زوجي وكرامتي

[babya.sh8ra]

السلام عليكم
شلونكم بنات
اول شي انا صارلي 4 شهور تقريبا من ملجت عن حب
وقصة حبي كانت قصيررررره لانه من اهلي وعارفين بعض
والحمدالله مقتنعه فيه وعرسي ليلحين ماتحدد لظرةف دراستي ودراسته برا
المهم بنات انا مشكلتي ان زوجي لما نتهاوش
يقط علي حجي يجرررررح
مره يقول انه متحسسف انه تزوجني الحين المفروض انطر
ومره يقول اذا ماتسنعتي بطلق !!!!
وتدرون شنو القهرررر انه كل هالهواش لاني اكون متضايقه من شي
انا بشر وعندي ظروفي اهوا مايبيني اتضاااايق كلللش
ومحسسني ان الطلاق عنده سهل
ويقول حجي شكثثر جنه يمن علي
وازعل ساعتين يدق يتأسف يبيني اسامحه ويقول امري تددللي قولي اللي بخاطرج ومايقصر بالحجي الحلو
وانا نفس الخبله ارضى بس صج صج مصخهاااا يحسسني انه بايع والله لو ماحبه ماظليت معاه
بس احبه وادري لو تطلقت اهو رجال مليون بنت بتوافق عليه وبموت بحسرتي
شسوي :*

 

[M!ss CoLoRz]

شتسوين

تقولين له ما يعجبني كل مرة تقول لي نفس هالكلام

إذا انت محتر إذا معصب خل كلامك على الموضوع نفسه موتجرحني وتحسسني اني ولا شي ... ما تقدر تغيره حاول مافي شي يتم على حاله ، انا مو طوفة هبيطة كل مرة بغلط عليج وعقبها اقص عليج بجم كلمة

إذا انا مو عاجبتك محد جبرك اتيي وتخطب ، تبيني ابقى وياك ونعيش مرتاحين نفس الاوادم غير الاحترام انا ما ارضى

وانتهى جذي لا تغلطين عليه ولا شي ... ما تطلبين غير حقج

 

[توتة UAE]

لأنه يحبج يتضايق لما تتضايقين ويعصب . . الكلام اللي يقوله ما يقصده بس عشان يخوفج
أدري إنه مب لهالدرجة وغلط اللي يسويه . .

لو كان بيطلقج جان طلق لكنه يحبج ويقولج الشي اللي بيجرحه أكثر شي وهو "الطلاق"
لأنه حاط ف باله انتي بعد هالموضوع بيجرحج بنفس الدرجة . .

الحين بما إنج تحسين مصخها، وقفيه عند حده لكن بهدوء وذكاء، مب طوالة لسان . . المرة
الثانية اللي يهددج بالطلاق قوليله بهدوء مب بطريقة تنرفز " إذا هذا قرارك أنا ما أقدر أمنعك
براحتك، أنا مابعيش ويا واحد 24 ساعة يهددني بالطلاق" صدقيني بيأثر فيه هالكلام، ولا تتأثرين
بالكلام اللي يقوله (في نفس المكالمة) عقب ماتقولين جذي . . وإذا اعتذر اقبلي الاعتذار
عقب خليج عادية، لا تيودين عليه هالسالفة . .

أما إذا قالج كلام يجرح قوليله بهدوء بصوت زعلان "أنا ما أستاهل تكلمني جذي" وإذا تم يجرح أو
يقولج كلام ما يعيبج قوليله "أنا ما يعيبني تكلمني جذي لو بتم تقول هالكلام أنا بسكر" وسكري
لو تم يجرح كرامتج . . خليج عند كلمتج . . دام يحبج بيحترمج زيادة وبيحب هالشي فيج إنج ماترضين
الغلط . . والأحسن تنسين اللي فات لما يعتذر خليج سموحة وطيبة وقلبج كبير وريحي راسج . .

ربي يهنيكم واستانسي ف هالفترة، الملجة أحلى فترة ^^

 

[توتة UAE]

نسيت أقول شي، ترا فكرة "هو رجال مليون بنت بتوافق عليه" صح مثل ما "انتي بنت ألف من يتمناج" ماعرف ليش
للحين نحن نقول هالكلام وشايفين عمارنا أقل من الريال . . ترا لو فتحتي عيونج بتشوفين إنه بنات وايد تزوجوا وللحين
يتزوجون ومطلقات يتزوجون، حتى مطلقات عندهم عيال تزوجوا !!! نحن تطورنا وهالكلام المتناقل جذب . . خليكم
واقعيين، يعني ما أشجع صاحبة الموضوع عالانفصال بس حبيت أقول الشي وعشان كل وحده تدش الموضوع تشوف بعد . .

~ نصيبج بيصيبج، وكل شي مكتوب لج بتحصلينه في وقته، وإذا بتتشائمين بتحصلين كل اللي يزيدج تشاؤم، وإذا
بتتفائلين بتحصلين كل اللي بيزيدج تفاؤل وسعادة ~

 

[New_bride]

ريلج مثلي لين اعصب افقد اعصابي واقول كلام واخرتها اتحسف واعتذر
كلميه وهو رايق وقوليله ان هالشي مايعجبني
وتوكم بداية الطريق لازم مايقول هالكلام اذا هو صج يبيج

 

[فوفو22]

ما يجوز نمسك جزئية ان الزوج او الخطيب معصب وقال مذا وكذا


مافي معصب وزعلان ينقط فمه عسل

فوفو

 

[امـ خــزامـى]

مع تووته ماااقصرررت
وكلامها دررر ربي يحفظها

 

[baa6aa]

نفس وضعي بالضبط

بس لمن يراضيني و نرجع عادي اقعد معاه اقوله لا تعود لسانك على كلمة الطلاق عشان ما تحس انها سهله

مرة عن مرة صج انه يزيد ساعات بالحجي و يغلط بس قام ما يقول هالطاري قام يعصب عالموضوع اللي مضايقه وبس

ولمن ازعل و ارد بيتنا اهوة اللي صار يقولي لا تردين لو مهما يصير قعدي

طوفي له وقت عصبيته و لمن يهدى و ترد المياه لمجاريها قوليله انت قلت جذي و جذي و جذي وهالشي المفروض ما ينقال

و هالشي غلط

وان شاء الله يارب يتعدل اللي عندي و اللي عندج و يطخوووووووووووون و يسخرهم لنا

 

[amorah1]

اختي

صارحية وقوليله انك ماتحبين هالكلام اللي يقوله (طلاق)

وبعدين انتي فكري فيها وقت العصبية كلنا نقط كلاااااااااام

الله يوفقج معاه ويرزقكم بالذرية الصالحة ​

 

[جذابه بنت ذيابه]

صارحيه وقللي من اتصالاتج معاه ،،

 

[ملح الكون]

شتسوين ..
قولي له ترى تجرحني وموكل شوي تقول بطلقج هذا وانتي عند اهلج اذاسكنتي عنده شبيقول
ازعلي اذا قال بطلقج سكر جهازج لا تتواصلين معاه لين يقتنع انه غلطان ويدق على البيت ولا اهلج ويطلبج
والله يسخره لج ويكتب لكم اللي فيه الخير

 

[ملح الكون]

شتسوين ..
قولي له ترى تجرحني وموكل شوي تقول بطلقج هذا وانتي عند اهلج اذاسكنتي عنده شبيقول
ازعلي اذا قال بطلقج سكر جهازج لا تتواصلين معاه لين يقتنع انه غلطان ويدق على البيت ولا اهلج ويطلبج
والله يسخره لج ويكتب لكم اللي فيه الخير

 

[معبوجه]

هذا من البدايه جذ اسلوبه ؟؟؟؟؟؟ حبي حطي حد والا هالنوع شكله يتمادى وماخذ في نفسه مقلب شنو اللي بيطلق شسويتي انتي

خليج صارمه وجازمه انج ماراح تقبلين هالاسلوب ماله خلق يتحمل يسكر حلجه ويطلع بره البيت لايجابلج ولا انه يغلط اساس

الحياة الزوجيه الاحترام ياقلبي شكلج صغيره اكره شي في الريال اذا قام يغلط لانه يجرح ولايحس تدرين شنو يترتب عليه

عدم الاحترام؟؟؟؟باجر جدام اهلج مايحترمج؟ لاطلعتوا ممكن جدام الناس يتصرف تصرفات موحلوه يفشلج كلميه اشكره ولاتقبلين هالشي والله يعينج

 

[هيبة ملك]

اخاف. هذا. طبع فيه. وياذيج بعدين

 

[тεķάηαн]

قللي من اتصالاتج وثقلي عليه
اي شي كل ساعه ييب طاري الطلاق !!
اذا كنتو تتهاوشون وقال اتسنعي لا اطلقج قولي انا اللحين ابصك الفون وانت راجع كلامك وخليه يدق لين يتعب
عشان يثمن الكلمه قبل يقولها ~

 

[غلا الغوالي]

حبيبتي النار ماتطفى باالنار
النار تنطفي بالماء اذا عصب خليك ساكته والنقاش
خليه بعد مايهدا الموضوع قولي امسك نفسك اذا عصبت
مثل ماانا ماسكه نفسي يقدر لاتقولين مايقدر
الشديد اللي يمسك نفسه عند الغضب
وخليه يتوضاء ويجليس اذا كان واقف ويسنسدح اذا كان جالس
راح يروح الغضب الله يوفقكم​

 

[Royof]

لا روق عاتبيه مايصير بعد ع طول يهدد لا ترضين ع نفسج

 

[ام شيخه وتامي]

امممم لو زعلج مررره ثانيه لا ترضين الا لين ما يحفي عسبت ما يعيدها بيتذكر انه انقرص مررره

 

[vip_power]

اختي الحياة الزوجية ماتكوون بالقلم والمسطرة واذا اهاني بهينة وما احترمني اقوم الدنيا لا

انا صار لي سنة ونص متزوجة بس بما ان على طول مع بعض مانفترق فاحس عشنا 4 سنين وفهمنا بعض عدل وعرفت الحياة الزوجية محتاجة تضحية وقلب كبير من الزوجة اكثرمو لانها تستاهل اهانة بس لانها تتحمل وحنوونة اكثر ولان الرجال دايما واقعي وعقلاني

نصيحة مني لا تبينين لزوجك الوجه العصبي وكل تتحلطمين


زوجك من النوع العاطفي ما يحب اسلوب التنمر والتحلطم ويحب الرقة للزوجة حتى في تعبيرها عن المها

زوجي كان من هالنوع وكنت دايما اقوله بطلق اذا جذي انت معاي وهو بعد يقولي روحي بيتكم ولاترجعين ومن هالكلام


زوجك لما تبكين وتحسسينه بحاجتجج له و حبج له بحطج في عيونه وبحس لانه يجي بالعاطفه مو بالعصبيه والهوااااش تراه الهواش ابد مو حل خصوصا اذا كان عصبي

زوجك اخذية بالسياسه حتى لو من باب المجاملة لان الرجل يبقى طفل ويحب الكلمة الحلوة

تثقفي واقري كتاب اسمه تحفة العروس او كتاب نساء من المريخ وااايد راح تستفيدين وبتفيدج التجارب اكثر


انا كنت مثلج اعصب واهاوش واحصل كلام يجرح وبعدين يجي يتاسف ويحط لي الشمس بايد والقمر بايد والسيناريو يتردد كل مره

بعدين عرفت انه ما يجي من هالطريق ما يجي الا بالصراحة باسلوب استعطاف


اذا عارفته وماينعاف لا تخسرينه وسوي الي اقولج عليه والله يوفقج

 

[قاهره عذالي]

هو انسان مو ناضج للحين
الزواج مو لعبه او قرار سهل هو قرر واختار يعني المفروض له كلمه
يعني ملج وخلص

وعقب كل ما خربتي مزاجه لانج متضايقه من ضغوط الحياه\قام يخربط واطلق واترك
هذا شايف روحه عليج وشكلج محسسته انه كل حياتج واهتمامج وروحج ولو تركج بتموتين
لازم تبينين له انه لج كرامه عشان يبطل هالسوالف وان كرامتج وعزة نفسج خط احمر الانسان بدون كرامه حياته موت
لا تخلينه يحس انه طاري الطلاق هو نقطة ضعفج
ان جاب طاريه قولي مع السلامه والحمدلله انا ما غلطت عليك وانت حر انت اللي جيت وخطبت ما غصبتك
لازم تحطين حد لهالموضوع
والا باجر ان صرتي انتي وياه بنفس البيت بيقعد ع الطالعه والنازله اطلقج واطلقج ويقعد يدور عليج حجج عشان يغثج ويقهرج
والا هو بالصج مايبي يطلق بس جذي بيغثج