زوجي والمعاير واهلي !!!

[توست محمص]

الله يسخره لج امين يارب

 

[Computer-ENG]

تعود على الاعتماد عليج وعلى اهلج ... الله يعينج شي صعب هذا واهم شي انه يعترف مو قد المسؤوليه ...

ربي يهديه .. بس لا تييبين طاري لاهلج ولو انهم ماراح يقصرون عشان سعادة بنتهم

 

[أم عزيـز]

مو من حقه يطالب اهلج انه يوسعون المكان كافي انه قاعد ابلاش
واهله نفسهم مقصرين معاه شكو يبي يشارك اهلج في بيتهم !!

اتوقع هذي مسؤوليته اذا مو قد الزواج والمسؤوليه ومصاريف الزواج السكن شكو يتزوج ؟؟

حطي في بالج الريال اذا تعود ان كل شي على مرته وعلى اهلها راح يتم شايل ايده على طول
خاصه ان شاري راحت باله مرته عند اهلها وغاسل ايده

فلازم انتي تفهمينه هالسي ان الزواج والمصرف والسكن مسؤوليته
حتى لو تطلعين وتسكنين في مكان قريب من اهلج
بس لا تفكرين تقولين لهم يوسعون المكان لج
لان ساعتها راح يدرون ان زوجج اهو اللي ضاغط عليج وقاعد يستغل طيبة اهلج ومساعدتهم حق بنتهم

اذا يبي الراحه ملزوم يسكنج في مكان بمكان اكبر يوفر الراحه له ولعيالج
وكثر الله خير اهلج اللي استحملوه علشان خاطر بنتهم رايتهم بيضه
عيب عليه يعايرج بأهلج اللي ما قصروا معاه

 

[a7la_7b]

شنو اهلج يوسعون الشقه ؟
ان شاء الله بتطولون ابيت اهلج ؟
قوليله انه اخوج بيتزوج وطلعي من بيت اهلج وخليه يأجر لكم شقه
صج لي قالو خيرا تعمل شرا تلقى وانتي غلطانه المفروض ماتسكنين بيت اهلج عشان هو بعد مايحس بالنقص

 

[a7la_7b]

شنو اهلج يوسعون الشقه ؟
ان شاء الله بتطولون ابيت اهلج ؟
قوليله انه اخوج بيتزوج وطلعي من بيت اهلج وخليه يأجر لكم شقه
صج لي قالو خيرا تعمل شرا تلقى وانتي غلطانه المفروض ماتسكنين بيت اهلج عشان هو بعد مايحس بالنقص وانتي لاتقعدين تقوليله اهلك واهلك

 

[نشيج الروح]

في بنات ردودهم تشيش وتهدم البيت الله يهداهم ومع ان كلامهم واقعي بس يشيش وايد
المهم حبيبتي تفاهمي معاه وكلميه ان هذا من حقوق المرة والعيال المسكن

 

[عشقك وطن]

انه يكون لك بيت خاص فيك هذا حقك الشرعي

قوليله اوك انا بقول لاهلي بنطلع من الشقه ورح استأجر لنا بيت انت الرجال وانت الملزوم تسكني


وجزاهم الله كل خير اهلي مسكنينا عندهم


واذا مايدفع ايجار قولي المفروض تدفع لاهلي ماتقعد عاله ع الناس انت الرجال وهذي شغلتك


اععع اكره هالنوعيه

 

[حجيه هيونه]

أصلا عيب عليه مافي داعي يقول قولي حق اهلج انه يكبرون الشقه
كافي اهلج مايتذمرون ولا يقولون له شيء .. وأصلا اهم مو ملزومين
عشان يكبرون الشقه اهوه عنده معاش يقدر يطلع بشقه ويقدر يكبر المكان
اللي انتوا ساكنين فيه مو اهلج ..
وبعدين ع شنو يهددج بالانفصال هذا مو حل اصلا غلط جذي انتي روحي
قوليله اهلي مو ملزومين وانت ريال بيت مو انا اذا مو عاجبك المكان امشي نطلع
بشقه بروحنا ولا تقط كلام وحجي ع اهلي ، واهلي ماقصروا معاي بشي
كافي شايليني و مومقصرين معاي بشيء ..
ومافي احد يساعد الثاني حبيبتي كل واحد يشيل روحه .. ولا يتمادى بالكلام
اصلا عيب عليه المفروض يستحي من نفسه اذا تكلم ع اهلج او قال كلمة عليهم
والله يهديه ان شاءالله ..

صح لسانج بردتي جبدي فيه لول


انا لو مكانج اقوله روح بيت اهلك وخلني هني ووهات مصرف عيالي كل شهر


او طلعني بيت بروحي

وعن التفلسف الزايد حلوه هذي يا يوسعون البيت يا اطلقج صج شي يبط الجبد

 

[PuPa^^SWeeT]

الحل انكم اتروحون شقة بروحكم و بس



ريلج مفتشل يمكن من اسلوب اهله


و يمكن مفتشل انه ساكن عند اهلج



او يبيج اتساعدينه بالايجار ؟؟؟؟ علشان تطلعون برةةة

 

[kAmMoOnH]

الله يهدي سرك ويوفقك مع زوجك

 

[أدب عربي]

الله يعينج ويسهل أمرج

:yaaaaaarb::yaaaaaarb::yaaaaaarb::yaaaaaarb::yaaaaaarb:

 

[amami al-kuwai]

حبيبتي العيب على زوجج مو على اهلج المفروض هو يوفر لكم السكن واهلج مو ملزوكين

وطقيها بوجه

 

[بدويه ستايــل..]



 

[قدسآؤيه قمر]

الرياييل مصيبتهم مصيبه مشاكلهم ما تخلص

 

[خيطانية]

الله يكون بعونج و يهدي زوجج​

 

[Geisha]

مشكورين خواتي ادعولي