زوجي قاللي اشكره انه ما يحب يطلع وياي

[بنت المنوخ]

حبيبتي صلي ودعي له بالهدايه

حاولي انجه تجينه بسيايه يعني اقعي معاه وقوليله ابي اتكلم معاك بموضوع شنو الي معاجبك فيني وتحب اني اغيره لك وشنو تبي اسويلك علشان اعرف شنو تحب وشنو ماتحب صدقيني خليها مصارحه بينكم وراح يرتاح وانتي ترتاحين وبس بشرط لاتعصبين حتي لو غلط عليجه اخذيها بوسعه بال يمكن يحب لبس معين او يحب انجه تكونين بشي في باله بس مستحي انه يقوله بسياسه وذكاء المراءه تقدرين انجه تعرفين طبعه

وان شاء الله نسمع اخباره حلوه عنجه

 

[بناتي حبيباتي]

انتي راعيه ضحكه وسوالف حلوووه وغشمرجيه ومرحه ؟

الظاهر لقى هالصفات في ربعه واهو فضلهم عليج

حاليا طنشيه وسوي روحج ان هالكلمه ما همتج واهتمي بنفسج وونسي عمرج مع خواتج او صديقاتج وصيري مرحه ومفرفشه

اهو اكيد راح يلاحظ هالشي ويعزمج على احلى عشا بارقى مطعم .......... تحب المطاااعم ههههههه

موفقه حبوبه

 

[اختكم بالله]

الله يهديه ويسخره لج وحاولي تغيرين من اللوك مالج والله يهديه ان شاءالله

 

[لمسات شمووخ]

مو شرط ما يحبج

يمكن مو حاب سوالفج واسلوبج

هذا تبيه لج


التفتي لنفسج

الريال يحب :

الذرابه الدلع المياعه الغير مبالغ فيها (( اذا مافيج هالشي تصنعي ))
يحب النظافه الشخصيه والمظهر العام الذرب المرتب

يحب الغشمره والضحك وابتعدي عن التشكي والحش بفلانه وعلانه والتحلطم والمناجر
حسسيه بغيرتج بس بحدود الغيره اللي يايه من حب

غيري من ستايلج

عطيه كلام حب (( على قولتهم كلام قاتل ))
بين فتره وفتره لامسيه احضنيه حتى لو مو وقته
حاولي تتقربين منه اكثر واكثر


واهم شي يا اختي

الدعاء + الصدقه + الاستغفار
يوميااااااااااااااااااااااااااااااااا


والله يسخر زوجج لج ويهديه
ويحنن قلبه عليج

 

[أم عبوودي11]

في عدة احتمالات
1. متفشل منج يخاف احد من ربعه يشوفج يمكن طريقة لبسج او مكياجج او شي فيج .........( يعني تسنعي و كشخي خل ايشوف عيون الناس كلها عليج عشان يستانس و يرتز فيج .......... في نوعيه من الشباب جذيه مو الكل )
2. هذا احتمال بعيد بس وارد .........عنده ريفيجه مايبيها تدري عنج ... يمكن قاص عليها يقولها انا مو متزوج ....

انا معاها في للاسف رياييل يحبون يستعرضون بحريمهم مافي رجوله وعلشان يتشيحط مع ربعه
بس اللي قاعد على اعصابه؟؟؟؟ خايف احد يشوفكم ليش مادري تراعي مشاعر منو ومشاعرج انتي؟؟؟
واللي تقولون لها صبري علشان عيالج لايبه خل تشوف حل تعال ياولد الناس ليس ماتبي تطلع معاي عطني سبب ومثل ماقالت الاخت اللي فوق اللي مايحب يطلع معاي ربع او نص ساعه شلون يحب يقعد معاي حطي حد بس لي متي انتي سلبيه لاتقولين عيالي العيال مايرحمون اعرف وحده متحسفه الحين على قد شعر راسها تقول ليتني زعلانه في بيت اهلي ايام عزهم الحين الكل لاهي وامها توفت مالها الا هالريل وعيالها يلومونها ليش صبرت على اابوي شفتي بعد هالعمر ومتحمله علشانهم اخرتها يقولون لها انتي سبب تعاستنا صبرتي على ابوي

 

[ملح بدويه]

انشاءالله ماكو الا االخير

 

[أم عبوودي11]

الكلمة اللي تقرقع بقلبج مومخليتج تنامين روحي الحين قوليله
ساليه مو ريلج اهوا دامه وقح صيري اوقح منه انت تحبني والا لا؟؟؟ ساليه وطلعي اللي بجبدج

 

[لورا الغرام]

حبيبتي لاتتضايقين يمكن المشكله منه انا ريلي كان بين فتره وفتره يطلعني وكنت اتضايق بس ما ابينله واطلع انا مع اعيالي وخواتي وامي وارد مستانسه وهو مايطلعني الا لما اقوله والصراحه هالشي يضايق انا ماتيي منه المهم فعدت معاه وتكلمنا قتله ليش ماتطلع منك يعني انت ماتحس جان يقولي السبب الصراحه انا مو متعود اطلع اول مع اهلي وما احب طلعتهم ( واساسا ريلي بيتوتي مايطلع وايد مع ربعه ) المهم والسبب الثاني اخاف واحد يطالعج وانا مو يمج ولما اردلج اشوفه يتحرش فيج فما اقدر اشوف هالمنظر وراح اتصير هوشه
عاد انا قتله هذي مو مشكلتي مدام انت واثق فيني خلاص لا يهمك الباجي يعني انت اتغار علي وياك بس ماتخاف لما انا اطلع بروحي يمكن يصير نفس الموقف بس لازم اتشيل هالافكار من بالك وتتاقلم مع الوضع والحمدالله الحين اهو يطلب مني اطلع
والله يكون بعونج ادري قرقت عليج بس يمكن اتكون نفس الاسباب صارحيه بهدوء والله يسهل عليج حبيبتي

 

[baby-phat85]

غيري ستايلج وراح يستخف علييييج واذا ماتغير معناته مريض نفسي

 

[^أم يوسف^]

انا اقول
اللهم سخر زوجها لها واجلها في عينه احلى نساء الدنيا يارب

 

[Al-KHAWaJa]

مو شرط ان ريلج مايحبك... انا وريلي ميولنا مختلفة كلش عن بعض ولممن نطلع مع بعض او انروح مطعم صعب ان انلاقي مواضييع نتكلم فيها ..وهذا احنا على هالحال سنين ماتغير حتى بالبيت اهو جذي مايتكلم وايد.. بس مومعناته ان مايحبني ... بس وي ربعة غير الحجي يطلع ومايخلص لان ربعه نفس ميووله .بس بعض التصرفات تثبت اذا كان الريال يحبج ولا لأ

 

[اليوع كافر]

يا قلبي لا تحطين في بالج انه مايحبج الله يهديه
بس انتي لاتخلينه يتأكد انه مايحبج أو مايحب يطلع معاج حاولي تهتمين بنفسج الى ابعد الحدود وإذا تقدرين خليج طبيعيه معاه بس حاولي تغيرين حياتج يعني طلعي مع أهلج أو صديقاتج وحسسيه انه الطلعه معام ماهي مهمه بالنسبه لج راح تشوفينه يتقربلج ووده يطلع معاج
وماأقول الا الله يهديج ويهديه ويصلحكم لبعض

 

[المدينه]

اشكره صج مايستحي

 

[الشيرازية]

اشكر تفاعلكم وياي يوم شكيت لقيت اللي يرد علي ويعطيني وجه جزاكم الله خير وعسى الله يهديلنا ازواجنا

 

[sara al3soola]

السلام عليكم

انتي شنو طبيعتج لما تطلعين معاه ؟ تسولفين معاه وتضحكين والا بس ساكته او متضايقه او تفتحين مواضيع مو شي؟

شاللي يخليه يستانس اكثر مع ربعه ؟ وترى هذا مو سبب انه ما يحبج يمكن اهو

شايف فيهم شي مو شايفه فيج.

وانتي ليش دايما متضايقه ومكتئبه ترى الريال ما يحب المره الا 24 ماده بوزها

ولا يحب المره اللي تتشكى انا تعبانه ومريضه .علشان جذي ما يسألج شفيج .

حبيبتي غيري اسلوب حياتج معاه بلا نكد وشكوك مالها داعي ضحكي واستانسي

وهالله هالله بالاستقبال الحلو لا دخل البيت وان شاء الله تتحسن امورج حبيبتي.

حبيبتي لاتزعلين والله

حاولي تفرفشين ترا الرياييل يحبون سوالف الضحك والوناسه مايحبون الساكته واللي ماعندها سوالف

ماعليه تقربي منه..

بعدين لو مايحبج شاللي جابره عليج لا تحطين هالاوهام براسج اهوا لو مايحبج جان ماصرتي ام عياله

بس الرياييل اطباعهم شوي صعبه حاولي تفهمين شنو يحب وسويه

بس وسعي صدرج

 

[futooosh]

حبيبتي اذاشافج تطلعين ومو مهتمه بالطلعه معاه راح يفكر
ويراجع نفسه ويحتر انج مو مهتمه واشتركي بنادي عشان تطلعين كل يوم وشوفي النتيجه

 

[شووشه87]

حبيبتي طنشي صدقيني تعيشين

 

[بتبوتااا]

بس هالسبب ولا في اسباب ثانيه؟؟ مثلا يطقج مقصر بحقج؟ وبالبيت حاسته جذي بعد؟؟

 

[dnyay_mll]

والله حاسه فيج
بس شتسوين
جربي عزميه بمطعم وقعدي طول الوقت تضحكين وتتغشمرين
ولا تكلمينه كلش عن البيت واليهال ومشاكل ومادري منو
خليه اهو يسولف
وبعدها عزميه على سينما
قوليله انا اليوم حجزت بالنت حقي انا وياك
وعسا الله يهديه

 

[غنوة ستايل]

حبوبه ما يقول الرجال الكلام هذا الا اذا كانت الزوجه نكديه !
اهني يتكلم ويقول الحجي هذا اكيد انتي منكده عليه . او تقعدين تنتقدينه عشان جذي انبط وقالج الصراااحه
غيري من نفسج ..