زوجي ووقاحتة يضربني

[M!ss Pa!n]

سمعي كلامي وبتجوفين النتايج احسج لازقة فيه عدل ترى الريال مايحبون جذي اذا انه بنت ومااطيق ورافضة الزواج لان اخاف يكون نشبة وكله لازق بجبدي شلون اهوا شغلي نفسج بدراسة بشغل طلعي مع ربعج مو كله تخلينه اهتمامج الرئيسي عقب بتحسين الحياة حلوة واهو نفسه بيشتاق لج اما كله تحنين عليه وتحاسبينه على الدقايق بيتضااايق غيري اسلوبج وبتجوفين النتايج وصيري قليلة كلام معاه اهم يحبون المرة الغامضة وسوري اذا ضايقتج والله يهديكم ويوفقكم

 

[فطيم الامارات]

جوفي الحل ياعزيزتي ..

اولاً الرييييييييال مايحب مرته ترفع صوتها وتصااااااااارخ وتدااااااااافع وتتكلم بصوت عالي

هاي السبب اللي يخليه يمد ايده


مرة ثانية اذا عصب ولا قال اي شي اسسسسسسسسسسسكتي

السكوت يمتص الغضب

طلب منج شي وهو معصب نفذيه سويه ...



ثانيا ::: انسيه انسيه انسيه مب تسفهين له ويسالج ماتردين عليه

لا

خلج وياه اوكية سوالف عادية

خلج صامته اكثر الوقت اذا بتسولفين سولفي في شي خارجي مثلا برنامج تلفزيون ـ شنو قريتي ف الجريدة خبر غريب او عجيب او خبر حلو اي شي

النقاش ووووووووووقت النوم قبل النوم مممممممممنووووووع

النقاش اول مايرد من الدوااااااااااام ممنوع


وبقوووووووووولج شي ..

ان سبب كثرة قعدته برى البيت هو السبب متعلق فيج وف البيت

اذا البيت نظيف ومرتب ومعطر ومبخر + انتي هادية

بدون حنه ولا طلبات ولا غثاءءء

خلج خفيفه

تغيري

حاولي تتغيرين ف هدوءج تمي هادية صامته اكثر الوقت " اذا كنتي تهذرين وايد اهو بيسكت هاي طبيعة الحياة " خليج مستمعه " خليج صامته قل خيرا او اصمت " انسي الزعل ..

وبعدين بقولج " شسمه الحنه والسوالف والتشكي وكل شي خليه مع هللج خواتج رفيجاتج ..

ريلج خليج وياه سعيدة مبتسمه ..



واهم شي الصلاة واحتسبي كل شي اجر عند الله .. انتي تخدمينه وتسوين له وترتبين وتحترمين كل شي عليه اجر وحسنات وثواب


+ ادعي بين الاذان والاقامة


" اللهم املئ قلب زوجي بحبي كما ملئت قلب رسول الله بحب خديجة "


ولا يرد القضاء الا الدعاء """"""" ادعي والله بيصلح الحال


وبشرينا عن نتايج نصائح اهم شي طبقي اللي نقوووووووله لج

وتذكري ان الشيطان يفرح اذا فرق بين المراءة وزوجها

واذا زعل المراة وريلها



واستانسي ف الحياة وامسكي التلفوووووون اهذري فيه 24 ساعه وقت فراغج سولفي مع خواتج وصديقاتج

دشي النت اشغلي نفسج

لما يكون برى البيت

لاتحنين عليه متى بترد ويلا تعااااااال خليه ايي من نفسه ...

 

[فطيم الامارات]

واهم شي رضاه ..

" فهو جنتك او نارك "

وانتي ماعليج منه ومن خيانته .. الله بيحاسبه


انتي صلي فروضج ال5 وطيعي الله وطيعي زوجج ..

واذا عصب او صرخ وسب عاااااااااااااااااادي اسكتي ولاتراددين ولا ترفعين صوتج



+++++++++++++++++++++


زاد حاولي تسوين نفسج هاليومين مريضه وتكلمي بصووووووت واططططططي

اذا قال شفيج

قولي بلاعيمي تعورني

مثلي هالشي يوم يومين

وبعدين كملي بالتغيررر

عشان مايحس ان تغير مفاجئ هههههههههههههههه انا مجربتها الطريقة ههههههههههههههه


والحين بدعي لج بالتوفيق والسعادة يااااااااارب ..


واذا عصب تعوذي من الشيطان ولا تكبرين الموضوع ...

حتى لو ضايقج اللي يقوله او يسويه " تعوذي من الشيطان لان الشيطان يكبر هالاشياء ف مخج ويخليج تكبرين الموضوع


كله احتسبي الاجر لله واصببببببببببري

 

[فطيم الامارات]

واحنا هنيه كلنا مثل خواتج


طرشي لي بن كودج بضيفج

وضيفي بنات من المنتدى

تعرفي واستانسي وسولفي وطلعي كل اللي بخاطرج ويانا

الحياة ماتسسسسسسوى زعل ومرض وتخسرين وزنج وصحتج

 

[mira]

شوفي قبل الزواج البنت يكون عندها اربع أعمده إللي هي
اهلها
صديقاتها
دراستها
نفسها وحياتها وشكلها
عشآن كذا تكون مشغوله وبالها فيه عدت امور ومو مدققه مع شخص واحد او مجال واحد
بعدـد الزواج للأسف تبقى ع عمود واحد إللي هو:
زوجـهآ
وتبداء تحط اهتمامها وتركيزها كله عليه وتتفرغ لهذا العمود اللي دخل حياتها وبكذا هو يطفش منها وهي تدقق بكل شيء يسويه ويزهق منها لكن لو جعلته عمود اضافي لحياتها السابقه بترتاح وتعيش حيآه احلى لأن مو هو همها الووحيد
مع إن الرجل تبقى حياته زي ماهي استراحته واصحابه واهله ودوامه ويضيفك لحياته بسس !!
يعني خلييك ثقيله عليه وغيري من اسلوبك اطلعي روحي تعالي لا تنشبين له وتعلقين امورك كلها عليه وبإذن الله تشوفين الفرق

 

[دلوعة صلوح]

الله يهدى لج يارب.

 

[Kensington]

الله يسخره لك ويهديه
كله كوم ومدة يده كوم
وقفيه عند حده
قبل لاتصير حياتك كلها طق

 

[Tantoshah]

الله يجزاكم الف الف خير ويسخر ازواجكم ويريح بالكم ويبرد قلوبكم امين ان شاء الله رح اخذ بنصايحكم واخبركم بالنتايج باذن الله .. أمس زفني وتهاوش معاي كان مع ربعة وسفل فيني كتبتلة حاضر انتة اللي تقولة يمشي كان كاتبتلي شوفي شنو بسوي فيج فاهمة ولا لا ؟ كلام وايد رديت عليه ماعلية حبيبي اللي تشوفة يمشي حاضر اي فاهمة والله يا بنات رجع البيت انا انصدمت جني كسرت خاطرة وعاد طحنالة مع انه كان مع ربعة عشان المباراة يوم شفتة انصدمت قتلة والمباراة يقول ختولي مشتاقلج ياحيوانة مادري ليش مايبطل هالاسلوب السوقي بس زين طلع منة شي اخيرا مشكورين ماقرتو والله فرحتوني الله يخلي كل ايامكم افراح اللي رديتوا علي ويرزقكم

 

[*E.B.D.A.3*]

^^^^^
بعد عمرييييييييييي والله :******
ايي هاذي الاخبار الطيبة :***
عسى الله يتمم عليكم

 

[أم حيدر]

الحمدلله أمورج بدت تتسهل

لازم تنشغلين بشي .. مادري انتي موظفة ولا لا ؟

اذا لا شوفيلج شي يلهيج غير زوجج عشان لا تفكرين وايد بتفاصيل ممكن تكون عادية .. هواية نميها .. اشتركي بنادي صحي روحي الصبح .. اخذي دورات بأشياء تهمج علمية أو حرفية

يعني شغلي نفسج عنه والحياة باذن الله تمشي

والاهم من هذا لا تخلين صوت القرآن ينقطع من بيتج ولا يمل لسانج من الدعاء

ألا بذكر الله تطمئن القلوب

 

[ترف بابا]

الله يهديه لج

بس جان ما ط فتي اول مره مد ايده فيها ....

 

[m6eria zoOo'3a]

اخذيها قاااااااعده


الريال كل ما اهتميتي فيه نفش ريشه و صار عليج فرعون و يعيش الدور انج دعله و غاثته
حقريه و خلج طبييييعيييييه يعني حقريه بس مو تمدين البوز ،، لأ عادي اسولف و اضحك و لا تتعمقين بالسوالف و شوفي شلون راح يتلزززق


ونصيحه صغيرونه جربيها و شوووفي الفرق
اذا طلع لاااااا ادقين علييييييه كللللللش انشالله يقعد لي ويه الصبح لا ترفعين عليه السماعه الا اذا لا سمح الله في شي طارئ ! شوفي ان ما انقلبت الايه و يغثج اهوا باتصالاته و سؤاله عنج

طبقي هالنصايح + كلام الاخت ابداع و الاخت ام كوثر
و تعااالي قوليلنا التغيراااات


الله يوفقج و يهدي ريلج و يحنن قلبه عليج

معاااهااا 1000/100
والله يسخره للللج يااارب

 

[a7la_7b]

الله يسخره لج ويعينج مادري شقولج مدة الايد مو شي هين
كل اللي عليج انج ماتدقين عليه لما يطلع ولا تسألينه وينك ووينك خليه مرده لبيته
غيري اسلووبج معاااه لاتحنين خليج كامله والكامل الله لاتقصرين من ناحية ملابسه واكله
خليه يحس بالذنب ولاتعطينه مجال يمد ايده يعني لاتتناقشين معاااه خليه هو يتكلم مو انتي لاتفتحين مواضيع قديمه
والله يسخره لج ويهديه يااااااارب

 

[om-3azo-83z]

انتي اللي عودتيه يمد ايده و تسكتين وقفي احد كبير بالعايله بويهه خل يعرف وراج ظهر مو طوفه رايح راد طاقج و حاقرج
مادري شنصحج بصراحه غثنيييييييييي لو انا منج اقطه من الدريشششششششششششه
الله يكون بعونج بصراحه الله يسخره لج
انشالله تنكسر ايده اذا مدها عليج ( اسمحيلي من الحره)

 

[reem83]

نفس ماقال ريلج ماعندج شغل غيره , شغلي نفسج بشي ثاني وحاولي تطلعين وتروحين وتردين وخليه اخر اهتمامج , يعني اهتمي فيه بوجوده بس وسالي عنه بس لاتحنين وتطولين صوتج عليه

 

[بوغاتي88]

قالي شنو انتي ماعندج شغل غيري روحي شوفيلج شي تسوينة واضح من رده عليج انه زهقان من تصرفاتج انتي حاولتي معاه بكل الطرق والوسايل ومالقيتي فايده نصيحتي لج تكلمين احد كبير يصير لزوجج يوقفه عند حده لان اللي مثل زوجج ماينفع معاه الا هالشي واذا مالقيتي فايده مالج الا الصبر واجرج على الله شوفي لج شي تشغلين نفسج فيه ولا تعيشين نفسج بوسواس وقهر طلعي استانسي مو شرط معاه طلعي مع رفيجاتج بإختصار عيشي حياتج

 

[حبيبه هيثم]

:rerrerek: انا معاها 100%

وااااااااااااي حيااااااااااتي


شوفي انا ردي بحطه لج على نقاط امعزلة عساس يكون اسهل للفهم

اولا : ريلج اذا عصب نفس ريلي بالضبببببطططططططط ..
من النوع الي خلاص، مايبي يتكلم بالموضوع واذا انا بتكلم يصكر حلجي غصب!!!
بعدين تالي فهمت نمونته وعرفت اتفاهم معاه .
هالفئة ياحبيبتي، عندهم حل المشكله، اني اصكر بابها ،، انتي تفهمينها "تعليق" عشان جذي تصرين انج تتفاهمين معاه
واهو يصر ان تتصكيرة باب المشكله يعني نهايتها!!! وانتي تاخذينه انه معلقها!!
انتي تشدين واهوه يشد ، واخرته يصير مثل ماصار معاج لمه صكر التلفون و بلابلابلا.

الحل : انا بعد ماياست وقامت تزيد المشاكل، قلت بعطيه على جوه
بسكت مراح اتكلم بالمشكله واشوف وين راح نوصل
تخيلي ،، سكتنا، بطل التلفزيون، قعدنا نتابع، فجاه لقيته يسولف ويتحجى عن هالبرنامج وهذاك
فجاه لقيت نفسي اسولف معاه!
فجاه طااااااااااح الحطب!! بكل بساطه !!

وانا لان السالفه تقرقع بقلبي، ماقدر مااطوفها ،،،
استغليت موده الحلو مرة ، وقمت العب معاه لعبه شاللي تحبيه فيني وشاللي ماتحبه
وبديت استدرجه على ضحك ليمه فتحت الموضوع مرة ثانية بدون لا اهوه يحس
وحلينا مشكلتنا !!! بدون لا حتى يلاحظ اني قاصده افتح الموضوع معاه!!
صدقيني لو يايته بشكل مباشر وقايلتله ترى انا بتكلم عن هوشتنا هذيج
جان قال اوفففففففف بلاش هالسيرة، صكري حلجج رجائن ، مابي افتح الموضوع إلـــخ

فانتي يا حبيبتي ،، ان طلب منج تصكرين الموضوع خلاص صكريه ومشي معاه بكل اريحية
وسوي روحج نسيتيييييييييي ....
بعدين استغلي افضل الاوقات ،، الوقت الي يكون فيه طاخ ومسترخي، ودشي بالموضوع بشكل غير مباشر
وناقشي المشكله !! مو بنفس اليوم لا ،، عطيه فجه جم يوم وبعدين فتحي الموضوع ...
تحايلي عليييييه قدر ماتقدرين

---------------

هاذي خلصنا منها ،،،

الي بعدو
ثانيا : مشكلة الشك ،، شكج مراح يرسيج على بر
لا اهوه الي بيعطيج الجواب اليقيني ولا اهوه الي يريحج!
قطيعه من ساسه لانج مراح تاخذين منه لا حق ولا باطل
زادج هم ،، و زاد مشاكلج وتعبج نفسيا ولا انتي الي مستفيدة بالنهاية!!!
فخلاص برمجي مخج من داخل،، ان هالشي صعب الجزم فيه ومهما صرت شكوكية، محد راح ينضر غيري انا!!


-------------

ثالثا : مساله انه يمد ايده ...
تهاونج باول مره خلاه يتطاول مرة ثانية
و اوبرا قالت مرة :
if he hit you once , he will hit you twice
اذا طقج مرة،، بيطقج مره ثانية !!

الحين الي راح راح .. والي عليج ، وقت الي تلقين مودة حلو ، افتحي الموضوع معاه بشكل غير مباشر
او بشكل وديييييي جدااااااا ،، خلج واعية تماما ان هالفئة ماتبي الي يرد يفتح ملفات مشاكلها..
فخليها اتيي عفوية ، جنج مو قاصده، و فتحتي هالموضوع على نياتج يعني ..
-------------

اغلاطج الي طحتي فيها :
- حنتج ، ومجابلج له الاوفر الي ليدرجة انج حاسبه بالدقايق متى يرد ومتى يتكلم .
ميخالف، اذا مارد تركيه .. بعدين اذا دق بعد ساعتين ساليه شفيك؟ ميخالف!!
ترى مرات ال5 دقايق مو معناته 5 دقايق وصفرين يم بعض.
ياكثر ماقول خمس دقايق وانا قصدي برب اكلمكم بعد العشا !! لووول .

- ماتفهمتي موده التعبان لمه مايبي يتناقش بشي،، اذا الريال صارخ وقال خلاص، تكفين خلاص
اذا شد، انتي رخي، لا تحاتين حقج مراح يضيع ،، استغلي الاوقات الاحسن واخذي حقج وانتي مرتاحه
الي عندي اخليه يصارخ آآآد الدنيا ، ويكسر كل الي يبيــــــه ، وبمجرد ان نهدى ويمر جم يوم على السالفه
افتح النقاش بشكل غير مباشر لمه يكون موده عااالي،، مثلا اقوله ممم عشان زواجنا يكون ناجح انا اشوف لازم مانصارخ على بعض
وبعدها استهل الحديث ،، وعمرها ماخذلتني هالحركة معاه!
والحمدلله زواجنا شهر عن شهر قاعد يتحسن ...

-------------------
وعموما انا من خلال هالحجي ما ابريه
بس مرات نبتلي بناس،، نضطر ان نجاري عقليتها عشان نكسبها ونكسب سعادتنا
الريايل الي من هالنوع عطيه مساحته ،، عطيه على قد مايبي وقت الهواش ميخالف، يجعمج قولي ابشر !!
لا تحاتين هذا مراح يكون انكسار منج، لانج بعدين بذكائج راح تعرفين شلون تفتحين الموضوع وتعالجين المشكله.

 

[يَ ربححه فيني]

وين مشآكل صغيره ؟ هذي كلها وصغيره
حبيبتي لو انا مكانج ماكان قعدت عنده ؟؟ رحت لآهلي معززه مكرمه يضربني + يهيني جدام خلق الله+ مومعطيني حقوقي ... وتبيني آقعد عِنده
بروح لآهلي وآقععد عندهم عشان ينقرص ويثمن كلامه وافعاله قبل لا يسويها
ليش أهلي مايبوني قاطيني عندك ؟؟
والله لو موقفج صاير فيني جان واحد من إخواني جااا ولعن بو خيره نسآه حليب آمه بس خليها على الله
انا اقول الي وصلت معاه المواصيل للضرب مافيه خير لاهله وعشان جذي روحي لاهلج خليه يحس بذمه
تبقين في النهايه آدميه وعندج إحساس ومشاعر
وهو يظن إنج ماتقدرين تسوين هالخطوه فيتمادى عليج اكثر واكثر
والله يكتب لج الي فيه الخير وانتي ادرى بزوجج وتفكيره ....

 

[Tantoshah]

مشكورين حبايبي مرة ثانية أول شي حبيت أظيف كم نقطة يابنات انة انا ما عندي رفيجات للي سألوني يعني بيت دوام وبالدوام رفيجاتي ريلي مايحبني اطلع معهم بس علاقتي فيهم بالمكتب .. فماعندي شي اسوية انا اقعد على النت اقرأ وأتابع مسلسلات بالتلفزيون بس أزهق والله ودي أطلع أشوف شسالفة ومرات كلش من الضيقة أطلع بروحي ما استانس جني بومة افرفر بالسوق واتسوق وما استانس مادري ليش حليشني اكتئاب وام عزوز عادي حبيبتي :* بس بنات احب اضيف عليكم انا لما خذني ريلي كنت جذي يعني ماعندي رفيجات وكنت وايد استحي منة واعاملة انه ريال غريب وشوي شوي طلعت من هالحالة بس صج مو بيدي لانة مد ايدة علي صرت متوحشة يعني والله الطق يطلع الروح ف بدون شعور اصارخ ادري انة شي غلط اني اصرخ عليه بس مادري اهو اللي وصلني حق هذي المرحلة وصرت اخذ حبوب مهدءات قام يعايرني يقول بوديج الطب النفسي لازم تعالجين خلاني اشك بنفسي انا والله بنت زينة وما اصارخ وهادية بس صرت الحين وحش الله يفرجها والحمدلله الاستغفار وايد غير بنفسيتي بس عندي اعراض ضربات قلب زيادة وضغطي دايما ينزل لان النفسية مو مرتاحة .. والبنات اللي كلموني اني ادخل اهلي بالموضوع ماقدر اقول حق اهلي لان اهلي من اول مايبونة ظروف شخصية اختلاف بيننا

 

[مضاويـ]

انا قريت مشكلتج .. كوبي بست من مشكلــــــتي

و اخذيها مني انا .. من وحده مجربــه شخصيه ريلج نفس شخصيه ريـلي ..

لاعت جبدي من الشك تعبت و كنا نتهاوش

قبل

كان يطلع مني معصب و انا شسوي .. .؟

اقعد ادقدق ابي اراضيه .. ماحبه يطلع معصب

كنت ادق و اسمع هالصراخ و السب و التسدد بالويهه ..


بعد مده استوعبت .. يعني الريال طالع من عندي معصب جوه مو جو واحد يبي يتفاهم بهدوووء اروح انا الغبيه ادق عليه و اهو معصب شنو انطر مثلا ؟ كلمه حلوووه ؟؟ اعتذار . ؟ لا طبعا بيقعد يصرخ و ممكن يزيد لانه بروحي غاثته همن ادق ازيد الطين بله !؟!


الحين

صار الوضع عندي يختلف .. لما نتهاوش طبعا يطلع ما قمت ادق

ولا اسأل و انا زوجي نظامه لما نتهاوش يصرخ و يقط حجي و انا ما احب اسكت ارد ارد ارد .. و اهو ما يحب المرادد !!

ابتعدت عن المرادد عشـان اهو ما يصرخ

و قلت له يا فلان مثل ما انت تبيني ما اراددك لا تصرخ انا لما اسمع صراخ اتوتر و اقول اشياء ما ودي اقولها ..

مثل ما انت تبي ترتاح ريحني .. عشان اريحك و ما نتهاوش على اشياء تافهه

والله اشيااااء تاااااااافهه

و كنت طبعا مثلج دقيقه بتصرفاته


قمت احقر و ادوووس على قلبي و يا خبر اليوم بفلوس باجر ابلاش

على قولتج شاكه فيه ؟ خلاااص خلي الكره تتدحرج باجر يطلع كل شي

اذا فيه او لا

لا تغثين عمرج و تحرين نفسج على اشياء وهميه

حقررررررررررررري

انا ما قمت ادقق لا وين رايح ولا وين راد

شلي بالهم مع انه بالبدايه كان يذبحني الفضول بس خلاص تعودت

و اهو من نفسه استغرب قام كل ما يطلع و يخليني بروحي بالشقه كل دقيقه يدق ها شتسوين شتحطين ؟؟

منصدم اني ما ادري عنه صار اهو اللي يبي يدري انا شسوي ؟؟


قبل كنت بس اخاف افقده عشان جذي 24 ساعه لااااااصقه ..

قلت الحين بخليه اهو اللي يخاااااف يفقدني مو انا

و ماشيه حياتي على هالقاعده ..

بخليه هو يخاف يفقدني مو انااااااا

و الحمدلله حياتي وااااااااايد احسن من قبـــل


اسفه طولت عليج