زوجي قاللي اشكره انه ما يحب يطلع وياي

[باونتى]

شوفى حبيبتى انا اكلمج عن تجربه .. انا زوجى ما يحب يطلع معاى مو لان الطلعه مو حلوه معاى لالا لان ما يحب نفتر بالسوق وما يحب الا مطاعم معينه نروح لها .. يحب يطلع معاى اذا بنزور احد من اهله او من اهلى زوجى طبعه يحب الزواره ما يحب الفراره بالمجمعات وقعدة المطاعم .. شوفى انتى زوجى وين يحب يرووح وروحى معاه يعنى خلييه اهو اللى يختار المكان مو انت اللى تختاريين ومثل ما قالوا البنات لا تمديين بوزج بالطلعه .. وربى يهديه ان شاء الله ويسخره لج

 

[hello!]

اي انتي قلتي بنفسج اهو لما يطلع زقاره ورا زقاره وتنقلب ملامج ويهه.. انتي دورج الحين حببيه بالطلعه معاج حتى لو صار جذي ضغطي على نفسج ولاتبينين انج متضايقه

يعني قعدتوا بطاوله عالمطعم مسكي ايده قوليله يا الله شنو احبك.. بالسوق مسكي ايده سولفي ضحكي نكتي جتى ضغط ضغطيه لان الرياييل جذي يحبون الضغاط

يمكن اول مره ماتنفع ثاني مره وحتى ثالث مره بس صدقيني مع الوقت والله بتنفع

انتي حببيه بالطلعه وياج ولو سوا هالحركات لا تبينين انج متضايقه لما اهو يتعود ويحب الطلعه وياج

 

[fatosha]

غلطانه حبيبتي

لا تتضايقين ولا شي

اول شي لازم تعرفين السبب ليش ما يحب يطلع معاج ؟؟؟؟

يمكن لانج ما تسولفين معاه بالشي اللي يحبه ابدي سولفي معاه بللي يحبه ويبيه

ان طلعتي معاه لا تصكين عليه خليه ياخذ راحته معاج لا تخزينه كل شوي ان شاف وطالع وعلق خليه على راحته

بعدين انتي سوي نفسج مو مهتمه فيه طلعي وروحي وردي ولي طلعتي طلعي على سنقة عشرره

وان قال ما قال قووليله مو انت ما تحب تطلع معااي خلاص عيل مالك شغل فيني لي طلعت

وصدقيني بيحتر مره مرتين بعدين بيطلع معاج

بعدين الريال على اللي ربيتيه عليه يمكن انتي عودتيه على انج ما تطلعين معاه من قبل

ويمكن لانه شاايف انج تطلعين مع اهلج فمعتمد عليهم بالروحه والرده

ع العموووم ان كنتي توج متزوجه فراح يتغير باذن الله

لكن اذا لاء فالله يعينج

 

[madam_cake]

الله يعينج حبيبتي ويصبرر قلبج

 

[أم ^^حمودي]

الله يصبر قلبج

 

[*باجر أحلى*]

عيشي حياتج واستانسي و
لان هذا باثر على شخصيتج وبيخليج مرحة والريال يحب البنت الفرايحية

 

[خشف المطران]

لوووووول .. أنا جذي أحن حن عليه .. بطلع وياه يتحجج ..

ما عمري حطيت فبالي إنه ما يحبني ..؟؟ <<<< شككتيها بعمرها .. هههههههههه

بس مره قضبتها .. قلت إنتش ما تطلع وياي ..؟ إتفشل مني ..؟؟ شكلي يفشل ..؟؟


هههههههه .. خذيتها بضحك .. عادي .. بس إنه يتجرأ يقولي أكره الطلعه وياج .؟؟

يمكن ما عندهأسلوب في ناس جذي دشفه ما تعرف تتكلم ..

ومو شرط الغلا بالطلعه وياه .. قعدتكم بالبيت .. يجابل ..؟؟ يشوفج .. تعجبينه ..؟؟ يحب يشوف وجهج .؟؟

يحب يخزج ..؟؟ كافي. ....؟؟

وما قلتيلنا أهو ما يحب .يطلع وياج بس يطلع .. وإلا ما يحب ولا يطلع كلش كلش كلش ..؟؟؟

 

[Ba$ko0oTa]

الله يكوون بعوونج والله
ريلج الصرااحه ما يحس
حررام عليه
ليش جذي المفروووض يقدر ويعطيج حقج
لازم تعرفين شنو السبب
الله يهديه لج ويصلحه
ويعيينج يا قلبي

 

[& حكاية حب موعود &]

يعني يحب يقعد معاج تالي الليل ومايحب يطلع معاج
اهو يقولج هالكلام عشان يسكتج وماتحنين عليه على الطلعه
مولازم معاه طلعي مع خواتج اهلج
ودعي الله يسخره لج

 

[حتفرج]

الله يهداكم بس شفيييييكم شبيتوا عالمرة فعلتج وتركتج وشكلج واسلووبج...........ستوب.....البنت حساسة وعاطفية مو نكدية وشكلها طيبة بزايده ومشية الأمور عشان تعيش ....غللللللللللللللط........ريال ما يحب يطلع مع مرته عنده شي واضحة ومن تجربة يخاف احد معين يشوفهم مع بعض...طيب سؤال لوطلعتوا قروب حريم ورياييل-اهل-عادي ولاههم مايطلع؟؟؟ مايبي يسافر معاها لنفس الأسباب مل يبي يهد الديرة واللي فيها ويزعل اللي هني -مسافر مع العلة وهادني بروحي- ماكو مرة تنكد على ريلها واغلب البنات الحين خفة دم وشطانة...قعدي معاه وخليج واضحة وشديدة ...ترى والله يعطيج طططططااااااااااااف بلأكبر ....والأهم عيشي حياتج واعتقد ما عنده مانع تطلعين..صح؟؟لأنه ما يهمه...عيشي حياتج بس حطي الله ورسوله واهلج جدام عينج...نادي مواجيب مع اهلح مع عيالج كل يوم مكان وضحكي من قلبج مومهم طلعته ..طلعي المكان اللي تبين واستمتعي..:ggdw:

 

[عروسه 99]

الله يعينج يا قلبي ويصبرج انشالله حاسه فيج ريلي من هالطقه اللي ما يطلعني مكان بنات مو شرط هالاسئله ؟؟؟ يعني الشكل من احلى ما يكون اكشخ اخر كشخه

الاسلوب معاه كله كلام عسل
ما احاسبه ليش وليش بالطلعه
ما اطلب منه شي بالطلعه يعني عندي طلعتني ومشيتني كافي
مو شرط اتغدى او اتعشى او يشتريلي اياه
المهم انه يطلعني ودايم اقولها له وفعلا طلعني جم مره وما اخليه يدفع فلس بس عشان اثبت له انه الطلعه ممكن تكونين من غير اي تكلفه بس تغيير جو

على الرغم من انه كريم حيل وما عنده بخل بالمره والحمدلله بس اهم الله يهداهم ما يحبون شي اسمه يطلع زوجته مادري شسالفتهم ومن يقوله واحد من ربعه قام نقز الله يهديهم انشالله

 

[جوري 2007]

رايي من راي اختي حلا وذوق بس عندي لج نصيحة صرفي نظرج عنه شوي يعني فكري بنفسج وابتعدي عنه شهر وسوس الآتي :
1_ اشتركي بنادي صحي ولاتقولين عيالي ومااقدر نظمي وقتج
2_قصي شعرج وصبغيه وسوي حمام مغربي وسوي ريجيم اذا انتي متينه
3_ اشتري بدل يديدة وستايل يديد عالموضة وبجايم وخلج كاشخة بالبيت على طول
4_ اقري كتب روحي فيرجن واخذيلج مجموعة كتب عن الشخصية الجذابه وهكذا
هذا مومعناته ان شخصيتج موحلوة يمكن اهو موعاجبة فيج اشياء معينة حاولي تعرفين شنو اهيا ، ونصايحي هذي الغرض منها انج تصيرين شكل ثاني بالشكل والمضمون وبهالفترة لاتطلعين وياه ، عندي لج نصيحة صغيرونه دخلي سايت مملكة بلقيس واقري قصص وحكايا واقري قصة ام الوليد وقصة ام بسمة بيفيدونج وايد

 

[ملكة الحب]

الله يهديه

 

[ام سويرة]

لا ان شالله ما فيكم بلا
بس مو معنى ما يحب يطلع وياج يعني ما يحبج
يمكن يطلع مع ربعه سوالف وضحك وصوت عالي عشان شباب
بس معاج اكيد ما يرضى الصوت يعلى فما يرتاح
يمكن عاجبته واحد يشوفكم وهو يغار وما يحب يحط روحه في هالموقف
يمكن يحب يشيش مع ربعه بس ما يحب يشرب الشيشه جدامج
يمكن يحب القهاوي مالت الشباب والطلعه معاج اكيد اماكن لها خصوصيه معينه والواحد يحاسب
ع تصرفاته فيها
ويمكن ويمكن ويمكن اسباب واجد
المهم انتي فكري بهالاشياء وشيلي فكرة انه ما يحبج من راسج
بعدين اذا تطلعين بروحج ولا مع اهلج ورفيجاتج قولي الحمدلله اخذيها بريك انتي وياه
غيرج الطلعه عليهم بالحسرة مع الزوج ومع هذا ما يخليها تطلع لا بروحها ولا مع اهلها
تعوذي من الشيطان ومرده ان شالله بهديه الله ويطلعكم وهو مستانس وشاق الحلج من الفرحة

 

[شمس 20]

الله يعينج حبيبتي ويصبرج

 

[عيون زوجها]

فيه احتمال ان فعلا وقح ومايحبج من قلب
وفي احتمال ثاني موشرط يكون مايحبج
يمكن وايد يحبج بس مايحب يطلع معاج تستهويه طلعات الربع اكثر
وهذا الشي هم غلط بس عالاقل اهون من ان يكون مايحبج
وثانيا انا ريلي على كثر ما ان يحبني بس قمت احس ان ماقام يحب يطلع معاي
لان بكل طلعه نشوف ربعه صدفه او طلبه اهو يدرسهم
مع ان ريلي اهو ينقيلي لبسي يعني اهو متأكد ان محترم وكل شي وانا مكياجي خفيف بس يتضايق يموت اذا احد شافني معاه
فقمت احس ان صاير مايحب يطلع معاي صج اهو يقعد معاي فالبيت دايما الا هاليومين انا قاعده اقوله اطلع لان دايما اتنرفز عليه من النساة بس هم انا اتضايق
بس ما قال ان مايحب يطلع معاي
انتي الحين لا تحطين فباله مايحبج
يمكن اصلا انتي وايد حلوه ومايبي احد يتكلم يقول زوجته شحلاتها بس مايبي يقولج عشان ماتنغرين عليه فهمتي
انا ريلي جذي بس قالي السبب عادي بس رياييل معقدين مايبون حريمهم ينغرون
فانتي الحين حطي فبالج ان اهو يحبج بس يا ان السبب اللي قلتلج عنه او فعلا يحب طلعت ربعه اكثر وانتي قوليله انا هم بطلع بروح مع اهلي او مع رفيجه تكون حيل معاج اذا ماخلاج يعني حالج من حالي ريلج وايد يغار مايبي احد يشوفج بس الفرق ان ريلي اشكره قالي واذا رضا انج تطلعين معناته اهو ماله خلق ومايحب هالطلعات العائليه
وانتي بالاخير ونسي عمرج ولايضيق خلقج

 

[ام ابرار]

مالج الا ادعااء اللة يهدية ويسخرلج اياة امييييييييين

 

[فرااااولة]

وعليكم السلام
حبيبتي انا ما اعتقد انه ما يحبج
شكو؟؟
انا اقول حبيبتي انتي يمكن فيج شي مضايقه..
ما يحب يطلع معاج مثلا لانج كله ساكتة بالطلعة
او اذا طلعتي مثلا تقوليله اشترلي هذا وهذاك
مثلا يا عمري
ودام فضل ربعه عليج
معناه طلعته معاهم اونس احلى كلها ضحك ووناسة وفرفشة
ليش على طول قلتي ما يحبني
الحين حاولي تخلينه جم يوم على راحته
عقبها قوليله بطلع معاك
روحوا عالبحر الفجر مثلا
وتمشي معاه وخلج مستانسة ومفرفشة وتنكتين معاه
وتدلعي عليه وقوليله كلام حب
يعني خلي الطلعة كلها وناسة بوناسة
شوفي شنو يصير عقبها
اذا استانس وتغير فالسبب كان منج
اما اذا ظل مثل ما هو ذيج الساعة لكل حادث حديث
لا تقولين يعني طول هالست سنين ما بينت بعينه؟؟ولا استانس معاي؟؟
لاتفكرين جذي سوي اللي قلت لج عليه وبعدين حكمي
وشيلي الافكار السودة من مخج
لان هي اللي راح تخرب بيتج
والله يوفقج وخبرينا شنو يصير معاج

 

[صابونه_]

مادري شقولج
بس حسسيه بغلطته 6 سنوات اكيد عارفتله

 

[ام ساروونه]

حبيبتي انا نفس حالتج بس انا متاكدة انه يحبني وهم ريلج انشالله

بس اتوقع واحس انه يحب ياخذ راحته اكثر ويلفاها مع ربعه وتحملي وصيري وصدقيني مومعناته فيج عيب لان انا عايشه تجربتج بس طبيعت الكويتي جذيه يبي علي كيفه مو انتي تطلبين منه ومايحب الطلعات والفراره والمصاريف ههههههههههه الزايده

وربي يسخر ازواجنا لنا ولكن المسلمات جميعاااااااااا