زوجي لسانه قذر؟ شالحل؟؟

[miss2007kuwait]

اذا سوى جذي سكتي لما اهوا يستوعب ان اللي قاعد يسويه عيب و خليه يتحسف حييييييييييل ان اهوا سوه جذي لما يشوفج ساكته و ما تقولين شي بس متضااايقه حيل ... والله يعينج

 

[ماسه^^حساسه]

السلام عليكم ...

أختي الغالية ... أنا من رأيي أنج تسكتين وتكونيين هادية معاه وبريئة وديري بالج تعطينه نظرات تحقير أو رفع حاجب أو تنقدينه على روحه في وقت عصبيته لأنه راح يحتر منج أكثر ويتنرفز ويقول كلام أقذر وتصير بعدها مشاكل كبيرة مالها داعي ... أنتي خليه يعبر عن شعوره بهالفترة ... وبعد ما يطيح الي براسه ويرجع البيت لا تكلمينه سوي نفسج زعلانه ولا تحاجينه ودخلي غرفتج خليه يحس بغلطته وإذا دخل وراج الغرفة بيحاجيج تكلمي معاه وعبري عن مشاعرج بهدوء قوليله ما يصير كل ما يصير نقاش بينا او سالفه تعصب وتتلففظ بكلام يزعلني منك ويجرحني وانا لاني أحبك بقولك الي بخاطري عشان ما أشيل عليك من داخلي وعشان تعرف أن هالشي أنا ما أحبه منك أبي علاقتنا تكون حلوة ونكون راقيين بتعاملنا باجر ورانا عيال ومستقبل وكل ما نتخانق بتلفظ هالكلام قدام عيالنا حاول تمسك نفسك الحليم الحليم الي يمسك نفسه عند الغضب وبس كلميه بأسلوبج وبهدوء حسسيه انج تحبينه وانج بجد زعلانه ...

والله يهديه ويخليه لج يا رب ... ​

 

[G!RLooNa]

السلام عليكم

أختي الغالية

الله يعينج بس يعني صحيح أسلوبه موشيء بس والله زوجج أهون من غيره في أزواج لسانهم أوسخ من جذي ويقطون كلام قذر يوصل للطعن بالشرف والعياذ بالله

والحل هو لا قال لج هالكلام ردي عليه بكل بساطة وبدون تعصب ولا رفع حاجب : أنا ما أسمح لك تكلمني بهالأسلوب والمفروض أن مستواك يكون أرقى من جذي . وطلعي من المكان وروحي مكان ثاني . وكرري هالتصرف أكثر من مرة وراح تشوفين شلون راح يتعدل أسلوبه .​

معاها

 

[كنوشة 2009]

انا بقولج شيى مرات احنا مانتكلم بس نظرات عيونا تعطى كلام عن الف كلمه

لاتنرفزينه زياده بنظراتج وحاجبج لاترفعينه اكو رياييل مايون بهطريقه بالعكس يزيدون وينهبلون
انتى سكتى بدون رياكشن

خلج عادى واذا هدا وهبط هنى نقدى على نفسه لان بوقت العصبيه راح يزيد اعصاب

بس اذا هدا كلمى وزعلى قولى له انا ام عيالك تقولى جذى ومن هلحكى ومثل ماقالو تمسكنى وتمكنى مدام زين حسافه صراحه وكلش كلش هدديه قولى بقول حق ابوى يتفاهم معاك شوفى شنو ردة فعله

انا رأي من رايها

 

[ميس الورد والشوق]

الله يهديه

 

[لاتينيـه]

الله يهديه ويعينج .. انآ حبوبه من رآيي مآ تسكتين
حلو حل انج تحقرينه وتروحين بس شكله ريلج عصبي يعني يمكن يعصب
اكثر ويتمآدى ويحط فبآلج انج سآفهته
قعدي ويآه وتفآهمو خل يدري انه لو قآلهآ المره اليآيه مآ رآح تطوف

 

[fdeetni]

لاتدخلين احد نقديه على نفسه وانتي ساكته ولما يهدا وتتصافوووون فهميه وتفاهمي معاه

 

[منول]

زين تسوين فيه الصراحه

 

[@البتووول@]

شوفي هالرابط يمكن يفيدج...




http://www.q8yat.net/showthread.php?t=524918

 

[غنوة ستايل]

مو زين يا الوايليه مو زين
علميه الادب . وقاطعيه جم يوم عشان يتعلم ان الكلام الخايس مو زين
وقولي له كل كلمه خايسه تقولها تراوالك انا انساها ؟ انا ما انساها اتم بقلبي نقطه سوده
مني ليما قلبي ينترس سواد من ناحيتك هذا اللي تبيه ؟ هذا اللي انت تفكر فيه ؟
عيب الكلام الوسخ هذا باجر يصير عندنا عيال بعد تبيهم يقولون نفس كلامك ؟
اخذيه بالعقل والحكمه وان شاء الله يتعدل

 

[كريستال]

الله يعينج انا مع الاخت اللي تقول تمسكني

 

[المدينه]

الله يسخره لج ويهديه

 

[ام جسوماتي]

السلام عليكم والله يعينج حبيبتي .. بس مو تعاندينه ولا شي بس تعاليله باسلوب حلو يعني لي تراضيتو قوليله انا ما احب جذيه تقولي وانا وايد يحز بخاطري هالكلام ومن هالحجي الذرب وعجبني فيج انج ما تردين عليه الرجال ما يبي المره اللي ترادد .. وعسى الله يوفقج ويبعد عنج المشاكل ..

 

[ana mo ana]

اممممم...الله يعينش بس هو الظاهر يقول هالالفاظ لانش طفرتيه زياده....المفروض لا عصب او صارت مشاده بينكم انتي تهدين او تسكتين ما تردين عليه ولا تراددينه....لا هدى وطخ شوي ذيك الساعه ردي كلميه وفهميه انش انتي مرته لازم يحترمش....وعيب هالالفاظ @@

 

[Good Enough]

حبيبتي اللي يقولج اسلوبج غلط ما جرب عشان يرد عليج

انا حالتي نفس حالتج و ازفت بعد .. و كنت اسكت نفسج و مرات ارد و ما اعلم اهلي و هذا الغلط الكبير المفروض تقولين لهم

الحين بتطلق منه لهالسبب و اسباب ثانية كثيره

تلاحقي عمرج لا يزيد عليج و بعدين محد يقدر يوقفه

والله يوفقج حبيبتي

 

[Ba$ko0oTa]

ما عليه يا قلبي ادري انج ما تقدرين تسكتين على الفاااظه
عادي متعودين اهم حزة العصبيه ما يثمنووون كلامهم
وبعدين لما يهدوون يتحسفووون
انتي اللي عليج تسوينه قووليله مشكوور وما قصرت ويعطيك الف عافيه
وهذاا من طيب اصلك ووخري عنه
بس خليه صدقيني بطخ وبيندقر

 

[ام يوسف الكويت]

انا زوجي لي عصب يكسر الاغراض والاثاث وانا اضحك عليه والله احسه مينون لوووول
واخر شي اهوا اللي بيدفع من جيبه وبيصلح
صج الرياييل ميانين
والله مادري شقولج عن مشكلتج
عندي كلام وايد بس الحين دايخه ولي عوده انشالله

 

[شموخ 88]

صرآحة
معنه اهوه غلطآن ..
بس طريقتج و وصفج لنظرآتج وكلآمج له غلط غلط غلط
يعني انتي تنرفزينه زوووووووود ‘ لمآ يعصب لا تنرفزينه و خلي نظرآتج له نظرآت برآآءة وجنج بتبجين
ومدام انتي قلتي انه طيب وحنووون اكييد رآح يحن قلبه ولا يتحمل هالنظرآت

وعموما ترى الريآييل لسآنهم مآخذ على هالوضع
لانهم مع ربعهم يقولون هالكلآم على غشمرة @@ < معني ضد هالشي بس هذا الوآقع

واذا كآن هآدي وبعد ما تمر نوبة هالعصبية
قعدي معآه وقوليله صآرحيه انج تنجرحين من كلآمه لج
وقوليله انته تهين كرآمتي ما اتحمل ‘ انا زوجتك شرفك شلون ترضى لي هالكلآم القذر اللي تقوله؟
بس بهدآوة وبدون نظرآت رفعة الحآجب :dddds:

وان شاء الله يهديه لج

سبحان الله نفس اللي كنت بقوله

 

[AUK GirL]

اكبببببببر غلط انه المره لمن تشوف ريلها يغلط عليها وتسكت لانه بيتمادي

ويقول اي هذى تخاف مني خوافه حتى لو سبيتهااو هنتها بتسكت لانها تحبني وتخاف

اذا قالج كلمه وقفيه عند حده وعيه نظره استحقار وروحي لا تتناقشين مع اشكاله مدام اهوا لسانه وصخ

عشان ما تمادى وقوليله اذا ساب سيرة اهلج بتشوف اهلي شنو بيسوون فيك

امبي ويييع شهالبيئه اي عايش فيه شنو هالتربيه يسب مرته وين قاعدين حديقه حيوانات

انا نوعي حديييي متحيزه حق المره ودي اشوف ريلج وازفه واشخله شخاااااال عشان مره ثانيه مايتجرا يسبج جليل حيااا صج

نصيحه لا تسكتين معروه الريال مانعطى ويه ولا يستاهل انج تطوفين له لانه مثل الياهل الصغار يتمادى اذا عطيتيه يه

 

[الاخلاص]

لا رفعة حاجب ولا عناد
تمسكني لين تتمكنين ، الزوج ما يبي له معاند
ولا تحطين راسك براسه
كلميه بأدب شديد وباحترام ولا تعاملينه بنفس الأسلوب ومع الوقت بتتلاشى هالكلمات

انا معاج بهالنقطه ويسلم بؤك

شوفي لمن يقولج جذي سكتي عنه لا تردين عليه عشان يستحي شوي بس تبين الصج اغلب الناس جذي لمن تعصب تغلط كل شي تقول بس بعدين لمن تهدي اعصابهم يتحسفون فهذا انا اشوفه شي طبيعي وفي ناس تعرف تتحكم باعصابها ما تغلط
الله يهديه

عليييييييييييييييج نــــــــــور

العاشقه هو خوش واحد يعني طيب وحنووون معاي بس مشكلته انه لسانه قذر مثل خرا حقيره معقده خايسه تفكيرج منحط يعني هالكلام وهالكلام يغثنييييييييييييييييييي
ماودي ادخل اهلي لانه اهو زييييين حيل وياي بس عنده هالمشكله وودي احلها برروحي فأبي منكم طرق تعامل

اكبر غلطه انج توصلسنها لهلج اهلج شكوو انا ريلي نفس ريلج اذا عصب مايعرف شيقول اهو قالي انا اذا عصبت ماعرف الي جدامي دمه حاااار زوجج جنه ابناخي زوجي خخخخخخخخخخخخ

الحمدالله والشكر
مشكله الرياييل

اممممم انا كنت بقولج خلي اهلج يتدخلون بس انتي مثل ماتقولين اهو زين بس مشكلته وقت ما يعصب

الي ملاحظته اسلوبج حلو معاه يعني تنقدينه على نفسه وهذا شي طيب خلج على هالطريقه وشوفي شنو اخرتها معاه

_03ba: