زوجي زعل عشان .. قولو لي انة صح ولا غلط

[فراشة الرغد]

قوة بنات


بفولكم الموضوع على طول

مساعة فتحت باب الحمام تكرمون شفت ريلي يطهر بنتي عمرها
تكمل خمس سنين بعد شهرين وسكتت
بس مامرت دقيقتين الا ياية تقول له مرة ثانية تبي يوديها الحمام
ووداها انة كنت اصلي ..

مع العلم انة ماوديها الحمام اهي اتعرف تروح بروحها واتعرف تتطهر وتلبس
وكل شي ..

عاد انة عقب ماكملت صلاة قلت له ترا مايصير تطهرها كبرت خلاص
و اتعرف تسوي كل شي بروحها و ماله داعي تطهرها

وقعدت اتحجى ان بنت اخته صغيرة واتعرف وان اهو مايسمع كلامي
انة اعود الياهلة على شي واهو يخلف ..
لان مو اول مرة ومن زمان
صراحة احس عيب خلاص احس الشي غلط
المهم اهو طنقر وصار يكلمني بدون نفسية ..
ابي اعرف رايكم

 

[@ام ضاري@]

شلون يعني يطهرها اوكيه ابوها بس خلاص موب صغيره البنت
بروضه من يغسلها // خليه يزعل دام الموضوع نصيحه
مافيها شي لاقلتي خلاص عيب البنت قامت تفهم
ومايجوز تغسلها خليها اهياا تستحي ترفض مره ثانيه
ولاجاء يغسلها تبجي تقوله انا اعرف

 

[Australia girl]

بصراحه مفروض محد يجيسها الا انتي خصوصا هذيج المنطقه مو عن شي بس البنت بازم تتعلم يكون فيها حيا شوي

 

[Dana.Qtr]

الريال فيه حنان زايد ع بنته وهي كبيره وهذا شي غلط وانتي لازم تسايسينه تفهمينه ان هالشي ممكن يتطور لتبول لا ارادي وعدم ثقة بالنفس ويصير ايزي بالنسبة لها ام حد يشوف منطقتها زيلمسها وبجي ممكن تتعرض لتحرش لاسمح الله بدون لاتدرون بحكم تعودها ..
واذا عندج بيبي اصغر خليه يهتم فيه معاج ويساعدج فيه .. اشغليه به عن اخته ..

 

[sh_mashael]

اتوقع انتي تعرفين ريلچ
و طبيعته

و انه يتحسس من نقدچ

المفروض تقولين له بطريقه افضل

مثل

مع انه معلمتها اشلون تغسل

وييي لا يكون مفشلتني بالروضه مع الابلات

عاد عيب ما يصير احد يشوف عيبها


فهمتيني ؟

 

[أعشقه]

مدري احس استغربت
هذي بنت شكو زوجك يطهرها ولا يوديها الحمام .هذي بنت حتى لو كان هو ابوهااا
المفروض مايشوفها بالمره ..
حبيبتي عالجي هالموضوع وجلسي مع بنتك وكلميها تفهم وتستوعب
قولي لها عيييييب مايصلح باب ولا اي احد يدخلك الحمام ويشوفك ..
تعلمي لحالك تدخلين وتطهرين نفسك ..
مايصلح حد يشوفك ..
مااايجوز اصلا

 

[Patcholli]

زين انج كلمتيه ميخالف ساعات الرياييل يتحسسون من شغلات ومايحطونلها اعتبار يعتبرونها بسيطه وعاديه واهي تكون غلط
وبنتج بعد قوليلها ماما اذا بتروحين الحمام ناديني خلاص صرتي كبيره عيب بابا يغسلج

 

[دلوعةمآمآ]

معاك ِ حق ,,بس اهو لييش يزعل !!

بنتك انتي معلمتها كييف وإن مثلاً احتاجت مُساعده انتي موجوده ,,

فهمي بنتك إن عييب احد يشوف هالمنطقه حتى ابوها

 

[ياحلاتي قمر]

اتوقع انتي تعرفين ريلچ
و طبيعته

و انه يتحسس من نقدچ

المفروض تقولين له بطريقه افضل

مثل

مع انه معلمتها اشلون تغسل

وييي لا يكون مفشلتني بالروضه مع الابلات

عاد عيب ما يصير احد يشوف عيبها


فهمتيني ؟

وهم لازم تعلمين بنتج ان محد يشوف عيبها بس لا تقوليلها ابوج لا يشوف جذي تروح تفتن عند ابوها او تخاف منه لا بس خليها دايما تخاف تفصخ جدام الناس جذي تلقائيا اذا بتروح حمام ماراح تنادي احد وماراح ترضى احد يغسلها غيرج

 

[om . alzeen]

لا الي سويتيه مو غلط حتى لو كاان اسلوبج غلط

لانه البنت كبيره وترى تفهم وعيب يلمس منطقتها الحساسه حتى لو ابوهااا

مو عشان شي بس عشان البنت تدري وتفهم انه هالمكان عيب ولازم محد يشوفه ولايلمسه

واذا على زوجج مسكيه وفهميه سبب اسلوبج وكلامج عشان البنت تتعلم انه هالمكان عيب وغلط ووووو لانه هالشي لمصلحتها

 

[gmar al-kuwait]

غلط الابو يطهر بنته

 

[orange blossom]

حبيبتي انتي ما قلتي شي غلط
ما يصير بهالعمر اهو يطهرها
دام انها خلاص تروح الحمام بروحها
يمكن يزعل جم يوم و بعدين انشالله يرجع عادي

 

[بنفسج ..~]

المفروض من الأساس مو معودته انتي على هالشيء
سواء عمرها 5 سنين ولا حتى أشهر عيب هالمنطقة عند البنت احد يشوفها غير امها صراحة
وهذي طريقتنا حتى احنا ..
عموماً يزعل يومين ويرضى والبنت عوديها محد يروح معاها الحمام غيرج او حتى بروحها لىن 5 سنوات كبيرة ما شاء الله بعمر روضة
لازم تتعلم تعتمد على حالها ..

 

[M!SS.LOBY]

ما يصير خلي بنتج تعتمد على نفسها

واذا كلش ما تعرف تناديج أنتي أمها تساعدينها

 

[توتة UAE]

انتي ما سويتي شي غلط وخليه لين ما يرد نفس قبل
لانه صدق مايوز يسوي جذي . .

ربي يهديه ويسعدكم ويا بعض

 

[نونه المنكوشه]

صح اللي سويتيه وعيب اهوه يوديها انتي امسكي بنتج وفهميها وقوليله ليش زعلت انا ابي اعلمها علشان موباجر اي احد اتقوله ودني

 

[احلى ديما]

وليش.يزعل يعني ؟؟؟ المفروض انتي اللي تزعلين لان بنت بهالعمر ماإاإايجوز اصلا تنكشف على احد الا انتي

 

[وسن العنزي]

حبيبتي غلط الأبو يطهر بنته لازم يوقف هالشغله لأن البنت ماعادت صغيرا كبرت علا هالسالفه والمفروض من اول انتي اللي تطهرينها مو ابوها هاذا شغلج انتي مو اهوا عيب البنت كبرت ومثل ماقالت وحدا من البنات هاذي بنت ولازم تستحي من ابوها من هالجانب والياهل ترا يمشون علا ماتعودونهم وهاذي عادا جدا خاطئه مايصير الابو يطهر بنته

 

[وسن العنزي]

حبيبتي حاولي تعودينها اهيا اللي تطهر نفسها لأن هاذي المنطقه حساسه المفروض اهيا اللي تطهر نفسها لا انتي ولا ابوها

 

[طريق السعاده]

انا ابوي حنووون بزياااده علينا كلنا سواء بنات او اولاد زمان كان يسويها قسم خخخ بس طبعا مايلمسنا لكن يساعدنا اذا امي مب فيه او مشغوله بالماي
احيننا يحسون عادي انا يوم يقول زمان انا غسلتك وربي افتشل بس يحس انه عادي وانه ابوي وش فيها خخ

ابوها حنون بزياده ع البنت ف يحس ان هالشيء عادي لكن نبهيه بطريقه الطف هو مازعل من كلامك يدري انه صح ترا بس اتوقع عاطفته الحنونه كاب تجبره يتحسس انك تمنعينه من بنته ويحس ان مافيها شيء

بعدين مفروض هي تقول لاا عيييب دايم كل مرا تبي تروح قولي لها روحي غسلي اكيد انتي بتكونين منتبهه لها اساسا هالفتره عشان للحين تحتاج مساعده لو بسيطه ف كل مره قولي شااااطره ماما تغسل بروحها شااطره صارت كبييره وماتخلي احد يشوفها كذا يعني

اختي احين عمرها 6 سنين صارت بروحها تروح وحتى احيننا بنلبسها لبس خارجي يعني فستان او كذا ترفض اطلعو برا عيب خخ ف كذا خذيها بالمسايس ولا تقولين لايشوفك بابا عشان ماتحس فيه شيء غريب بالموضوع لا قولي انتبهي احد يشوفك او يغسلك عييييب بس ماما بسس الي يشوفون عيبه يروح الناار او مايحبه ربي يعني شيء زي كذا