زوجي والادمان

[توت عنكبوت]

اولا : رجعتك لبيت اهلك مش حل لأنه راح يحاول ياخذ بنته بكل الطرق وانتي الخسرانه حتى لو يحصل طلاق لا تخلين الكويت لأنها تنصف المطلقة والحاضنة
ثانيا: لا تشتكين لأهله لأنهم ما بيدهم حيله الا انهم حيكرهوك انتي.
ثالثا: صديقتي زوجها مدمن بعد السجن سنة انصلح حاله,
الدعاء والصلاة وابكي بدعائك واستنجدي بالواحد الأحد أفضل سبيل.

 

[دانتيلا]

تسلمون والله يابنات والله كلامكم يريح القلب
انا بحاول معاه لان انا صراحه ماابي احرم البنت منه مالها ذنب تتربي بعيد عن ابوها اهو من ناحيه انه ياخذ مني فلوس صراحه لا لاني مااشتغل اصلا وسالفه المخفر اعتقد ماراح تحل شي لانه فعلا فضايح واهو لو ماو مقتنع انه يتعالج برضاه مافي فايده المشكله انه مريض بتضخم الكبد والسبب الكحول وانا كاسر خاطري اهده واهو مريض
مااقول الا الله يصبرني وبدعي ربي يفرج عنه والله كريم

 

[ياشايل الظبى]

الله يواجرج
ويصبرج على بلواج

 

[الغاليه نونو]

شوفي يمه ريلج بالشرع والدين عيشتج معاه حرام بحرام اكيد تارك الصلاه ومايصلي دام ليله ونهاره سكران وين يعرف يصلب طوله هالمخدي

نصحيه كلميه حاولي معاه تعاليله بالدين والنصيحه لاشفتي ماكو فايده منه تطلقي منه اولا لانه سكير عربيد وثاني شى لانه مايصلي انصلخت يبهته شهالينون شيوايه ربه فيه سليمه حتي سليمه تصكه

سمعيني يمه عطيه مهله شهر ان ماتسنع ضفي قشج واخذى بنتج وروحي بيتكم احسن لج من مجابل هالفاسد لاحول ولاقوة الا بالله

 

[دانتيلا]

تسلمين يالغاليه نونو انا كنت ناويه اسويها وكان هالشهر اخر مهله له وقلتله الكلام هاذا تتوقعين شنو قال قالي اوك روحي عند اهلج بس مصرف للبنت ماعندي واذا سافرت لاهلي منو بيصرف علي انا وهي انا قلت انطر اتوظف ووقتها اقدر ارفع عليه قضيه بالمحكمه واطلق والله يكتب الي فيه الخير

 

[dl3_wl3]

الله يعينج والله

 

[مواطنة كويتية]

الله يصبرج على مابلاج
أنا أعرف وحدة كانت مثل قصتج ان زوجها يشرب وتمت سنين على هل الحال بس اهي المسكينة ماراحت قالت حق أهلها علشان ماتحب إن اهلها يتدخلون في الموضوع فامسكت المصحف وقامت تقيم الليل وكل ما يدش يلاقيها ماسكه القرآن أو قاعدة تدعي وتبجي لربها في أول الأيام كان مايهتم لكن مع التكرار كل ليلة قام شوي يستحي منها وبعدين قامت اتكلمه عن الموضوع بس بالبداية كان اعصب وفي مره من المرات طقها لكن أصرت وما خلته كل يوم اتكلمه وتدعيله بالدخله والطلعة تدعيله وبصوت عالي جدامه الله يهديك حقي وحق اعيالي إلى الحمدلله الله هداه بس بعد مااطلعت عينها وخلته اغير كل شي بحياته حتي رقم تلفونه علشان محد يدق عليه من أصحاب السوء........... جربي مثل هذى الطريقة وشوفي يمكن تنفع والله يصبرج .........................................

 

[^^دموع الكويت^^]

الله يعينج عزيزتي

نصيحتي انج تدعين لزوجج ليل نهار انه الله يهديه ويتوب


وداومي على قيام الليل والدعاء والالحاح بالدعاء

وراح تشوفين العجب بأذن الرحمن

 

[kajool]

الله يكون بعونك والله قطعتي قلبي على البنت الصغيره
انا اقول ما لك الا الدعاء والاستخاره لله سبحانه
وفكري في البنت الصغيره الحلوه الله يخليها لك...

 

[دانتيلا]

تسلمون بنات بجرب انشاء الله والله يهديه علشان خاطر بنته

 

[حبيبته آنا]

الله يكون بعونج

 

[الوردة المكنونة]

الله يعينج لج الله

 

[كويتية أصيلة]

السلام عليكم ورحمة الله وبركاته

اختي انا وجهة نظري شوي تفرق عن خواتي لكن في بونت بالنهاية

اول شي يا عل ربي يصبرج على ما بلاج ويطرح الصلاح فيج وفي بنتج يا رب ويهديلج زوجج ياارب

انا اتوقع ان وصل لمرحلة الادمان يعني المرحلة مو توها بادية عشان تعطينه شريط ديني او تقولين له حديث من احاديث الرسول عليه الصلاة والسلام .. لا تزعلين من كلامي .. لكن زوجج الحين ما عنده وازع ديني يخوله انه يستوعب الأشرطة الدينية او الآيات او الاحاديث .. لازم يوصل لمرحلة انه يخاف من ربه عشان يفكر انه يقلع عن الادمان .. ابدي في نفسج وفي بنتج ولا قصور فيج .. خل اقولج سالفة وحده قالوها لي من زمان ووضعها كان اردى من وضعج .. زوجها كان يشرب عندها بالبيت لا وربعه معاه كل يوم .. طبعا كان تصلي وتدعي له من قلبها .. بكل حب وود واحترام قالت له بو فلان ما عليه عشان خاطري انا ما ابيك تشرب عندي بالدار هالشي يضايقني وانت تدري انا اخاف من ربي واصلي هني فعشان خاطري اذا بتشرب كيفك بس مو عندي بالدار .. واهو حط في باله ( مثل ما احترمت رغبتي انا باحترم رغبتها ) فبطل يشرب عندها بالدار بعد فتره تدرجت وهم بكل حب وحنان بو فلان ما عليك امر عفيه اذا بتشرب على راحتك بس الله يخليك لا تشرب عندي بالبيت تدري الحين انا حامل وياينا ياهل مابي الياهل يكبر يشوف ابوه جذيه وانت وانت وانت تفخت فيه المره المهم .. تالي قالت له بو فلان عشان خاطري يا حبيبي لا تييني البيت وانت سكران اذا سكرت صحصح بره ولا صرت صاحي تعال عندي البيت يا هلا ويا مرحبا فيك تدري انا قاعده ادعي واقرا قرآن وابي الملائكة تكون دايما بالبيت ( في كل مره كانت تعطيه عظه ومعلومة دينية بدون لا تقصد انها تهاجمة بالكلام) .. اشرايج ان حبة حبة الريال تدين وصار مطوع صار حتى ملتزم اكثر منها
................................................
انا ما اقولج طبقي هالطريقه بحذافيرها لان الطريقه صراحة صعبة ويبيلها قلب حديد وصبر مو طبيعي .. فتدرجي معاه .. الريال مثل الياهل واتوقع خصوصا المدمن نفسيته ما تكون ثابته كسبيه بالحب والحنان اول بعدين شوي شوي عطيه معلومات دينية غير مباشره بعدين علميه انه يخاف الله ثقي تماما ان اذا خاف من رب العالمين مشكلتج بتنحل .. انا اقصد الخوف بالفعل مو بالكلام

اتمنى اني اكون ضفت شي

والله ياجرج يا رب

 

[دانتيلا]

انشاء الله اختي بجرب هالطريقه انا الحين قاعده احاول معاه وهوه مو من النوع الي يشرب بره البيت يشرب في البيت وماله ربع نهائي

 

[همسات ليالي]

ما ادري شقول غير الله يهديه لج يارب