي شتسوين بعد الله يهون عليج انا عندي حل تسلفي من اهلج بس شوووووفي قبل لاتتسلفين اتفقي معاه علشان اهوه يردهم بعد ولادتج على خير ان شاءالله علشان تكونون على بينه وحق وطبعا الحق حق ولو تتفقين مع اهلج وتخلصين خليه يجي علشان مايتمادى ويرجعهم اذا مو واثقه فيه حيييل وتوكلي على الله وادعي الله يهديه

 

[ام ناصر 2009]

والله انا نفسج ويقولي اولدي بالفروانيه وامري لله بعد شسوي

 

[الـزين و الجـود]

رجلج ماعنده سالفه صراحه ..!! وانتي اللي غلطانه المفروض ماتعودينه انج تصرفين وهو منظر شكو ليش هو ماجااب الخدامه !!
ماعنده عشان ولادتج يتسلف مو ميت !!!
وعلى موحلووه يمد ايده حق منو يمد ايده لاهله ربعه عاادي هو مكلووف فيج ان شاء الله يسرق ...
والله يسخره لج ان شاء الله وانا اقول حاولي فيه لا تاخذين قرض ولا شي​