زوجي طقني وسبيته ,,,,

[جيكره(و)تتغلى25]

ماتدرين شلون كتبتي موضوعج السخيف حشى هو رامبو وانتي جاكي شاان


ويع شالعيشه ربع مو ازواج وعادي تطلبين منه اصلا محد وصله الي هدرجه غيرج

 

[Miss.6Mo7]

إنتي غلطآنه وأهو بعد غلطآن , بس صدقيني أساس الغلط منج إنتي .. آلمفروض مآتشدين وتحطين رآسج بـ رآسه , آلريآل قآم ينعزل عنج , حآولي تتقربين من ريلج وبو عيآلج واحترميـه .. ومآلج شغل بخواتج والا بمآدري منو اللي تعآند ريلهآ وتطلع .. إلخ , وآلله يهديكم

 

[ليلو جبريت]

رد : رد: زوجي طقني وسبيته ,,,,

الله يعينج ويهديه يارب
حبيبتي اسمحيلي وين كرامتج شنو يعني تنطقين وبنعال ويزنطج وين قاعدين شنو هالعنف؟
لا والله لا اقعد ابيت اهلي ولا شي اوكلي محامي واتطلق وغصبا عليه يدفعلي نفقه لي ولعيالي وسكن بروحي ولا مذلته
واي شلون تصبرين ؟

انا معاها صراحه

اهم شي الريال يحترمني
الله يعينج ويهدي ريلج

 

[باااربي]

:ssssso:الله يعينج

مادري شقولج

 

[غــلآ]

رد : رد: زوجي طقني وسبيته ,,,,

تصدقووون ولا وحده منكم عطتني حل كلكم شغالين علي فرضيااتت وانتقاااد

حبيبتي انتي حطيتي موضوع وتبين الناس تصارحج واحنا صارحناج وبينا لج مواطن الغلط فيج
اللي المفروض انج تعدلينها عشان ينصلح حالكم شوي ماعطيناج فرضيات ولا مرضيات

قبل شووي سمعت صوت البااب راح لغرفة النوم يبي يناام لحقته

وانسدحت يمه كاان يدزني طلعي براا لاتلمسيني

اناا اوريج باااجر ومن الحجي المااصخ

قلت له انت طاقني واناا جايتك وامس طقيتني وطوفت
ترا الحيااه مو جذي اناا تعبت منك منوو العااقل فيناا

ومنو اللي سبه وسب امه ؟ ومنو اللي قط هدومه على الارض ومنو اللي طلع بدون شوره
كل هذا واهو الغلطان ؟؟

راجعي نفسج

عزيتك ورزيتك >> جاان يقوول طبعاا تخسين عازتني بس انا اويج واشتغل تهديد

يعني والله انتي قويه

فوق انج قريتي ردود البنات وحاطين لج ان اسلوبج غلط
ماطاف يوم على السالفه الا وانتي لاحقتهم بغلط ثاني

في حرمه تقول لريلها عزيتك ورزيتك ؟؟
بالعقل والذمه فكري فيها

الحين انتي اللي تحت جناحه مو هو اللي تحت جناحج وتقولين له عزيتك ورزيتك

انا اقول تاخذي ندوره في فن التعامل او في اساليب الحوار المناسبه وايد افضل من قعدتج بالبيت

بكل وقااحه يصرخ ويدزني افلامج ماتشفع لج وفري ع نفسج

لووول اهم شي انج مسميه رده فعله وقاحه ؟؟؟؟؟

ع فكره اناا دلعته وسويت بلاوي

بس زوجي اناا اخذته جذي خرباان يبيله تعديل

مو حااب الاستقراار كلش يبي يلعب

يعني شاايب وللحين ماشبع

ماكو ادمي ماكان عنده خرابيط

انتي بيدج تعدلينه

شوفي انتي صغيره المفروض تكونين ماخذه قلب ريلج الي عمره بيوصل ال 40 قريب

تدلعي
فرفشي
حسسيه انه للحين صغير وشباب

ترى اهم بهالعمر يحبون هالاحساس

لبسي وتشخلعي

حسسيه على الاقل انج قاعده تحاولين

انا مره اشتكيت لاخووه قال بالحرف الواحد عفيه عليج
القطو العوود مايتربى اصبري عليه تخيلووا

وهذا اكبر غلط

شلون تشتكين حق اخوه ؟؟
وبأي حق اصلا

اسرار بيتج لازم ماتطللللللللللع انتي شفيج

لا وحق منو ؟ اخووووه !!!!!!!!!!!!!

اناا صج ماقصرت لكن والله تعبت افكر تفكير جدي بالطلاق لكن خاايفه من اهلي

والله شكله اهو للي يبي يطلق من صجه مو انتي

انا اقول تلاحقي على عمرج
وتركي عنج الكبرياء اللي ماله داعي

واحتسيبي الاجر عند رب العالمين

كل ما قلتيله كلمه حلوة لج اجر
وكل ماونستيه لج اجر
وكل ما خليتيه يعصب تلعنج الملائكه

حتى لو هو غلطان

ماكو انسان كامل

والبني ادم يتغير ترى مو خشب ولا جماد

حاولي حبيبتي

وانصحج تبتدين تغيير نفسج​

 

[رآيـــــةغلآ]

رد : زوجي طقني وسبيته ,,,,

نصيحه من وحدة زوجها اصعب من زوجج واقدرت تروضه؟؟؟
نصيحتي يالغالية غيري اسلوبج معه احترميه حتى لوماحترمج واشغلي نفسج عنه بالقران والاستغفار وجابلي اعيالج وان كلمج
وباوقات الفراغ دللى نفسج وانشغلي انتي واعيالج عنه وان كلمج خلج طبيعيه وهاااادية ومطيعة وبالليل ان سهرتي اقيمي الليل واختلى مع ربج هوسبحانة يغنيج عنه وعن غيرة
اذا كل هذا وماتغير؟؟
جربي تنصحينة تذكرينه بملك الموت تذكرينه ان الانسان يختم عمله باكثر شي يحبة ويسوية

واصبري ثم استخيري وبعدها
اشتري راحة بالج ترا راحة البال تسوى الف واحديغثج ومايتوب عن معصية الله وموبس عشان نفسيتج اللى بتدمر عشان اعيالج لا يتربون غلط وتحطين حرتج فيهم لانج انتي ومو مرتاحه وترا العيال اذا اكبروا وسكتي ع هالوضع بتلووومين نفسج الف مررررة باجر

 

[قمورهـ]

رد : زوجي طقني وسبيته ,,,,

ههههههههههههههههههه

سوري بس مت من الضحك

حدج فصله

من صجج كل هذا مسويته

ولا طاقج وطالعه بعد

عالعموم البنات ماقصروا بالنصح

والله يهدي سركم

 

[رآيـــــةغلآ]

رد : زوجي طقني وسبيته ,,,,

بنات انا حاسة فيها ساعات الوحدة قمة الادب والذوق عند اهلها
تتفاجا بزوج ماعلى لسانة الا السب
مرة بتصبر
مرة تزعل
مرة تبجي
مرة تنصح
بالخيربتطفش وتسب

مثل ماقلت هومحتاج وقت وصبر ودعاء وطريقة تعامل راقية وادب باللفظ وقولي نفتح صفحة جديدة اساسها الاحترام
واجذبيه بالاشياء اللى يحبها موبشكل مباااشر
وترا الصبر صج فرج ان سويتي كل هذا باجر باذن الله يتغيرلج وقولي اللهم ملكني قلب من احوجتني اليه واسلل سخيمة قلبة
اشوي اشوي ويجيج يشكرج انج تحملتيه

بس اذاكان يشوف اشيا اباحية ذكريه ع غفلة ان عيونة يوم القيامة تتكلم وتشهد عليه

والله يسخره لج يارب

 

[ياليل مااطولك]

الله يهدي سركم يبدوا ان زوجك من النوع الشديد الغصب بس صراحة ما توصل الى مدة اليد مادري الي يمد يدة علية مية علامة استفهام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هو ميتعطى شي او يشرب شي مهما كان الرجال عند الخلاف هواش بس بس ما يمد يدة الا الي فية بلا او صعيف الرجولة لان الرجول ان تتعامل مع كل مشاكلك من غير مدة اليد فلا يمد يدة الاالصعيف او من يوجد عندة مشاكل نفسية

 

[~ الــــزيــــن ~]

الله يعينج عليه
والله الرياجيل يحرون اف عايشين حايتهم صح وبكيفهم
واحنا لاتروحين ولاتردين وامرج عنده وووووع

 

[فراشة الرغد]

رد : زوجي طقني وسبيته ,,,,

حبيبتي ابتدي غيري في نفسج
عقب ريلج بيتغير
شكلج متعودة لم صار الشي عادي
لا تخسرين بيتج..

 

[*ريما*]

رد : زوجي طقني وسبيته ,,,,

وين الاحترام بين الزوجين

 

[روحي تحبه غصب]

حبيبتي انتي ناقصج الاحترام

اول شي احترمي نفسج عشان اهوا يحترمج

انا ماالوم الريال اذا عزل نفسه في غرفه بروحه لانه اكيد مالقا عندج شي يجذب لج

ويحببه في القعده معاج

الله يعينه عليج

 

[سيلينا]

رد : زوجي طقني وسبيته ,,,,

من صجج!!

ما الومه تراددينه وتعاندينه وتطلعين من غير رضاه وما تبينه يطقج
ذبحتيه رفعتي ضغطه !!

مو من حقه يطقج ولا يمد ايده عليج وانتي المفروض ما تغلطين عليه شلون تقولين له انت مو رجال!!

ترى الكلمه قويه شنو مو تارس عينج

انتي الي خليتيه يتمادى عليج المفروض ما تراددين ولا تغلطين عليه وما تخلينه يمد ايده عليج​

 

[ريماس77]

رد : زوجي طقني وسبيته ,,,,

حبيبتي

كل فعل مقابل له ردة فعل ....

تعالي معااااي

هذا فعل



وهذا ردة فعلج



<<<لو ذكيه لاحتويتي الامور بهدوء بدون صراااخ

**********************

هذا فعل



وهذا ردة فعلج


<<<بصراحه تعديتي حدود اللباقة والادب مع زوجج

*********************
هذا فعل



وهذا ردة فعلج



<<<ابدا ما غلطتي على امه من قال ؟؟!!!!

******************
هذا طلب وفعل منه


ولللاسف هذا رده فعلج



<<<<البعاره والعوابه اشلون صايره حمرا او خضرا يا جماعه

الزوج يقول ماكو طلعه وهي تتصل على اختها وتطلع للسينما بعد مو شي ضروري!!!!

هذا رده فعله



ردة فعلج



<<<فيه زوجه انثى عاقله مسلمه تقول لزوجها هالكلاااام !!!!!

حبيبتي

الغلط راكبج من راسج لرجولج

من لسان قذر ....وقلة ادب ....وعد م احترام للزوج

واتوقع عزَل نفسه ....من تصرفاتج

عيدي النظر بنفسج

فوفو

انا مع فوفو الريال مايبيله مرادد بالحجي والمسبات سكتي عنه ناقشيه بهدوء شنو هالالفاظ الله يهداج ادعيله بالهدايه عسى الله يهديه ويسخره انتي غلطانه في بعض الامور

 

[الأماكن]

رد : زوجي طقني وسبيته ,,,,

أمبيه من صجكم

انا ما اقول الا الله يعين عيالكم

نصيحة سكري حلجج بتشوفين العجب و بيحطج ريلج فوق رااااســـــه

!!!!!!!!!!

 

[حشمه]

رد : زوجي طقني وسبيته ,,,,

ردود فوفو وغلا عين العقل

احترميه عشان يحترمج

وتعودي ماترفعين صوتج

حتى لو غلط عليج

ومو كل شي بالصراخ والسب ينحل

 

[عشق موالي]

الله يهديكم اثنينكم غلطانين ولافيه بينكم احترام

 

[الصواني]

رد : زوجي طقني وسبيته ,,,,

(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ) (الروم : 21 )​

أيها الزوج: ​

- ماذا تكلفك يا عبد الله البسمة في وجه زوجك عند دخولك عليها كي تنال الأجر من الله؟ ​

- ماذا تكلفك طلاقة الوجه عند رؤيتك أهلك وأولادك؟ ​

- وهل يشق عليك أن ترفع لقمة وتضعها في فم زوجتك حتى تنال الثواب؟ ​

- هل من العسير أن تدخل البيت فتلقي السلام تامَّا كاملاً: السلام عليكم ورحمة الله وبركاته حتى تنال ثلاثين حسنة؟ ​

- ماذا عليك إذا تكلمت كلمة طيبة ترضي بها زوجتك ولو تكلفت فيها, وإن كان فيها شيء من الكذب المباح؟ (فقد رخص رسول الله صلى الله عليه وسلم من الكذب في ثلاث: في الحرب, وفي الإصلاح بين الناس, وقول الرجل لامرأته) ​

- لا أظن أنك ترهق وتتعب إذا قلت لزوجتك عند دخولك: يا حبيبتي منذ خروجي من عندك صباحاً إلى الآن وكأنه قد مرَّ عليَّ عام.. ​

- سل عن زوجتك عند دخولك عليها وسل عن أحوالها. ​

- هل سترهق يا عبد الله إذا دعوت وقلت: اللهم أصلح لي زوجي وبارك لي فيها؟ ​

- الكلمة الطيبة صدقة. ​

- طلاقة وجهٍ وتبسمٌ في وجهها صدقة. ​

- إلقاء السلام فيه حسنات. ​

- مصافحة يدها فيها وضع للخطايا. ​

وأنت أيتها الزوجة: همسة في أذنكِ... ​

أيتها الزوجة: ​

- هل يُضيرك أن تقابلي زوجك عند دخوله بوجه طلق مبتسم؟ ​

- هل يشق عليكِ أن تمسحي الغبار عن وجهه ورأسه وثوبه ​

- أظنك لن ترهقي إذا انتظرتِ عند دخوله فلم تجلسي حتي يجلس!! ​

- ما أخاله عسيراً عليك أن تقولي له: حمداً لله علي سلامتك.. نحن في شوقٍ إلى قدومك, مرحباً بك وأهلاً. ​

- تجملي لزوجك - واحتسبي ذلك عند الله فإن الله جميل يحب الجمال - تطيبي - اكتحلي - البسي ثيابك لاستقبال زوجك, إياكِ ثم إياكِ من البؤس والتباؤس. ​

- لا تصغي ولا تستمعي إلى مخبب مفسد يخببك ويفسدك على زوجك. ​

- لا تكوني دائماً مهمومة حزينة بل تعوذي بالله من الهم والحزن والعجز والكسل. ​

- لا تخضعي لرجل بالقول فيطمع فيكِ الذي في قلبه مرض ويظن بك السوء.​

- كوني منشرحة الصدر هادئة البال ذاكرة لله على كل حال. ​

- هَوِّني على زوجك ما يحل به من متاعب وآلام ومصائب وأحزان. ​

- مُريه ببـــر أمه وأبيه. ​

- أحسني تربية أولادك واملئي البيت تسبيحاً وتهليلاً وتمجيداً وتكبيراً وتحميداً, وأكثري من تلاوة القرآن وخاصة سورة البقرة فإنها تطرد الشيطان (كما ورد في الحديث الصحيح). ​

- انزعي من بيتك التصاوير وآلات اللهو والطرب والفساد. ​

- أيقظي زوجك لصلاة الليل وحثيه على صيام التطوع وذكريه بفضل الإنفاق ولا تمنعيه من صلة الأرحام. ​

- أكثري من الاستغفار لنفسك وله ولوالديك ولعموم المسلمين, وادْعي الله بصلاح الذرية وصلاح النية وخيري الدنيا والآخرة, واعلمي أن ربك سميع الدعاء يحب الملحِّين فيه, "وقال ربكم ادعوني أستجب لكم" [غافر 60] ​

وأخيرا ​

أسأل الله تعالي أن يدخلنا جنات تجري من تحتها الأنهار.
آمين ​

 

[إنسانه وأكثر]

الله يعينج الصراحه عليه وعلى نفسج

امسكي لسانج شوي لانه انتي قاعده تؤثمين بكل كلمه شينه تقولينها لريلج

ومن نامت وزوجها غضبان عليها لعنتها الملائكه حتى لو كان يمد ايده ويسب لاتطلعين من غير رضاه وتعاندينه لاتسبينه وتنزلين من مستواج

ادعيله بالهدايه والرحمه واذا على كلامج انه اهلج مايرضون تتطلقين واهم شايفين حالتج عيل قعدي فبيتج وايد ارحم وقومي بواجباتج كزوجه واحتسبي الأجر من الله سبحانه لانه رب العالمين مايضيع حق عباده

الله المستعان

موفقه