زوجي ومساج تايلند!

[شيخه_البيض]

الله يعينج
بس لازم يعرف ان حرام تمسكه وحده مو محرم له واهوا مو مجبور
بعدين ليش يعطيج طاف اذا زعلتي ويدوي انه اهوا الغلطان ؟؟؟؟؟؟؟؟
استغرمن تصرفات البعض مع رياييلهم بتييكم الجلطه من هالتصرفات

 

[نـعـومـه]

مو فوضه يروح لمرا تلمس جسمه ويبيج تسكتين !!

مايجووووز شنو عيوز مومرا !! الله حلل ان الريال عادي تلمسه عيوز !!!!!

بختصار زوجج ضعيف الايمان يبيله يقوي ايمانه عشان يتغير

 

[mmloo7a]

امبيه ولله غبي

اشكره قطها بالوي


مايستحي ولايخاف


الله يعينج حبيبتس عاى هالريال

 

[$$king moon$$]

الله يعينج
شوفي انا رحت تايلند انا وزوجي
وشفت ملوت المياج وعععع جكر وكبار لاتخافين حياتي
وحتن انا وزوجي سوينا مساج عندهم
وانا وزوجي يم بعض قاعدين واهو اتسويله وحده بس طبعاااا بس حق الرجل يعني
القدم فقط لاغيرررررر
بس كبيره عيووووز وجنه ريال معضله اكثر من ريلي
شوفي انا مينونة غيره بس بهالشي ماتغارين
لان كلش ماكو مقارنه بين حريمهم وريايلهم
يعني لو حلوه قطعه وصغيره جاااان شنقته

 

[يؤ !!]

خلاس خذي منه وعد مايكررها يكفي انه صارحك وقال لك انه سوى هناك
لاتضايقين طالما هو يحبك وشاريك
ترى والله الشيطان اللي يكوكك تزعلين ولا انا اشوف الامر عادي

 

[eman12]

هدي نفسج حبيبتي وانا بنظري انه قال معناته انه مساج وبس مو معقوله بيفضح عمره

 

[Tulips]

حبيبتي ماعليه .. بس انتي مكبره الموضوع ..

اللي يروح تايلند شي طبيعي يسوي مساج .. وانتي قلتي ريلج يحب المساج واللي سوتله عيوزه

والاهم من كل هذا الشي صار وخلص .. يعني لا دموعج بتنفعج ولا جو الحزن اللي انتي معيشه نفسج فيه !! كنتي تقدرين تكلمينه بهدوء وتقوليله حبيبي مره ثانيه لا تخلي اي وحده عيوزه ولا صغيره تلمسك وبس سكري عالموضوع ماله داعي اتغثين نفسج حبيبتي في مشاكل اكبر من جذي

 

[زوجة عزيز]

قهر الله يعينج كلامه مو مقنع

 

[حبك من الله]

حبوبه اللي راح عطيه طاااااااااااااااف

وعيشي يومك

لاتنبشين بشي راح ولاتزعلين عليه

انت فهميه ان الشي اللي راح نسيتيه بس لو اتكرر ماراح اقدر اسامحك لانك مو معذور

وعرفت ان المساج ينرفزني ومايعجبني على ايد عيوز او بنيه ..

وعيشي حياتج لاتنكدين على عمرج والله ماراح يتعب الا انت

اهوه بيعيش حياته معاج اذا انت اوكي وياه

ومع غيرج اذا صرتي نكديه وثقيلة طينه ومعاشرج يقصر العمر

سمحي لي انا كلامي قوي لكن والله لمصلحتج

طنشي اللي راح .. شاركي ريلج بتفكيره

خليه بس يفكر فيج ويحاتيج ويحبج ويوله عليج

خلج من النكد ..

ابتعدي عن انت سويت وسويت وقلت وقلت .. خلاص شي راح دفنيه

الله سبحانه وتعالى اللي بيده الجنه والنار غفور رحيم يغفر لعباده اذا اساءوا

وانت ربي حطج ستر وغطا لواحد عشان تسترين عليه وتسامحينه لو اخطى ووعدج مايكررها

تمسكينها عليه حرانه وبردانه .. الله يهداج بس

وبالاخير لو حدددددددددددددده غزلنجي وحق بنات وووو ريحي مخج

ريحي قلبج ..

اش حقه تنرفزين .. عطي الحياة طاااااااااف .. دلعي روحج

سئلي روحج اش حقه اغار على شخص مايستاهل >> هذا لو كان فعلا مايستاهل

ومطنشج ومو معبرجولا معبر كلامج >> يبا عطيه طاف .. سوي اللي الله امرج فيه

من واجباته وحقوقه .. غير جذيه لاتحاتين

ولو ريال ذهبه لاتكررين عليه .. ترى يمممممل

والريايل بالهم قصير .. اذا مل والله مايفكر الا بالثانيه او يلعب بذيله

نادرا مايعطون فرصه ثانيه حتى يتعدلون حريمهم

عكسنا واعليا .. نعطي فرصه وثانيه وثالثه .. ونقص على روحنا ونسوي نفسنا مو شايفين

ونبعل الضيم والظلايم ومسوينهم يادهينه لاتنكتين ..

اش لج ولعوار الراس ..

دلعي روحج ..

خليج متفهمه .. مثلا تفتحين معاه حوار تقولين له بو فلان حبيبي

انا وانت عشرة عمر بنفسك شي خاطرك اسويه آمرني أمر >> ولاتنسين حلاوة اللسان

لاتخلي بروحك شي .. الي فات انا نسيته .. لكن مو معناته اسمح بتكراره

لان الصورة وضحت لك الحين ..

وبعدها عيشي لروحج وعيالج .. اهوه لاتهملينه قلت لج مايعطون فرصه ثانيه

لكن مايصير هوسج الدائم وشغلج الشاغل وتلغين شخصيتج وكيانج علشانه ..

والله يوفقج وييسر لج الصالح

 

[om-3azo-83z]

بدون ذكر اسامي احد من العايله مطيح بتايلند و مرته على النيه تسكت و يسوله مساج و طوفت تدرين شصار؟
بالسنه يروح تايلند اقل شي 4 مرات و اهيا مو قادره توقفه عند حده لان علمته تسكت
ترا لو شنو المكان راقي و عيوز ريلها بالقبر تظل مرهههه باجر يوم يتحاسب شنو بيقول حق ربه عيوز و مكان راقي و غالي !!
حبيبتي حاولي تمسكين ريلج و لا اطوفين الموضوع كلش

 

[بطوووطة$بيضة]

ويع انا رايحة مساجات تايلند كله سواد ويهه...وعقب المساج يسوون شيسمونه...اشلون سكتي عنه ريلج الصراحة وقح ومتعمد يحرج واضح

 

[شادن33]

ميوم شلونج حبيبتي
فرحت وايد لما سمعت ان ريلج شوي تعدل والامور طيبه بينكم
ماشا الله
الزعل
تعرفين مع ريلج مايفيد
كملي اللي بديته ولاتخسرين زوجج عشان مساج سواه وخلاص ويحليله هو بنفسج قالج....... طااااف
ماعليج من كلام البنات والله يوفقج

 

[(سلام)]

الصراحه عجبتيني لما ناقشتيه
بس كان حنيتي عليه اكثر وقلتي له المراه كبيره ولا صغيره ماتفرق كلهم حرام
وزي مافيه حريم تسوي مساج للرجال فيه رجال يسوون مساج للحريم ومدام ماترضها علي لاترضها عليك

 

[القلب الطيب]

الله يعينج
شي يحر

 

[سحـورة]

عزة النفس !!!!! شو يخصها
الصراحه عزة النفس لها مواضع محدده ... مب كل شي عزة نفس
في تواضع فيه رأفه فيه حب وعشق بينكم
في موّده !!!!
هذوووله وينهم بالأساس ..



ريلج لازم تستخدمين معاه اتكيت معين ،
أول خطوة : إملكيه شوفي نقااط ضعفه فيج و عقبها إملكيه ،


بس سؤال مواليد اي شهر ريلج ؟

 

[موجة ~ بحر]

الله يعينج ويهديه لج

 

[shy rose]

بالعكس انتي ماغلطتي
انتي وضحتي معزته عندج وغيرتج عليه
المره الجايه لايفكر يسافر الا وانتي معاه
الحين انتي زوجته وعلى ذمته وين مايروح تروحين معاها
وفكرة المساج كان قلتي المفروض ماسويت عند مره حتى لو عيوز انا اغار عليك من نسمة الهواء
نصيحتي خليج معاه وين ماسافر ولا تتركين له مجال يسافر لحاله ..
الله يتمم اللي بينكم على خير..!!

 

[دلوعة صلوح]

لا حول ولا قوة الا بالله حبيبتى صار لى صار شبتغيرين يعنى شخصية زوجج صعبة احس

الله يعينج ويهدى لج يارب العالمين.

 

[Moim]

مشكورين بنات عالردود
شلون امنع ريلي من السفر؟ واهو من قبل قايلي ان ما تمنعيني من شي احبه واهو يعشق السفر


شادن حبيبتي مشكوره على فرحتج لي والله قاعده احاول كثر ما اقدر اطخخ الامور وحتى هالموضوع وايد ضايقني بس كلمته بهداوه حيل وما صار بينا زعل بس شي ضايقتي والله لان الشي اهو مقتنع ان مافيه شي واخاف يتمادا معني بينتله اني مضايقه

 

[al-musk]

لاطبعا لاتزعلين وتروحين بيت اهلج خلاص هو عرف ان ا لموضوع ضايقج وان شاء الله مايعيدها بس انتي لاتغثين نفسج والله مايستاهلون ولان ساعة الوناسة والراحه مايفكرون الا بنفسهم وانتي طول الليل تبجين وانتي بعدين عطي ياها من مدخل ديني
وان شاء الله يقتنع