زوجي عقيم و يظلمني وايد شنو اسوي

[نيبال الايمان]

ضى الايمان


ياعمرى انا مع اختى اسيل بحجيها 0000

اذا تحبينه وتبينه صبرى عليه وادعى الله يهديه لج وترى المادة مو كل شى بهالدنيا 000 ام شى راحة البال 000

وهم يا عمرى لا تقارنين نفسج باهله هذول اهله وانتى مرته 000 وحاولى تكونين صديقة واخت وزوجه وحبيبه له هو جايز لانه حاس بالنقص يسوى معاج جذى انتى عوضيه وبينى له انه هو عندج بالدنيا هذى كلها وان شاء الله يهديه لج ياعمرى

وعسى الله يرزقج بالذرية الصالحه اللى تقر عينج وتفرح قلبج اللهم امين يارب

وعسى الله يرزقنى ويرزق كل محروم ومحرومه منهم اللهم امين يارب

 

[Swan]

الله يعينج ويهديه ان شاء الله
انا مع الاخت اسيل

 

[قطريه@@]

صراحه الله ايعينج حبيبتي ادعي الله انه ايسخره لج
بس صراحه انتي صبرتي واايد عليه
لو وحده ثانيه كان تركته على تصرفاته اللي ماتنطاق
يحمد ربه انج صابره عليه والعيب فيه

بس العمر قدامج طويل لاتقولين كبيره بالعمر الله يرزق عباده من حيث مايشاء
ادعي ربج ان يصلحه واذا ماصلح انا انصحج تتركينه لا اولاد ولا معامله مثل الناس ولا راضي يتعالج بعد
امانه شالفايده منه تقعدين وتتألمين منه اهم شي كرامتج اذا هو ماقدرها لا تقدرينه

والله ايعينج صراحه والله تأثرت بكلامج واايد
ولاتنسين ان الله مع الصابرين
والصبر مفتاح الفرج ان شاء الله
حبي وتقديري

 

[<<لمار>>]

الله يهدية ويسخرة لج

 

[شـــــــــمس]

الله يهدية بس خل اقولج شى هو حاس انج انتى المحتاجه له فى الدنيا مو هو اللى محتاجلك
وبعدين شنو عمرك 30 كبيرة لا توج صغيرة والحياة قدامج بعدين لنتى موظفة اذا
مو موظفة توظفى عيشى حياتج تعرفى على ناس غير اللى انتى معاهم اعزميهم خلية يحس ان فية احد يعزمج
ومحبوبه من الناس والكل يعزمج وتروحين وتدخلين وليش ما تطلبينمنه الطلاق جربى ليش لا؟؟؟؟

 

[WaChoCha]

الله ياجرح ويصبرج على ما ابتلاج فيه

حبيبتي خليج عقلانية كثرة الدلع للزوج مو زينة ..لانه اهو شايف ان حياتج بدونه ما تمشي و يزيد بالدلع عليج ...لا تطلبين الطلاق ابغض الحلال حرام ..بس اوقفي وقفة حازمة معاه ..معقول في زوج مايبي عيال . ومثل ما قالو خواتي لا تدخلين في مقارنة مع اهله باي ناحية ترى دايما الزوجة خسرانة ..احتسبي الاجر وعسى الله يسخره لج اللهم آمين

 

[خــلــود]

الله يعينك يارب ويهديه ويسخره لك
مايصير كذا يقصر بحقك حنا ماعندنا اطفال لازم يعوضوننا بااشيا ثانيه عشان مانحس بالنقص بين البنات
الله يعين قلوبنا بس

 

[Mrs P!NK]

الله يعينج ويهديه لج
ويرزقج الذريه الصالحه المعافاه

 

[um katkot]

ازيدكم من الشعر يت يقولوي ليش لما تسوين عملية ترجيع اجنة ما تحملين روحي حللي يمكن فيج شي ....بس ما راح ازيد بالكلام

 

[محبة العدالة]

السلام عليكم و رحمة الله و بركاته

و الله يا اختي العزيزة حالتك بتقطع القلب
انتي صرتي قاطعه نص الطريق لا انتي قادرة ترجعي و لا قادرة تقدمي
اكره ما علي في هالدنيا الرجل الاناني
يعني لو المشكلة ما كانت منه على طول بيتجوز و بيصير اهم شيء عنده في الحياه انه يجيب ولد يحمل اسمه
ما بدي احكي اكثر من هيك و اوجعلك قلبك زيادة
ربنا يكون في عوننا جميعا
ربنا يهديه و يهدي ازواج المسلمات جميعا

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رب لا تذرني فردا و انت خير الوارثين​

 

[فراولة كوتية]

أقول أختي مادام زين وياج وطلبي منه فلوس ليش لأ بس سوي طفل أنابييب طلاق لأ ارضي بزوجج وصبري عليه وأقرئي تجربتي وشكرا

 

[ScarletteO'Hara]

حبيبتي, شيلي موضوع المصروف حاليا, ما اعتقد ان الفلوس همج الوحيد, خلي همج الاول العلاج سواءا بالكويت او بالخارج, انتي اكيد عارفة شنو الي يأثر بريلج عشان يغير راية, و صدقيني ترا سالفة العقم من عنده اكيد مأثرة على نفسيته مو سهل على الريال يحس انه ناقص, ماله داعي تدخلين احد من اهله و لا اهلج بالسالفة, الحل بيدج, مو احنا راح نقول لج اياه لان احنا اساسا ما نعرفج شخصيا و لا نعرف ريلج و لا نعرف الوضع بينكم شلون صاير, و سالفة انه يعطي اهله فلوس فكري فيها من ناحية ان اهله قاعدين يحرجونه لما يطلبون منه الفلوس مفا يقدر يردهم, انتي انسي الفلوس و اقنعيه بطريقتج
الله يرزقج بالذرية الصالحة انشالله و تفرحيننا بخبر حملج انشالله

 

[لوكي 22]

الله يوفقكم ويرزقكم اللهم امين ..

 

[فساتين فخمه]

اسمحيلي بالغاليه بقولك كلمتين

شين وقوي عين 00لامال ولاعيال ولاراحة بااااااااااااال
اطلعي بكرامتك احسن لك 00وتشوفين اذااهله مازوجوه 00بنت عمتي نفس قصتك قاعده مع واحد ماينجب 20سنه ولما طرت عليه اخذسوريه صغيره قالتله بنت عمتي بعد اصبرعليك وتطقني بحرمه قال انا رجل مايضرني وتطلقت منه وتزوجت مشاءالله عندها اربعه واحد يدرس طب مشاءالله انتي صغيره والف واحد يتمناك000

 

[om-7amod]

الله يكتب لج الخير ويرزقج بالضنى

واكثري من الاستغفار وصلاه الليل

وابعدي عن مقارنه نفسج باهله .... نصيحه مجربه


الله يوفقج

 

[Coffee-Girl]

مالج الا رب العالمين وقراءة سورة البقره وثقي بالله ان الله بيفرجه عليج

 

[الفرفورةرفرف]

حبوبة يمكن خيرة من ربالعالمين انج ما يبتي منة عيال
قاعدة اتذمين تصرفاتة وهم تبين ولد منة؟
الصراحة غريب امرج اتحبينة واتذمينة مايصير؟!
الله يرزقج ماتتنميم بس اذا هذي طبايع زوجج واهله لاتنطرين الحمال وصبري لعلّه خيرة عشان يتعدل زوجج وبعدها الله يرزقج

 

[SOoOSA]

أعاني من نفس حالتج
أهل ريلي بعد مستغلينه وانا اللي يقصر علي :0bee2e8d89: بس الله كريم ماكو شي بيدي أسويه مايسمع مني كلام بهالموضوع
أما بالنسبه حق ريلج
فهميه انتي اشكثر اتحبينه وقوليله مابي أسمع هالكلمه منك مرة 2 (مادري انتي ليش قاعده عندي) قوليله انت عندي بالدنيا كلها ولو الله ماكتب لنا اليهال كافي انت عندي ياما ناس عاشوا وحيدين بس السعاده تارسه حياتهم وناس يابوا اعيال وما بروهم وأذوهم أهم شي ان الحب اهو اللي جامعنا مع بعض
بس كل هاللي اسويه انا عشانك عشان تكتمل حياتنا خلنا انجرب
وربنا قال اسعى ياعبدي وانا أسعى معاك مايصير انحط ريل على ريل وانقول ربنا بيرزقنا
والطب ألحين تطور وانشالله بنشوف لنا طريقه وربنا ماراح يقصر معانا

" والله يهديه لج يارب "

 

[ام الخير 67]

حبيبتي توك صغيره لا تقولين كبيره في بنات بعمرك للحين ما تزوجوا وهدديه اذا ما طاوعك بالعلاج راح تهدينه وصدقيني مهما تحبينه راح تحبين عيالك اكثر منه ما احرضك عليه بس شمه الياهل وحضنه بكنوز الدنيا فكري عدل