زوجي طقني ورحت لهلي

[العزووووف]

الله يكوون بعوونج بس طرشي له مسج بافراض البيبيي لانه هو المسؤؤل عنه

 

[غرامي مرامي]

ما شاء الله عليج يا ليت اقدر اصير نفسج

 

[memo 7loa]

تهاونتي في البداية وسكتي وضمن سكوتك لبعدين


ان شاء الله طلعتك من البيت تكون قرصة له ومايعيدها ابدا



الله يهدي بالك ويصلحه لكي كلامه لكي بالشقة يدل انه ندمان بس لاتطووووولين كثير لايقلبونه الناس عليكي ويتزوج < بعيييد الشر عنك يارب

 

[ScarletteO'Hara]

زين تسوين طلعتي من الشقة شنو اهي لعبة يكفخج عشان المضبغة؟
منو اصلا الحين يودي ملابسه المصبغة الله يسلم خدمة توصيل المنازل و لا ما مرت عليه من قبل؟
عموما خليج ثقيلة معاه لا تبينين له انج محتاجة له
انتي لا تدقين عليه و لا تدزين له مسج
خلي امج تطلب منه اييب المصروف حق الولد و اييب الخدامة بعد شنو اهو يايب الخدامة حقه و لا لج و لولدج؟
و الله بط جبدي الحين بدال ما يطير فيج يبتيله ولد بفضل الله بعد نطره شطولها يتصرف معاج جذي؟
شدعوة عاد ترى ماكو ريال مو عصبي بس مو كلهم يكفخون حريمهم على اتفه الاسباب!!!
لا تعبرينه هالفترة خل يحس بغلطته

 

[الانوثه]

ديري بالج اختي لاتكبر براسه السالفه اذا تبينه وتحبينه بجد ردي وبمحاذير اقصد لايكررها مره ثانيه وباين عليه تحسف ويمكن محتر من شي اكيد وحط حرته فيج عديها بس بتحذير انها تكون اخر مره بالعمر يمد ايده وانا معاج غلط انك عايرتيه بعيبه يمكن احتر من هالشي وطقج ارجعي لزوجك تراه واضح يحبك وحنا بوجه رمضاااان المسامح كريم فديتك

 

[بقــآيآ جـروح]

الله يعيـــــــــــــــنج وين عآيــــــــــش هذآ
شنو منو الرجآآل ع اي اساس انتي تودين الملآبس المصبغه
الحمدالله والشكر مآآيعرف يدق عليهم مآيعرف يآخذ ملابسه ويوديهم
والمصيبه نآيمه ويطق قهر وربي
زين طلعتي واللي تقولج غلطآآنه ليش طلعتي
عفوآ هذي مآآعندهآآ كرآآمه وع بالهآآ الكل نفسهآآ
لايبه بيت آهلج آبرك ولا وآآحد يطق بالعقال وياليت في سبب
خليه ان شاء الله شهر شهرين
حسسيه انج بآآيعه وآنج بتشوفين حيآآتج بدونه
وقولي لا ابوج وله آخوج يكلمه يبي يشوف ولده آنت مآعندج مآآنع
بس يصرف ع ولده ويتركج بحال سبيلج طبعآ كلام بس عشان يحس ان السالفه جد
مو مسالة وقت وبيطيح اللي براسج

 

[صابرة الحمدلله]

ما شاء الله عليج يا ليت اقدر اصير نفسج

تقدرين ياقلبي انا كنت اضعيفه بس تقويت شسوي هو اللي خلاني جذي الرجال مايحب الا القويه

 

[صابرة الحمدلله]

تهاونتي في البداية وسكتي وضمن سكوتك لبعدين


ان شاء الله طلعتك من البيت تكون قرصة له ومايعيدها ابدا



الله يهدي بالك ويصلحه لكي كلامه لكي بالشقة يدل انه ندمان بس لاتطووووولين كثير لايقلبونه الناس عليكي ويتزوج < بعيييد الشر عنك يارب

مشكورة ياقلبي وصج انا تهاونت معاه وان شالله اللهيرده لي يارب

وقل لن يصيبنا الا ماكتبه الله لنا

 

[صابرة الحمدلله]

زين تسوين طلعتي من الشقة شنو اهي لعبة يكفخج عشان المضبغة؟
منو اصلا الحين يودي ملابسه المصبغة الله يسلم خدمة توصيل المنازل و لا ما مرت عليه من قبل؟
عموما خليج ثقيلة معاه لا تبينين له انج محتاجة له
انتي لا تدقين عليه و لا تدزين له مسج
خلي امج تطلب منه اييب المصروف حق الولد و اييب الخدامة بعد شنو اهو يايب الخدامة حقه و لا لج و لولدج؟
و الله بط جبدي الحين بدال ما يطير فيج يبتيله ولد بفضل الله بعد نطره شطولها يتصرف معاج جذي؟
شدعوة عاد ترى ماكو ريال مو عصبي بس مو كلهم يكفخون حريمهم على اتفه الاسباب!!!
لا تعبرينه هالفترة خل يحس بغلطته

قصد زوجي ليش مااتصلت على المصبغه عشان تاخذ ملابسه

والله انا باط جبدي ومحترة من الخدامه هي له ولا لي بس هو حركت لعانه يبي يكسرني بس ماهمني

وانا معطيته طاف الين الله يحلها من عنده ولا راح ادق كلش

 

[صابرة الحمدلله]

ديري بالج اختي لاتكبر براسه السالفه اذا تبينه وتحبينه بجد ردي وبمحاذير اقصد لايكررها مره ثانيه وباين عليه تحسف ويمكن محتر من شي اكيد وحط حرته فيج عديها بس بتحذير انها تكون اخر مره بالعمر يمد ايده وانا معاج غلط انك عايرتيه بعيبه يمكن احتر من هالشي وطقج ارجعي لزوجك تراه واضح يحبك وحنا بوجه رمضاااان المسامح كريم فديتك

انا ماعايرته الا بعد الطقه وانا كنت منهاره وانا احب زوجي وابيه بس والله مو سهله دايم انا ادوس على نفسي وارد له حتى واهو طاردني بس هالمرة غييييييييييييييير

خلاص تعبت منه ابيه يعرف قدري ويعرف اني مامثلي احد انا غيييييييير انا غيييييييييييير

والله يكتب اللي فيه الخير

 

[صابرة الحمدلله]

الله يعيـــــــــــــــنج وين عآيــــــــــش هذآ
شنو منو الرجآآل ع اي اساس انتي تودين الملآبس المصبغه
الحمدالله والشكر مآآيعرف يدق عليهم مآيعرف يآخذ ملابسه ويوديهم
والمصيبه نآيمه ويطق قهر وربي
زين طلعتي واللي تقولج غلطآآنه ليش طلعتي
عفوآ هذي مآآعندهآآ كرآآمه وع بالهآآ الكل نفسهآآ
لايبه بيت آهلج آبرك ولا وآآحد يطق بالعقال وياليت في سبب
خليه ان شاء الله شهر شهرين
حسسيه انج بآآيعه وآنج بتشوفين حيآآتج بدونه
وقولي لا ابوج وله آخوج يكلمه يبي يشوف ولده آنت مآعندج مآآنع
بس يصرف ع ولده ويتركج بحال سبيلج طبعآ كلام بس عشان يحس ان السالفه جد
مو مسالة وقت وبيطيح اللي براسج

ياااااااااااااااااااااقلبي وهذا اللي بسويه انا موبهيمه عشان يسوي جذي فيني

 

[جوانا2011]

الله يسخرة لك يارب

 

[fdeet_shosho]

اكبر غلط الوحدة تسكت عن الرجال لما يطقها
زين سويتي اتخذتى موقف من الطق عشان ما يتكرر الموضوع
طلبات ولدج ارسلي مسج بكل اللى تحتاجينه واذا تحسين صعبة خل احد يكلمه من اهلج ويقوله عن مصروف ولدة مو عيب ولا حرام واذا اهله يكلمونج ممكن توصلين لخالتج او حماتج عن سالفه المصرف
بس لازم يتادب من سالفه الطقق
والله يوفقج يارب ويسخرلج زوجج

 

[مــســك]

آنتي شلووون خليتي الخدامه عنده ..!!!

 

[أعشقه]

مسخره والله رجال اخر زمن وش عنده هو مايودي ملابسه ..
واذا ماوديتي ملابسه خربت الدنيا
وش هالرجال ماعنده اسلوب يارب لك الشكر .. ويمد يده بعد ..
زين الي سويتي له والله لو جلستي بيتمادى عليك
مثل ماقالو لك ارسلي له قولي ولدك محتاج كذا وكذا وخلاص
وربي يصلح بينكم

 

[گـحِـلْ |~]

آلله يسخره لج

 

[شقرديـه عالطل]

الله كريم

 

[سكوتي بذوقي]

لاحول ولاقوة إلا بالله

اللي سويتيه مو غلط علشان يعرف

إن وراكِ ظهر بنات الناس مو لعبه

يطقك بعدين يسوي نفسه بريء لو جلستي يمكن يتمادى

ارسلي له رساله قولي له ولدنا محتاج أغراض

إذا مارضى يرسل فلوس قولي له الطلبات

الله يصلحه ويهديه يارب

 

[ترف بابا]

حبيبتي ابدي بالمسجات جسي النبض
وخليها طلبات حق ولدج
وشوي شوي
بعد الجرح ياخذ وقت عشان يبرى

 

[ام العبايه]

حبيبتى دقي على اهله وقولى لهم انج تبين الخدامه واليوم تمرين تاخذينها وابي مصروف لبيبي واهم بيسالون وحركى الموضوع اهم شي تبينين انج متاثره ومو متقبله ان بيتج بيخرب بسبت مصبغه وانتى مره ثانيه ديري بالج على ملابسه اكيد ما لقي شي يلبسه وانفعل المهم الشيطان شاطر وانتى حركى الموضوع اطلبي من اهله الخدامه والمصروف ان ما تدخلوا ما راح تنحل سالفه الطق وبيعيدها لانج قلتى كلمه غثته وبينتقم هذا انسان لازم ينرد من الكبار دقي وان شاء اليوم بتنحل لانهم ما عندهم خبر ان في خلاف لا تدقين عليه ولا تردين لانه اوال ما راح يقولوله بيدق عليج ويشرشح