زوجي ريال عندي.... ودلووووع عند امه

[يا عيون سمي]

والله ما ادري يمكن انتي شفتي اشلون تلمه او تبوسه بس ينام معاه بالسرير امبيه شنو هذا مصخره بس يمكن لان ولده الوحيد ومدلعته وحيييل مهتمه فيه بس ادا الشي زاد بصراحه الله يعينج ما كو حل غير انج تصبرين او تجيبين عيال عشان تحبهم وتلها فيهم وولدها بعدها يتسنع
انا حاسه فيج اهي جنها شريجتج بس اترشي البيت يهال وشوفي شلون بتحلهم وتستانس فيهم

 

[بطوووطة$بيضة]

قطيعه وحدة من رفيجاتي تعرفت على واحد وقالها انا اش... امي وابيهاااا ويييع ترى في ناس فيهم شذوذ اشفيكم ابهالزمن كل شي يصير ماسمعنا ابابوا يغتصب بناته ولا من هالبلاوي....

 

[تبطي عظم!]

من صجج انتي!!!


امه هذي!!!


الي مافيه خير بأمه مافيه خير لج ~


ماشاءء الله عليه والله يخليه لها

مالقيتي غير امه تغارين منها!!!

 

[أ.بيشو]

حمدلله والشكر امه مابدالها ام

انتب بدالج 4 واهي شدراها انتو شتسون لمن تدق

يعني ولدها وكيفهاا امبييه من صجج حاطه راسج براس امه..؟

لا واللي معاج بعد شنو اللي الله يعينج يبه تبوسه

تلمه تشمه ولدها ووحيدها بعد واللي تقول زوجوها

ماقول الاحمدلله والشكر ان شاءالله كل وحده بعدين

تسوي فيها مرت ولدها مثل ماتسون وتشيشون المره

اقول قضبي ارضج وشيلي امه من راسج لو تقطعه

كيفهااا...انت ابوي ليما الحين ينتم عند يدتي ويلزق فيها

وسااعه تبوس فيه ويبوس فيها وتلملم محد يتدخل

خو اخر العنقود

 

[Daloat-habebi]

الشيطان مامات عشانه نام يم امه اشفيييييييييييييييييييييييييييج هاذي امه وبعدين اتغيرين من امه !!!!!! واهو وحيدها يعني اشتبين اتسوين واشتبين نقولج ؟؟

حبيبتي زوجة عزيز.
مشكورة عالرد اهوا وحيدها صح بس ينام ويلبس هذا البوكسر الضييج يعني يفصل كلللل شي عيييب والله عيب واكيد اغار اذا اللبس يفصل كل شي انا زوجته ترا المفروض الوحيدة اللي اشوفه فيه مو امه

 

[خفايا البحر]

هذي امه عأدي اشفيج

وانتى حأولي لو تكونين جزء مثل امه

 

[Daloat-habebi]

هذى امه تعرفين يعني شنو امه ..


يعني تاج راسه وراسج قبله ..


غيرانه من امه ؟؟؟؟؟؟ الحمدلله والشكر صج ما تستحين علي ويهج وشنو يعني لا شمته ولا باسته .. بتزني فيه مثلا ؟؟؟؟؟؟


استغفر الله من عقلج ومخج المصدي ...



صج ياااااااااااااهل وما عندج ريحه السالفه ....



هذى امه اللى ما تتعوض وانتي ايييب غيرج عشر ..


تسنعي وعقلي عشان ما تكون نهايتج عند امج ..

اختي العزيزة ام كوثر لومهما موضوع قاهرج او اسلوب طرحي ما يازلج عيب عليج تقوليلي ماستحي علي ويهي او مخي مصدي ليش انتي منو امي عشان اقبل منج ؟

علي فكرة اقدر ارد بنفس اسلوبج واكثر بس انا محترمة نفسي ومحترمة المنتدي

ليتج وفرتي ردج واسلوبج لنفسج

 

[Daloat-habebi]

تقربي من امه صيرلها بنتها خلي عنك الجانب السيئ وفكري ان وحيدها لو انتي عندج ولد واحد
او بنت اكيد بتدارينها وتخافين على خاطرها انا جذي خالتي ولدها جا بعد 10 سنين وليومك تخاف عليه وتحبه وماتبي احد حوله
وتحب تهتم فيه وبزوجته

اختي حبيبتي جودي مشكورة عالرد

صدقيني انا متقربة منها وااايد وادق ومسجات والحين توه ريلي شرا شقة قالي بخلي غرفة لامي قتله حياها ودايما تفشلني بالزوارة واسكت واهوا يشوف وبعد يسكت

 

[Daloat-habebi]

يمااااااااااااااه من افكار الشينه هدي امه مورقاصه علشان تشكين ييييييييع

حبيبتي ام اريج هذا مو افكار شينة ولاشي بس انا خالتي زودتها انتي ماتدرين من اول ماتزوجنا ليلة عرسنا واحنا بالفندق تدق الساعة 4 الفير تقوله ها حبيبي نمت ؟؟؟؟


وتقوله اشوي اشوي علي نفسك ماماتي جذي تكلمه حتي لما تشم رقبته ريلي يستحي ويقولها يما خلاص تكفي والله العظيم يدوخ ريلي وانا اعرفه عدل والله ما ابالغ عشان جذي اضطريت اكتب

 

[Daloat-habebi]

استغفر الله ياربي انتي صفى نيتج بالاول هذي امه ومهما كبر يظل صغير ودلوع بعين امه انا عندي اخوان ربي يخليهم رياييل وشنبات على قولتهم ومتزوجين ومعيلين بس عادي هالشغلات امي تلعب بشعورهم وتبوس فيهم اكيد هذي امهم وانا عندي عيال صج صغار بس المهم وانوهم بخضني واتوقع لي كبروا نفس الشي انا ام وتعبت فيهم واحبهم حب ما اعتقد احد يحبه لهم فبديهياً بلم وابوسهم واحضنهم

اختي فاقدة ابوها مشكورة عالرد

انا مصفية نيتي ولله الحمد بس انا اللي قصدته انه ريلي من النوع بس تجيسينه يدوووخ ولما تبوسه امه يدوخ ويوخرها وفي شي ثاني انا الاحظه واتوقع فهمتي اشلون اسكت ماقدر والله ماقدر لمة عن لمة تفرق كا انا امي تلم اخواني وتبوسهم بس مو جذي حتي ريلي يتضايق منها تدرعم علينا بالدار واحنا نايمين ولما نفز تقول بطمن علي ولدي

 

[Daloat-habebi]

ياشين الردود لي صارت تابعه حق اول رد بالموضوع مع الخيل ياشقره يموتون اذا وحده كتبت رد هواش باجي الردود كلها تنقلب هواش
وبعدين البنت صح كلامها شنو ريال طول بعرض نايم يم امه بلفراش وين قاعدين ؟؟؟ هذا ريال عمره 29 مو عمره 9 سنين عشان تقولون عادي وبعدين تقولكم تبوسه بوس موطبيعي شهالقلة الادب صج انه امه لكن مايجوز هالحركات وفوق هذا قاعده عله على جبدهم متربصه لهم من تشوفهم دشو الغرفه راحت وطقت الباب عليهم وع شهالنشبه :rgewrg: حطو نفسكم مكانها ماراح تتضايقون؟؟؟
وبعدين علاقة الام بولدها المفروض تكون باحترام ان يحب راس امه او يبوس خدها عادي اما هذا طول بعرض وامه طايحه فيه تبوس وتشمشم الحمدلله والشكر واهوة شطوله وماسكته حياتي والله حبيبي كوجي كوجي عمري موووح مووووح وهات يا بوس واهوه ريال عيب ترا عيــــــــــــــــــــــــــــب :rgewrg:
وبعدين اللي يقولون عادي ينام مع امه بلفراش تخيلو اخوانكم لكبار نايمين مع امهاتكم بلفراش متقبلين هالشي؟؟؟؟ عادي عندكم ؟؟؟
وبعدين اهيه مو شاكه بعلاقه موزينه بينهم اهيه موعاجبها انه ينام مع امه مومتقبلة الوضع تحسه ياهل موحلوه بحقه يعني انتو كليتوها بالردود صفي النيه وصفي النيه انتو صفو النيه بالأول لاتفسرون على هواكم

فديتج والله الوحيدة اللي فهمتني

انتي ماتدرين شنو اللي قاعد يصير جدامي يوميا راح اكتب موضوع ثاني اذكر فيه الشغلات القوية عشان البنات اللي مهاجميني ويقولون امه وامه يتاكدون ويعرفون انا شقصدي

 

[Daloat-habebi]

الموضوع استعباط

اختي ديانا سبنسر دامج شايفة موضوعي استعباط من الادب انج ماتردين وماله داعي الكلمة هذي وشكرا

 

[Daloat-habebi]

دخلي معاهم بالفراش ههههه امزح

قريت الردود من اول صفحه للاخر

انت اكيد تحبينه ومن حبج له قمتي تغارين من امه واتوقع لو باسته بتشوفين بوستها كنها لمته وتبالغ في البوس

وهي اعتقد والله اعلم عشان وحيدها وغلاتها مركزه فيه وكل شي تستحليه بتجيبه وانت ماذكرتي غير الاندرويرات

ونسيتي العطور وغيرها؟


حطي بالج ان لو بينهم استغفر الله شي جان تلقين نفسج برا البيت من زمان من كثر ماتناشبج فيه ومن كثر ماتلاحظين عليهم

وخليها تبوسه وتلمه جدامج ولو المسكينه عندها شي جان شفتي كل شي من وراج

حطي بالج انها امه مو شريجتج واكسبيها وروحي مع زوجج واشتر لها هديه وادخلي قلبها وقلبه وقربيهم من بعض لانها لو مو

حاسه من غيرتج ومحاوله انج تفرقينهم ما سويت كل شي قدامج ولا كرهتج

وبالاخير غير اللي براسج قبل يدري زوجج بشكج عقب تندمين العمر كله وتعوذي من ابليس

اختي العزيزة حبيبة العلي مشكووورة عالرد

انا لما ذكرت الاندرويرات لانه شي غريب انه عمره 29 وتشتريله هاللبس حتي لما تييبه اهوا يقولها يما انا اشتري ولا زوجتي اصلا ينحرج وانا ماقلت انه بينهم شي بس انا اللي قصدته انه هذا ريال وضعيف جدام اي مرة وانا الاحظ علي ريلي واااايد شغلات بعدين راح اذكرها

وانا بالعكس ترا احب خالتي بس ماحب حركاتها واطبخلها واراعيها واداريها جني بنتها حتي اهيا تقول بس خل تحاول تخف عليه لانه كبر

 

[نعم نعم شنو]

اهي يمكن عشان منفصله ف وايد شغلات محرومه منها وحبت تعطي كل هالعاطفه والحنان حق ولدها

وتسوي اشياء اهي ماتحس فيها

انا اول ماقريت الموضوع قلت حرااام عليج هذي امه بعدي لما شفت اخر رد رديتيه انه يدوخ اذا سوت له جذي

عرفت انها تعدت المسموح

لازم احد ينبها بس مو انتي لانها ما راح تتقبل حاولي تكلمين احد قريب منها

انا ما الومها صح وحيدها وتخاف عليه يمكن اكثر من روحها بس في شغلات لازم يكون فيها حدود

الله يهديها يارب

حاولي انتي ماتغارين على كل شي اهي تسويه لانه بيظل ولدها قطعه منها ولا شعوريا تسويه

تقربي منها وكسبيها بصفج

الله يوفقكم

 

[دندونه@@@]

اختي ما راح اعلق على الموضوع لا لصالحج ولا ضدج لان هي وحده من اثنين يا انتي تبالغين او احنا مو قادرين نستوعب الموقف لان تربيتنا متحفظه محد يقدر الموقف غير اللي عايشها وجربها يمكن نشوف بوسة الام ولمتها لولدها شي عادي وطبيعي لكن مع وصفج موقادره اتخيل الموقف لان النيه صاااافيه و القلب ابيض والتربيه والاخلاق و درجة التدين والالتزام تختلف من شخص لثاني وام زوجج ما نعرف شي عنها وعن نواياها

فالافضل ما نتكلم عنها و وكلي امرج لله سبحانه والشكوى لغير الله مذله شفتي شلون بعض البنات هاجموج وبعضهم ايدوج لان عقولنا مو مستوعبه ان ام تشتهي ولدها ولا تلومين اي وحده على ردها لان النوايا صافيه فما له داعي تاخذين براي احد دام لج عيون تشوف و عقل يفكر ترى كيد النسا موجود وهذه ميزه بالانثى مو عيب استغليها صح مع زوجج و امه ابسط مثال شوفي لها معرس تنشغل فيه عن زوجج وترسي البيت عيال يأذونها بطلباتهم ويتدلعون عليها انتي ابخص بمجريات حياتج وعلى اساسها تقيمين احتياجاتج وتحطين حلول لمشكلاتج


ادري انج محتره والغيره عاميه قلبج بس لازم ترجعين لعقلج اكثر من قلبج وتسيطرين على حياتج وتصرفاتج لان الموضوع صدمه للكل مع انه كثييير يتكرر





ولي تعليق على وحده من الخوات لردها على مشاركة عضوه ترى مافيها شي الولد ينام بحظن امه ونومه عن نومه تفرق يعني ماله داعي الهجوم لان النوايا تختلف مو كل اصابع ايدج سوى ترى حمواني فوق الاربعين ومنهم بالخمسين للحين ينامون بحظن امهم ويتهاوشون عليها والله قدامي وما يستحون كأنهم عيال صغار لما اشوفهم تجيني البجيه واقول سبحان الله مهما كبر بني ادم ما يستغنى عن حظن امه


بالاول وبالاخير نصفي النيه واذا في غلط نصلحه بدون فضايح ونستعين بالله القادر على كل شي والله يصلح الامور

*

 

[Daloat-habebi]

اختي ما راح اعلق على الموضوع لا لصالحج ولا ضدج لان هي وحده من اثنين يا انتي تبالغين او احنا مو قادرين نستوعب الموقف لان تربيتنا متحفظه محد يقدر الموقف غير اللي عايشها وجربها يمكن نشوف بوسة الام ولمتها لولدها شي عادي وطبيعي لكن مع وصفج موقادره اتخيل الموقف لان النيه صاااافيه و القلب ابيض والتربيه والاخلاق و درجة التدين والالتزام تختلف من شخص لثاني وام زوجج ما نعرف شي عنها وعن نواياها

فالافضل ما نتكلم عنها و وكلي امرج لله سبحانه والشكوى لغير الله مذله شفتي شلون بعض البنات هاجموج وبعضهم ايدوج لان عقولنا مو مستوعبه ان ام تشتهي ولدها ولا تلومين اي وحده على ردها لان النوايا صافيه فما له داعي تاخذين براي احد دام لج عيون تشوف و عقل يفكر ترى كيد النسا موجود وهذه ميزه بالانثى مو عيب استغليها صح مع زوجج و امه ابسط مثال شوفي لها معرس تنشغل فيه عن زوجج وترسي البيت عيال يأذونها بطلباتهم ويتدلعون عليها انتي ابخص بمجريات حياتج وعلى اساسها تقيمين احتياجاتج وتحطين حلول لمشكلاتج


ادري انج محتره والغيره عاميه قلبج بس لازم ترجعين لعقلج اكثر من قلبج وتسيطرين على حياتج وتصرفاتج لان الموضوع صدمه للكل مع انه كثييير يتكرر





ولي تعليق على وحده من الخوات لردها على مشاركة عضوه ترى مافيها شي الولد ينام بحظن امه ونومه عن نومه تفرق يعني ماله داعي الهجوم لان النوايا تختلف مو كل اصابع ايدج سوى ترى حمواني فوق الاربعين ومنهم بالخمسين للحين ينامون بحظن امهم ويتهاوشون عليها والله قدامي وما يستحون كأنهم عيال صغار لما اشوفهم تجيني البجيه واقول سبحان الله مهما كبر بني ادم ما يستغنى عن حظن امه


بالاول وبالاخير نصفي النيه واذا في غلط نصلحه بدون فضايح ونستعين بالله القادر على كل شي والله يصلح الامور

*

والله ياعمري كلامج يهدي الاعصاب

الله كريم يا حبيبتي وعلي قولتج اصابعي مو سوا وباذن الله راح اكتب موضوع توضيحي ثاني واتمني تشوفينه

 

[PuPa^^SWeeT]

دندوونة معاج 100%

وفعلا ماله داعي التعليق على ردود العضوات و ترك الموضوع الاساسي

 

[فركيته]

الصراحه ام غريبه يمكن اهيا المريضه فيها شي والا اكو ام تتلزق بالولد وتشمه من رقبته؟؟!!!! الله يشافيها ويعافيها ويرزقها بالي يشغلها ويعينج حبيبتي صاحبة الموضوع مالج الا الصبر والدعاء

 

[باتي باتي]

الله يعينك

 

[NOoOf 305]

بنات صح هاذي امه بس فكرو فيها من جانب ثاني
ما اتخيل اخوي ينام يم امي بالفراش!!!! اصلا امي ماتلم وتحضن اخوي حيل وتتستر جدامه
تقول هذا ولد مهما كان شنو ينام بحضنها وتبوسه وتشمه اوكي قلنا امه بس الام لي كبر ولدها هم تستحي
تسويله حركاات مثل ماكان ياهل
امه على عينه وراسه بس لي زاد الحد انقلب ضده

الله يعيينج

:rerrerek::rerrerek::rerrerek::rerrerek::rerrerek::rerrerek::rerrerek::rerrerek: