زوجي قالي سئلي الحريم! مو معقولة اللي انا عايشه

[njoom1]

واااي الله يعينج اليهال بروحهم لويه وبعد ماعندج خدامه الله يعينج
واللي تقول نوميهم مبجررر هذيل يهال تحت ال5سنين تنوم منو ولا تقعد منو ماشالله علييييهم الله يخليهم صعب تتحكمين فيهم

الله يعيييينج*

 

[جديده 1]

اختي المشكله الاساسيه منج انتي .. تبين تغارين من وحده عايشه نفس وضعج .. غلط جذي
البنات اللي فوق حطولج حلول جميله جداً و تقدرين اتلقطين من كل وحده شي يناسبج و لكن ماسويتي هالشي !!

يابنت الناس الطلعات ماراح تفيدج لا زاغت عين ريلج ولا تزوج عليج انتبهي عدل ..
الريال يبي ملاذه اللي اهو بيته نظيف .. يبي اكله جاهز .. يبي شغله مرتب !!
يبي زوجته دائماً نظيفه و مرتبه .. بس انتي غرفه نومج كذا يوم تكون معفوسه !!!!!!!!!! و انتي شايله هم انج تطلعين وااايد !!!!!!! .. فوق ما البيت معفوس و مهمله بنفسج و بعيالج حاطه الاولويه للطلعات من المفروض اتكونين العكس بيتوتيه بيتج و عيالج و ريلج و نفسج اهم ماعليج .. ولا الطلعات اخليها بالاسبوع مره او مرتين بالكثييييييييييييير ..

عالعموم انتي حاسه بالخطر و لكن عقلج الباطن رافض انج اتغيرين من وضعج .. قعدي مع نفسج و حللي الموقف .. بالنهايه ترى ماينفع الصوت لا فات الفوت .. موفقه

 

[dam3at fara7]

انت باختصار اهملتي شي وهتميتي بشي مايصير ترى الريال ملوول وانتي قاعده اطفشينه مشكلة عيالج في كل بيت هل كل الحريم صارو نفسج اكيد لا؟؟ يعني عيالج طبيعين بس انتي اللي لازم تهتمين بريلج اكثر

 

[وردة^الكويت]

حبيبتي عيالج اذا عطاهم عمر بيكبرون و بيروحون و يخلونج ..

خلي زوجج اكبر اهتماماتج محد راح يبقالج غيره ..

 

[camilia]

اللي ماتمشي بيتها على نظام معين راح تتعب وماراح تلقى وقت حق نفسها
حاولي ترتبين حياتج وتنظمين نومة اليهال وتعلمينهم ان دارج مو مكان للعب

 

[نـعـومـه]

مالومج بصراحه ماكو وقت

عشان جذي ماودي عيال ورا بعض ادري راح اهمل نفسي وزوجي

حاولي تنومين عيالج مبجر هذا احسن حل عشان عقب ال 8 تعيشين حياتج انتي وزوجج

وعن المكياج موضروري بس حاولي تلبسين جنزات بديات متعطره جذي

 

[PuPa^^SWeeT]

أول شي العيال ينامون مبجر من الساعة 7 او 8

علشان اتجابلين نفسج

ثاني شي حبيبتي بدال الدراعة مايمنع تلبسين جينزات و بلايز

اسهل بالحركة من الدراعة


المكياج اول اول اول ماتقعدين من النوم كريم مرطب ماسكرا و غلوس خفيف


شعرج لا ترفعينه نزليه ولا خلينه ذيل حصان و لا رفعي نصه و خلي الباجي على رقبتج


اليهال اذا انتي حوسة جذي نوميهم مبجررررررر الساعة 9 ( الحين رمضان بس بالايام العادية 7 او 8 )


بس جابلي الريال

 

[حبيبي مالكني]

حاولي اتيبين خدامه
راح تسهل لج حياتج ونصايح البنات وااااااااااااااااايد روعه
انا كنت مثلج تقريبا بس من يب الخدامه كل شي تغير وقعدت احورف بعمري
عشان هالريل

 

[النجاح هدفي]

عياالج الله يخليهم لج صغاار
فتقدرين تتحكمين فيهم خلي الساعه 8 وقت النووم لليهال
وراح يكون عندج وقت طويل

 

[بخـــارى]

البنات كفوو ووفوا

 

[ورده عنابيه]

حبيبتي التغييرحلو اذا ماكشختي الحين متى بتكشخين وتستانسين الله يسعدج

 

[أم ريــــــم]

حبيبتي مايصير الحال اللي وصلتي له !!
لازم ترتبين نفسج وتسنعين بيتج
والله يا حريم ماعندهم بيوت وعايشين مع عيالهم بغرفتين وحمام في بيت الحموله
وما شاءالله من تدشين غرفتهم الا الترتيب اللي يرد الروح والبخور اللي يعط
وهم بنفسهم لبسهم البيت ايهبّل مع انه حراير عاديه واقطان
لكن تعالي شوفي الكحله الناعمه والقلوس والاهتمام بالبشره والشعر

أختي ..
انتبهي ترا الرجال يطلع ويشوف اشكال برا غيررر
حريم اجسامهم ولبسهم تجيب العافيه .. ويقعد يقارن بينج وبينهم
قسمي وقتج وأول شي تبتدين فيه :
- ترتيب نوم عيالج ( ينامون مبجّر ومع بعض )
- ترتيب غرفتج أول بأول ( ماتطلعين من الغرفه الا مترتبه وكل يومين غيري الكنبل )
- غيري لبسج كله وسوي لوك جديد .. قصي شعرج و اشتري لج اقطان بيت عاديه وحراير الله يامكثرهم في
مركز الجميع وماكس وردتاغ واتش اند ام واسعارهم مو غاليه !
- دشي المطبخ وبدعي له بالاكل وغيري نظام اكلكم القديم وما شاءالله قسم المطبخ في كويتيات مو مقصرين


تداركي زوجج قبل ما يضيع من بين ايدينج يا غاليه !
لان ياكثر الحريم اللي يشتكون من خيانات الزوج لهم ، وشلون مايخونها وهي ملوعه جبده بالبيت
مع صيحه الجهال والفوضى !! يضطر انه يدور راحته بمكان ثاني حتى لو كان يحب زوجته ويموت عليها


وموفقه يا غلاي

 

[مواصله]

لا اجل الحين بنلومج،يعني عندج خدامه شايله عنج شغل البيت وماتطبخين وماوراج دوام وتشتكين انج

مزحومه وهامله زوجج ونفسج!

لازم تغيرين من نفسج مايصير جذي اصلا نفسيا بتتعبون وزوجج بينفر من البيت


المفروض يجي من الدوام يلاقي البيت مرتب ومبخر وانواره هادئه ويلاقيج لابسه ومتسنعه ومتكشخه

تنطرينه بنفسيه حلوه مرتاحه

والعيال طبعا منومتهم من الساعه 8او9بالليل وتتفرغون لبعض اذا بتطلعون اوتقعدون بالبيت،،انا هذا جدولي بالايام العاديه

لاتزعلين مني بس انتي غلطانه ياختي وهامله حياتج الزوجيه

وصار زوجج يتضايق ويشتكي،شناطره بعد!

 

[om MaRyooM]

اختي مومعقولة انج مو موظفة وماعندج وقت لنفسج !!!!

اعرف حريم مع ان عندهم عيال بس متزكرتين وكاشخين طول الوقت

والسبب تنظيم الوقت

يعني لازم تنظمين وقت عيالج قعديهم من الصبح ولاتخلينهم ينامون العصر .. جابليهم هالوقت
وبالليل بينامون مبجر ورح يصير عندج وقت لنفسج ولزوجج

حاولي تنظمين وقتج وبتلاقين الفرق

 

[دنيتي^صلوح]

حيااتي البنات ماقصرووو
وربي يوفقج ويحقق اللي افبالج ابهالشهر الفضيل

 

[برنسس كاتي]

عيالج بسن متعب بس لازم يكون لهم روتين وتعلمينهم عليه قعديهم مبجر وخليهم ينكرفوون وما تجي 9 الا وهما نايمين
حاولي اكثر من مرا لمن ينضبطون
وانتي روحي وسوي لشعرج قصة يعني حلوه انه ما يحتاج له شغل وحاولي تخصصين مثلا يوم بالاسبوع لكم تطلعون
بس انتي وريلج ولا تسوين حركات عشان يكون فيه تجديد يعني مطعم سينما طلعة على البحر ليلى في فندق
وشوفي لو فيه خدامة تساعدج

 

[om al ghaleen]

.., حبيبتي ماابي اقولج انا كاشخه 24 ساعه
بس اغلب وقتي يكون شكلي مرتب واتمكيج لنفسي
من ناحيه النظافه واللبس والترتيب

اشتري لي ملابس وايد من كل نوع وباليوم اغير مرتين
علشان الطباخ ولويه البيت "

شعري نفس الشي مره مرفوع ومره سترتر ومره كوشه ذربه
لازم التغيير لانه الريال طبعه يحب التغيير


بالنسبه لليهال ضروري تنظمين نومتهم وحتى اسلوبهم مع ابوهم يتغير
انا علمتهم لاوصل ابوهم البيت او يكون موجود يلتزمون بالهدوء
صراخ .. شطانه .. لعب كله يتآجل في وجوده
واللي يخالف يتعاقب (( لاتقولين هذا ابوهم وعادي لا علميهم يحترموونه ))

وغرفه نومج مايدخلونها ابدا الا اذا انتي طلبتي شي
مايصير اليهال يدخلونها بكل وقت لانه فيها خصوصياتج


صدقيني بأيدج انتي كل شي تنظمين حياتج وانا مثلج ربه بيت
بس لاني احب النظام والنظاافه تعبببت وايد مع عيالي وريلي بس الحمدالله طلعت بنتيجه
ولي يومج هذا قاعده اعلمهم النظام واصول الادب

 

[ذكريات]

كلها ٣ غرف و عندج خدامة و ما تشتغلين !!!!

انتي شكلج كسوله و بارده

 

[miss_whitemocha]

عفوا صاحبة الموضوع..بس إنتي حاطة في موضوع ثاني عن خيانة ريلج و إن صارلج معاه فوق ال 10 سنين..وأهني كاتبة صارلي 6 أو 7 سنوات متزوجة..ممكن يكون غلط بالحسابات مثلا؟؟؟؟؟؟؟​

 

[ذكريات]

اللي مو قادرة استوعبه

ليش غرفتج تضل ايام معفوسة و عندج خدامة ؟؟؟


خدامتج شنو شغلها بالضبط ؟؟