زوجي وزوجج ع برنامج خايس بالأيفون شالحل

[saratee]

السلام قبل الكلام

دام قلت ايفون وبرنامج خايس أكيد عرفتوه الهوز هير برنامج محادثات خايس زوجي مسجل فيه
شفته برر لي ان السالفه ماتتعدي حدود الفضول والطماشه لكن انا أعصابي تعبت احس فيه ليل
نهار ع البرنامج ياربي بنات شالحل انا مطنشه بس لمن اشوف الفون بايده ومندمج انقهر ودي أخذه
واكسره لا تقولون خليه يمسح البرنامج لانه سهل ينزله مره ثانيه شاركوني همي ولو بالدعاء ان الله
يحفظه من بنات البرنامج ويكرهه يارب فيه

 

[كارلوفي فاري]

الله يهديه وانتي لاتعقدين الامور هونيها وتهون

 

[بنت الاحلام]

حق شنو البرنامج هذا .؟

 

[maku-sh'3l]

ويييي يحسرة قلبي على الاقل انتي تدرين شعند زوجج ما عنده انا في امي خير المس موبايه معنه حاطله باسورد و ما اعرفها بس فيني خير المسه سقلب الدنيا على راسي و الله بموت من هالموبايل ! و كل ما ادق خط ثاني و يقولي و الله اخوي ! و يقولي ما تستحين على ويهج ما تثقين فيني و يطقها زعله ويييععععع ويييععععع الله يعيينه

 

[AL-maram]

ليش حبيبتي شنو هالبرنامج ميخالف تعطيني فكره عنه

 

[توتا حمرا]

الله يهديه ويسخره لج ويبعد عنه بنات الحرام
​

 

[جلكسيه اس 3]

امممممم ليش اتعبين روحج
اولا اهو كبير وعارف انه الله فوقه
و كل شي يسويه يتسجل
كل اللي اقدر اقولج ياه تنصحينه
و قوليله الله فوقك وبس

 

[$ النيره $]

,

هذآ برنـآآمج مثـل الشـآآت ..
وفي نـآس تحط صورهأ ..
وتلقين كل العآلـم موجوده ب هـالبرنآمج حتى اللي بآمريكـآآ ..
بصرآحه هـوزهيـر وبآلرينغـو خرآآآآآب ..
لآحـول ولآقـوة آلآآ ب آلله ..
بس آنصحك خليه يمسحـه .. لان شي يجـر شي ..
آوله فضـول وبعدين سوآلف وضحك وبعديـن آللـه يستر ..
مـآكـو آلآ آنه يمسحـه ذكري آنه حرآم .. وجذي
وآدعي الله يهديـه ..

وآلله يعيـنكم ي المتزوجـآت

 

[مشتــآقـه]

برنااامج الهوزهير يطلعلكم كل اللي عندهم ايفونن بالعاالم كله وعااد شوفي الاشكاال اللي فيه انا العياذ بالله مومنزلته ولا افكر انزله بس داايم اسمع اهلي يتكلموون عنه واهو بالعربي جاات مع العالم كله بنات وشباب وصور وخرابيط

الله يبعد ريااجيلنااا عن هالسواالف ويبعدهم عن المعاصي اللهم امين

 

[أم توتو]

شالبلاوي اللهم ياكافي اشوا ان ريلي ماعنده لا ايفون ولا بلاك بيري ولا حتى انا الله يعينج

 

[شذونه]

حسبي الله على الشركه للي سمحة فيه يدخل الخليج دمااااااااار وبس

 

[توام قلبه]

الله يهديه ويسخره لج
الحمدالله زوجي ماعنده ايفون وانشاءالله مايشتريه
من كثر البلاوي اللي اسمعها عنه​

 

[Queenleo]

انا اول ماسوالي الهندي برمجه لايفون
نزل هالبرنامج الفاشل فيه
والله بطلته بعرف شنووو منززلي ولقيت صور وبنات وشباب الله يستر عليهم ان شاء الله
الحمدالله مسحته من ايفوووني الله يبعدنا وويبعدكم ويبعد ازواجكم عن الحرام ان شاء الله
حبيبتي مثل ماقلتي اذا مسحه بينزله مره ثانيه
الي عليج تسووينه تقوومين الليل بركعه الوتر عالاقل وتدعين ربج من قلبج انه يبعده عن الحرام
وكثري من الاستغفار
ووعوديه يسمع برامج دينيه هادفه
شووي شووي قوووي دينه لان الي ايمانه خفيف لوو تربطينه مااينفع معاااه الي يبيه يووصله
والله يفرج همد ان شاء الله

 

[الزيـــــ^^ـــــن]

بنااااات لاحد يدش هالبرنامج ديروووا بالكم
صايره سالفه حق بنت ذاك اليوم مطرشيلي عالواتسب
في واحد كان يصورها من الكاميرا الاماميه وصورها أهي قاعده نائمه لابسه مولابسه ومهددها
واهي ماتدري حراااام
وكلمت شيخ وحلت السالفه ويااه
اللهم أني بلغت اللهم فاشهد

ديروا بالكم لاتبطلونه ولا تنزلونه عندكم

 

[الزيـــــ^^ـــــن]

تحذير مهم 
لمستخدمي الايفون وخصوصا البنات
فيه برنامج اسمه whoshere
بالعربي لتأكيد ((الهوزهير))
هذا اخطر برنامج موجود عالأيفون
وظيفته هي شات
طبعا هو مو شات بس لكن بالأمكان التجسس على الايفون بالكامل من ارقام وحسابات وبيانات
والاخطر من كذا انه يقدر انه يشغل الكاميرا من دون محد يحس والتقاط الصور
وهذي قصه حاصله عند الشيخ عادل المقبل
رئيس هيئة الفاروق
يقول الشيخ :قبل فترة اتصلت علي فتاة تبكي بحرقه تقول انها كانَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ تستخدم الايفون من فتره وتعرفت على برنامج الهوزهير صّـْْ(☑)ـْْحّرت استخدم البرنامج واحيانا اصحى الصباح وهو شغال البرنامج ولا كنت اعرف مخاطره
ومرت الايام ودخل علي شخص يناديني بأسمي فاستغربت فقلت اكيد هذا يعرفني
فقلت له من معي قال مالك دخل
فصار يعطيني معلومات عني وعن صديقاتي
ويعطيني وش كنت البس باليوم الفلاني
فاستغربت منه وشكيت بأحد اخواني
وخفت اقول لهم تكبر المشكله
وبعد اسبوعين صار يرسل لي صوري
فجن جنوني منه وقمت بتذكيره بيوم الحساب
لعله يخاف لكن ماعبرني
والاخطر من هذا كله حدد وين مكان بيتنا عن طريق البرنامج
وقام يصور البيت ويرسله لي يقول لي يا تطلعين الحين او ارسلهم لاخوانك وهذي ارقامهم
فوالله ياشيخ مالي الا الله ثم انت
وحنا من عائله معروفه ومحافظه
يقول الشيخ اخذت وصف بيت البنت وقلت لها اتفقي تطلعين معه بشرط انه يمسح صورك عشان مايشك انه مراقب
فاتفقت معه وجاء وطلعت معه وتمت مداهمتهم
ومصادرة الجوال وتحويله الى هيئة التحقيق والادعاء العام
لكن المصيبه مو هنا
المصيبه انه نشر صور البنت ولا هامه احد
اتعضو يابنات
والان تتم تتبع الصور حتى تحذف من الشبكه العنكبوتيه
ارجو الا تقف عندك مرريها حتى يمكن معالجة المشكله قبل وقوع الفأس بالرأس


 دعو

 

[الزيـــــ^^ـــــن]

هذا اللي وصلي عالواتسب
ديروا بالكم

 

[بولندية]

مبروك تزوجتي ولا انا متلخبطة ؟؟

 

[خلود العامر]

الله يعينج يا ختي
والله يسخره لج ويعمي عينه عن هالسوالف
انا ما افكر انزل هالبرنامج لان في هدام بيوت

 

[نشيج الروح]

حبيبتي قعدي يمه وقولي له هالبرنامج شكله حلو شيسوون فيه ... أبي انزله عشان أشاركم ... إلخ
يعني تغيبي وشوفي ردة فعله وحاوريه وساحليه ليما يحذفه إن كان يستخدمه استخدام خاطئ ...

 

[G!RLooNa]

قوليله ترضا انا انزله على بو انه لعب و طماشه ؟؟