زوجي وولادتي تكفون مقهوره

[صمت الكويتيه]

بنات انا حدي مقهوره حدي والده بعيالي الاثنين بخاص اوك لاني وحده خوافه والزم علي الكمام المهم واللحين انا حامل جايني زوجي يقوولي اولدي بالعدان ماعندي لولادتج تخيلو ا انا موظفه ودايمن ما اقصر عليه بشي واساعده بشغلات مثلا جبت خدامه بحسابي 570ولا قلت شي هذا بصيف ووووالخ شغلات واجد وحدي كريمه معاه اللحين صدمني شنو اولد بالعدان ليش مايدبر لي يقولي ماعندي ليش مايسوي اي شي عشاني عاد انا عندي كرامتي فوق كل شي بجيت وانصدمت صدمني لمه دخلت شهري ويدري اني خووووافه واكره شي اسمه عدان قلت له عقب الهواش مابي منك شي انت بس حمل وروح وانا ادبر نفسي وقلت له بخذ قرض عشان اولد نفسي ولا ابي منك شي اذا نفسي موغاليه عليك انا نفسي غاليه علي يابنات اللي سويته صح اولت اني اخذ قرض عشان اولد اذا نطرته ماراح يدفع وانا وحده ما اولد الا بالخاص لاني ارتاح فيه والكمام يريح اما العدان استحاله مافكرت واخاف وكله طبيعي اللي سويته صح اولا لمه قلت بخذ قرض ولا ابي منك شي

 

[روح مغليها]

عليج بالاستغفاار مفتاح كل شي. مجربته

 

[الزين عنزي والدلع سعودي]

حبوبه انا نفسج خوااااافه من طاري ولادة بحكومي .. هذا العدان والجهرا اكسسس xxx

انا طالبه وولدت عيالي اثنينهم بخاص ولله الحمد اكون داشه جمعيه اولد فيها .. والحمدلله زوجي مقدر خوفي ..
اما بالنسبالج مو عيب لا رفعتي نفسج عن الرجال ، لو انا مكانج والله اخذ تورق عشان راحتي اذا فليساتي ماريحتني منو بيرحني ..
انا عني راحتي فووووق كل شي .. انتي اخذي منه الكلمة الاخيرة اذا بيعطيج او لا .. مااتوقع اذا عنده شي ومابيعطيج بما انج مو مقصرة وياه .. بس اذا ماعنده لا والله مافيها شي لاخذيتي لراحتج ..
وعسى ييسرها لج ،، واكثري من الاستغفااار 

 

[تبطي عظم!]

والله ما ادري. يمكن صج ماعنده وصرااحه صعبه الرجال يمد ايده

انا لو مكانج ما ارضاها لزوجي وراح اخذ قرض واولد عمري

ع العموم هالحمال درس لج ان بحمالج الجاي ان شاء الله تجمعين حق ولادتج

انا من بداية حمالي اتفقت معاه ان الولاده عليه وتجهيز البيبي وتجهيزي علي لان مو عدله كل شيء عليه راح يكلف حييييييل

ماتقدرين تدخلين قطيه وتستلمينها اول وحده علشان ولادتج او دبري مني ولا مناك خواتج امج اخوانج يعني الولاده جم بتكلفج ١٠٠٠

حرام فيها القرض بس حاولي واذا ماصارت خلاص. شتسوين اخذي قرض

 

[الهنوف24]

مالومج ادري متوتره وخايفه من الحكومه بس والله العدان اوكي صاير بالولاده حتى يعطونج ابرة الظهر وتولدين وانتي تضحكين بس من ناحية الغرف مو شي ...
قدري زوجج يمكن ماعنده فلوس واذا كلش انتي تبين الخاص اخذي القرض وتوكلي

 

[بتبوتااا]

وريه قصه ولادتي وبيهون عن العدان

 

[بخـــارى]

شوفي انا من حملت بديت اجمع مع انه زوجي مو مقصر وعملت حسابي للقيصيريه
الغلط منج مو منه المفروض ماتعتمدين عليه
البحين شوفيلج جمعيه اشتركي فيها او تسلفي
والله يسهل عليج

 

[بيتي بوب بس كويتيه]

حبيبتي الغلط منج لي ما يمعتي
ليش واثقه انه كان بيدفع لج
انا من فكرت أني احمل دشيت جمعيه وسبحان الله اسلمتها هالشهر حق ولادتي
ولا ابي شي من ريلي من فلوسي اولد بخاص

 

[روعة خيال]

حبيبتي يمكن صج ما عنده!!

دامج موظفه انتي دبري عمرج و لا تعتازين له

صج اهو المفروض كل شي يسويه

انا ريلي تجهيز و مستشفى و تجهيزي لطلعتي

اهو ملزوم حبيبتي بس اذا ما عنده شيسوي بعد!!

 

[!الجادل الصعب!]

دوري جمعيه استلميها الاولى او اخذي بحدود ١٠٠٠
مو اكثر
وانتي ادرى بظرووفه ..،

 

[ملح على الجرح]

الله يعينك ويفرج همك ويكون بعونك عليكي بالدعاء لان الدعاء سلاح المؤمن وعليك بالاستغفاركلنا عارفين فضل الإستغفار الف مرة باليوم
خاصه اللي يستغفرون

اي شي في بالك وودك ربي ييسره لك استغفرالله وان شاء الله يتممه ربي لك
إما ان تقول :
استغفر الله
او
استغفر الله الحي القيوم واتوب اليه
او
استغفر الله واتوب اليه


قال صلى الله عليه وسلم :
( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)


!! بس فيه مشكله
انه احياناً ننسى كم مره استغفرنا
لأنه عدد 1000 كبير شوي ونخربط
بس هالطريقه كثير سهله جربوها



الطريقة هي بالصور



عارفين كل اصبع فيه 3 اجزاء
كل جزء توقف عنده وتستغفر ( 5 ) مراات
على اجزاء اصابيع يدينك الثنتين كلهم
سبع مرات في اليوم

المحصله راح تكون استغفرت ربك اكثر من الف مره باليوم

================================================== =

هل تريد راحة البال. وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3].


هل تريد قوة الجسم وصحة البدن والسلامة من العاهات والآفات والأمراض والاوصاب ؟
عليك بالاستغفار:{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].

هل تريد دفع الكوارث والسلامة من الحوادث والأمن من الفتن والمحن ؟
عليكم بالاستغفار: {وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].

هل تريد الغيث المدرار والذرية الطيبة والولد الصالح والمال الحلال والرزق الواسع ؟
عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12].

 

[سوسن1980]

وش تسوين بعد تسلفي من امك او خواتك الله يعينك

 

[لازوردي]

حبيبتي الله يسهل عليج انشالله

و شوفي لج جمعية و اخذيها اول وحده و اذا مايمدي قدمي على قرض​

 

[(*ام عهــــد *)]

الله يسخره لج يارب
بس فعلا مفروض مضبطه نفسج من قبل لاتعتمدين عليه ماتدرين عن ظروفه

 

[فاقده ابوهاااا]

حبيبتي بعد شتسوين دامج موظفه دبري عمرج حطي ميزانيه لولادنج يعني في مستشفيات رخاص على 500 كامل روحي وفكي عمرج

 

[فاقده ابوهاااا]

وريه قصه ولادتي وبيهون عن العدان

هههههههههه بتبوتا حرام عليج وراها ولاده لا تخرعينها كافي صروعتيني بقصتج فلم رعب مو ولاده

 

[нάγoηά cнεмίsтяγ]

حبيبتي ليـش جذي كبرتي معـاه السـالفه​

خلي كل شي بالهداوة و الاقناع ما تسوى تتهاوشون ​

و الريال يمكن صج ما عنده ؟ من وين يدبّر اذا ما عنده ​

المره لازم تعذر ريلهـا بهالمواقف لان لو عنده اكيد ماراح يبخل عليج انتي أم عياله

روحي مستشفى لندن ولادتهم 250 تقريبا و ما تكلف وايد لا تروحين مستشفيات غاليه
وترا السهاله من الله ان كاتب لج تساهيل وين ماتروحين سهله لاتخافين من المستشفى

او روحي السلام واخذي غرفه صغيره ماتكلف ​

والله يرزقه و يرزقج و يهون عليج ​

 

[زين ودلال]

الله يهديه

 

[فجر@@]

عيل انا مثلج يقولي روحي الصباح الولاده

ومتوقعه ما يدفع ولا له شغل بتجهيزي وعادي حياه سعيده
طوفي يختج وسوي جمعيه وانتي استلميها اول شي
ودلعي عمرج

الشكوه لله

 

[معلمة الاجيال]

لا انا اقول تسلفيييييييييييي احسن من القرررررررررررض راح تتوهقين وتبتلشين علطول ينقص من معاشج؟؟!!!!!


تسلفي وردي المبلغ عالاقل الشهر الي وراه ...