زوجي موراضي أروح مع أهلي :( حاكرني

[بناتي حبيباتي]

حبوبه سمعي كلامه .. ما لج الا ريلج ...
بس شوي تغلي وخليه يعوض لج الطلعه هذه بطلعه خاصه لج وله

رايي من راي الاخت

 

[الاخلاص]

جذاب مو قصده تخليني بروحي لو يحبج يخليج تستانسين مرات انا زوجي يسوي جذي اذا انا غثيته يبي يغثني يقولي هالسالفه دايم وتو زوجي منعني من شوفة امي لاني عاندته هالرياجيل يغثووووووووووووون ياربي تصبرنا عليهم

 

[آهــــات]

عندنا وعندج خير


انا فيه حساسيه من اهلي

 

[.. مـــلاكـ ..]

انتي معاه روحوا مع اهلج

 

[(( حــــبوبه ))]

الله يعينج حبيبتي
وحلتج مثل حالتي بالضبط
صج حاسه فيج

 

[عقر بقر]

اخذيه معاج

 

[¤§ زيتونة §¤]

حبيبتي

عادي هالشي عند الرياييل



انا ريلي ما يحب اطلع ويا احد من اهلي يبي بس وياه وانا بيني وبينج اقول احسن عشان لا يقعد يدق علي ولا يزفني اذا تاخرت


عادي حبيبتي لا تتضايقين وحاولي فيه تطلعون مني مناك لو تروحون اثنينكم حق اهلج هناك تقضون النهار وترجعون الله يهديه ويوافق


هذا ريلج وهذا اطباعه بعد شتسوين؟؟؟



الله يخليكم حق بعض

 

[&شوارفسكيه&]

تدرين والله والله حاسه فيج
انا اذا خواتي مجتمعين ودقو علي قالو تعالي وزوجي رفض تدرين شسوي ابجي لين اقوووووول بس



ومره كانو اهلي حاجزين اسطبل وحيل فخم وخواتي يشترون جينزات ويتقضون وحلى وفواكه وانا ميته من القهر احاول اقنع فيه مو راضي كلش
يا بابا يا حبيبتي بروح مع اهلي قال لاااااااااااا مافي روحه
واترجاه ورفض رفض تام


اخر شي يوم بجيت من القهر
قالي روحي بروحج وخلي عيالي عندي
ههههههههههههههههههه
يدري اني مقدر اخليهم بروحهم واروح خاصه ان خدامتي هبله وما تعرف تتصرف من غيري وودلي الصغير كان توه ابو 6 شهور يعني محتاجني وايد
حاولت فيه وما رضة وللاسف مارحت

بس ما عليج حبيبتي ترى مو انتي بروحج وايد مثلج

انا الحين اقتنعت خلاص

 

[دلوعه زوجها]

حبيبتي انا بقولج قصه وانتي ان شاء الله راح تفهمين شنو قصدي اوكي

علي ايام الرسول صلي الله عليه واله وسلم كان في وحده ابوها حيييل مريض وبأخر ايامه وزوجها مو مخليها تزوره يقولها ماابيج تطلعين من البيت وبيوم طلع ريلها فا راحت للرسول صلي الله عليه واله وسلم وقالتله السالفه كيت كيت تدرين شنو قالها ؟؟ عليه الصلاه والسلم
قالها ردي البيت وطيعي زوجج لأنه زوجج اهو جنتج أو نارج تخيلتي اهي شنو كان صاير بحالها ؟؟؟ ابوها بيموت وزوجها مانعها عنه بس تدرين شنو صار بعدين ؟؟؟ ابوها مات وبعدين اهي ماتت بعدين زوجها مات وكلهم بالجنه سبحان الله !!!! لأنها طاعت زوجها وكانت مره صالحه وسمعت كلام زوجها دشت الجنه اهي وابوها وزوجها وطبعا اهو حديث صحيح بس انا مو حافظته علشان جذي قلتلج اياه بطريقه قصه بس ياقلبي اللي ابيج تعرفينه انه لازم اطيعين زوجج بكل كلمه حتا لو كانت اضايقج مايصير تشتكين منه حق اهلج لو شنو يصير بينكم لازم اسراركم ماتطلع برا ابدا ابدا ابدا وصدقيني ماييب المشاكل غير الاهل انتي المفروض تقولين حق امج انا بقعد مع زوجي مابي اهده بروحه بالبيت مو تقولين لها مو راضي ومايخليني وحاكرني جذي اكيد بتصير مشكله انتي بغنا عنها حبيبتي
والله يهديج يااارب ويسخرج لزوجج ويسخره لج ياقلبي وترا في بنات مايشوفون ازواجهم غير وقت النوم المفروض تحمدين ربج ياعمري انه زوجج من النوع البيتوتي مو تقولين كله قاااعد بالبيت !! والله اول مره اشوف وحده مضايقه انه زوجها كله بالبيت !!! انا ودي زوجي 24 ساعه يقعد معاي وحتا دوام مايروح بس شتقولين مو كل الناس نفس الشي اللي يونسني يكدر غيري واللي يكدرني يونس غيري
موفقه حبيبتي وفكري بالقصه اللي قلتلج اياها كل ماتفكرين تعاندين ريلج والله صج !!! وديري بالج والله الزوج اهو جنتج واهو نارج يعني نفس امج والله العظيم ياقلبي ...
تقبلي مروري وسوري علي حدتي بالطرح بس والله ابي مصلحتج
موفقه

 

[toooot]

سبحان الله البنت الدلوعة وسفرات تطيح عند وااااااااحد حكر
والبنت اللي عند اهلهااا حكره الله يرزقها بواحد فري

 

[*uM_MiMi*]

سمعي كلامه و لاتعاندينه و تزيدين حنه لان بيزييد عنااد صدقيني!! لوول كل الرياييل يتليعنوون اذا عاندتيهوم و لاتخلين امج تكلمه! ترى الريل يكره هالسالفة انج تحطينه موقف حرج! و لاتطنقرين وتمدين بوزج ترى كله من عمرج ما يسوه خليه يحس بالذنب اذا صرتي مطيعة وسمعتي كلامه بحس و مارده بيمل مع الوقت و راح يلقاله شي يشغل وقته.. ادري انه الحين مجابلته ثقيله و غثييثة على قلبج بس والله ان شاءالله ازمه وتعدي و تصبري الفرج بييج ان شاء الله

 

[منال33]

شوفي حبيبتي طليقي كان جي

تخيلي تاركني دوم عند اهلي ومااحس اني متزوجه ابدا

اروح وياهم بالسفرات مدة شهر وبالويكند انوم عندهم

وفي الاخير عرفت انه مب طايق ويهي ولاعيشتي مع انه يقول احبج

احمدي ربج انه يقابلج تقدرين اتسوين اي مشروع خروج وياه مب لازم ويا اهلج

صدقيني انا جربت والحين انقللج تجربتي المريره

 

[زمــرده]

عادي حبيبتي اذا في بداية زواجكم انا كنت جذي بس عادي يحب يطلعني مايحكرني
حني عليه بدلع وان شاءالله يرضى

 

[ام كتكوت]

ردي يمكن متأخر لانهم اكيد راحو الحين

بس نصييييييحه مني سمعي كلام زوجج ادري حدج منقهرررره وودج تكونين معاهم وناسه وتغيير جو

بس والله بتكبرين بعينه وبيلاحظ هالشي لاعبالج نايم على ودنوه ههههههههه

بس بعدين بيقدرج مثل ماقدرتيه والله

وهو لو مايحب شوفتج جان ماقالج قعدي معاي

بس الا تعالي ليش اهلج ماعزموه يمكن تضايق ليش انه ماعزموه مثلا؟؟

الله يسخره لج

 

[pama girl]

الله يعبنج
حبيبتي مالج الا ريلج
طاوعيه


قوليله هل مره عشانك بقعد بس المره اليايه نبي نغير جو و نحجز معاهم(بس طبعا بالمساحل والدلع)



مع الوقت تقدرين تغيرين موووودا

 

[ام حنونة]

خليج مع ريلج ....باكر راح يتعدل بس انتي لا تستعجلين ..

 

[Dloool_q8]

ريلج نفس ريلي بالضببببببببببببببببببببببببببببط

بس اانا تجرأت وقمت احجز بروحي مره مرتين استانس بس زفني عقبها صار عادي اهو قام يقترح
انتي خلي احد من اهلج يحجز لكم باسمج وسويله مفاجأه

 

[nice-girl]

نفس مشكلتي بس الفرق انه ريلي مايحب قعده البيت كلا طالع ويقولي لاتروحين
بس تدرين شنو سويت خليت ابوي يدق عليه يقوووله تعالي الشاليه معانا مع انه كان في تش بينه وبين ناس يايني بس ماكسر كلام ابوي خلي ابوج يقوله واذا تعذر خل ابوج يقووووله خلاص عيل خل مرتك تيي

 

[اخت-اخوها]

حبوبه لا تنفسين على ريلج ولا شي هذا ريلج جنتج ونارج ! سمعي كلامه واذا اهلج عازيمنه اكيد ماراح يقول لا خل اهلج يكلمونه المره اليايه
وحمدي ربج دام قالج جذي معناته يحبج وما يقدر على بعدج احسن من لمن يقولج اي روحي
الله يسخركم حق بعض

 

[meen_ana]

الله يكون بعوونج حاولي تقنعينه ولا اهلج يعزمونكم اكيد راح يستحي اذا ابوح كلماه