زوجي مجهز شريكه على راسي

[تفاح أزرق]

يابنات زوجي جابها وحط لها شقه ومأثثها حقها من إكيا وشاري لها عطورات وهدايا
انا الغلطانه انا الي ذليته واذيته والحين توه شاري مطعم ومقهى ومسميه على اسمها سم في بطنها
حرتني حرتني والصراحه يابنات البنيه احلى مني واطول مني واضعف مني ودي انتحر خلاص
كرهت حياتي كرهت نفسي اتمنى الموت ولا اني اشوف زوجي بحضنه وحده ثانيه

 

[amami al-kuwai]

حبيبتي دام جذي عطيه اكبر طاف مو تقعدين تراقبينهم واتحسرين

عيشي لنفسج وخليه يحس بالتغيير فيج

 

[هُدوء]

هآلحين انتي تتمنين آلموت وحزينه وحآلتج حآله واهو مآفكر يرآضيج او يجيب لج هديه
الريآل هآلحين مستآنس مع مرته وانتي بتنتحرين وحزينه ومادري شنو؟

ادري هآلشي صعب ع كل مره ان زوجهآ يتزوج عليها ، بس خلآص طآح آلفإس بآلراس تزوج وخلآص
هآلحين انتي عيشي حيآتج لاتقعدين ترآقبينهم وين يروحون وين يردون ؟ طآف ليش تحرين روحج ع نآس مآتستآهلج
واهو اصلآ مآحط لج اعتبآر ماثث لها ومسجل المطعم والمقهى بآسمها وآنتي ولاشي. ؟

انا اقول حقريه يعني لاتتصلن عليه واذ اتصل عليج لاتردين ،، واذ تبين طلبآت دزي له رسآئل وقولي له يب هاذ ويب هآذ
واذ مآتبين هم دزي له خل غصبن عنه يجيب لج اي شي ، ومن هآلحين طلعي عيونه خلي يحطج لج مصروف شهري خآص فيج فقط
ومصروف خآص حق عيآلج ومصروف خآص حق الخدآممه ْ ، مثل مآهي تبي حتى انتي اخذي منه ليما تشبعين
انتي اولى منهآ ، قطيعه ة تقطعها صج وقحه ْ ة الله يعينج !

مشي آلريآل ع كيفج ، ككل شي خليه اهو يدفعه سايق خدامه مآجله عيالج انتي كككل ششي خليه اهو يدفعه
انتي لاتحطين ولافلسس ، واذ قال لج طلبأتج كثيره او ماآقدر

قوليله انت فتحت بيتين ولازم تعدل بين البيتين اللي فتحتهم ، واذ مآعدلت ربي بيحآسبك ع كل كبيره وصغيره

مثل مآتحط فلوس هنآك تحطهآ هني ، عيآلك اولى
واذ هم مآيبي خل اخوآنج وابوج يكلمونه وغصبن عنه رآح يددفع

 

[أم عزيـز]

يعني انتي معترفه ان الغلط كان منج لانج ذليتيه واذيتيه

خلاص شوفي شنو الاغلاط اللي فيج وصلحيها
والا ريال بيوم وليله يسوي كل هذا حق وحده توها متزوجه على ام عياله
يا انه يعرفها من زمان يا ان سوا كل هذا عناد فيج

 

[BeNt PaRiS]

الله يعينج و يصبر قلبج

 

[ام كوثر2007]

يقووول المثل .. طبخن طبختيه يا الرفله اكليه

الحين انتي معترفه انج مأذيته ومطفشته .. وملوعه جبد اللي خلفه وما تبينه يتزوج ؟؟؟؟؟؟؟؟


صراحه الرياييل ما تنلام اذا عندهم حريم ما تخاف الله فيهم ..

خل يسمعوون ويشووفوون البنات اللى ينصحون ويقووولون طنشي ريلج وسوي وحطي فيه

ترا هذى تاليتها يحط علي راسج شريجه تلعب بحسبتج لعب

وتظلين تندمين عمرج كله علي فعايلج مع ريلج ..


ولا فات الفوووت وانا اختج ما ينفع الصوت ..

الله يكون بعونج ويقويج ويصبرج
​

 

[salouola88]

قععععععععععععععععععععععععععدي علا جبددددددده
لبسي وكشخي وتزكرتي وطلعي وروحي وردي وخليه يموووووووووووت يستتتخف

 

[هُدوء]

توني انتبه لـ ردج تقولين انآ مآذيته وذالته ،
حطي الف خط ع كللمه ذالته ، انتي مسويتله شي جآيد
الريآل كلش ولا المذله ، شنو استفدتي هآلحين

الله يهديج

 

[بــــدره]

عدلي علاقتج مع ربج و عدلي معاه
و عدلي حياتج
ضعفي و اهتمي بنفسج
لا تخلينه من اولوياتج
انسيييه
و راح يرجع لج
لو مهما يصير ترا الزوجه الاولى غيييير

 

[ماني من الناس]

اول مره اشوف واحد قبل لا يعقد يروح يسجل باسم اللي بياخذها محل ومقهى وشقه


اشكره وحده من الثنتين يا طامعه فيه

او زوجج ضعيف شخصيه عباله انه ولا وحده بتوافق عليه فلجأ لسالفه انه يغريها بالفلوس ويشتريها

 

[tbola]

الله يآجرج في مصيبتج

 

[گـحِـلْ |~]

الله يكون بعونج

 

[بنات حواء2]

اوافق على كلام اختي ام كوثر
و اضيف عليه ان المشوار بمحكمتنه طويل و بنهايه راح تطلعين مهضوم حقج و ينوخذون عيالج منج

 

[السيده ام حسين]

حببتي المحكمه الجعفريه مش ماتطلق بس المحكمه الجعفريه تسهل من الزواج وتحاول تصعب من الطلاق علشان لايكثر الطلاق للتوضيح فقط
وزجش ان شالله ترى بيرجع ونصيحه لاتطلبين الطلاق خليكي الحين لان زوجك معصب ويحس نفسه انه انذل والرجال اكره ماعليهم ان احد يذلهم طبعا مش كل الرجال بس زوجك من هذا النوع

 

[ام اشكن]

واااااي الله يعينج حبيبتي ويصبر قلبج ويهدي ريلج مالج الا الدعاء والصبر

 

[ديانا سبنسر]

الله يعينج

 

[تفاح أزرق]

اول مره اشوف واحد قبل لا يعقد يروح يسجل باسم اللي بياخذها محل ومقهى وشقه


اشكره وحده من الثنتين يا طامعه فيه

او زوجج ضعيف شخصيه عباله انه ولا وحده بتوافق عليه فلجأ لسالفه انه يغريها بالفلوس ويشتريها

المطعم مسجل بإسم زوجي بس مسمي المحل على اسمها بدال لايحط اسامي مناطق او دوله بالعالم حاط اسمها على المحل بس المطعم مسجل بإسم زوجي....

 

[يعطرني اسمه]

لا حول ولا قوة الا بالله.. الله يهدي النفووس ياب ويصلح بينكم حاول تقرين ردوود البنات وتستفيدين منهم عىل حسب الوضع اللي بينكم .. وانا اقترح اذا ماعندج منه عيال انج تنسحبين من حياته وتخلينه.. والله يعووضج خير يارب..

 

[حبك بلاني!]

انتي ذالته اكيد بيحرج ...!

عدلي من اسلوبج معا يمكن يتعدل ويرد مثل اول بس طلاق مانصحج في...

 

[Patcholli]

ماستوعبت الموضوع للاسف ..