زوجي زعوووووول وابي اراضيه

[الغيد]

زوجي زعلان مني وانا ما اتحمل زعله لاني احبه واحس الدنيا بدون ما يكلمني مو حلوه حتي لو ضحكت وجاملت بس قلبي يعورني بس اشلون اراضيه احسه حيل قسا علي هالمره وكرامتي ما تسمح لي اراضيه ساعدوووني بطريقه اراضيه اشلوووووووون:krkrkr:

 

[سفيره الكويت]

مابين االزوج وزوجته كرامه روحي تسامحي منه لج اجر هذا زوجج

 

[مملكة بنت]

حبيبتي دلعـــــــــــــــــــــــيه

وبس

 

[محتارة وبصيح]

راضيه بهدية ببوسة دلعيه

 

[المرتاحة]

منو يقول ان ما بين الزوجين كرامه!!

لو الزوجه ما عندها كرامه زوجها ما راح يحترمها ومو بعيده بعد انه يتجرأ و يدوس عليها

بس بحالة صاحبة الموضوع نقول خليج الأعقل و كبري مخج واخذيه على قد عقله .. حاولي انج تكسرين الزعل بطريقه ذكيه ما تنزلين فيها نفسج .. عاد الطرق وايد وانتي ابخص بطبع بزوجج

انا تذكرت موقف بنت ذكية قالتها لنا وحده اهني بالمنتدى.. انها كانت معصبه على زوجها او زعلان عليها .. قامت يابت لافتات و كتبت عليهم "ارحل" و لزقتهم بالطوف و غير اللافتات اللي وزعتهم على عيالها .. لما دخل زوجها و شاف المنظر فطس من الضحك و طاح الحطب بينهم.. عجبتني طريقتها لانها كسرت الزعل بطريقة فكاهيه وذكية من غير ما تنزل من نفسها

 

[زوجة عزيز]

حبيبتي إذا كنتي مزعلته فأنتي مجبوره تراصينه أما إذا زعلان من نفسه لا تراصينه خلي لين يرضى بنفسه

 

[زوجة عزيز]

ؤي كله بدليات قوويه مايخالف بنات عذروني من البي بي

 

[سارونه الامورة]

مابين االزوج وزوجته كرامه روحي تسامحي منه لج اجر هذا زوجج

صح كلامهاااا​

 

[zaina alotibi]

الله يخليكم لبعض ويديم المحبة بينكم ......

الزعل لابد منه وساعات يكووون ملح الحياة الزوجية بس عاد لايزيد عن حده يسير ماااصخ وماله طعم .....

اتفقي انتي وزوجج على نقاط الخلاف بينكم عشان تتجنبونها واتفقوا اذاصار ولاسمح الله حصل الخلاف بينكم شلوون تحلونه بعيد عن الزعل والهجر .

 

[الأميرة جوري]

الله يهديه يارب ...اذا مزعلته والغلط منج راضيه باي كلمه ..الرياييل بسرعه يرضون مو مثلنا لوووووووووووول

 

[حلوه بس بلووه]

سويله ليله خاصه وحلللللللوه

 

[freakiya]

اول شي ما قلتي سبب الزعل عشان نساعدج ...
ثاني شي مابين الريال و مرته كرامه ...واللي تقول لا في اسمحيلي غلطانه لا تبطلين عيون الرايل لووول جذي انشي الريال يتنزل و يعتذر بس في حالات لا ماله داعي ادوسين على نفسج
و كسري حاجز الزعل بطريقه حلوه يعني قلبيها ضحك او ابتسمي بويها بس صدقيني بيضحك و بيرد الوضع او روحي بوسيه او سويله ليله حلوه او سوي فيه مقلب وايد طرق
كلش كلش قعدي تفاهمي معاه و من يصرخ قوليله ما نبي نتهاوش نبي نتفاهم يعني هدوء
الله يهدي زوجج و يخليكم حق بعض آمــــــــــــــــــــيـــــــــــــن

 

[بآتونيآ]

راضيه ياقلبي مافي كرامه بين الزوجين حبيبتي
وحاولي الاشياء اللي تزعله ابعدي عنها
وربي يوفقكم يارب
ربي يسخركم حق بعض يارب

 

[غلا التركي]

والله الرياجيل يبطوووون الجبد

ويرفعون الضغط

وخصوصا اللي زعوووووووووووووووووووووول

 

[غبيشة]

الله يسخركم لبعض

 

[Gifts&Occaions]

مابين الزوج وزوجته كرامة

 

[shy rose]

الله يهديكم لبعض
حكمة تعلمتها من امي الله يخليها لي
تقول اذا شد احد الطرفين يجب على الاخر ان يرخي على قد المستطاع لانه لايصلح لكلا الطرفين الشد
وبذلك تزيد غلات الطرف المرخي عند الشاد ..

 

[الغيد]

مشكوووووووووورين لكل من شاركني الراي والله يوفقكم كلكم ثااااااااااااااااانكس