زوجي زعلان لسبب تافه ساعدوني

[فلسطينية القلب]

صباح الخير خواتي الغاليات كيفكم

حبيت تساعدوني بحل مع زوجي
زوجي كثير يزعل ودايم اراضيه لأنه عادي يطول بالزعل وأنا ماأحب
المهم المره زعل والسبب اتفه من التافه أبني عمره سنه ونص يلعب بالألعاب وحايسها
ودخل ابوه البيت وبدأ يهاوش ليش يسوي كذا ومن هالكلام طيب ذا طفل
لازم يحوس انا ما رديت عليه نهائي قمت واخذت كل الألعاب ورديتها لمكانها
ماتوقعت انه بيزعل وبعد ماعرفت انه زعل مارضيته لأني ماسويت شيء
وش رأيكم وهل فيه حل وهل التطنيش يفيد لهالأشكال


انتظركم

 

[نـعـومـه]

انا ماحب اشيش بين الزوجين بس مثل حالته التطنيش

مو معناته ماتعطينه حقوقه؟؟

لااا عطيه حقوقه وكلشي بس اذا زعل لسبب تافه لاتراضينه اهوه يرضى بروحه بس اذا غلطتي راضيه

 

[ام فواازي]

طنشيه بس مو تحقرينه لا
عامليه عادي و كانج مو ملاحظه انه زعلان
اللي يزعل من كيفه كيفه يراضيه
والله يهدي القلوب

 

[سور المدينه]

لا تراضينه لانه انتي بالاساس مازعلتيه
ولو فتح معاك الموضوع قولي له هذي الاطفال اللي بيجيب عيال يتحملهم

 

[فلسطينية القلب]

يعطيكم العافيه على الرد حبيباتي

 

[جواهر خميس]

اذا تخبينه راضيه وعطيه بوسه بعد

 

[اميره بكلمتي]

طنشيه بس لاتحقرينه سوي نفسج عادي جدددا

 

[بنتq8]

بيني له انج اخذتي بخاطرج اذا زعل جربي لا تروحين له مثلي انج مو فاهمه شي عادي كملي يوم عادي بيني له بكلام بهدوء انه موضوع يضايقج ما يصير جذي هذا طفل عادي لازم يتحرك

 

[جعيميله]

تافه طفل ويلعب وش ذا العقل
خليه يزعل بالطقاق هذي العاب مو مزبله

 

[أم حسوون]

السلام عليكم
عادي ما صار شي ، أحيانا الرجال يكون جاي من برا معصب ويحط حرته في أي شي ، طنشي وعامليه عادي ، مطنقر مو زعلان بس لا تكثرين كلام معاه هو من نفسه بيطخ.