اختي الحياة الزوجية ماتكوون بالقلم والمسطرة واذا اهاني بهينة وما احترمني اقوم الدنيا لا
انا صار لي سنة ونص متزوجة بس بما ان على طول مع بعض مانفترق فاحس عشنا 4 سنين وفهمنا بعض عدل وعرفت الحياة الزوجية محتاجة تضحية وقلب كبير من الزوجة اكثرمو لانها تستاهل اهانة بس لانها تتحمل وحنوونة اكثر ولان الرجال دايما واقعي وعقلاني
نصيحة مني لا تبينين لزوجك الوجه العصبي وكل تتحلطمين
زوجك من النوع العاطفي ما يحب اسلوب التنمر والتحلطم ويحب الرقة للزوجة حتى في تعبيرها عن المها
زوجي كان من هالنوع وكنت دايما اقوله بطلق اذا جذي انت معاي وهو بعد يقولي روحي بيتكم ولاترجعين ومن هالكلام
زوجك لما تبكين وتحسسينه بحاجتجج له و حبج له بحطج في عيونه وبحس لانه يجي بالعاطفه مو بالعصبيه والهوااااش تراه الهواش ابد مو حل خصوصا اذا كان عصبي
زوجك اخذية بالسياسه حتى لو من باب المجاملة لان الرجل يبقى طفل ويحب الكلمة الحلوة
تثقفي واقري كتاب اسمه تحفة العروس او كتاب نساء من المريخ وااايد راح تستفيدين وبتفيدج التجارب اكثر
انا كنت مثلج اعصب واهاوش واحصل كلام يجرح وبعدين يجي يتاسف ويحط لي الشمس بايد والقمر بايد والسيناريو يتردد كل مره
بعدين عرفت انه ما يجي من هالطريق ما يجي الا بالصراحة باسلوب استعطاف
اذا عارفته وماينعاف لا تخسرينه وسوي الي اقولج عليه والله يوفقج
مو كل الرجال اذا حاولتي تستعطفينهم ينفع معاهم
اقري عن موضوع بوصلة الشخصيه
الرجال اللي شخصيته شمالي يكره الاستعطاف وانه المراه تبين حاجتها له وتطلب عطفه وتبين ضعفها
يبي المراه القويه ويكره دموع المراه
مافي اكثر مني كنت استعطف طليقي وابجي واجد واسكت واتحمل وامشي
اللي يمشي مع زوجج ما يمشي مع غيره
الرجل الشمالي يتقزز لما يشوف دموع المراه
يبي وحده قويه تفرد عضلاتها ويجي مثل الجلب يدورها
لازم تخليه يحس انها هي مهي بحاجته وعايشه فيه وبلياه وهو مو اكبر هموما
ونوعه اذا شاف المراه تحبه وتهتم فيه ومعطيته وجه وواضحه عنده كل نقاط ضعفها استبد وبطش فيها
الشمالي مايرحم ولا ينفع معاه الاستعطاف والسكات يبي القويه واللي شخصيتها غامضه وصعبه عشان يعيش كل عمره يحل الغازها ويتبعها وتثير اهتمامه
