زوجي واهله

[كادى الحب]

امة مافيها شى عادى اذا عطاها

 

[^حرامية غسيل ^]

اهله بعد !!!

 

[caesara]

واهله ولهم حق عليه..اذا قام فيهم اكيد بيقوم فيج

 

[انصاريه قمره]

كيفه اهو حر وهذول فلوسه مو فلوسج والله لو ريلي يعطي فلوسه كلهم لاهله ما اتكلم لانهم من عرق جبينه وتعبه مو مني ومن تعبي

 

[بنت ام عبدالله]

الفلوس فلوسه مو فلوسج

وعلى فكره امه واهله اهم منج

ودامه مو مقصر عليكم بعيشتكم فحمدي ربج انه زوجج يعطي امه ولايعطي غيرها

استغفر الله خلج طيبه باجر عيالج يعاملونج بالمثل

يالله يارب ترزقني وااحد يبر امه واهله ويخاف الله فيني وفيهم

اللهم امييييين

 

[يــ عذآبيئ ــآ]

اذا مو مقصر عليج وعلى عيالكم .. ماله داعي تزعلين .. دام اللي تبينه متوفر لج مالج شغل بفلوسه اللي يعطيها لاهله

و200 ريال مو مبلغ خيالي عشان تستكثرينه على امه ..

ونفرض ان كانت نيتهم انهم يقهرونج وياخذون فلوس ريلج فـ خلي نيتج احسن منهم .. لان كل واحد الله يرزقه على نيته

وحمدي ربج ان ريلج بار بأهله .. ترى هالايام نااادر الريال اللي يبر أهله ..

ونصيحه أخيره سمعتها من رجل : لاتقارنين نفسج بأهله مهما كان .. لانج انتي اللي راح تخسرين .. الريال ما يبيع اهله عشان مره


الله يوفقج ويسعدج ..

 

[يــ عذآبيئ ــآ]

حبايبي كل الي ردو علي مشكورين
انا ماعترضت على ال200 اصلا صار له 3 سنوات ممشي لها وماقلت شي
انا اقول ليش يطلبون منه حق تاثيث بيتهم وهم مو بحاجته اتمنى فهمتو علي

ميخالف يا اختي .. دام انتي مو محتاجه لاتهتمين لـ هالموضوع .. شتسوين بعد امه مايقدر يقولها شي .. وماعتقد كل يوم يبون اييون ويقولون له عطنا فلوس نبي نشتري !

وانتي اختاريلج وقت حلو يكون فيه مزاجه هادي .. واقترحي فكرة انكم تستقطون مبلغ شهري لو صغير تخشونه كـ توفير لكم حق بعدين .. عشان اذا انتي بغيتي تشترين شي الا تكون فيه فلوس موجوده تقدرين تسوين فيها اللي تبينه ..

 

[PuPa^^SWeeT]

عليهم بالعافيه

مافيه خير لو ما يشارك اهله بأي حاجه ...هم يبونها(كنب ..سفر ..علاج ..لبس...الخ)

ولا تقنعيني ان الرجال اللي يساعد امه وخوااااته يقصر بزوجته

لانه من الموضوع عرفت انا

ان زوجج ذهبه وبار بأهله .......

فاللي فيه خير لامه وخواته .........بالتأكيد في خير لزوجته وعياله

إلا في حالة اذا الزوجه كشفت عن قناعها وكشرت عن انيابها امامه

على فكره

يا ما شاركنا اهلنا بأمور بنظرنا تافهه

ولكن كافي انها تطلع من لسان الام او الاب

فيتحول الكلام من طلب الى امر

لست وسيد .....الحبايب

وعليها بالعافية

<<<<يالله ترزقني بجناين يبرون فيني مثل ما يبر ابوهم وامهم باهلهم


فوفو

صاجة يا فوفو

صاحبة الموضوع

انا عبالي 500 دينار ؟؟؟ طلعوو 500 ريال

ترا شوية

واذا بيغيرون الاثاث عاادي خل يساعدهم اخووهم شفييها

فكري باجر انتي بتربين عيالج اولادج و بناتج

اتييج جنتج اتقووله خواتك ليش تعطيهم

؟؟؟؟؟؟؟؟؟؟؟؟؟؟؟؟

انتي ماتدرين باسرار البيوت

فا مالج شغل فيهم

فلوووسه و اهوو حررر
وحمدي ربج فلووسه اتروح على اهله مو على حرااام و منكرات

 

[FeShinGoOo]

انتي الي حسوده مع احترامي لج

مناشبه الريال على امه ؟؟

انا ابوي طول عمره يمشي حق يدتي مصروف شهري مع انها مو محتاجه ومعاش يدي كافي وزياده

لا وفوق هذا عندها خادمه وطلبت خادمه ثانيه وابوي يعطيهم المعاش

امي ماتحجت بولا كلمه بالعكس تستانس لما تشوفه بار باهله عاد ليش يطلبون وليش مايطلبون ولدهم انتي ماشاريته ولا مالكته حقج بروحج

بس عيب عليه اذا امه طلبت مايعطيها

اصلا بدون ماتطلب لازم يعطيها


انا ريلي اخوه اتسلف منه 700 دينار وكنا ناوين نسافر بنفس الوقت وقتله مانسافر انت ماعندك الحين واجلنا السفره ماسافرنا ذيج الحزه

اتهقين كلمته ولا بطلت حلجي وبينتله اني مو راضيه يعطي حق اخوه

لاحبيبتي سكت ومو شغلي اتكلم كيفه ريلي بمعاشه واهو ريال يعرف يعطي حق منو ومايعطي حق منو

معاشه ويسوي الي يبيه فيه

ودام الريال مو مقصر معاج لاتصيرين نسره وتلوعين جبده

اهو يتعب ويشقى ومعطيج حقوقج مالج شغل بالباجي

شالحسد اذا عطيتهم تعطيني نفس المبلغ ؟؟

لاتصيرين ماديه ترى يكرهج

لو ابوج ولا امج يحتاجون الفلوس وريلج يرفض بذمتج شنو بتكون ردة فعلج ؟؟

مثل ماتحبين الخير لنفسج ترى هذيل اهله مو ناس غرب امه الي ربته قبل لا يعرفج وياخذج

 

[هوااااويه]

يابعد عمري اول شي لا تضايقين نفسك ثاني شي زوجك فيه خصله حلوه انه يعطي اهله وان شاء الله بكره عيالك يعطونك ويبرونك المهم انتي افصلي بين شغلتين انه يعطي اهله وحاولي انك تطلبين منه الي انتي تبين مو لأن اهله طلبوا منه
ونصيحه اذا عطاهم دوم قوليله من يسر مو من عسر لا تبينين له انك متضايقه من طلبات اهله واعتقد ان الاخوات ما قصروا واعذريني قرقرت على راسك​

 

[^روح غاليها^]

اهنيج على طريقة تفكيرج ... يبة هذولي اهلة قبل مايكون زوجج... بعد نكج التسامج طبعي ... شنو اذا عطاها 500 اتوقع بعد ريال مو دينار ... تلقين اهلة مايبو خبرج يبون يقهرونج ياخذون من ولدهم والله تفكير.. في مليون طريقة يقهرونج ...بس لو امج وزجة اخوج جان رويتج للموضوع اختلفت.. والله مشكلة ناس المريضة الي تفكر بحب التملك .. الحمد الله انا الدنيا سلف ودين ..


سؤال اهو يعطي امة 200 ريال شهرا انتي جم يعطيج شهر؟ هالدرجة انتي نفسج دنيه اتوقع هذي مصروف نص فاتوره تلفونج امة حملت فية وربته المفروض يعطيها اكثر
بس تذكري الدنيا دوراة

 

[^روح غاليها^]

والله انا مو خايفه الا من انهم يبنون قصر بهالميتن خخخخخخخخ انا لو ريلي يعطي اهله 200 جان نقدت عليه شنو الخدامة ولا قطاوة تراهم ياخذون اكثر الحمد الله والشكر , كسروا خاطري شكلي انا بعطيهم الفين كل شهر عشان فكهم من نحاسه الناس اللي حولهم بس يلا شنقول عقبال ما عيالج يعطونج خمسين ريال بالشهر لا وبعد حريمه يتنحسون عليج زود

 

[Tota ali]

الي مافيه خير لاهله مافيه خير للناس ..

 

[جوانا2011]

الرزق بالسما والحسد بالرض
ناقصك شي اخذي منه ولا روحي السوق معاه واخذي اللي تبينه اما تدخلين بينه وبين اهله شعطاهم وشماعطاهم سمحيلي هذي لقافه
وبعدين عطا امه ولا ماعطاها انت وش دخلك بينه وبين امه ..سبحان الله الوحده تدور الطلايب من تحت الارض لى اهل زوجها

طيب لو كنت انتي موظفه وخواتك وامك طلبو هالمبلغ ولو قلتي باعطي امي 200 ريال وش بيكون ردفعل زوجك بيسوي مثلك
سبحان االله في تفكيرك ترى الدعوه كلها 500 ريال والله ما تعبي الثلاجه شلون لوعطاهم 5000 او 50000 كان انجلطتي