زوجي والسفر

[نـعـومـه]

اعرف وحده ماصارلهم سنه قالت لزوجها بسافر قال امكانياتي ماتسمح قالتله ماعليك انا اسفرك وسفرته بفلوسها لانه بنسبه لها الجيب واحد

انتي سافري استانسي بس عالاقل يدفع شي بسيط

خليه عالاقل عالاقل التذاكر قوليله انا خااااطري اسافر وبيمع وانت يمع بإمكانيتك او خليه كل شهر يعطيج مبلغ معين وتخشينه للسفر

وبحاله السفره كلها على حسابج هذا اذا زوجج كلش مايقدر وعليه التزامات وتحسين صج يستاهل بس مسكين ماعنده

 

[نـعـومـه]

وليش تسفرينه ليش ؟ سافري معا اهلج ابرك لج شوفي مواقفه وياج يقولج عندج راتبج مع انه المفروض مايقول هالكلام وشوفي باقي مواقفج معاه ولا اتعلمينه عليج

موشوط قالها بمعنى شين او قصده بخل

عادي يمكن موباله او بحسن ظن يستحسن الوحده تحسن الظن بزوجها عشان ترتاح

 

[روح المطر*]

مشكورات على ارائكم
الله يسعدكم ويسخر لكم ازواجكم

 

[جوجو بلاس]

لا لا لا تسفرينه اكبرر غلط سمعته من استشاريه علاقات اسريه ان بهالطريقه يبدأ الزوج يستغلك وتحسسه بأسلوبها انها رجل يعني تسافر وتصرف يقوم هو يدور وحده يصرف عليها وتحسسه برجولته مابي اسبب بينكم مشاكل خلي الوضع فررري وسافري واستمتعي بس لاتعزمينه قول ميزانيتك على قدك زي مايقول وقاعده حطيتها في بالي الزوج اذا ماصرف فلوسه على زوجته بيصرفها على غيرها

 

[نـعـومـه]

جوجو

شالتفكير !!!

تقولج زوجها كلش مايقدر يعني مويلعب بالفلوس ويقول ماقدر ! بهالحاله موكفو سفره

 

[بكيزة هانم]

وحده أعرفها زين زين ..
قالت لي :ف بداية زواجي كان راتبه على قده وأنا مشتهية السفر وراتبها كان أكثر من راتبه.فتقول تكفلت بالسفرة من كلوو
واستمرت الحالة سنويا
على الرغم انه مادياته تحسنت وصار تاجر
يصرف على سفراته الخاصة مع الربع للوناسة واللي صارت تقريبا شهريا
واذا جابت طاري الصيف والسفر حك كرشته وقال ما أشتهي وما ودي ومو فاضي ... عشان يخليها تترجاه وتقول كلمتها الشهيرة المصاريف علي ساعتها يسترخي ...
تقول بصراحة ما استانس بالسفرة بس شسوي بونس نفسي وعيالي وأقهر الحساد لانهاتعلن دايم انه هو اللي يسفرها على حسابه
نصيحة لا تفرفتين فلوسج وتخربينه عليج

 

[جوجو بلاس]

نعومه حبيبتي انا مأتكلم عن زوجها شخصيا بس اقصد فطره الرجل وتفكيره وردت فعله اذا بادرت الزوجه بهالاشياء

 

[umm-7asson]

اتفقي مع زوجج ان السفرة تكون نص بالنص وقوليله يحاول يخش من راتبه ويحط ميزانية مقدارها 1000 لي 1200 عشان تسافرون وانتي نفس الشي وجذي تحققين امنيتج والصراحة انا سويت جذي

 

[عزيز قلبي]

حبيبتي سافري واستانسي واذا ما عنده مو مشكله هذا زوجج وانت قلتي ان ييب لج ملابسج وانتي موظفه
يعني الريال زين تري اكو رياييل لما يشوفون المره توظفت خذا منها كرت البنك ولما تبي شي يعطيها
زوجج ما سوي جذي وفي الاول والاخر حق نفسج تغيرين جو وتستانسين

 

[moatefa]

والله الحمد لله والشكر لله ان ما افكر مثلكم

 

[دانة_ دبي]

اختي الغالية انتي ادرى بظروف زوجج


مثلاا اللي يبني بيت و عليه التزامات البناء و الاثاث
ممكن تخلين السفرة عليج

يعني لو هو ما قصر عليج ف شي
و ف البيت و اشترى لكم بيت العمر او شي من ها القبيل
ليش ما تسافرين و ادلعين نفسج ترى الفلوس وصخ دنيا استانسي و غيري جووو
هو عليه التزامات البيت ممكن ادلعينه و ادلعين نفسج



بس لو زوجج مو مسوي شي و ماسك نفسه و يقول عندج راتب
اقولج لا تسوينها إلأا بشرط النص بالنص

 

[روح المطر*]

الله يسعدكم ابي مشورات وايد

 

[bride2011]

سافري دام امكاناته ماتسمح سفريه عادي
خاصه انج ودج بالسفر
ومن كلامج انه مو بخيل وكان يصرف عليج قبل الوظيفه

 

[bride2011]

ايه دام يكسيج وانتي موظفه ترى زين منه

 

[(TigerWoman)]

انا استغرب من بعض الحريم اللي تقول معاشي وفلوسي مالي شغل بشي @@ كله على الريال حرام مثل ما انتي تتعبين على الفلس هم اهو يتعب حالج من حالة ليش اخش معاشي واخليه اهو بروحة يصرف انزين خشيتي معاشج وبعدين بتاخذينه معاج القبر :/ لازم الزوجه والزوج بينهم تعاون لو بتشوفين الريال كلشششششششششي عليه مسكين الاجار اللي يكسر الظهر والعيال والخدم والبيت والتجيل البيت والطلعات وبالاخير تيييي الزوجة تشتكي على ريلها ليش ما يسفرني :/ كل هذا وين يقدر يسفرج لازم تراعي شعوره الا اذا اهي تعاونه يقدر يجمع جم دينار علشان يسفرها

انا اقول اخذي ريلج وسافري من حسابج ما فيها شي هذا ابو عيالج حبيبج محد بيدوم لج غيره لا تقولين امي ابوي اخواني كلهم مو دايمين لج مالج الا ريلج عسى الله يخليلج ياهم
انتي تقولين ريلي ما تسمح ميزانيته خلاص سافري من حسابج واستانسوا وغيروا جووو الدنيا ما فيها خير صدقيني

عسى الله يوفقج يااارب​

 

[نـعـومـه]

للحين ماقررتي ؟؟

انا اقول يمعي حق روحج مبلغ للسفر وحقه اهوه قوليله شرايك تشترك بجمعيه قيمتها 500 وادفع بشهر 100 ونخليه للسفر عالاقل تكون مساعده بجزء بسيط اسمه قط مولازم نص بنص بس اسمه قط المهم بجذي يدفع 500 ماتأثر وايد عليه وعلى سالفه ااجمعيه اذا ماعندكم جمعيه سوي روحج جدامه ان في جمعيه وانتي خشي الفلوس بظرف عشان يضطر يدفع كل شهر

وشوفي شيصير معاج

اما اذا حالته ماتسمحله 100 ايمع بشهر خلاص سافري هالمره من حسابج والمره اليايه نص بنص

والله يرزقج ويرزقني بسفره حلوه