زوجي زعلان مني

[MISS-_-FLOWER]

بنات عندي مشكله قبل يومين زوجين كان يبي يوديني البحرين و كشت فيني وراح مع ولد عمه طبعا حدي انا كنت مقهوره و زعلانه على الحركه الي سواها فيني المهم لمن سافر قمت وادقدق عليه وايد كان يرد علي ويقولي شفيج واشبغيتي اقوله مقهوره حدي وانت قاهرني و كان يصكره اخر شي ظل ما يرد علي كلش المهم لمن رجع اليوم الفير كان حده معصب وزفني زف وتهاوش معاي وقالي حسيت انج تافها وياهل على الحركه الي سويتيها فيني وانا كان غصبن علي كنت ادق عليه من كنت القهر والتفكير و زعل مني عدل ولا راضي يسمع مني اي كلمه والمفروض انا الي ازعل لان كانت السفره لي و انا الي متضايقه قلب الموضوع علي والحين اهو ينام ويقوم ولا عل بال وانا قلبي حده مقهور ومادري شسوي

 

[ام شووووق]

رد : زوجي زعلان مني

انتي كان الحق معاج وقلب وصار الحق عليج

تدرين ليش

لانج فشلتيه وانتي تدقين جدام ولد عمه

 

[ام دليار]

رد : زوجي زعلان مني

ضربي ويكا سبقني وشتكى
الله يهديه
ليش تتصلي عليه خلص سافر يعني اذا أتصلتي بيرجع كنتي تركتيه حتى رجع تفاهمتو
هيك بيحترمك اكثر بيصر يحسبلك حساب

 

[MISS-_-FLOWER]

رد: رد : زوجي زعلان مني

انتي كان الحق معاج وقلب وصار الحق عليج

تدرين ليش

لانج فشلتيه وانتي تدقين جدام ولد عمه

ادري بس كان غصبن علي هل شي كل ما امسك روحي اشوف نفسي ماسكه التليفون وداقه عليه و اقول ليش اهو ما يسال عني اكيد في شي مونسه اكثرر من ان يسال عني

 

[MISS-_-FLOWER]

رد: رد : زوجي زعلان مني

ضربي ويكا سبقني وشتكى
الله يهديه
ليش تتصلي عليه خلص سافر يعني اذا أتصلتي بيرجع كنتي تركتيه حتى رجع تفاهمتو
هيك بيحترمك اكثر بيصر يحسبلك حساب

ادري تصرفي كان بدون تفكير وخربت على عمري معنا الحق كان معاي بس كل ما اتيي افكار ابالي كنت ادق افففف تعبت منه لان ريلي يحب يروح اي مكان و يحب يسوي اي شي يخطر على باله يعني يحلل اليوم الي راحله ما يرتاح كلش وانا كنت حدي مقهوره وبذات من زمان مو موديني اي مكان و ولدت وطلعت من النفاس ما فكررر يوديني واستغربت ان فكرر يروح ويشكت فيني معنا كان مواعدني

 

[MISS-_-FLOWER]

بنات ريحوني ابي ردود اكثرررر ابي اعرف منو الي لازم يزعل فينا

 

[M!ss soso]

رد : زوجي زعلان مني

حبيبتي شي يقهر من قلب آف يا شين الريايل لا كشتوا .. انتي احين سكتي عنه و خليه يولي لا تناجرينه و لا تسوين شي آهم شي سووي الي عليج .. و ان شاء آلله يحس بذنبه و حركته السخيفه .. آلله يحنن قلب زوجج عليييج ..

 

[بنت الفوزان]

رد : زوجي زعلان مني

لو انا منج احقره ولا في البال لما يرد بيترجاج عشان تسامحينه

 

[MISS-_-FLOWER]

رد: رد : زوجي زعلان مني

حبيبتي شي يقهر من قلب آف يا شين الريايل لا كشتوا .. انتي احين سكتي عنه و خليه يولي لا تناجرينه و لا تسوين شي آهم شي سووي الي عليج .. و ان شاء آلله يحس بذنبه و حركته السخيفه .. آلله يحنن قلب زوجج عليييج ..

الله يسمع منج بس اهو قلبه عود وايد

 

[احلى ديما]

رد : زوجي زعلان مني

حبيبتي حقريييييييييييه ولا جنه رجع وبتشوفين شلون بيرجع

 

[ام شووووق]

رد : رد: رد : زوجي زعلان مني

ادري بس كان غصبن علي هل شي كل ما امسك روحي اشوف نفسي ماسكه التليفون وداقه عليه و اقول ليش اهو ما يسال عني اكيد في شي مونسه اكثرر من ان يسال عني

ادري والله حاسه فيج لاني مريت بنفس الشعور

هو اصلا مستانس لانه قلب كل شي وطلع نفسه البرئ

 

[MISS-_-FLOWER]

رد: رد : زوجي زعلان مني

لو انا منج احقره ولا في البال لما يرد بيترجاج عشان تسامحينه

جان زين اعرف احقر جان هذا مو حالي اصلا الاسباب الوحيده الي تخليني انا وريلي على طول متهاوشين اهتمامي وتفكيري فيه 24 ساعه اكثر من روحي واعيالي واهلي و اهو العكس تماما بس بنفس الوقت ما يستغنى عني يعني لو اوخر عنه يزعل وهم يقلبها على راسي طبعا كل شي على راسي
وبعدين حتى لو رجع من السفر ما يترجاني ولا يراضيني يقول هل شي من حقي وانتي ما تقدرين تمنعيني ماتبيني استانس ؟

 

[*peace*]

رد : زوجي زعلان مني

عطيه بولباس واحلي طاااااااااااااااااااااف بالدنيا

لاوفوق هذا طلعي واستانسي وسولفي بالتليفون والله بيتمقرص يتمقرص عشان تكلمينه

بس صبري وثقلي عليه شوي يختي!!

 

[MISS-_-FLOWER]

رد: رد : زوجي زعلان مني

حبيبتي حقريييييييييييه ولا جنه رجع وبتشوفين شلون بيرجع

كشختله و قعدت ناطرته دش صارخ رحت نمت ولا عل بال والمشكله اهو الزعلان امبي حده شي يضحك قال انتي بتصرفج هذا طلعتي السوالف الي بينا حق بره يعني خليتي ولد عمي يعرف مرتي اتدق علي وتتصرف مثل اليهال

 

[ماني من الناس]

اهو الغلطان ووايد مثل ما قالت ام شوق يسوون حركه التهرب من الخطأ بأنهم يقلبون السالفه ضدج

انا اقول كشخي ولبسي وتمخطري بالبيت واكلي وطنشيه وهو اللي بيجي يتكلم والله يستر هههههه

وبعدين قوليليه اللي بقلبك

 

[MISS-_-FLOWER]

رد: رد : رد: رد : زوجي زعلان مني

ادري والله حاسه فيج لاني مريت بنفس الشعور

هو اصلا مستانس لانه قلب كل شي وطلع نفسه البرئ

ادري هذا الي يبي يوصله و عشان ما يكون لي الحق اساله بتفاصيل و وين رحت و شنو سويت

 

[عجمية ماتهاب]

رد : زوجي زعلان مني

حيااااااااااتي انا زوجي نفس الحااله ما يراضي ويكشت بس صدقيني يحاسب نفسه مية مرة ويفكر انا زوجي مرة قالي بسافر السعودية مع رفيقي وانا كان عندي اجازة واسبوع بس رديت قلتله روح حياتي الله يسمح دربك ابيه عصب واخر شي ماسافر وتمينا هالاسبوع كله طلعات وسهر بس انتي لا تبينين له انج ميتة عالسفر او انه انتي مالج غيره كشت فيج عادي حبيبي انا اساسا مالي خلق وهالشكل راح يحتار فيج وما يدري شاللي يونسج
لا تبينين مشاعرج حيل اذا قالج بنروح هالمكان قولي اوكي بصوت عادي بدون ما تبينين له انج مشتطة عرفتي

 

[يالبىآ]

انتي غلطانه وشو تدقين عليه وهو مسافر وتقولين انتي مقهوره ومدرش شنو

حتى لو تقولين له تقولين بمزح مو بعصبيه او تنرفز

واذا وصل بسلامه صارحتيه انك جاملتي عشانه وانك كان ودك انتي معاه وانصدمتي من حركته يوم طنشك



طبعا هو اكيد غلطان بس انتي اسلوبك غلططططططط بالمره

والحرمه السنعه المفروض تعرف تتصرف بحكمه بضروف مثل ككذاا

ومافي رجال مايغلط بس الحرمه هي اللي تضبط الامور بشطاره

 

[MISS-_-FLOWER]

اهو الغلطان ووايد مثل ما قالت ام شوق يسوون حركه التهرب من الخطأ بأنهم يقلبون السالفه ضدج

انا اقول كشخي ولبسي وتمخطري بالبيت واكلي وطنشيه وهو اللي بيجي يتكلم والله يستر هههههه

وبعدين قوليليه اللي بقلبك

هذا الي قاعده اسويه بس ادري السالفه امطوله معاه اهما كل شي ولا توصل سوالفنا جدام ربعهم يحسون بحساس خايس

 

[MISS-_-FLOWER]

رد: رد : زوجي زعلان مني

حيااااااااااتي انا زوجي نفس الحااله ما يراضي ويكشت بس صدقيني يحاسب نفسه مية مرة ويفكر انا زوجي مرة قالي بسافر السعودية مع رفيقي وانا كان عندي اجازة واسبوع بس رديت قلتله روح حياتي الله يسمح دربك ابيه عصب واخر شي ماسافر وتمينا هالاسبوع كله طلعات وسهر بس انتي لا تبينين له انج ميتة عالسفر او انه انتي مالج غيره كشت فيج عادي حبيبي انا اساسا مالي خلق وهالشكل راح يحتار فيج وما يدري شاللي يونسج
لا تبينين مشاعرج حيل اذا قالج بنروح هالمكان قولي اوكي بصوت عادي بدون ما تبينين له انج مشتطة عرفتي

انا صارلي مده مو يايبتله هل طاري و اهو من نفسه قالي بوديج فجاه شفته دق على ولد عمه خذاه وطلع مثل الصاعقه يتلي