زوجي والسفره

[العنكبوت]

مرحبا ....بصراحه انا اثق برايكم ومشكلتي يمكن عند البعض عاديه انا متزوجه من 15 سنه وحياتي الزوجيه فيها المر وفيها الحلو....انا كاي امراه متزوجه اقوم بواجباتي الزوجيه من طبخ وتربيه ومباشره اولادي وبللدرجه الاولي زوجي الي انا صايره له مثل المكينه اقوم بكل شي يخصه بيديني بتقولون هذا واجب الزوجه صح بس مو بوقتنا هذا لانه القليل من الزوجات الحين اهي ابي تباشر الزوج والبيت اعتمدوا هالخدم والله انا حتي فراشه انا اليً اسويه المهم اذا زعل نس كل شي مشكلتي مو هذي انا احب السفر يمكن هو الي يكسر روتيني ويخليني اشتاق للبيت وللمسوليه قبل لما اقوله عن السفر كان عادي وويوافق ونروح والخمدالله انه لاف فيني اوروبا ومصر واسطنبول وكانت الامور عاديه وكانت اخر سفر 2010 )المهم قلتله قبل فتره اشرايك انسفر الاولاد وبعدها انسافر انا وياك وقال لي يصير خير وفعلا سفرنا الاولادولما رجعنا اشوفه يماطل بللموضوع وبعدين قال لي اجازتي بس 4 ايام تبينها يلا وكان الوقت قبل رمضان بيومين قلتله رمضان اشلون ليش خليتني علي امل قال لي ربعي احق مني بلاجازه وانا الحين اقولج يلا قلتله انا مااسافر برمضان خلها وراه العيد ناخذنا اسبوع بما انه اجازه ....اتخيلون شنو صار اوصلت انه قال لي روحي لهلج بطلقج.....ليش شنو الي. صار قال لي انتي ذبحتيني من الحنه علي السفر ماعندج الا هذا انا رجال مو مرتاح انا ماعندي مراه انتي مو مريحتني انا ناقصني اشياء واجد ويلا روحي لاهلج وكان بيروح الدوام المهم تعوذت من ابليس واستخرت ربي وسكت وجلست عند اولادي ولما رجع من الدوام سويت نفسي انه ماصار شي .....وبديت اسويله حركات رومانسيه وعوظته عقب هالسالفه من احلي ايام وليله العيد كتبتله علي ورقه وفيها ورده اشرايك انعوضها العيد الجاي كتبلي يصير خير انزين شنو اسوي الحين شلون اعرف انه بيسفرني والالا. للعلم انه الفلوس مني .....لما كنا انتهاوش علي ابسفر كان يقولي موضولسفر يجيبله ضيقه بللصدقبل والله ماكان جذي ..الحين شلون اتعامل معاه انا مو موظفه ومليت من الروتين ومن حقي اسبوع من عمره انا معطيته السنه كلها بللشتاء مخيم مع الربع وبللصيف الشاليه مع الربع انزين وانا ......الحين لما يدامون الاولاد بللمدرسه ينامون مبكر واقعد بروحي من الساعه9لما يجي الساعه1 ليش ممون حقي ايطلعي واسهر انا وياه بس اقول ميخالف خله مع ربعه يرتاح.....الحين شسوي ابي نصيحتكم

 

[مارشميلو..]

لا تحنين واجد على السفر ترى شي ثانوي بالحياه مو اساسي
غير هذا قولي الحمدلله انه لف فيك اوروبا على قولتك يعني مو مقصر
لاتنسين الاشيا الزينه اللي سواها عشان مره وحده قال لا
بعدين حلاتها تجي منه هو اللي يقولك بسفرك او يسويها مفاجأه احس مالها طعم لصرتي طارتها طراره
ولا من فلوسك بعد
انا اقول احفظي فلوسك واقعدي مع عيالك
والسفر لاحقه عليه
ولاتطفشين الرجال منك تراهم مايحبون النكديه الحنانه

 

[غرأم]

مممممم > يفيدونج البنات ..مالي خلق اقرأ ..نفسيتي مو شي

 

[كنوشة 2009]

الحمد الله رحتي وسافرتي مع اعيالج
والسفر مو شي ضروري
شرايج انا مايحب السفر نهائيا لا معاي ولا مع اعيالي
واذا ابي اسافر لازم قبل كل سفرة هوشة ونجرة وعلى دول ما تسوى
ووين الي وين يسفرني يعني زين اذا طلعت سفرة كل اربع خمس سنين
لا تحنين عليه اساسا زوجج يبين ما يبي يسافر

 

[سحـورة]

إختي كاافي إنه قالج بيطلقج من هالسالفه ؟ أكيد له أسبابه
أنا من رأيي لا تحنييين ولا تصرين ولا تطرين هالسالفه ،
السفر مشش حل ، تقدرين تغيرين تروحين فندق أي شيء
بس خلاص دامه اتضايق من سالفه السفر لا تحاولين تكدرينه أكثر


موفقه

 

[فوفو22]

حبيبتي استمتعي بالكويت

حتى يحين موعد السفر

روحوا الشاليهات يومين

او اشتركي بنادي رياضي ويطلع كل الطاقة السلبيه فيج بالرياضة والسباحه

او طلعة بنات او اهل بمكان عام كم ساعه تستانسين فيها

او تشترين كتب وتقرينها

احتمال هو يمر بظروف تحتم عليه يؤجل موضوع السفر

فلا تضغطين عليه طول ما هو له طيب وفضل عليكم

فوفو

 

[النووف]

اهم شي ورضا زوجج

ولاتحنين عليه ترا مو لازم وخشي فلوسج لوقت الضروره

غيرج وده يطلع يتمشى بالكويت مو محصل

الله يعين بس

 

[* الجليلة *]

البنات ما قصروا
والله يوفقج

 

[دلوعة باباتــي]

لا تحنين على اي شي ترا في اشياء مو مهم وايد بالحياه
والوناسه موشرط بس بسفر طلعي وياه اهني فاجئ بفندق بشاليه شي جذي
وبعدين انتي لا تحنين ترا الحنه تقصر العمر وخاصتا الريايل مايحبون الحنه كلش
والله يهديه لج يارب

 

[Om_Ksha]

انا اللي مستغربه منه انه بس هامج السفر ومو هامج سالفه انه بطلقج بدون سبب !!!

اللي حسيته انه كل شي اوكي بينكم وقايمه فيه قووووم شكوووو ايب سيره الطلاق !!!!!!!

والجمله اللي قالها قويه بحقج ..

(انا رجال مو مرتاح انا ماعندي مراه انتي مو مريحتني انا ناقصني اشياء واجد ويلا روحي لاهلج )

شنو يعني شقصده من اي ناحيه مو مرتاح بغض النظر عن حنه السفر شنو بقلبه خاشه عنج ومكوده !!
فمادري انا اقوووووووول خلي سالفه السفر على جنب وشووووفي اساس العلاقه شاللي فيها متغير ,,

 

[مناير ...!]

15 سنه يعني عاجل مو مراهقه الله يهداج
الريال مو مقصر وتوه مسفرج السنه الي طافت ومسفرج ويا اليهال
انسي السالفه ولاتخلينها اكبر اهتماماتج

 

[هنـــد]

مستحيل قال بطلقج وروحي اهلج بس عشان اتحنين عالسفر

اكيد عصبتي ونكدتي عيشته

اول شي سفركم انتي وعيالج جزاه الله خير في حريم بالحسره عليهم السفر حتى لو الفلوس منهم

السفر انتي وزوجج لاحقين عليه لا تحنين ترى راح يكره السفر معاج خليها تجي بطيبة خاطر

اسكتي عن هالموضوع فتره وادعي الله يحنن قلبه عليج ويوافق عالسفره وتجي منه مو منج

 

[ام زهقانه]

حبيبتي طلبج عند الله ادعيه ان يسخره لج واطلبي السفره من الله لا تطلبينها من ابن ادم

 

[دلوعة حمني]

حبيبتي ترى لما تباشرين زوجج و عيالج مو عيب و لا غلط
و مع احتراي للكل بس اللي تخلي خدامتها تباري عيالها و تشوف طلبات زوجها هذي ماعندها سالف ولا الريال ليش متزوج؟
و سالفة السفر بعد هو ما قصر سفرج مع عيالج...ترى السفر ماهو ضرورة او من الاساسيات بل مجرد كماليات
و مثل ما قالوا البنات عوضيها بالديرةو انتبهي على كلامه اللي قاله لان مبين انه مو مرتاح

 

[زوجة عزيز]

الريال ماقصر وماله داعي تخسرين بيتج وزوجج عشان سفره انا من خذني حتى العمره مو راضي يوديني لا شهر عسل ولاغيره وراضيه قولي الحمدلله على كل حال والله يخليه لج !

 

[!الجادل الصعب!]

والله انتي شكلج جد تحنين ..!
خليها لوقت ثآني وكلميه باسلوب حلو .. الحين وصلت بينكم
للطلآق والي هآمج شلون اعرف متى بيسفرني ؟!

 

[أعشقه]

شدعوا عاد مكبره الموضوع عشان سفره
والله هذا انا تزوجت حتى شهر عسل مارحت ولا اي مكان
وقلت له ابي اسافر قال ماقدر اسفرك وخليته براحته
وبعدين هو الي جا وقالي بسفرك بس مارحت لاني حاامل وكنت تعبانه
مهوب زين عاد تحنين ع الشي ذبحتيه ياختي حطي نفسك مكانه وانه يحن عليك ع اشياء انتي ماتبيهااا
وبعدين مهوب بس انتي الي شايله زوجك .. في غيرك شايلين ازواجهم وفرحانين ومبسوطين يكفي انها تخدم زوجهاا ماخدمت غريب .. وهذا هو يشتغل ويجيب لك لقمه العيش لك ولعيالك .. وش تبين انتي اكثر من كذااا ..
وسعي صدرك وريحي بالك ولا تطلبين لا سفره ولا غيرها وهو من نفسه بيطلب منك
ولا تخلين موضوع السفر اكبر اهتماماتك ..

 

[انثى عاشقة]

لاتحنين عليه الرجال يكره الحنة الزايدة
والله يوفق مابينكم وييسر اموركم ​

 

[om MaRyooM]

اسمحيلي بس من البداية غلطج

انا صايره له مثل المكينه اقوم بكل شي يخصه بيديني

هذا اول اعتراف

انتي تدرين الريال لو مهما كان زين المفروظ ماتخلصين شغله انتي
اهو مسؤول عن نفسه ..
وهالشي خلاه يعتمد عليج وواثق من انج بتسوين كل شي لخاطر عيونه

للعلم انه الفلوس مني

الغلط الثاني

غلط غلط غلط الريال اعوده على انه هالشي مني انا
لأن بيتمادى للاسف ..
وهالفلوس انا اولى فيهم من اهتمام بنفسي ولبسي وكشختي

المشاركة حلوة .. بس لايعتمد علي

واهو شنو وظيفته ؟؟؟؟ قاعد بفندق مثلا؟
كل شي جاااهز مجهز
حتى السفرة جاهزة بس يقول (تـــم)
!!!!

ومن حقي اسبوع من عمره انا معطيته السنه كلها بللشتاء مخيم مع الربع وبللصيف الشاليه مع الربع انزين وانا .

الغلط الثالث

وليش ماتفهمينه انه من حقج هالشي
وعلى فكرة من قال ان من حقه السنة كلها ؟؟؟ من قال ان من حقه ينسى بييييته ويفضل ربعه ووناسته على حساب
عايلته وزوجته؟ ؟؟

للاسف انتي حسستيه بهالشعور
وشكلج ماكنتي تبين تحسسينه ان اهو مقصر وهذا عين الغلط


....

والغريب بالموضوع انج تسالين تبين تعرفين اذا في سفرة ولا لأ ؟؟؟؟؟؟؟؟؟

وحبيت اقولج شغلة

ترا يوم قالج روحي لهلج وانتي تحنين عالسفر .. هذا عذر
زوجج خاش شي والله اعلم و يبي يوهمج انج حنانة ومقصرة بحقه


لازم تقعدين معاه وتبدين صفحة يديدة
وتشوفين شنو اللي يبيه وقوليله شاللي تبينه

ولا الحال جذي ماينفع .. وزوجج وايد متمادي وانتي اختي للاسف مو عارفة تتصرفين معاه


لاتزعلين مني بس حبيت ابدي رايي بكل صــراحة

 

[أسطورة الجمال]

up up