زوجي والسهر

[[]نهاوند[]]

الله يعينج
المفروض الرجال لما يتزوج يغير طريقته
اذا بيسهر يسهر بس مو كل يوم وما يرد الا الفجر
الظاهر زوجج مخاوي عزوبيه ويقلد عليهم
الله يهديه ان شاءالله​

 

[ورق عنب]

لاتخربين بيتج بيدج ..دام تقولين انه وايد زين معاج بس هذا عيبه الوحيد ... خلاص ارضي وهو مرده لبيته وعياله.... ربعه بيتزوجون ولا بيسهرون وبيقعدون عند حريمهم وبالتالي هو بيعرف قدرج وماراح يسهر لانه محد من برعه يسهر .. شتسوين غالبا الرياييل اللي ربعهم عزوبية جذي يصيرون ...

خليه وانتي لاتضيقين خلقج فتحي النت وقت مايسهر ودشي منتدانا وسولفي وانبسطي عشان ماتخافين واقري المعوذات ولا تخافين الله الحافظ ان شاءالله ...

ومثلا قوليله يا فلااان اليوم الفلاني انا حاجزتك من الساعه 12 الى الساعة 4الفجر ... هني حتى لو طلع بيرد مبجر عشان انتي حاجزته وزهبي فلم ولا شي واتفرجو عليه خلييييه يستانس ...بس موتقولين باجر حازتك خخخخ يمكن يكون مواعد احد من ربعه ويرفض ..خليله مجال كم يوم

وبشرينا بالنتايج الحلوة

 

[shog]

كلميه أوو وقفيه عند حده ، قوليله إنت مرتبط موعزوبي ، أوو إذا إتخاف الله ماتسوي جذي ، هدديه :eh_s(13):

 

[ريماا]

خليييج ريلاااكس ولاتكبرين الموضوع
انتى اذا كنت بجمعة مع صديقاتج تستانسين وودج تطولين وتسهرين اهو نفس الشى اذا بينتيلة ان الموضوع مو عاجبك ماراح يغيرة الان بيحس بقهر تحرمينة من وناستة وتمشين رااايج؟ هذا بيكون تفكيرة
لكن لو حاولتى تخلينة اهو يفكر يغير تصرفة بتجى منة الفكرة وبيتقلها
عرفتى؟؟
يعنى جربى تنامين مبجر ومتى ماجاء راح يلقااااج نايمة اذا تعود يشوفج تنامين مبجر اشلووون بياخذ منج وناستة؟؟ عارفة
واذا قالج تستنينة وماتنامين قولى ان شالله ونامى وخلية
صدقينى كل بعد يومين بتلقينة يجى مبجر لانة يبى منج ليلة حلوة
بس لازم تكونين قبلها معلمتة انة لياليج مو مثل وااااجب لا لياليييج حمرااااااوكل ماسهر بينيلة انه اهم شى وناااستة ودام انة فرحان انتى فرحانة
والله يسخرة لج

 

[برونزيه شقرا]

الله جابج إختي تاج الفضيله
مأساتي نفس مأساتها
ياريت ترسليلي عالخاص بعض النصايح والعبر
وأكون شاكرتلج

 

[بتبوتااا]

شوفي حبيبتي ريلج متزوج يعني شنو كل يوم يسهر بره؟

قعدي معاه قوليله ما اقدر اتحمل هالوضع انا راضيه يوم بره ويوم عندي

ترى انت ماتدري اشكثر اخاف بروحي ومحتاجتك يمي واذا ماتقدرين تقولينها مباشره كتبي له رساله بكل الي بقلبج

فجري همج بالرساله وعطيه اياها وانشالله الله يهديه ويقدر انه متزوج وانه الحين شايل مسؤوليه مو عزوبي !

 

[Killer^Girl]

انا اقول حقريه
طول ما انتي تلومينه عالسهر والطلعه بيعاند ويزيد
اما اذا حسستيه انج مومهتمه سواء طلع والا قعد
بيرجع ويقعد من نفسه
انا زوجي من خذيته 24 سهران بالقهوه
تعودت كله بروحي
اول اناجره واتهاوش معاه
الحين حاااااااااااقرته
يروح ويي على كيفه
قام يقعد من نفسه
جربي الحقران