زوجي قاهرني يقول لي تسنعي بليزززز

[!الجادل الصعب!]

امسكي العصآ من النص .. نزلي كم مره قدام عينه وسآعديهم
تكسبين حبهم وترضينه
وتفرق ترآ اذا كان اكلكم معاهم يفترض تسآعدينهم آما اذا بروحكم
مايمنع بين كل يومين ثلآثه تنزلين طبق حلو خصوصآ العصر علا الجمعه

 

[اميره1980]

حبيبتي بالمسايس الامور تهون
احسن شي انج تطبخين بمطبخج بشقتج و تنزلين نقصة طبق من طباخج حق اهله
و اذا نزلتي عندهم سأليهم تبوني اساعدكم حتى لو بالكلام ما فيها شي حبيبتي
ترا الكلام الحلو يمشي امور وايد

 

[بوغاتي88]

ما اشوف انه فيها مشكلة وانتي وااااااااااااااااااااااااااااااااااااااااااااااايد مكبرة الموضوع نزلي وطبخي او سويلج طبخة معينة ونزلي فيها تحت وتفنتقي فيها وشوفي ردة فعل زوجج

 

[sh_mashael]

والله مافيها شي اذا سويتي سلطه ع الغدا و نزلتيها معاج
او كيكه او اي شي اتعرفينه

دامج تاكلين معاهم لازم اتساعدينهم

=)

 

[أم عزيـز]

سؤال لما يطبخون اهله يدزون لكم اكل ؟؟

اذا يدزون لكم اكل فشله لازم تساعدينهم
اذا ما يدزون وانتي تطبخين اكلج بروحج مو ملزومه
لكن مثل ما تقولين تتقربين منهم وتبين لهم انكم اهل

او على الاقل لما تطبخين نزلي لهم نقصه من اكلج
ولا تكبرين الموضوع حبيبتي اشتري خاطر زوجج خاصه اذا اهله وايد زينين معاج ومرتاحه معاهم
علشان يعرف انج ماتكسرين كلمه وانج تعرفين السنع من نفسج

 

[وردة^الكويت]

سووي نفسي
اطبخ بمطبخي الخااص و انزله تحت و ناكل مع بعض
كل مشروك مبروك
و اهله اهلج
و تسنعي

 

[موت وميلاد]

لو انا منج عادي اطبخ كل يوم بس فمطبخي

 

[جنسيد]

انا كأنو فهمت انو ساكنين مع بعض ؟
لو ساكنين سوا مافيها شي لو ساعدتيهم او احيان سويت حلا او اي صينيه للعشا خصوصي لو كانو ناس كويسيين .
الا بحال ماتعرفي تطبخي هنا كلام غير .

 

[Mrs Prada]

ما في شي حبيبتي ولا إهي إهانة لج بالعكس هذيلي مثل أهلج وخصوصا إذا كانوا محترمينج وحاشمينج
بين كل فترة والثانية (ما أقولج كل يوم) سوي طبخة حلوة من إيدج أو كيكة وحلويات وتجمعوا مع بعض
وصدقيني أنتي اللي راح تكونين مرتاحة وترضين زوجج

 

[english muffin]

سوي لهم بس مب انه يعتمدون عليج
مافيها شي

 

[انثى عاشقة]

انتي انزلي وساعديهم واطبخي انا زوجي طلب مني هالشي وسويته
اهله وهو استانسو حيل
عادي قلبي مافيها شي ​

 

[Patcholli]

شكو تنزلين تطبخين وياهم ..؟؟

ماكو شغل ..؟؟

يبا انتي تزوجتيه وله حق يأمرج تطبخينله بس ماله حق يأمرج تنزلين او تقعدين معاهم

انتي حره وسوي اللي يريحج

بس من باب الذوق والمجامله اليوم الي تنزلين تاكلين معاهم سوي طبخه حلوه لاتنزلين وايدج فاضيه


وسلامتج

 

[شوبارد قطر]

قولي له ان شاءالله من عيوني بس تمنيت الطلب يكون ارقى من جذي وانا راح انزل واطبخ معاهم
صدقيني بيسكت لو شافج مره و مرتين بيسكت هم بس يبون يختبرون فقط لا اكثر
ا

 

[اناظرك وكلي حزن]

انة من رايي مو غصب تنزلين تطبخين وياهم اذا انتي سوتي غدى بس طرشيلهم شويه بس انتي مو ملزومه تنزلين وياهم

 

[هيفاء 966]

مثل ماقالوا البنات نزلي مره في الاسبوع كفايه.

 

[!! دلوعته !!]

اب اب

 

[منال $]

انا عندي صاحبتي نفس مشكلتلك بالضبط
وشو عملت
ارت كل يوم تنزل تطبخ مع اهل زوجها وتاخد من الطبخة الها ولزوجها وتطلع تاكل ببيتها

اعملي متلها

 

[cute00]

شوفي انا رايي عشان استقلاليتج ومحد يتشره عليج مره نزلي طبخي تحت والباجي انتي طبخي بمطبخج وتنقصي لهم
ومو دايما مره بالاسبوع او مرتين انتي عودي الكل على طبعج

???????

 

[popa]

اذا انتي عندج مطبخج وتسوين غداج وغدا زوجج اشماله تنزلين تطبخين عشان توكلينهم؟ وانتي تاكلين فوق؟
طبخي وتقصي لهم
واذا بتتغدين معاهم ساعديهم بالطبخ

 

[رنيم الروح]

حبيبتي نزلي وطبخي ومافيها شي اذا ساعدتيهم او ارسلتي عليهم من طبخك او صنف حلوو صدقيني بيستانس زوجك في هالشي واهله اهلك بيستانسون فيك اذا هذا جاء من طيب خاطر منك مو غصب وترا هالطريقه مضمونه مجربتها مع اهل زوجي والحمدلله علاقتي فيهم اكثر من الاهل