زوجي قطني فبيت اهلي لييييييش؟؟ شسويت ؟؟ فيه سبب اتفه من جذذذيه ؟؟؟؟؟؟؟؟؟؟؟

[بنت ذآك الأمير!]

حبيبتي مع احترامي لج بس اسلوبج واايد غلط
ووووووايد تراددينه وتدقرينه جنه خدامه عندج الصراحه هذا اللي حسيته ماجنه زوجج

معاها اسلوبج حده مو حلو بعذره يععصب زوجج..خلي حياتج حب وتفاهم واسلوبج بالحوار ارقى من جذي..بعدين شلون تردينه عن الفراش اكبر حرام هذا..وبعدين بالاسلوب الحلو والابتسامه تقدرين تحصلين اللي تبين

 

[بـنـت مـكـة]

صراحة انتي غلطتي عليه لما راددتيه .. المفروض لما قالك لبسي وطلعي مو تروحين تقولين له بتغير رايك ؟؟

لا تقعدين تحنين على اي سالفة مشيها وبتمشي اموورك ..

ولما قالك بنخرج سوا ..؟ ما خرجتي معااه

المفروض حبيبتي تحاولين تتتنازلين شوي عشان مسيرة حياتك الزوجية تمشي

والله يسخركم لبعض ..

سامحيني اذا كان ردي جارح لك

بالتووفيق

 

[حنان 26]

السلام عليكم ورحمة الله وبركاتة

حبيبتي موضوعج شدني واثر فيني لاني كنت نفسج في يوم من الايام

اول شئ ياحبيبتي الرجال يحب يسمع الكلمة الطيبة الحلوة حتى لو كان غلطان بحقج صدقيني باسلوبج الحنون والراقي تقدرين تخلينة يندم على تصرفاتة اللي تضايقج انتي حبيبتي خليج ريلاكس ولا تراددين الرجال وخلي لسانج كلة كلام حلووو صدقيني بيصير يحب البيت ويقعد فية وحذاري حذاري تردين زوجج اذا بغاج لا تخلينة يروح لبنات الحرام وتخربين بيتج بيدج وحاولي كثر منتى قاعده تمدحين فية واذا اشتكى لج سمعية وهوني علية واستقبلية باستقبال حلو اذا رد من الدوام واكسبية والله والله اذا انتي غيرتي من نفسج للاحسن وربي راح يتغير وحسسية انة اهم شخص عندج بس مع ذلك خليج ثقيلة وراح تلاحظين الرجال متغير والفلوس يقطها عليج بالهبل

وما اوصيج هالله هالله بالدعااااااااااااااااااء. ( اللهم اجعلني مسكنا لزوجي واجعلة مسكنا لي واجعل بيننا رحمة ومودة ) وحاولي تقرين مقالات عن الحياة الزوجية وفنون كسب الطرف الاخر بالمعاملة الطيبة



وتقبلي مرورى


 

[غنج اهلها]

من قلب الله يهدية ويسخرة لج

 

[كويتيه وافتخر]

والله انتي غلطانه
الرجال سايسيه موكله تشره وحنه
وحتن لمن قالج قومي خل نتمشى مارضيت قاعده تصنعين حاجز ورى حاجز وعقب تبين حياتكم تصير حلوه
وهم لمن قال عن المستشفى وهون كل ماقالج مره ثانيه عايرتيه باول مره خلاص انسي الشيء البايخ وخليج بالحلوو

والله يسخره لج ويهديج
وترى انه يعطيج مصروف 100 هذي حلوه منه غيره مايعطي ولافلس

 

[atc666]

انتي غلطانه
شكو كل ماقالج لبسي قمتي تراددين عيب عليج كل ماقالج لبسي تقولين مو البس وتقولي فصخي بعد شوي سوري بس لاتزعلين ترى الانسانه التافهه تطفش الريال لاتزعلين لاتصيرين تافهه وسطحيه خلج انسانه جاده مو معقوله حياتج كلها فلوس وطلعات وعطر في اشياء أهم بالحياه تفكيرج سطحي اسمحيلي .

 

[امواج الكويت]

رد: رد : زوجي قطني فبيت اهلي لييييييش؟؟ شسويت ؟؟ فيه سبب اتفه من جذذذيه ؟؟؟؟؟؟؟؟؟؟؟

انتي غلطانة
كل ماشفتيه عطني فلوس
شتسوين بالفلوس تاكلينهم
الزواج مو فلوس وبس ليش اهلج ماكانوا يعطونج فلوس
وايد مادية انتي
وسواء عطى امه او اخوووه هذا شي راجع له
و100 دينار مو شوي حبوبة
بس انتي وايد تصرفين
انتي محسسة الريال انج ماخذته بس عشان المصرف والطلعات والروحات مع اهلج
يوم انه قالج امشي طلعي معاي ليش مارحتي
وتالي تقولين مايوديني ومايطلعني
وصاج وايد تراددينه وخير ياطير قالج لبسي وغير رايه
شصار يعني ؟؟؟؟؟؟؟؟
امر تافه جدااااااااااااا
تصرفاتج كلها غلط

معاها 100٪ مادري شلون تفكرون

ترى الريال يجي بالكلمه الحلوه مو المناشب والله انه الطلعه مع زوجج تسوى كل شي تغير النفوس وتصفيها

مادري شقولج والله الحمدلله رب العالمين عمري ما مريت بموقفج

 

[om-3azo-83z]

واااااضح ان الاهل وازينه و حاطين فباله مبدا اصرف على اهلك اولى والله كنت بيوم مكانج الله يعينج بصراحه

 

[ام اغلى الناس]

الله يهديكم
الرجال مايحب المره ترادده وكل شوي تطلبين فلوس
برايي تسافرون تغيرون جو

 

[black rose BH]

الله يهدي سرج

بس انه قريت المشكلة وبقولج رايي بكل صراحه

انتي الغلطانه مو اهو !!

كل تبين فلوس ومادري شنو واسلوبج مادري شلون صاير تعايرينه

الريال مايبي جذي ترا !

قعدي وقوليله بآسلوب حلو ترا انه ناقصني جذي تقدرر تزيدني اذا ماعليك كلافة مابي اضغط عليك < ترا الكلمه الزينه والشينه من بوووز واحد !!

انه ترا مثل اسلوبج مع اهلي كنت وحتى بداية زواجي جذي

بس امي وقفتني وقالت لي ترا بيت الابو غير والريل غير

اذا تبين ريلج يسويلج الا تبينه اخذيه بالهدووء مو بالمرادد والاسلوب الخخشن

وانتي كل تراددينه ومادري شلون من خلال مشكلتج طبعا انه ارد

حاولي تهدين الموضوع وتحاجينه بهدووء وتتحايلين فيه

والله يوفقج يارب

 

[njoom1]

انا اللي اشوفه وايد مقصر بحق البنيه !!!!!
اوكي اهي شوي اسلوبها مو حلو ولازم يتعدل

بس ليش يعطي اهله ومايعطيها!!!!!! اخوانه كل واحد عنده معاش! والحمدلله ابوهم موجود ! عليهم بالعافيه بس مو يسوي روحه فقير عندها وخيره كله لاهله!!
شنو يعني ليش مايعطيهااااا !!! بس هالاميه ؟؟؟ وتمشي حالها اوكي بس اذا كانت محتاجه شتسوي تبوق يعني !!
اهو ملزوم يصرف عليها ....

 

[انثى عاشقة]

الغلط منك ومنه
منك بأسلوبك ضيعتي حقك
ومنه انه قاعد يصرف ع اهله ويبخل عليك
انتي سايسيه وفهميه ان لك حقوق وربي يسخره لك ويهديه​

 

[انونا]

حبيبتي كله منج

الله يعينه عليج ويهديج يارب

وترا الي فيه خير لاهله باجر فيه خير فيج فهالشخص تمسكي فيه

 

[نظره خجوله]

معليش اختي احسك جافه معاه لو كلمتيه بلين صدقيني بيلين معاك ويعطيك اللي تبين كان قدرتي وضعه وبعدين لو كنتي معاه تمام راح يزيدك ماراح يقصر معاك الله يوفقك ويسعدك وعساه مايشوف غيرك ولاتزعلي من كلامي

 

[منال $]

حبيبي معلش انا بشوف الغلط راكبك من ساسك لراسك؟؟؟
اول شي سمعتي كلام الناس-
تاني شي في وحدة بتقول لزوجها الله لايحدني عليك وما بدي اطلع معم مع اهلي احسن!!!!!!!!
غريبة الصراحة
باختصار ومن الاخر غيري اسلوب تعاملك معة عشان يتغير بتصرفة معاكي

 

[chakletaA]

طلبني للفراش ورديته بطريقه مو حلوه يعني عطيته ظهري ومشيت وطلع من البيت ومارد الا الصبح



مايلام صراحه الطبع غلط اخذ فكره !!!! >>> تعديل مسار للرومانسيه

ريح الزهور
>>>>> طرشيله مسج وعزميه مطعم او ليلة فندق ومن دون اعتذار قوليله بغير جو معاك وانتي خلاص غيري طريقة تفكيرج وكل تصرفاتج وخليج ذربه معاه تكبرين بعينه >>> شكرا حبيبتي هالفكره جويده ممموووااه

 

[انجبر قلبي]

بصراحة انتي غلطانه انا قريت موضوعج اللي قبل انتي وايد تطلبين فلوس

شنو يعني انا ريلي يعطيني 100 كل شهر والله وناقصتني وايد اشياء

بس كبيره بعين ريلي لاني مقدره ظروفه و ما احن وعشان جذي قمت اكسر خاطره يقولي انتي ماتطلبين مني فلوس ماتبين شي مو ناقصج شي

لاني بس ساكته ولو انا احن اكيد ماراح يعبرني

الريال ما يحب المره الصريفه والماديه ادري انج تبين اشياء بس لازم ترضين بحالتج في ناس اسوأ منج وقولي الحمدلله لاتفكرين وايد بالفلوس

يعني انا نفسج ما البس وكله ناقصتني اشياء بس الصراحة بدون زعل استحي اقول حق ريلي عطني عطني عطني !!!!!!!!!!!!!!!!

صراحة عيب

و تقبلي رايي

و حافظي على ريلج مدامه يحبج

لانج قاعده تخلينه يكرهج كل شوي ابي فلوس شسالفه خلاص نطري معاشه وبيعطيج 100 دبري عمرج فيها لين تتوظفين

انتي تزوجتيه وتحمليه بعيوبه واذاتبينه يعطيج فلوس مو بهالطريقه عطني بشكل مباشر وانت ماتعطيني لا وتزعلين بعد !!!

كل ريال عنده عيوووووب يمكن اهو كلما تقولين عطني كلما يبخل زيادة خلاص مدام انتي شفتي ان طلبج للفلوس مافيه نتيجة ليش تستمرين بهالشي وتقولين عطني خلاص انتي عرفتي ان ريلج مايحب اللي تقول عطني ليش تعاندين

جربي بطريقه غير مباشره مو جذي صراحة مو حلوة

وانتي غلطانه هم قاعدة تراددينه وايد

والله يهديه و يهديج ويردكم لبعض بس كبري عقلج لا تصيرين جذي ولا تحنين وايد!!!!!!!!!!!!

انا عمري ما طلبت من ريلي فلوس مع ان يعطيني 100 حقي و 50 حق بنتي كل ما ينزل معاشه

وتنقصني وايد اشياء بس اسكت

مو جذي

والله لو ريلي يعطيني هال80 ببوس راسه واقوله يعطيك العافيه حبيبي والله يخليك لي و يطول لنا بعمرك و ألمه بعد والله كلما يعطيني قلت جذي والحمدلله انا كبيره بعين ريلي عشان هالشي ودايم يقولي انتي مو مثل البنات يابختي فيج

وشكلج مو رومانسيه وايد مو من النوع اللي تقوليله كلام حب و تدلعينه وجذي .. ديربالج تهملين هالجانب الصراحة الريال محتاج حنان منج

مو كله محسسته اني ابي فلوس وابي اطلع قوليله احبك انت ريلي الله يخليك لنا ويطول بعمرك قوليله من هالكلام مو كل ما شفتي ويهه ابي فلوس و بطلع وبستانس

وهذي نصيحة من اخت!

 

[Tantoshah]

رد: رد : زوجي قطني فبيت اهلي لييييييش؟؟ شسويت ؟؟ فيه سبب اتفه من جذذذيه ؟؟؟؟؟؟؟؟؟؟؟

انتي غلطانة
كل ماشفتيه عطني فلوس
شتسوين بالفلوس تاكلينهم
الزواج مو فلوس وبس ليش اهلج ماكانوا يعطونج فلوس
وايد مادية انتي
وسواء عطى امه او اخوووه هذا شي راجع له
و100 دينار مو شوي حبوبة
بس انتي وايد تصرفين
انتي محسسة الريال انج ماخذته بس عشان المصرف والطلعات والروحات مع اهلج
يوم انه قالج امشي طلعي معاي ليش مارحتي
وتالي تقولين مايوديني ومايطلعني
وصاج وايد تراددينه وخير ياطير قالج لبسي وغير رايه
شصار يعني ؟؟؟؟؟؟؟؟
امر تافه جدااااااااااااا
تصرفاتج كلها غلط

معاها والنقطة الاهم انه كل ما قالج لبسي احس عدتيلة الموضوع كذا مرة يعني البس مو تغير رايك يمكن صارلة ظرف وغير راية فيه اهو كان حاب يتقرب منج وانتي وايد صدتية انا اسفة بس ريلج مو غلطان بولاشي الله يهديكم ان شاء الله الحل انج تعدلين اسلوبج معاه وتحسسينة بضعف وماتراددين اكثر شي يكش منة الريال هذي الشغلة مو فراش ولا هالسوالف

 

[عبير الضامي]

حبيبتي الله يهديج لما عطاج الفلوس ماقصر مرج وانتي في بيت اهلج المفروض تقولين يامال العافية كثر الله خيرك مو تحلطمين حرام عليج الريال ماقصر معاج بعد يبي يراضيج ويتمشى معاج بس انتي راسج يابس وياعمري لازم تغيرين اسلوبج معاه ولا تحاسبينه على الطالعه والنازله ترى بتخسرين ريلج وخيرياطير خليه يشتري لاخوه يامعوده فلوسه تروح لاهله ولاتروح في زوجه ثانيه ترى الرياييل يكرهون الوحدة الحنانة والي تراددهم والحين طرشيله مسج وعزميه مطعم او ليلة فندق ومن دون اعتذار قوليله بغير جو معاك وانتي خلاص غيري طريقة تفكيرج وكل تصرفاتج وخليج ذربه معاه تكبرين بعينه ومايفكر بوحدة غيرج قولي امين*

:eh_s(17):اختييييي الله يهديدكم ويجمععع بينكمممم بخييير وويبعد الشيطااان عنكمممم حااافظيييييي علي الاذكار الله يعينكو

 

[amami al-kuwai]

انا معاج من ناحية المصرف ان اذا عنده خير لازم يزيدج وهذا انتي وشطارتج مو بهالاسلوب والمداحر

المفروض تكونين معاه سياسيه وبصراحه انتي غلطتي لما دق عليج وقالج بنطلع المفروض تحطين الزعل والكرامة على صوب وتطلعين معاه

واذا طلعتي واستانستي تقدرين تعاتبينه بادب

واسلوبج بصراحه استفزازي

والله يعينج