زوجي وخيانته لي من فترة الخطوبة الين بعد الزواج

[حلم مكسور]

السلام عليكم
بنات اليوم زوجي نسى الفيس بوك مفنوح وشفت وحدة ترسل له ان تلومه ليش قطع علاقته بها بعد زواجنا بشهريين وهم كانوا على علاقه 4 سنوات
رسلت لها رساله عن اني زوجي وبدت تكلمني وعرفت بللللللاوبي عنهم وانه انجبر يخطبني اهله اجبرروووه
عن انه يعرفها ويخوني معاها من فترة الخطوبة سنتين وفترة الملجة سنه والزواج شهرين
اللحين انا تعبانه ابي اعرف اصارحه باللي اكتشفته او لا؟؟
بنات تكفووووون انصحوني والله تعبااانه

 

[ابني ملاكي]

يا رب يفرجها عليكي

 

[جامعيه كويتيه]

؛شوفي يالغاليه تبين نصيحتي
لا تواجهينه
اختي صار معاها نفس اللي معاج بالضبط كلمت زوجها وماوصلت لشي
لان الرجال يالغلاا مايحب اللي يواجهه يلفج باسلوبه وممكن يجذب عليج وماراح توصلين لشي
تبين نصيحتي اولا ادعي الله سبحانه وتعالى ان يسخرلج قلبه ويهديه لج ويجملج بعينه يارب
وكثري من الاستغفار
وحاولي تكسبينه باسلوبج والكلام الحلوو وبلبسج ونظافتج ولاتقصرين عليه بشي
وعسى اللله يفرج همج يارب

 

[تمنيـتگ]

حسبي الله ونعم الوكيل

قطيعه شهالريايل ماياخفون ربهم ياخذون بنات النااس ويلعبون فيهم

ماقول غير
الله يكون بعونج ياارب

 

[om-3azo-83z]

دام ريلج قطع العلاقه لا تواجهينه حاولي بشطارتج تنسينه طوايف اهلها و ترا اغلبيه الرياييل جذي مو الكل لا الاغلبيه لهم علاقات قبل الزواج بس الشاطره اللي تنسيه و الغبيه اللي تخرب بيتها على بنات خانو ثقه اهلهم لا تكلمينها ولا شي طوفي و عيشي ريلج احلى عيشه نسيييييه بالكلام الحلو و الدلع الريال شيبي غير الكلمه الحلوه و الابتسامه انتي حطي نفسج مكان ريلج و ركزي معاي ...
تردين من الدوام تلقين زوجتج مرتبه كل شي و منظفه و مبخره المكان و تلقينها واقفه جدامج مبتسمه و كاشخه لا ريحه طبخ ولا لبس هيلق وتيي تسلم و ما تبلش حنه و تصك راسج و انتي توج راده تعبانه لا تيي بهدوء تسلم و تساعدج تبدلين و جذي و طول الوقت بس انتي تتكلمين و على ما تاخذين شور تلقين غداج جاهز و عقب الغدا تسولف بهدوووء مو قيل و قال و تحلطم بذمتج تفكرين تشوفين غيرها؟ ذرابه و سنع و جمال و حقوقج كلها موجوده شتبين اكثر؟ لوووول صار عفيسه ليش حطيتج مكان الريال بس حبيت ابينلج الصوره

 

[Patcholli]

وضعج محير ..

اخاف اقولج واجهيه ويطلع من الرياييل اللي مايستحون وعينه تصير قويه وباجر يصير كلشي اشكره

بس الي فهمته انه من خذج قطع علاقته فيها يمكن الريال تاب لا تفتحين ابواب مصكره لين تشوفين دليل جدامج .. واذا انتي واثقه ان ريلج خوش انسان ومايبي يخرب بيته وشاريج لمحيله انج تكرهين الريال اللي يكون على علاقه قبل الزواج ومستحيل تسامحين ريال على علاقه بعد الزواج ..
يعني اللي قبل الزواج صج انه حرام ومنكر بس خنقول الريال تاب الحين ..

اما بعد الزواج هذا اللي ماينغفر ولا يتسامح ..

 

[Gifts&Occaions]

انا لو مكانج اواجهه

 

[محبه الهآشمي]

اذا واجهتيه شو بتكتشفين ؟!
يمكن قايل لها انه مجبور عليج وهو اصلا ما يبيها !! بس قاص عليها !
والدليل قطع علاقته من تزوجج ..


لا تفتحين ع عمرج باب ما بيتسكر نصيحه

 

[Patcholli]

وعلى فكره ترى سالفة اهلي جابريني صاير عذر بين الشباب لما يبي يفتكون من وحده لزقه ودلعه وبنفس الوقت كاسره خاطره يقولها فلانه سامحيني بس اهلي جابريني اتزوج .. يعني عذر عشان يفتك منها ولا من صجج في ريال ينغصب وينجبر عالزواج ؟؟ لوول احنا يهالنا ماينغصبون على شي هالمره رياييل طول بعرض ..!!

 

[ناعمه الخد]

لاتنقهرين ولاتحترين ويحوشج جلطه ولا مرض من وراه تري مافي ريال يستاهل
لايكون علي بالج رياييلنا شرفاء روما
والله لو ما التغافل لتلقين تسعين بالميه من حريم الكويت مطلقات
صبرنا علي رياييلنا وشفنا الظيم من وراهم بس نبي عيالنا ماتتبهذل
يااختي احنا في شهر فضيل ادعي ربج يهديه هذا ابتلاء وبنت الحرام هذي ماخافت ربها يومها لازقه فيه عمي بعينها اهووووو
ادعي ربج ولاتياسين وصدقيني اخرته ربي بيسلط عليه بذنبه لانه عاصي لربه والله يكفينا شره وشر ذنوبه
وانتي صبري ان مع العسر يسرا

 

[لمى الهاجري]

ما عليج منها تلاقين لعب عليها لو ما يبيبج جان ما تزوجج وهو رجال محد يقدر يغصبه على شي

 

[كويتية بروما]

ضحكتيني والله وايد
يعني وحده كانت تكلمه ع امل يتزوجها واكتشفت انه داسها بنعال وشاتها وتزوجج
تبينها تمدحه عشانج لا والله
الا تالف من عندها كلام له اول ماله تالي
حتى تحلف بشرفها وبامها وبعافيتها وبربها بس عشان تدمر بيتك
اول الجدب منها
1-من 4 سنين تكلمه وتلقينه ماكلمها الا شهرين
2-انغصب ع الزواج منج هههه عشان جدي طنشها لو انه مغصوب ياقلبي جان طنشج انتي وقعد يسولف معاها بالفيس بك مو كنسله من حياته لاجل خاطرج
حياتي هدي انسانه حقووووده حقيره تبي تخرب بيتج لو فيها خير ماتسوي علاقات مع رياييل بالشارع


لو تموت جدامي ما اصدقها من الشارع واجدب زوجي حلالي ابو عيالي بالمستقبل
اهي نزوه تسليه وتقزيره وقت
انتي زوجته حلاله بشرع الله ام عياله العزيزه الغاليه


لاتصارحين الريال باللي عرفتيه تالي ينكسر الاحترام بينكم
ودام انه تاب انتي احتويه الله يهديه لج ويسخره لج
لاتصيرين مينونه كبري عقلج وكسبي الريال دامه شاريج
ولاتضعين احلا ايام عمركم بمشاكل استانسي وانا اختج مع زوجج الله يهديه لج

 

[هيت توت]

وخيتي ولا تجيبين سيره . وكنك مادريتي طالما انه هادها من شهرين يمكن يستمر

 

[Bint Derty]

حبيبتي ماكو ريال ماعنده سوابق
بس انتي لو شنو يصير لاتواجهينه وانسي كل اللي شفتيه وقريتيه للابد
الرايل. يبيج ويبي تستمرعلاقته معاج فتركها ويمكن بس جذي قالها. ان اهله جابرينه عشان يفتك منها
المهم انج تحافظين على زوجج وتصيرين معاه حنونه وطيبه تنسينه اشكالها وصدقيني راح ينساها بس بالتدريج وبالصبر

الله يوفقج حبيبتي

 

[هيبة ملك]

مثل ماقالوا البنات كأنج ماعرفتي شئ

 

[ga6wa90]

أنا أقول لا تفتحين على نفسج بيبان مصكره دام قطع علاقته فيها لما تزوجتو

حاولي تنسينه و تملين عينه

 

[Mjnont '3lay]

طنشي حبي طاااف خليها تفرك بمكانها عطاها اكبر طاف وخذاج احمدي ربج
ونصيحتي لج لا تواجهينه لانه في بعض الرياجيل اذا واجهتيه يتمرد وماعاد يحط لج احترام صدقيني
بس انتي بشطارتج جيبيه لصوبج
بحنانج وحبج واحتوائج تملكينه صدقيني
الله يوفقج يارب

 

[BubbLe87]

ما يبطون جبدي الا يقولون لا تواجينه ليش نازل من السما اخوي ولا شنو
واجهيه و زعبي و طنشيه و خليه يركض وراج حلوة هذي خاينها و مستسهلين السالفة

 

[BubbLe87]

زعلي