زوجي واللاب توب

[أم علاوي 14]

اختي انا شراتج اول شي انقهرت ، وزعلت واااايد ،

لكن حاليا

بالعكس احاول اشاركه واقول كم نقطة حصلت ، وسويت لي اسم في الموقع بلاب توبي ، واقول له اش رايك اتعلمني ، واش رايك اشوف اللعب اللي تلعبه ومع منو تلعب وافرح ان فاز ، وساعات اتصل فيه وانا في الداوم وزوجي نظام شفتات واقول له خبرني ويا منو لعبت وشو اللي صار واتعرفين ترى وااايد بنات يدشون ومحترفات لعب ، عشان جي لازم اراقبه بس بطريقة المشاركة


وادري يا اختي تراها فترة وبتروح حالها حال باقي الألعاب وزوجي ادري فيه يبغي يوصل نقاط اللي يعتبر نفسه من الأفضل والأوائل ..
وبس بشبع ...

اختي لا تهتمين ، وان زعلت ما بتربحين بالعكس بتخسرين سعادتج

فخليج ريلكس

 

[M!sS_D!oR]

حبيبتي خليه يجابل اللابتوب عندج احسن ما يجابل الشارع وماتدرين وينه الله يهدييه يمكن متحمس باللعبه ترا هم الرياييل يحبون يرفهون عن نفسهم خليه ياخذ راحته ابيته وانتي لي شفتيه حط لابتوبه حطي لابتوبج وبيحس والله الهادي

 

[MISS-_-FLOWER]

لا اتطنشينه ولا شي اهو قاعد يلعب انتي قعدي يمه وشاركيه بلعبه او اي شي يسويه ولا تعلقين وايد او تتذمرين حتى لو مليتي او زهقتي ولا قادره تتحملين شنسوي احنا البنات الي لازم نتحمل وديري بالج انج تعلقين وايد ترى اذا هد اللاب توب راح يلجا حق شي العن منه الحين اهووو جدام عينج باجر يهبلج بدوانيات او القهاوي و الحداق 24 ساعه ولا راح اتشوفينه حتى جدام عينج الي طبعه انه يندمج ابشي عدل كل فتره راح يهبله بشي و يندمج عليه عدل و مرده يمل منه بس اذا مل راح يروح حق شي ثاني عاد ديري بالج لا تمللينه ونسيه

 

[أميره الدوسري]

رد : زوجي واللاب توب

تبين نصيحتي طنشي فيه راح يركض وراج واذا حنيتي فوق رآسه راح يتغلى زياده ويعاند

معآهآآ

والله يسخره لك
,

 

[a9ealah]

رد : زوجي واللاب توب

ما ابي اخرعج اذا بلياردوا قيمز ترى فيه جات ديري بالج بس فعلا ممتعه البلياردوا بس كلها فتره وتعدي بيجي الوقت اللي يزهق فيه

 

[روح عاشقها]

طنشيه عشان يفقدج ويرجعلج

 

[سارة ة]

طاااااااااااااااااااااااف

 

[Q8stylle]

الله يكون بالعون انشالله

 

[Miss MeMi]

رد : زوجي واللاب توب

وآي من صجه هذآ ؟
حبيبتي لو آنآ منج مآهتم !
لي صآر بوقت فرآغ و مو قآعد ع إللآب
قومي يبي إللآب وإنتي قعدي عليه وطنشيه !
وإذآ مآنفع معآه إلكلآم بينفع معآه هآلشي إن شاءالله
و لآ تهتميله ، و لآتسويله شي وإذآ قآلج ليش قوليله
مثل مآتسوي آنآ آسوي !
والله يكون بعونج حبيبتي​

 

[محبة زوجها]

رد : زوجي واللاب توب

حبيبتي حمدي ربج وتعوذي من الشيطان يقعدعلى الابتوب قدامج وشاركيه بالعبه يعني مثلا يغير العصا يمين او يسار