زوجي لاايعه جبده مني :(

[sweet heart]

اسمحيلي اختي ريلج جذااااااب عووووووووود..
ومابي اقثج بس مدام برر موقفه يبي يوصل لج معلومه يعني لا تشكيييييييييييييييين فيني وان مو قاعد يسوي شي غلط..
وانتي على نياتج..تره الرياييل ذيااااااااابه بالهسوالف تلقينه يطير فيج واهوا يطعنج بطهرج مو شرط يخونج مع وحده ممكن افلام ولا عاده سريه اي شي يريحه..
كلنا متزوجين ومتحملين الحمال والقثا ونسوي اللي بيننا وبين الله وهم مو لازم اهوا يطلب هالشي شباب الحين اغلبهم
يبون اللي عينها قويه وسامحيني بالهلكلمه يبون الفصعه اللي عندها تجارب..
شنو يركضون وراها..فتحي حياتي
لا تقولين استحي ماراح يفيدج الحيا..حطي ريلج تحت جناحج وتحملي التعب واذا اهوا قالج جسمج وهالخرابيط اللي
يقص على ياهل صغير فيها قوليله انا ابي وانا لي حق ولا اروح الشارع يعني !!!!
حسسيه ان انتي تبين مو تنطرينه متى ما نطق...
شوفي انا واحد عزيييييييز علي ومن شباب هالوقت قالي كلمه والله اذكرها قالي تبين ريلج مايشوف غيرج..؟
هدي حيله لا شفتيه فهمتوا شنو يعني لوووووول.. يعني اشبعه اللي خبررررج وحركات وسوالف مو علشان حامل اسوي ستوب..
انا نصحتج صدقيني بيطلع من البيت مثل
الحصان مايشوف الا طريجه..بالنهايه لا يلعب عليج وفتحي حبيبتي ماكو ريال يصبر هالمده اتحداااااج..

 

[غلاي غير]

الله يعينج
الظاهر انتي مستسلمه للحمال من قلب
في بجايم للحمال تهبل وقمصان روعه
اخذي زبدة الشيا الاصليه وتهني منها مع زيت لوز مر ولاتخلين نفسج
ولاتشكين الظاهر من النوع الي كلش مايحب المره الي تقول تعبانه يعورني ما اقدر اصبري

 

[عيون سارة]

واي لايكون
ريلي كذا وانا ما ادري

لاني احسه متغير
لوووووووووول

 

[محتاره بحياتها]

بصراحه زووجج ماعنده اسلوب كلششش

بعدين انتو اذا نمتـوو طفـوو الليت وشغلوو الشمووع والابجوره عشان مايدقق بالجسـم

بس ولو ترى هذا مو عذر يمكن الخطوط تظل لبعد الولاده بعد بيطلع له عذر وبيقول ماراحت ماقدر اقرب صوبج

كل الحريم اللى يحملن اشوفهن رقبتهن تصير سوده والكرش لحلقهاا والوجه منتفخ والخشم بعد ينتفخ
ورجالهم عادي واصلا بالشهر التاسع يشتغل عليها لان يقولون كثر النوم يسهل الولاده ويفتح الرحم

بصراحه انا مااحب الرجال لما يكون سطحي
الزوجه اهم شي الريحه تكون حلووه اهم من الشكل


وانتى بعد الولاده اهتمي بنفسج عدل وعليج بالمغربي والسنفره


موفقه

 

[أنفاسي دخون]

يا سلام !!
يعني حامل أكيد بتطلع لك كرشة !! والا شلون تشيلينه بالجنطة !!
وقوليله حتى انت مرات تمتن ومرات تضعف وانت لا تحمل ولا تجيب ماعفتك وقلت لايعة جبدي منك !!
والله هالرياجيل صايرين ماينعطون وجه !!
وانتي لا تبينين انك حيل مهتمة ومشتطة ،، بكرة يمسكها عليك !!
كل ما تغير فيك شي بسيط قام يتبقط؟؟ (( يعني يتدلع ويتشرط )) !!

لبى قلبش والله على الرد ضحكتيني من قلب

وانتي حبيبتي لا تحاتين السواد يبروح بعد الولادة والكرش مع الرياضة والاهتمام بتختفي ان شاء الله وعسى الله يهدى زوجش

 

[ام شريفه]

انتي عشان اتخففين المشكله لا تتشكين يعني تقولي آي ظهري و ما أقدر امشي و جسمي مو حلو و بطني عود يمكن هالشي حطه افباله

يعني مادري كل الحريم حملو و رياييلهم ما قالولهم جذي

المهم انتي اعتني ابنفسج من الحين يعني سويلج حمامات مغربيه و فركي نفسج لمن تولدين استمري و ان شالله تتغير نظرته لا تحاتين

 

[مكنتوشه]

والله الريايل ما دري شيبون بالضبط

ريلي يحن علي حملي حملي وانا ما ابي لان عندي 2 صفار واهوا يحن قتله مالي خلق الحمال ، وجسمي بالقصب عدلته عقب اخر ولاده .. واهوا مو هامه يبي ياهل . المهم انا الحين حملت وتوني ببداية الشهر الرابع . ( وانا ريلي من النوع الدقيييق حييييييل ) امس يقولي شفيه ويهج جذي طالع فيه نفر ويقعد يعد النفر الي بويهي .. والله تضايقت .. ويهي صاير ناشف وجم حبه طالعتلي مع اني احطله كريم .. بس من الحمال لازم يتغير الجسم كله . وهذا حظرته قاعد يعلق على شي شي .
قتله بدام تبيني حلوه ايش تخليني احمل .. صج اهوا اكثر واحد يكرهني بالحمال .. يعني تدري اني حامل شكو تسأل هذا ليش وليش

ترا مو بس ريلج جذي . بس انتي لا تتشكين وقت الشسمونه.... ويالله هانت كلها شهر ان شاء الله وتولدين بالسلامه

 

[حنين القمر]

الله يعينج حبيبتي اهم شي كليون تتدهنين بكريم فازلين بزبدة الككاو ولا زيت جلسرين اللي يريحج عشان لاتزيد الخطوط اللي بجسمك

لان الخطوط لي صارت ماتروح الا بليزر ودوخه فاهتمي من لحين احسن

والسواد سهاله يروح فترة النفاس حيل تفتحين ومع الوقت بتردين للونج الطبيعي

اهم شي تهتمين بنفسج تلبسين دلاغات وسروال طويل وشيله كل يوم

حتى لا يدشش هوا ..

بس عاد مو تبيعينها وتهملين نفسك !!
الله الله بالخلطات والحمامات المغربية من بعد ما يطيح خياطك !!
وأدوية الإنفاس عشان تضبطين نفسك صح ،،
وديري بالك تشربين اي شي بارد لو حتى ماي !!
وقبل 10 أيام من طلاعتك وقفي ادوية عشان الريحة ،،
والله الله بالصبغة والقصة ولا تنسين الكورسيييييييييييييييه من بعد 15 يوم بالكثير على نفاستك !!
الا اذا كنتي عملية ما يصير !!

حبيبتي العوبه

منو يقول العمليه ماتلبس كورسيه ؟؟

وليش؟

لان انابولادتي الثانيه عمليه وبعد اسبوعين او ثلاث كان عندي موعد يشوفون عمليتي


ولما شافتها سألتها قلت عادي ألبس حزام ولا كورسيه

قالت اي عادي مافي مشكله

نو بروبلم


حتى بمستشفى خاص مو حكومه ..


بس مادري يمكن عمليه عن عمليه تفرق


انا عمليتي كبس اللي داخلها خيط ..


يمكن الخياط مايصير اي دونت نو


موفقه يالحب:icon30: ..

 

[Empty_heart]

يعطييييكم العافيه الصراحه مادري شللون اشكركم وفي ردود ريحتني وردود ما اعجبتني بس همن ماقصرتو


وااللي اتقول انتي مو مهتمه بلبسج ولاا ما تدهنين بطنج

والله عيزتت وانا ادهن من اول حمالي بس شسوي همن يطلع خطوط وعالبس البس البجامات والقمصان اللي تعجبه واهو يمدح شكلي حيل ويستانس لما يشوفني يعني امس على العشى كنت حاطه ميك اب خفيف ولابسه نفوف قصير مال حوامل يونس شكله ولما شافني حيل استانس يقولي شكلج وايد حلو جان اقوله اي طل لو حلوو جان ماقطيت علي هالحجي وماتقرب صوبي
جان يقولي ميخالف لاحقه وخليته على راحته

وريلي من النوع الدقيييييييييق حتى قبل لا احمل دايما يبيني بيرفكت وكاشخه 24 سااااااعه يحب المره اللي دايما تكشخ وماتهمل ابنفسها وانا احاول كثر ماقدر اترس عينه بس الحمال متعب هاللي خلاني اطخ وما اهتم شوي

واهو مو معترض على سالفة الحمال بالعكس حاس ومستانس بس يقول شكلج غلط لما انام معاج وكرشه جذي جدامي

عااااااد انا دوري اني اتحداه واردله ان شاءالله احسن واحلى من قبل

وممشكووووره حق كل وحده ردت علي

 

[حنين القمر]

زوجج هذا ماينعطا ويه


عصبي عليه ..

ولما شافني حيل استانس يقولي شكلج وايد حلو جان اقوله اي طل لو حلوو جان ماقطيت علي هالحجي وماتقرب صوبي
جان يقولي ميخالف لاحقه وخليته على راحته

غلطانه لاتقولين جذي


بالعكس هو يمدح وانتي خليه يزيد


يعني مثلا وشعري شرايك فيه


ومكياجي ؟؟

وعيوني حاطه عدسات


خلي ينتبه زياده


من هالكلام ..


وقولي مسويه سنفره شوف جسمي ناعم جني بيبي


حتى لو مو صج هو بيصدق


وبيضل يتلصق فيج خخخخخخخخ


واذا قال جنج عيوز قولي عادي كل الحوامل جذي


وقعدي تفلسفي عليه قولي اذا ماتحب شكلي بعد ما احمل



وتدلعي وتغنجي


لاتصيرين رسميه


الرجاجيل مايحبون الرسميه



ومره سوي نقش على سيقانج


ولاسويله مساج


وحركه حدها عجيبه قوليله فخذي يعورني تعال سوي لي مساج وجيبي له كريم ولا زيت ..


بس اهم شي تسكرين الليت وتفتحين الاباجوره حتى لايبين السواد ..



لاتستحين بعد هو زوجج


حلج وحلالج ...



موفقه يالحب ..

 

[أم متعب]

لا مستحيل يقولج جذي

ومستحيل مايجيج 6 شهووووووووور قويه

بس ياقلبي لازم تشربين حار هالحين والبسي وتكشخي وتعدلي حتى وانتي حامل

لا تهملين نفسج وقبل الجماع ياعمري دخلي شاش وخلي طرف منه طالع شوي لان طبيعي الحامل

يطلع منها افرازات زايده وشوفي البجايم ملوت الحوامل

اللهم يامسخر القلوب سخر قلب زوجج لج

 

[نوارة الكويت]

لووووووووووول اسلوبه كلش مو حلووووو
وبعدين هم يبون عيال وهم يبون الجسم ما يتغير ........

 

[mooma]

حبيبتي الله يعينج
بس ترى شوي من الغلط عليج
اهو بنفسه يقولج (جني نايم مع عيوز)
الريال ما يحب وحده تتشكى !! و الريال نوعه ملول المرا يمكن تصبر عالشكاوي
الريال مره بالسنه قوليله تعبانه لا و بهالمره يقولج وايد تحنين
هالدور و انتوا مع بعض !!! اكيد ما راح يتقبل
حبيبتي لاازم كله الحين تدهنين جسمج بزيووت عشان الخطوط ما تطلع
و خلج دايمن كاشخه يعني ابسطها الكحله لا تروح من عينج عالاقل شي يغطي على شي
النفانيف القصيره قمصان النوم القصار اللي يونسوون عالحامل يعني هالسوالف !
اذا قاعدتله بدراعه و ويهج جذي و كل شوي آي و آي هم بيكون معاه حق
بس غلطان انه قطها بويهج و وخر جذي فجأه
انا ماقولج هالكلاام بقصد اجرحج بالعكس انا انصحج عشان تستفيدين !
و اهتمي بنفسج بعد الولااده
و ظروري اتيبيلج (الرداده) اللي اهي تسويلج المساج بعد الولااده هذي تردلج كل شي بمكانه
لان بعد الولااده تحسين انج مفججه !
و حمام مغربي و الكورسيه هذا ترى يشد البطن شد اكثر من و انتي بنيه
و صبغي شعرج و قصيه قصه حلوه
و ترى السواد من تولدين كله بيروح
و الرضاعه الطبيعيه ترى هذا كله كوم و الرضاعه الطبيعيه تغنيج عن كل سوالف الشد و هذول لان بالرضاعه راح تحسين ان بطنج يشد !!!
و راح يرد مثل قبل و احسن ان شاء الله
و الله يوفقج و يسهل عليج ولاادتج يا رب

 

[om MaRyooM]

ياعمري الله يعينج .. بس ميخالف لاتتازمين حطي في بالج فترة وتزول


وبعدين ماجذبتي ترا صج في واايد رياييل تلوع جبدهم من المرة الحامل ومايجيسون حريمهم الا عقب الولادة لا وحتى بعد الولادة يبيله فترة على مايتأقلم ويستوعب
وفي رياييل يحبون الـ.... مع المرة الحامل على فكرة وعندهم عاادي ومايهمهم وايد الشكل


عاد انتي دام زوجج جذي اول شي لاتذكريله شي من تغييرات جسمج يعني لاتقولين (وااي مظايقة عشان الخطوط اللي بجسمي) أو (امبي زايدة مثلا 10كيلوات) ..... هالامور ماينساها الزوج ولازم تحتفظين بهالاشياء لنفسج او تقولينها لصديقاتج

وشغلة ثانية انشالله مابقالج شي على الولادة ... عاد بالنفاس شدي حيلج وامشي من بعد 10ايام من الولادة نص ساعة عشان لياقتج ترجع وعشان منطقة البطن والفرج يشدون
وييبي سوالف سنفرات وهالاشياء عشان خلال هال 40 يوم تهتمين ببشرتج عدل عدل ورطبيها علطول
ووخري عن الببسي والعيش والفطاير لأنها تخرب الجسم

واذا تبين تستفادين زيااادة في كتاب اسمه (اسرار الحريم) بكل صراحة هالكتاب قمة والله العيم بتستفادين منه وايد وايد
يقولوج شتسوين بعد الولادة وشلون تهتمين بكل شي أكلج بطنج بشرتج المنطقة الحساسة والسنفرات وكللل شي ..
رح تدعيلي اذا قريتيه




طولتها ادري بس حبيت افيدج

 

[المدينه]

ريلج وايد جريء

 

[كاكاو مارس]

ان شاء الله تقومين بالسلامة وترد حياتكم مثل اول

 

[Maltesers]

لوووووووووووول عادي عادي انا ريلي قال لي نفس الشي لمن قلت له على بجري اشدعوه جذي متغير علييي .. رد علييي ما احب الكرش وانتي بطنج صاير اشكبره مع ان اللي يشوفني بالتاسع يقول لي جنج بالخامس .. بطنج على قدج بس اهوه تلوع جبده من الكرش وكان يتخيل بطني كرشه ههههههههههههههه عاد تعالي استلمي الطناقير ليمن يا يراضيني .. وتعود عالوضع صار عادي بالحمال اللي بعده

 

[Um 3aBooD]

حبيبتي سوي مثلي انا كنت ادش المنتدى واقرا سوالف البنات ومعاناتهم مع الحمال والأشياء الي تتغير بالجسم وقت الحمال لما اهوا استوعب انه هذا شي طبيعي وعادي ومو بس انا الي يصير معاي بالعكس وايد اشياء تصير حق البنات بس ما تصير معاي..قوليله في حريم يزييد الشعر الي بجسمهم بس يحملون انا الحمدلله ما يصير معاي وفي ناس تنتفخ ريولهم وايدهم..يعني ذكري الأشياء الي تصير حق الحامل بس ماصارت معااج ..انا والله كنت اسوي جذي واتحلطم على رووحي عشان ريلي لا يبلش فيني بالعكس صار اهوا الي يواسيني ويقولي ميخالف بس تولدين كل هذا يرووح

 

[بتبوتااا]

غريب امره ريلج !

البنات ما قصروو بالنصايح والله يعينج عليه يا قلبي

 

[iron women]

هاذا رياييلنا ماناخذ منهم غير العواية والحجي اللي ايغث لايكون عاد روحك توم كروز هاذا موبدال ماتحوف وتزوف فيها

حبيبتي حقريه ماعليج منه كلها جم شهر وتولدي واهتمي بنفسج وكشخي وكسري عينه