زوجي وخواته قصه لاتنتهي!

[شونغ هونغ]

كيفكم بنات انا احب افض فض لكم كنت احسب الزواج جنه زوجي وعدني باشياء ماتخطر ع البال ولا سواها لي هو يموت فيني مأنكر بس ابي اعيش وانبسط انا مراعيته في المصاريف وكنت طلبت شغاله وقالي ان الشغاله وجوده مزعج ف البيت ف انا قلت يمكن ماديته ضعيفه خلني اتركه ع راحته فا دايما يفضل اخواته علي بكل شي خواته رافضين الزواج وقاعدين يطلبون منه طلبات ماتخلص مع ان اخوانه كثير وفيهم عزابيين وش معني زوجي؟؟ والله كل مابغيت شي قال بروح اجيب لاخواتي اغراض وكل يوم اتصال وطلبات الله يصبرني وانا ساكته وقبل فتره قال بشري لهم سياره بورثي حق ابوي بغيت اموت وسكت وماناقشته ان مراعيته م اني ميته ع الشغاله وهو بيشري سياره لبيت اهله واخوانه وين له مايشرون او يدفعون معاه وش تنصحوني اطلع الي بقلبي او اسكت

 

[زوجة عزيز]

واهم وين ورثهم ليش مايشترون فيه سياره ! طلبي منه الشغاله وبيني له انج محتاجته او اذا كاره وجودها على طول معاكم يبي لج تساعدج بشغل البيت وتمشي والافضل انج ماتقولين له لاتشتري حق اهلك لانه لازم بيزعل وبيقول انج حاسده اهله سكتي احسن بس طلبي اللي تبين

 

[اللّہ معي ، ♡]

يختي انتبهي تبينين له انك غيرانه من اخوانه او ليہ تفضلهم علي وانا لا اياني وياك بيحط بباله انك ماتحبينهم اوتغارين منهم ولا تقارنين نفسج فيهم ابدا قدامه عشان مايحس ان ماعندج ثقه بنفسج

صيري زوجه ذكيه وجربي معه اساليب ثانيه تاخذين حقج منه فيها مثلا عن طريق خواته اكسبيهم وكذا واعرفي له ي حبيبتي انتي ابخص فيه

 

[صعبه]

اذا انتي لج حق عنده هم اهله لهم حق

لو خواته مب متزوجات ومايشتغلون من بيصرف عليهم .؟؟

هو ملزوم فيهــــــــــــم وهو ريال البيت ؟؟؟


يعني بالله من بيصرف عليهم ويشتري لهم اذا ماقام فيهم اخووهم

وعلى سالفة عندهم اخوان وايد والوحيد اللي يطلبون منه ريلج

يمكن اهو العود ومقتدر والباقي شلون وضعهم


أنا اقول مالها داعي هالمشاكل وتفتحين على نفسج باب ليش تشتري لهم وليش اهم اولى مني ممهما كان ذيلا هله وملزوم فيهم مو انه تزوج خلاص

وشغله ثانيه هو يمكن شايف انه ماله داعي موضوع الخدامه انتي قعدي معاه وناقشيه باسلوب حلو وهادي وابدا لا تيبيــن طاري اهله بالموضوع ...



وبعدين يمـكن هم محتاجيـن السيارره اكثر من موضوع الخادمه

انا مرت اخوي فديتهاا على اللي كان يسويه اخوي معانا في بيت ابوي ماتشكت ولاااا سوت مشاكل ابدااا مع انه عندي اخوان وعزابين بس هو قايم فالبيت وهو مايرضا وهي فاهمـه وعاقله تقول لو محد صرف من بيصرف غيره وبيقوم بالبيــت ويعطيني مصروفي بععد من معاشــه وهي اللي تقولي خذيـــه

تقربي منهم واكسبيهم احسن لـج لا تسوين حساسيـه


ماشاء الله
وحطي في بالج اللي مافيه خير لاهله مافيـه خير لناسس :eh_s(7)::eh_s(7):

 

[ام خليففه]

شونغ كونغ تحملي اختي اهم ششي طيب معاج وادعي الله يسهلها عليج

 

[الأميرة جوري]

اهم شي لاتبنين انج زعلانه انه يشتري لهم ديري بالج يمسكها عليج حاولي بالمسايس تاخذين حقج

 

[Perfume]

يبي يساعدهم كيفه
بس مو معناته يقصر عليج
فهميه هالشي

 

[جوهرة الرياض]

الي ماله خير في اهله ماله خير فيني

 

[نور دنياه]

حبيبتي لاتسكتين عن حقج ، اذا سكتي من البدايه وحاولتي توفرين عليه كاهو راح صرف على خواته !! وانتي اولى بهالفلوس
اذا بيصرف على خواته خل يصرف بس مو يقصر عليج !!! يعني هالشي جا على حسابج انتي !!!
انا صارلي موقف مشابه لموقفج والله ماسكت له ، والنتيجه اذا شرا لهم شي واحد صار يشاري لي عشره بداله هذا كله لاني ماسكت ! قبل كنت اسكت يوم اني عروس لكن شفت انه انا قاعده تنوخذ حقوقي ومافي تقدير على سكوتي !


واذا عاد عليج نفس العذر انه الخدامه وجودها يضايقه خليها عند هلج او جيبي الي بالساعات

 

[رائعة المبسم]

احترمي رأي زوجك .
وشيلي فكرة انه سووا لهم وماسووا لي ...
انتي شوفي الطلب اللي طلبتيه من حقك بسس هو رافض وابدا رايه فانتي
احترمي رايه ..واذا سووا لخواته ماسووا لبنات متعرف عليهم ...
حمدي ربك
غيرك زوجها يصرف على بنات الشوارع ...البنات القذرات ..
وساكته وماتقدر تقول شي ..الواحد يشوف مصايب غيره تهون عليه مصيبته ياقلبي..
ذكري ربك ولاتناقشينه بها الموضوع ابدا ابدا

 

[Mrs.H]

واذا اخوانه عزابية؟ يعني مادري خواته بيتزوجونه ولا شالسالفة،، ترى الموضوع من ابسط مايمكن

اول شي مساكين ابوهم متوفي بدال لاتشجعينه تحترين ليش هذول يتامى وبنات وماتدرين عن ظروف الخطبة علشان تقولين رافضين الزواج

ثاني شي اهوا قالج وجودها مزعج انتي من نفسج استنتجتي سالفة الفلوس

ترى اللي مافيه خير باهله ماراح يكون فيه خير لج

 

[مودي كويتي]

اهم شي مايقصر معاك بشي والخدامه صحيح ممكن وجودها يزعج حاولتي تطلبين شي ثاني؟؟؟تشوفين؟؟؟وشي طبيعي بيشتري لاهله لانهم اخواته ولاتفكرين تزوج معناها خلاص ماراح يجيب لهم شي ولا راح يدري عنهم وهذا دليل انه فيه خير

 

[Miss Basma ..}]

يمكن ما يبي خدامة تسكن معاكم
إذا محتاجتها لتنظيف البيت جيبي الي بالساعات

 

[توتة UAE]

لا تلعبين دور الزوجة المتفهمة المضحية أكثر من اللازم
محتاجة شي قوليله . . تفكرين يا حرام حالته المادية ما
تسمح هذا مب شغلج اذا مايقدر بيقولج ماعندي وعقب
قولي يحليله ريلي . . البنات قالوا لج شي خدامات ايونج
بالساعات خلاص قوليله تبين وحده . . ولا ترمسين عن
أهله

ربي يوفقج

 

[حبيبي مالكني]

حبيبتي دام اهو موحاس على دمه انتي طلبي الي تبينه انتي اولى من خوانه والله زين
واهم ليش مايشترون السيارة بفلوس ورثهم
اهم خوااته واهو ملزوم فيهم بس اهو ملزوم فيج بعد
حلو الريال يهتم باهله بس مايكون لدرجة انه يستغلونه*

 

[PuPa^^SWeeT]

حبيبتي عادي

خل يشتريلهم سيارة

فلووسه و اهو حرر


تبين خدامة قولي ابي خدامة



بس لاتقولين ليش يشتريلهم


ترا ورثهم اهم نص ورثه


ليش ؟؟؟


لانه يتم حق القوامة علييييهم منه اهوووو

من جذي هالنص الزايد يشتري فيه لهم و لج بعد


قولي ابي خدامة



بس لاتقولين ليش خواتك شريتلهم سيارة وانا ماتبي اتييبلي خدامة


جذي اتصير سالفة غيرة و ريلج يا بينقهر و بيصرخ


او انه بيقووول كل من يشوووف ماكينة يشفط منه اول

 

[طريق السعاده]

انا احترم الشخص الي يخدم اهله وخواته حتى لو كلهم متزوجات بعد صدقيني اخوي الكبير لو يطلب عيوني مارديته لانه مايقصر ودوم يفزع لنا ويخدمنا وهالجميل بحياتنا ماننساه صدقيني خواته يمكن هو املهم واخوهم الاقرب لهم وهو الي قلبه ع خواته مفروض تفتخرين ان زوجك كذا مو مهمل بحقك وحقهم ..

بالنسبه للشغاله اغلب الرجال مايفضلونها فالبيت خصوصا اذا مافي سبب يعني منتي موظفه ومافي شغل او مثلا مافي اطفال كثير

مو لازم تشاورينه انتي دوري لك فلبينيات يجون يوم بالاسبوع يلمعون لك البيت ويطلغون افضل من وحده تعيش معك وتعرف كل تفاصيل بيتك

اقتراح وصدقيني التفاهم يحل كل شيء بس تذكري انتي لو احتجتي شيء بترجعين لاخوك اول شخص ف هذول خواته ولاتتحسسين عادي واطلبي الشيء الي تبين اذا فعلا محتاجته اما اذا عشان خواته طلبو بطلب مو حلوه بحقك الحياه تستحق تستانسين فيها مو تعيشين حرب اهلك واهلي خواتك وخواتي

 

[ليدي بجد]

لا تلعبين دور الزوجة المتفهمة المضحية أكثر من اللازم
محتاجة شي قوليله . . تفكرين يا حرام حالته المادية ما
تسمح هذا مب شغلج اذا مايقدر بيقولج ماعندي وعقب
قولي يحليله ريلي . . البنات قالوا لج شي خدامات ايونج
بالساعات خلاص قوليله تبين وحده . . ولا ترمسين عن
أهله

ربي يوفقج

ه

كلامها عين العقل وهذي غلطه كثير من الحريم يراعون الزوج بطريقه غلط والنتيجة تخرب بيتها!!واقولك ها لكلام من خبره
عيشي واطلبي لان إحساس القهر الي عندك بتنكدين فيه عليه يعني ما سويتي شي

 

[Shinexo]

لا تلعبين دور الزوجة المتفهمة المضحية أكثر من اللازم
محتاجة شي قوليله . . تفكرين يا حرام حالته المادية ما
تسمح هذا مب شغلج اذا مايقدر بيقولج ماعندي وعقب
قولي يحليله ريلي . . البنات قالوا لج شي خدامات ايونج
بالساعات خلاص قوليله تبين وحده . . ولا ترمسين عن
أهله

ربي يوفقج

+

موآضيعج لآتعليق آنتي آكثر وحده آحسهآ حآطه فبآلهآ آن آلعآلم مستهدفتهآ .. حبيبتي خوآته يتآمى ويرعآهم و آلورث فلوس آبوه مب فلوس آبوج يعني من جيب آبوه مب من جيب آبوج خل يسوي آللي يبيه بفلوسه مآلج حق تقولين شي هذول خوآته وهله عآيشين ويآه آكثر منج آًصلآ آنتي دخيله عليهم مآلج حق تخلينه لج بروحج هم لهم حق عليه .. آلله يعينج !!

 

[123tootaa_q8]

الوحده اذا شافت اخوها متزوج المفروض تستحي تاخذ منه فلوس ولازم اتقدره