زوجي ومزاجه ساعدووني

[babya.sh8ra]

السلام عليكم
شلونكم بنات
مو اول مره اكتب موضوع هني
كتبت من قبل عن مشاكلي معاه
انا ملجه ماتححدد عرسسي
صارلي 10 شهور
ومتزوجين عن حب
واهلنا مو راضين نكلم بعض
المهم كلمته من وراهم
زوجي عنده مشاكل كببيييييره بدرااااسته
ووقفت معاه
بس يجرحني
اخرتها اليوم والله لو بكتب شقال ماخلص
يقولي وخري عني
ويقول احبج يلا باي بطنازه
ومحسسني انه باااااااااااايع
وانا خروفه
اركض وراه للاسف
وقلت له اني مو راضيه عليه
قال انه ماغلط ومراح يراضيني
انا الي قاهرني شاللفصله
فجاه يفصل
كتبت له فقره مارد
والحين مراح اكلمه
مشكلتي عيد ميلاده عقب 3 اسابيع اودي هديه او لا ؟
وشلون اتعامل معاه
اهو مايبي يكلمني

 

[أبيك وحدك]

لا تكلمينه ..

خلاص دامه صارلج و ححلالج و عرسج للحين م تحدد
أثقلي عليه .. خليه يشتاق لج ..

أحسن لج و له .. أقطعي و لا تكلمينه
(( خليييييج ثققققيله ))

 

[يستفزني غلاك]

اثقلي علي

 

[ظبية بوظبي]

امممم ذكرتيني بروايه احببتك اكثر مما ينبغى واحببتني اقل مما استحق
كانت الحبيبه تعاني من تصرفات الحلو وما تدري ليش يتعامل معاها بعنجهيه وقسوه وشد ورخا
لين ما قالت لها مره عجوز اجنبيه تعرفهم ان الحبيب لان مب طايل منش شي فهشي مخليه متنرفز
وطبعا احن عاداتنا وتقاليدنا ما تسمح بهشي حتى لو مملكين على بعض
وانتبهي تنولينه شي منش ليرخصش يورميش
ذيك الساعه ما بتطلعين الا بخساره
وممكن ابديه

تدرين ايش
خليه يسطفل وقوليه انا عملت المستحيل وكلمتك من ورى اهلي واخرتها هذي تصرفاتك معي
خلاص بسوي الي يرضي اهلي ويرضيني وما بنكلم بعض
اذا في شي مهم وترتيبات حق بيت الزوجيه ممكن بس نتكلم عنه وبس
اكيد بيحتك وبسوي مشاكل بس خليش يا جبل ما يهزك ريح
اخرتها بيطخ وبيستحي على وجهه هههههه

 

[قلب طفـــله]

الله يهديج ليش كلمتيه من ورا أهلج جنهم يدرون علشان جي منعوج ؟

المفروض تثقلين عليه

وخليه يحدد العرس شناطر ؟

 

[Aloe Vera]

انتي مالجة و اهلج مايخلونج تكلمينه؟!؟!؟


احس تصرفات زوجج جنه ياهل
جم اعماركم

 

[المحاميه ن]

يمكن يدلل .....؟

 

[babya.sh8ra]

عمري 19 واهو 24
الحين اودي هديه لعيدميلاده ولا لا ؟
وشكرا اللي ردوا

 

[babya.sh8ra]

عمري 19 واهو 24
الحين اودي هديه لعيدميلاده ولا لا ؟
وشكرا اللي ردوا

 

[شمس وورده]

لا تكلمي شوي ثقلي عليه خلي يشتاقلج يفقدج واذا على الهديه شلون راح تعطيها يعني ؟

 

[اميرة بكلامي]

قطعي عنه و ثقلي و لا تهدينه بعيد ميلاده
و اهني راح يحس على عمره
دامه حلالج لا تخافين ما راح يبتعد مصيره لج

 

[babya.sh8ra]

بعطيها اخته وتعطيه

 

[mmloo7a]

انتوا كله مستعيلين

لاسمح الله كلمتيه من ورا اهلج وانتوا مالجين وتمشكلتوا ؟

يعني ماراح ترتاحين الا لمن يعطيج ورقتج ؟؟

ركدي خلاص لاحقه عليه ولله بتشبعين منه بعد الزواج

سبحان الله ماكو وحده متزوجة ومرتاحه حتى لو اخذته عن حب !!

بنات بليز مانبي نسبة الطلاق تزيد موناقصين :rgewrg:

 

[شمس وورده]

شوفي حياتي لاتعطينه هديه ولاتكلمي ولاتسوين شي من ورا اهلج ترى بعدين ينقلب كله عليج وخلي كل شي يمشي طبيعي وكدام اهلج هم افهم منج وصدكيني هم يعرفون مصلحتج اكثر منج والله يتمم زواجج على خير ودوم المحبه بينكم

 

[همي رضى خالقي]

لا تهدينه

بس قوليله كل عام وانت بخير وبينيله انج زعلانه بس صرتي احسن منه

 

[كاملة الدسم]

لا تهدينه بس اذكريه بمسح وثقلي عليه وخلج عاجل وتكانة ولا تقعدين تدقدقين عليه كل شوي خليه اهو يدق وتعذري بالدراسة او مشغولة مع اهلج

 

[عبوور21]

اثقلي عليه مثل ما قالو البنات ،،
اخاف لاسمح الله يقول هذي ياهل وابتلشت فيها ويخليج ،،

بعدين انتي غلطانه ليش تكلمينه من البدايه چان سمعتي كلام اهلج اهم يعرفون اكثر منج ،، انا مالجه بعد بس ما اكلم ريلي مع انه ولد عمي ونحب بعض !!
لاني ما ابيه يمل مني واحنا ليما الحين ما عشنا مع بعض ،، اذا عرف شنو نقاط ضعفج اكيد بيركب راسه ويطنـش لانه عارف انج ما تقدرين تخلينه ولا تزعلين عليه ،،
انا من رائي لا عاد تكلمينه واذا حاول يكلمج قوليله اختي عرفت اني اكلمك وقالت انها بتقول لاهلي ،، واخاف يزعلون علي اهوا من نفسه راح يحس انج تحبين اهلج وتسمعين كلامهم ،، صدقيني ما في ريال يحترم مرته واهي عاصيه اهلها ،،

وبيخاف بعد العرس ترا ما راح يصدقج لانج كنتي تچذبين ع اهلج ،،

من الحين طلعي من الموضوع واسحبي نفسج قبل ما يكبر راسه ويزعل عليج ويدرون اهلج انكم تهاوشتو ،،

خليه يولهـ عليـه وصدقيني راح يشتاقلج ،، وراح يحدد العرس بأسرع وقت بس عشان يشوفج او يكلمج ويشبع منج ،،
اما اذا تكلمينه ما راح يحس بالوله لانج ع طول معاه يعني ما راح يتغير شي عليه بعد الزواج ؟؟؟؟

 

[Tom ♥ Jerry]

.

تكلمينه من ورا اهلج غللللللللط .. حتى لو كان ريلج
و مو حلوة يحس انه اهلج مو راضيين تكلمينه و مع هذا تكلمينه
يمكن عشان جي يغتر علييييج و يشوف نفسه ..


حبيبتي برايي طنشيييييييييه لا تدقين يوم يومين 3 / 4 لمآ آهوة يدق
و لمآ يدق كلميه برسميه و بينيله انج مشغوله ..
يعني بالعربي ابتعديييي عنه فتره خلج بعيده عنه

 

[babya.sh8ra]

والهديه اوديها ولا لا؟

 

[جامعيه طموحه]

انا مع عبوور21


وبالنسبه للهديه جدامكم العمر كله تحتفلون وتيبيين له هديه


بس ما ينفع فجأه تثقلينخصوصآ عند عيد ميلاده يعني لازم من قبلها ويكون السبب انه امج حست انكم تكلمون بعض

خففي منه بكل شي عشان يشتاق لج