زوجي طاح من عيني!!!

[كليـ دلعـ]

استغرب لماتقولون لها سئليه

شنو تبونه يقول بالله!؟


اي معاي بنات وايي اسولف واضحك معاهم

والا والا


انتو شنو تبونه. يقوول!؟


في احديعترف ع نفسه!؟


ما راح يعترف ع نفسه

وراح يراعي خاطرها


وماافي انسان سوي يعترف ع نفسه

فسالفه سئليه انااشوف. مالهااي داعي

 

[سندس 90]

مع شادن

 

[زبــــــــدة]

الله يهدي بعض الحريم يشيشون المرة على ريلها

يمكن زوجها مثل ما قالت بس اشلون تحكم على ريلج انه مثله ؟؟؟
يمكن ريلج يعرف سوالف ريلها وساكت بحكم انه صديقه
وماله سلطة عليه ... مو معناته إنه مثله
وليش تحكمين عليه !!!
انت سمعت من طرف واحد
سمعي الطرف الثاني
ومادام سألج ريلج ...صارحيه وشوفي رده
إذا الكلام صحيح تفاهمي معاه ...
وإذا مو صحيح لا تعطين اذنج للحريم ترى ينهدم بيتج
حرام تحرين وتاخذين منه موقف وانت مو متأكدة من هالسالفة
ولا شفت شي بعينج ​

^

^

صح كلامها لا تسمعين من احد مو معناته ان ريلها جذي لازم ريلج نفسه ...!!!

اذا انتي ماشفتي ولا سمعتي شي

لا تسمعين كلام احد وتشكين فيه

 

[حبي مودي..]

تأكدي من كل شي قبل التسرع بعدين كيف تصدقين كلام اي أحد وبالذات انه مو قريبه منك عزيزتي انتبهي لزوجك وبيتك ولاتخربيه بيدك..
بالتوفيق

 

[Patcholli]

لو تحبج جان حتى لووو لووو لووو افترضنا ان صج تسكت وتستر وماتخرب بيتج ولاتحرق قلبج
بس واضح انها غيرانه مو شرط تكون بعيده عشان تغار او تخرب بيتج ..

 

[Tom ♥ Jerry]

,


صارحيه و قوليله شنو قالتلج !
لا تكتمين بقلبج

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[امـ خــزامـى]

مع اختي دلللللللللع باللي قالته عن الثقه والواقع

لكن تغير دوامه صعبه وبقوه
انا اقول استودعيه الله وحاولي تراقبين الوضع ومتهملين
ولا انصحك ابد بانك تصارحينه لانه بينكرررررررررر حتى لو ماسوى شي

وللمعلوميه ترى كل الرجال تفكيرهم البنات وبس هذي تطلعني خاقه معي وهذي تتلصق فيني
وهذي حلوه والثانيه مملوحه

انا زووجي علني يسولف معي بهالطريقه ويقول مع الشله نسولف بعد عادي
بس ترى مجرد كلام الاغلب بس الحق ترى ولا واحد بدوامه بنات الا اللي بنوك

اقولك موقف صارلي ببداية زواجي عرفت كيف تفكير الرجل وصغر عقله بالنسبه للبنات

مرا انا وزوجي طالعين للسوق وبعد ماخلصنا وركبنا السياره بنطلع من المواقف الا بنت بعبايتها متنقبه
طلع علينا وبتقطع واشرت لزوجي انه استوب وقف سيارتك بمشي رفعت يدها
هو قال ياحليلها خقت معي ومع سيارتي

اموت وافهم وش جاب وحده رفعت يدها بتقطع الشارع للخقه معه


ههههههههههههههههههههه لا جد تفكيرهم عجيييييييييييييييييب

تعلمت من بعد هالموقف ان طول الوقت اوضح اعجابي فيه وامدحه واتغزل فيييييه

وبصراحه تغيرت حياتي للاحسن بعد مااتخذت هالخطوه وصار زوجي من نوعيه اللي عادي لاتعشيني ولا تغديني بس
امدددددددددددددددددددددددحيني


موفقه حبيبتي

 

[Um Tuki]

حبيبتي لا تخربينبيتج على كلام وصلج

يمكن هاذيج محترة من زوجها و تبي تشيش بينج و بين ريلج
حرام لاتعطين فرصة للحريم اللي جذي
ديري بالج على ريلج بس مو لدرجة انها قالت لج هالكلمتين خلاص طاح من عينج
لا تقولين لزوجج شقالت زوجة رفيجه
و زين انه حس ان هاذيج قايلتلج شي عشان يحاسب
و سأليه قوليله شلون علاقتك ببنات الشغل و بس

قرصيه من بعيد

عشان حتى لو في شي يخاف و يتراجع

و انتي تقربي له الريال لي شبع بالبيت مايدور برع

و هذا كلام شباب يعني عادي لو سولفواعن بنات الشغل او زيدوا كلام
الا هذي معجبة فيني او كتبتلي عالانستغرام انت حلوو انت و انت

ترى الريال السنع ما يلتفت لهالاشكال

 

[اميره1980]

انا لو مكانج و تقولي جذي اوقفها عند حدها و اقولها انا واثقة بريلي و انتي خليج بمشاكلج
هذي خرابه بيوت حتى لو كان كلامها صحيح ليش تفتن ؟؟ تبيج تعيشين بدوامه و افكار مثلها و ما تبي تكون الوحيدة التعيسة و تبيج وياها بالمضره خصوصا ان ازواجكم مع بعض بنفس الدوام
انتي ادرى بزوجج و دام ما شفتي شي عليه مالج شغل بكلام الناس لو حتى كانت اختج

 

[manoooram]

حبيبتي لا تكلمين ريلج ولا شي
دامج واثقه وعارفه ريلج شنو خلاص يا قلبي
بس ...
متى ما حسيتي ان زوجج تغير عليج هني سأليه شاللي مغيره عليج
وبالنسبة لزوجة رفيج ريلج ما عليج منها يا قلبي
والله يسخر لج ريلج

 

[ماكواسم2]

حبيبتي حطي في بالج ان المره وثقت فيج وقالت الكلام اللي ممكن صج وانا اتوقع صج حتى لو ماكان واقع بس يمكن زوجج مثل كل الريايييل يعني انا اللي كل من طايح علي ..بس يمكن اذا قلتي حق زوجج تصير كبيره وتروح فيها وانتي ممكن تتعاملين معاها بذكاء بانج تاخذين منها ما تعطينها وتكونيين من ناحية ثانية عارفه تحركات زوجج وبدون ما يدري

 

[بنت النوخذا]

انا ما احرضج ولا اششيشج


بس اقول لج لا تصيرين طيبه اكثر من الازم و انتبهي علي بيتج

والمصارحه ... هي الحل
لكن
بطريقه الحوار العقلاني
مو زعل و صراخ .... ساااايسي
وكثري سؤالج عليه وهو بالدوام بكل وقت



كثري من صوركم بالبيت بكل مكان
حتي يحن قلبه

وربي يعقله و يبعده عن كل من فيه شــر


________________

وليش تحكمين عليه !!!
انت سمعت من طرف واحد
سمعي الطرف الثاني
ومادام سألج ريلج ...صارحيه وشوفي رده
إذا الكلام صحيح تفاهمي معاه ...

 

[ضــمــاد]

بعد عمري ماقصرتو على الردود اول شي
ثاني شي شمصلحتها تجذب!!
بعدين انا علاقتي مو قويه فيها عشان تخرب بيتي
اساسا انا ما اقولها شنو علاقتي بزوجي
فليش تجذب!!!

يمكن ماتجذب


لكنها غيوره .على ريلها . ومبين من تصرفاتها انها غيوره


والغيره الزايد تعمي البصر والبصيره


الغيره الزايده تضخم الامور وتكبرها .. وتوصلها لشك


فأنتي لاتاخذين بكلامها طالما انج مرتاحه وواثقه بزوجج

 

[احلا المزايين]

شلون يعنيالوحدة مااتكون مغمضه
اتدور وراه مثلا والا اتروحله بدوامه والا تقفل عليه باب البيت
رجال ويقدر يسوي اللي براسه مو راد علا احد
ويقدر يخووون واهو معطي الاماااااان لمرته
يعني الوحدة اتصير مغمضه واتعامله علا انه وسيله لوناستها
ومااتخليه كل حياتها اريح وابرك
يعني اجي انا عقب ماكبر وصار ناضج اربيه من اول وجديد
حشا لله ام مو زوجة
كلن عقله براسه وربي يعرفون الحلال والحرام
ويعلمون ديرة
بس الله يعينهم الفتن محاصرتهم بكل مكان
فيا اختي هاذي زوجة رفيج زوجج قطعي علاقتج فيها
عشان لا اتجيبلج سوالف تقثج واتخرب مزاجج
عيشي معاه وخليج دايم انيقة وفرفوشة
لا اتصيرين نكدية عادي فووقه رب يحاسبه

 

[Bloom]

حبيبتي مو كل حجي ينقال لج تصدقينه وريلج مو نفس ريلها كل واحد له طبع وكل واحد تختلف درجة وفاه وردت فعله

بعدين تخيلي لو وياج ريياييل بالدوام وريلج يشك فيج ويتغير راح ترضين ولا راح تضايقين ؟؟ طيعيني لا تسلمين مخج

واذنج لاي احد ولو كلمتيها قولي لها كلميني عنج عن احوالج مو عن الرياييل ومو حلو وحدة تطلع اسرار بيتها لاي

احد منو ما كان يكون وهاذا امر فيه رسولنا محمد عليه افضل الصلاه والسلام.

اتفق معاها

 

[معزوفة عشق&]

انتي شاطره وبتعرفين لزوجك ..؟
والمثل يقول قل لي من تصاحب اقول لك من انت وترى الصاحب ساااحب يعني خليك شااطرة وانتبهي تخسرين بيتك بسبة كلام جاك من وحده من الحريم > كلامهم ماينتهي *_*
دايم ادعي ربي انه يحفظ لك زوجك ويبعده عن عيال وبنات الحرام واستودعيه الله ولا تخافين هو في ودائع الذي لا تضيع ودائعه

 

[مولاي الفرج]

لا خليها تولي

صدقيني اذا قلتي له راح يزعل ويقول انتي هدمتي الثقه بينا

واهو لو صج جذي اكيد بيراجع نفسه دام شافج متضايقه

الله كريم لاتوسوسين

 

[كويتية بروما]

بعد عمري ماقصرتو على الردود اول شي
ثاني شي شمصلحتها تجذب!!
بعدين انا علاقتي مو قويه فيها عشان تخرب بيتي
اساسا انا ما اقولها شنو علاقتي بزوجي
فليش تجذب!!!

مصلحتها انها تفسد بينج وبين زوجج
من الحسد لانج مرتاحه عكسها
لانج واثقه من زوجج واهي عايشه بجحيم الشك والغيره
والله انتي طيبه تحسبين الناس مثلج
وممكن قطت هالكلام بتسحب حجي عن زوجج وزوجها

 

[Laidy n3ooma]

لاتصدقين اي شي دام ماشفتي شي على زوجج

ماتدرين يمكن ريلها مراويها الويل ومحتررره لاتخربين بيتج واستودعي ريلج