زوجي ومعاناتي معاه

[عنيدة بطبعي]

حبيباااتي ابي حل
زووجي مهما البسله مايعبرني ولا يقولي كلمه حلوه
حيرررني معاه ؟؟؟
ابي احد يقوولي طريقه تلفت انتباهه ومايقاومني
انا صارلي سنه متزوجه بليييز ساعدووني
لان ماعندي احد استشيره غييركم

 

[كليـ دلعـ]

يمكن طبعه جذي؟!

في ريااييل جذي

انا زوجي نفسه لاااااايمكن يمدح

اوو يتكلم

احيانا مومعناه سكوته ان مثلا موعاجبه

بس هذا طبعه!

يمكن عاجبه ومايبي يمدح لاتنغرين!؟

او تشوفين نفسج عليه!!

او لانه صج موعاجبه

او مايعرف يعبررر

 

[آلجفوول ~]

بسسسسسيطه
اغلب الرجال جذي
مايعبرون 

خليج واثقه من نفسسسسج بدون رايه

 

[غلا شمر]

عاادي يااقلبيى اغلب الرجال كذاا

البسي له لاتهملين هالعااده وورااه وراه وان شاءلله تزين الامووور

 

[sosowaty]

اقول كلي دلع اشوفج صكيتي ع شادن صايرة اتردين اول الناس هاهاهاها هههههههههه

نرجع للموضووع

مثل ما قالو البنات يمكن طبع ريلج جذي و اب

 

[انا لها شمس]

اهم شي حياتكم مستقره بدون مشاكل
وانتي اسأليه اذا لبستي شي بدلع وحركات

حلو؟ عجبك ؟ شنو البس مع هالشي عشان يكون احلا ؟

خليه يشاركج بكل شيييي

ولدج ع ما تربينه وريلج ع ماتعودييينه

وفرصه دامج تو عروس

ومااااااكو ريال مايعرف يمدح

 

[ثنايا الورد]

مادري عندي اقتراح اذا انتي تقدرين عليه

شوفي انتي حسب كلامج دايمن كاشخه وهو اتعود عليج سنه كامله انيقه وجميله

جربي تصدميه شي مميز كلش ابدن مايتوقعه لبسي اي شي شي يفشل مو حلو هيلقه

مو لشي بس عشان يعبر عن رايه لانه اذا شاف العكس راح ينصدم ويستغرب اشلون هالتغيير وليش؟؟جربي كم يوم لاتطولين

لاتلوع جبده لووول

وربي يحنن قلبه عليج ويقولج ردي زي قبل احلا ^__*

 

[جهراويه توته]

اي عادي ياكثرهم هالفئه !

 

[شادن33]

في وايد اصناااااام ياوخيتي!!!!
لاتحطين ابخاطرج انتي مدحي نفسج وكرريها لين يحفظ الدرس

 

[شيخه_البيض]

مرحباً
سكوته مومعناته انج مو عاجبته بالعكس هذا دليل ع انج عاجبته
أنا كنت نفسج كان مايتكلم يعني أشوفه شلون يطالعني وجذي ادري أني عاجبته من نظراته وتصرفاته بس ماكان يقولي شيء
فقلتله مره شرايك بشكلي وجذي بدا يتكلم وقالي أنا ما اعلق لإنج عاجبتني
وصج لمن البس شيء مايعجبه يعلق
فسكوته =انج عاجبته
والله يوفقكم يارب

 

[آجمل نسآء آلدنيآ]

اوكي واذا ما امدحج مو معناته مو عاجبه

بسراحه استغرب من بعض البنات اهنيه احس اذا مالقوا موضوووع يستاهل انهم ينشغلون فيه

ماعندهم مانع يصنعون مشكله لمجرد الإحساس بالاكشن ..

اذا حياتج مستقره احمدي ربج ولا توقفين عند الشغلات اللي مالها اهميه

موفقه

 

[شقرا كويتيه]

عادي اغلبهم جذي انتي البسي واكشخي وماعلييج يعلق ولاماعلق عالاقل بين نفسه يقول عمري ماشفتها موكاشخه وتن شاءالله يتغير

 

[انثى عاشقة]

انا طبع زوجي اذا الشي مو حلو يتكلم
واذا حلو يسكت
لووووووووووووووووووول
يقهروووون
انتي شوفي طبع ريلج شلون وافهميه ​

 

[$$king moon$$]

الناس اجناس وعادي ريلج من النوع مايعبر بالكلام
عاااادي حبيبتي يمكن له طرق ثانيه يعبر فيها

 

[Moim]

انا ريلي جذي ما يعبرلي وله يقول كلام حلو لي درجه مرات اقول هذا يحبني اول لا ؟ تخيلي اشك بالحب والله
بس بعدها يصير موقف بينا يبين ان يحبني
بس ما يقول احبج وله شي
واذا كلش كلللش وصل حد الرومانسيه يقولي miss u
بالانجليزي بعد يمكن يستحي يقول بالعربي خخخخخخخخخخخ
واذا قلتله احبك وانا بقمه الرومانسيه يقولي مي ٢ !
صج ما يعيشني جو الرومانسيه بس خلاص احس تعودت على طبعه وقمت اتحمل ويمر الموضوع عادي ما قمت انطر منه كلام اهم شي اني ادري ان بقلبه يحبني
والله يعينج اذا صج ريلج نفسي بتتعبين شوي بس خلاص بعدين تتعودين ههههه
موفقه حبيبتي

 

[عاشقة_الجمال]

انا طبع زوجي اذا الشي مو حلو يتكلم

واذا حلو يسكت
لووووووووووووووووووول
يقهروووون

انتي شوفي طبع ريلج شلون وافهميه ​

لوووووووووووووووووول نفس اللي عندددي

 

[كشوخية]

وأيد رياييل جذي لأنهم أكثرهم تربوا في بيئة متحفظه تلقين من وإهما صغار عمره ماسمع أبوه مدح أمه في اللبس ممكن بس في الطبخ والتنظيف لأن رياييل قبل ما يهمه اللبس والكشخه السنغ عندهم بالطباخ والتنظيف فتلقون أكثر الرياييل ما يعرف يعبر عن شيء عاجبه لأن باختصار ماتعلم طريقه المدح أكثر الخليجيين جذي. والسبب يرجع حق التحفظ إلي عند الأهل.

 

[عنيدة بطبعي]

مشكووورات حبيبااااتي ع الردووود

 

[sh000]

اغلبهم كدا

 

[Gifts&Occaions]

عادي في ريايل مايعرفون يعبرون