زوجي زعل عشان .. قولو لي انة صح ولا غلط

[اذوب بكلامه]

انا احس الشي هذا عادي ما فيها شي ابوها
وحماتي عندها بنت وحده بعد ١٥ سنه زواج
وابو البنت هو الي يسويلها كل شي يأكلها
ويلبسها ويغسلها والبنت الحين بالروضه
وماترضى امها تسويلها شي تقعد تبكي ابي
بابا

 

[دانة_ دبي]

حبيبتي هذا ابوها و انتي تعرفينه اكثر من اي حد ثاني
يمكن كلامج صح بس طريقتج ف توصيل المعلومة غلط و بأسلوب بايخ و فيه شك و اسئلة ؟

ممكن اتييبينها بأسلوب ثاني
تقولين حبيبي خلاص صارت كبيرة خلها تتعلم بروحها تروح الحمام
او ممكن تقولين اخاف باجر تعتمد على الناس و تخلينهم يودونها الحمام خلها تروح بنفسها

يعني خلي اسلوبج احلى
ع فكرة كلامج فيه تلميح له بعيد الشر ؟؟؟ و اكيد هو زعل

يعني مهما كان خلي اسلوبج افضل

 

[حبيبي مالكني]

جان كلمتيه بهدوء
اهي وجهة نظرج صح
بس طريقتج كانت غلط
جان شرحتيله هالشي باسلوب حلو مثل البنت مايصير احد يغسلها بهالعمر لازم تتعلم بروحها
المفروض محد يجيسها بهالمنطقة ومن هالحجي
يمكن اسلوبج كان يبين خوفج على بنتج من ابوها وهالشي راح يحز بخاطر الابو

 

[نـعـومـه]

طبعااااا مايصير يشوفها ابوها

خليه يزعل كيفه اهوه غلطان

 

[منال $]

زي ما قالوا البنات
ماشالله 5 سنين المفروض تعرف لحالها تروح الحمام وتطهر بعد هيك
المفروض تفهمي بنتك انةما يصير احد يشوفها حتى لو ابوها
وزوجك ليش يزعل المفروض هوا مايرضى يوديها الحمام

 

[LaDantel]

والله انا استغربت من الموضوع بكبره

احنا عوايدنا و بعايلتنا كلها ما مر علي ان الابو يغسل بنته حتى لو ياهل

ما ادري ماني قادره اتصور الموقف

انا لو مكانج بتصرف بأشد منج بحكم ان هالشي غريب علي حيييل و بيكون صدمه تقريبا


عموما تصرفج صحيح و اذا بيتضايق خل يتضايق كلامج عدل

وكلميه مره ثانيه قوليله اذا انت زعلان من هالسالفه

اوكي انت ابوها لكن اهي بعمر لازم تتعلم فيه ان هالمنطقه عيب احد يشوفها الا امها و بوقت الضروووره الضروووره

انا اعلمها اتدش الحمام و تنظف نفسها لاتعودها على ان هالمنطقه عندها تكون عادي تنجاس او تنشاف من اي احد

باجر تتعود و من هالحجي

خل يعرف ان كلامج ماكان لمجرد انج تمنعينه عنها استعباط

هذا ضروري و خلاص مايصير يشوفها مفصخه عيب

 

[شطانه طفله]

لا معاج حق والله يهديه لان عيب

 

[امـ خــزامـى]

معاااك حق

بس غلطتك مااعودتي بنتك لااازم تستحي وهي من نفسها تقوله لا وماتناديه اصلا

زوجك مااغلط تصلينن او كنت مشغوله وونادته بنته اكيد بيرووح لها

ارجع واقول عودي بنتك على الحيا

 

[Um Tuki]

لا و الله معاج حق
هذا ابوها و هي بنته على عيني و راسي ما قلنا شي بس بعد في حدود

البنت لازم تتعلم هالمكان ماتشوفه الا ماما

و كلميها ان عيب تقول حق بابا يغسلها.

قول لي بابا ريال عيب يشوف هني بعدين الله يعاقبنا

قولي لها انا اسوي كل شي بنفسي و انتي بعد سوي كل شي بنفسج لان انتي كبيرة

و بعد يومين يبي لها هدية حلوة قولي لها لان انتي صرتي حلوة و شاطرة و تتطهرين بنفسج هذي العدية لج

و قولي حق زوجج لا تزعل انا ابيها تعتمد على نفسها و ابيها تعرف ان هالمنطقة بس الام المفروض تشوفها عشان مصلحتها مو عشان شي

ترى انتي صح مو غلطانة

و الله بهالزمن تخافين على البنت من ابوها استغفر الله العظيم

 

[فراشة الرغد]

لا بنات انة ماقط قلت له روح وياها
بالعكس
بس كل ماكلمه مافي فايدة
عاد اهي لها زمان تروح بروحها
فنسيت الشي فتفاجات يوم
شفت ..اول مرة خفت اتكلم يزعل
ثاني مرة تكلمت زعل
وكاهو لليوم يكلمني بنفسية
وقاعد يدور اغلاط علي
تعبت نفسيا ماعارفة اشيبي بالضبط
انة كلمته وشرحت له الموضوع
وكيت كيت باحلا اسلوب
بس لليوم مادري اشفيه علي
استغفر الله ربي واتوب اليه

 

[فراشة الرغد]

انة اعود الياهلة ان عيب ولازم محد يشوف
بس اهو ايي يخرب كل شي

 

[وسن العنزي]

حبيبتي خليه يززعل لا تهتمين لزعله دام انتي علا حق وتعطينه ويه وتلحقينه جنه انتي الغلطانه المفروض ايي ويساعدج بالموضوع مو ينفس وحالته حاله حبيبتي والله غلط اللي قاعد يسويه يوبا والله عيب لا تقولين حنون عليها ماله شغل هاذي المنطقه بهالعمر المفروض حتا انتي ماتلمسينها عودي البنت تعتمد علا نفسها كبرت ترا علا هالسالفه وايد كبرت وبعدين هالمنطقه متطقة اثاره المفروض محد يلمسها وسامحيني علا هالكلمه بس هاذع الصج عالجي الموضوع ولو انا منج ييت له بإسلوب حلو وقعدت اشرحله بكل هدوء ومصر انه ينفس ويزعل وريي اعطيه طاااف ماركض وراه جني ميته عليه مع ان ما غلطت ومعاي الحق لاا تعوودينه يزعل عليج وانتي معاج الحق وراكم عمر. والله يوفقكم ويسعدكم ويسخركم لبعض

 

[pusy cat]

لا ماغلطتي وفهمي الصغيره ان هالشي عيب لازم بس ماما اللي توضيها

 

[ليدي بجد]

نفس الموقف صار. الاب حنوووون على عياله وهذي ميزه بعضهم قرفانين من عيالهم ويهشونهم وهم مرتبين ومعطرين وقاعدين. قدامهم. بسسسسس مؤ معناته انه هالشي صح. لاااا. بس ترى الرجال ما يعرف متى لازم يوقف ويحسسها للحين بيبي من حبه لها. أنا معودتهم من سنه يلبسون بعض ملابسهم مثل بنطلون البجامه وهم جالسين وانا بس اعطي الملابس ما البس من عمر السنتين. بس هو حنون يجئ يساعدهم وقتها عادي صغارا بس كبرو. وما حبيت هالشي ودي يستحون وما يتعودون يطلعون قدام احد بدون ملابس عادي وهم بعمر الأربع بس ما يتحمل لازم يساعدهم. الحل. قلت له. البنات فشلوني يطلعون ببيت أهلي لما يغيرون بدون ملابس عادي يأخذون شي ويرجعون وانا ماودي إخواني او أبوي يشوفهم. وبكره يسوونها قدام اي احد. اهو خاااف قلتالحل أني حتى أنا ما اشوفهم لما يلبسون ولا اخليهم يشفون بعض واحسس انه عيب طبعا أنا قلت له هالكلام اول شي حسسته أني بمشكله وان بنت الي تحبها وضعها خطر قدام الناس وقلت الحل وطبيعي شاركني فيه وتحمس وصار يخانقهم لو وحده لبست ومعها اختها بالغرفه وطبعا أنا كان هدفي الأهم مش اللبس لا الغسيل. الي شي طبيعي قلته حتى أنا ما راح اغسلهم. وبس انحلت مشكله صار له كم سنه بمجرد ما تخيل بناته بخطر بس مؤ منه من غير

 

[مولاي الفرج]

اهو يمكن انحرج عشان جذي نفس عليج

بس والله صح كلامج

ترى اليهال يحسون نفسنا

فلازم اهي تطهر نفسها بنفسها ودام تعرف فمافي مشاكل

 

[فراشة الرغد]

صح بنات كلامكم وانة وياكم
انة معلمتها تتطهر بروحها وتتستر
بس اهو كان يخانقني روحي وياها
اقول له اتعرغ وكبرت وليمتى مايصير
وكلمته بوايد اساليب
بس لم كل مرة تكررين الاكلام
بالذات بالمواضيع الي لها بالتربية وتكون حساسة
لازم بيي يوم بتزهقين ولاتنفعلين ولهجتج
بتتغبر على كثر ماعلمتي وتحجيتي
وكاهو ليحين مو معبرني وانة مشية عادي
مارحت له ولا لحقت وراه بس اهو
مضيج علي ماسمح لي اطلع اليوم
و مايكلمني الا ضرورة وبنفسية
الحمد لله رب العالمين يارب تهديه لي
واستغفر الله ربي واتوب اليه

 

[Mjnont '3lay]

لا ماغلطتي هو غلط اللي يسويه حتى لو كان ابوها بس عيب اي احد يشوف عورتها وهي كبيره خلاص اللي بعمرها بالروضه الحين
اقعدي ورجلج وانهيه عن هالشي لا عاد يتكرر

 

[قلب الزعابي]

صح كلام البنات
هي ماشاء الله عليها كبرت ولازم بروحها
أنا بنتي خمس شهور ريلي يستحي يطهرها ويقول انتي تعالي

 

[وسن العنزي]

حبيبتي انتي اهم شي ماتسكتين علا هالسالفه لازم يقطعها من عادا لأنها تضر البنت وماتنفعها واذا بغت الحمام تكرمون قولي لها تقولج انتي روحي معاها وخليها اهيا بنفسها تطهر نفسهاابوها لايتدخل لأنه اصلن ماله شغل بتطهير البنت من الأساس

 

[انثى عاشقة]

ريلج غلطان وهو شايف هالشي من باب حنان الابو
يزعل اليوم يفهم باجر
اهم شي تبينيين له ان هالشي غلط