زوجي كل يوم يطلع من الساعه 9 لحد 3 الفجر ومايرد على التلفون

[دكتوراه أنوثه]

بنات انا زوجي صارله شهر مايقعد باللبيت وخصوصا بالليل كله يقول بروح قهوه أو بحر أو حداق أو شاليه المهم لازم يشوفله طلعة بالليل

ساعات أقوله روح حبيبي استانس بس رد علي أخاف احتاج شي بس للأسف ولايوم رد علي وساعات يسكر جهازة وساعات ينام بره البيت ويرجع 9 الصبح وإذا قلتله ليش مارديت أو عطيتني خبر يقولي التلفون ضايع وبعد جم يوم يطلعه ويقول لقيته عند رفيجي ( أي شي ) ....

السالفه علشان تفهمون أكثر انا ماأنام خميس وجمعة عند أهلي
اهو كل يوم يسهر ولا يوم طوفه
اليوم اللي يطلعني فيه مثلا يطلعه منجبدي ويسهر لحد الساعه 5 تقريبا ويكون عليه دوام وعادي يرجع البيت نعسان بيموت ويلبس ويداوم
اهو دوامه حكومي كل يوم 6 الصبح وفوق هذا كله كل يوم سهر
موبس مايرد علي انا لأ حتى على أهله مايرد كلش لو يقعد بره البيت 7 ساعات
مايطلعني ولامشوار صاير ماله خلق كله يقول انتي روحي
ويوم الجمعه مستحيل مستحيل يكنسله علشان أي شي بالدنيا يطلع من الظهر وماأشوفه إلا الساعه 8 الصبح ووراها ينام ساعتين ويقعد مره ثانية السيبت يطلع من 11 الظهر ومايرجع إلا الساعه 4 الفجر ومايرد علي كلش كلش ويرجع وينام ببرود..حتى عياله موقاعد يجابلهم ..ولما أفتش تلفونه ماكو شي
وعلى فكره قعدت معاه مره وقلتله حبيبي لازم نغير حياتنا انا مليت من العيشه اللي صايره قالي خلاص من باجر ارد عليج وماأتأخر بره البيت ( وعمك أصمخ ) تمادى وايد لدرجه ان قام مايهتم بكلامي


شنو الحل وشنو تتوقعون قاعد يصير ...انا شكيت انه متزوج بس مااتوقع لأن توه متزوجين صارلنا 4 سنوات..:0bee2e8d89:

 

[دكتوراه أنوثه]

وشلون أعرف إذا كان متزوج أو لأ في طريقه ؟؟؟؟؟؟؟؟؟؟؟


_03ba:

 

[manhattan girl]

و الله العلم عند رب العالمين بس انتي دخلي احد كبير من العايله و له تأثير على زوجج يمكن يتعدل و يحس و الصراحه عفيه عليج ساكته كل هالسنين الله يهديه و يفرج همج حبيبتي

 

[شقرديـه عالطل]

مادري شقولج بس والله
مابي اظلمه وانتي ادرى باخلاقه
بس اخاف يروح قعدات وحفلات اعوذ بالله عشان جذي مايرد عليج علشان ماتسمعين الاغاني والبلاوي
انتي ادرى باخلاقه بس والله لو زوجي جذي حطيت ابالي هالسالفه مادري ليه

 

[شقرديـه عالطل]

سالفت زواج ثانيه حبيبتي ماتوقع؟

 

[دكتوراه أنوثه]

لا السالفه توها صارت من شهر حسيت هالتغيير الكبير ..

احنا كنا كل يوم نطلع ومجابلين بعض حتى اللي يشوفنا يقول شنو ماتقعدون بالبيت ؟؟؟24 ساعه بره وربعه يدقون عليه ويقولوله مرنا يقولهم والله طالع مع الأهل .......شنو صار ماأدري

إذا دخلت أحد من الأهل أخاف تخترب السالفه ويتضايق ويعاندني أكثر لأن مره قلتله بقول حق أخوي قالي عادي اكلمه بقوله كيفي بسهر مع ربعي انتي شكو ...

 

[جـــوووبـــا]

مادي شقولج انتي نفس سالفت بنت عمي والبلا بنت عمي توها متزوجه ماصارلها الا كم شهر صج الله يعينكم بس ابسئل اهو من خذيتيه جذيه ولا تو طلعت هالسالفه

 

[دكتوراه أنوثه]

اوكي القعدات كل يوم ؟؟؟؟؟؟؟؟شنو مايمل معقوله

شوفي انا زوجي راعي سوالف ...توه راد من البحرين وقبل شهرين كان بيروح تايلند ..وكل يوم مع ربعه فأتوقع قعدات بس صارله جم يوم يقول انا اذا بخربط مااتعب نفسي اتزوج ثانيه ليش ادش طريج الحرام ( يعني كلش )

 

[دكتوراه أنوثه]

لا زوجي اول ماخذيته يهبل يموت فيني بس احنا من كثر مانحب بعض يمكن مل مني لأن كان يعشقني ..ومحترم ويستحي حيل وماعنده حتى ربع .........

الحين دواوين ويقول بروح جبد ومادري وين

 

[دكتوراه أنوثه]

مشكورين على التفاعل والله توني سويت الموضوع كنت نايمه وتوه رد الساعه خمس ونص قمت فتحت الكمبيوتر وشكيتلكم الحال

 

[كاميليا1]

والله كثري من الدعاء وربي برده لك اسال الله الواحد الاحد الفرد الصمد ان يرده لك افضل من الاول وتكونوا احلى عاشقين يارب

 

[دكتوراه أنوثه]

الله يسلمج كاميليا ....والله مااتوقع بيرجع

 

[شقرديـه عالطل]

والله ياقلبي مادري شقولج بس دان هالسالفه توها انشالله هبت عروس على قولتهم فتره ويمل ويرد عادي
والله يهديه يارب

 

[دكتوراه أنوثه]

ياعمي مليت وانا ارقعله .........ودي اعرف وين يروح عفيه سألوا رياييلكم

 

[دكتوراه أنوثه]

تسلمين ياشقرديه ماقصرتي انتي والبنات

 

[احلام روحي]

معقوله مل منج !!

طيب خلي واحد من اخوانج يراقبه ويشوف ربعه هذولي منو !!

يعني صراحه سهره مو طبيعي ولا يطاق ابدا ،،، خارج المعقول حده

راقبوه مافي غير هالحل

 

[مارغريتا]

شهالعيشه !! ومن صجج راضيه وعادي عندج !
وقفيه عند حده يبه قولي له مو حاله هذي احنا لنا حق عليك انتا مو عزوبي !
انتا مسئول عن بيت وعيال ومره احنا نبيك عيالك يبونك بيتك يبيك ..
ياربي هذا بيت مو فندق يدخل ويبدل ويسبح ويمشي

والله انا مابي اشيشج بس هالوضع مو زين لا لج ولا له


اذا مافاد معاه عطيه طاف واكشتي فيه واطلعي كل يوم انتي وعيالج ولا تردين الا بالليل
روحي لاهلج خواتج حمولتج رفيجاتج .. طلعي عيالج مشيهم روحي سوق العاب اهم شي انج ماتفكرين فيه ..


الله يخليه لج يارب ويبعد عنه بنات ابليس

 

[شقرديـه عالطل]

صجج خل اقولج يمكن عنده شقه ويسهر فيها اهوا وربعه لان رفيجتي نفسج ولمن دورت ورااه لقت عنده شقه يسهر اهوا ورعه فيها ونظام اهوا صاحب الشقه فلازم يقعد لي ما اخر واحد يطلع منها شوفي يمكن ريلج جذي؟

 

[يا حلاتكمـ]

الله يعينك اختي بس كل الرجال يبغون يطلعون يروحون الاماكن حقت شباب زي الاستراحات المنتزهات

مافي رجال يبي يجلس بالبيت اربع وعشرين ساعه واذ يبي يجلس بالبيت يفتح تلفزيون او الكمبيوتر

ما يحبون احد يتحكم فيهم واذ قلتي اجلس معاي يتضايق

 

[احلى دووودي]

زين عليج صابره لين الحين مو معقوله ربعه كل هالوقت اكيد السالفه فيها انه يمكن يروح حفلات عشان جذي مايرد على تلفوناتج عشان ماتسمعين الصوت اللي عندا