زوجي راح يسافر و متضايقه محتاجه احد يواسيني

[north star]

السلام عليكم بنات

ودي افضفض شوي لاني حيل متضايقة
احس قضيت اليوم كله بجي من بعد ما اكد لي زوجي امس باليل حجز سفرته
الي صاير انه راح يسافر للعمره مع امه و خواته
و طبعا لاني راح ادخل الثامن بعد اسبوع ف ممنوع السفر عني
انا سبق انه فتح هذا الموضوع معاي قبل و انه كان راح يسافر بعطلة العيد حق دبي مع اهله
بس رفضت و قلتله انه يقضي هذي الفترة معاي
لانه 10 ايام عطله و راح تكون فرصه انه نقضيها مع بعض
بس صارت هواش و زعل و كلام ما ينتهي يالله اقتنع
و رد الحين قالي يبي يسافر مع اهله هذي المره للعمره لمدة 3 ايام
كأني ما انبح صوتي و انا اقوله آخر مره اني ما ودي يخليني بروحي و يسافر من دوني
بنات احس حدي متضايقه و ماني عارفه شسوي
و المشكله انه اهله اهم الي يحنون عليه و يقولون له خل نسافر
و لا كأنه انه راح يهدني جذي بروحي
يعني احس حده مو حاطين اعتبار لوجودي
و انه اهوه خلاص يعتبر متزوج
و اني مرتبطه فيه
ما ادري احس راح انبط من الضيقه
وبس

 

[RoSe PeRFuM]

رد : زوجي راح يسافر و متضايقه محتاجه احد يواسيني

لا حرام عليج لاتسوين جذي
حمدي ربج عندج ريل بار إبأهله.. مهما يكون هذيل اهله والحمدالله رايح بيت الله .. ولايروح يسافر مني ومناك مع ربعه

خليه يروح وحبي راسه وقوليله انشالله عمره مقبولة

وادعيله ان الله يهدي لج دايما ويزيد حبه لج

وبعدين صدقيني الله بعوضج خير بعد ماتولدين .. وقوليله حبيبي روح بالسلامة انشالله بعد الاربعين اروح معاك العمرة
المهم لاتكدرين نفسج والبيبي اللي في بطنج ولمن يرد خلج ابكامل اناقتج واستانسي عيشي حياتج .. لاتزعلين بس انتي امكبرة الموضوع حياتي :hjy5jewf:​

 

[north star]

رد: رد : زوجي راح يسافر و متضايقه محتاجه احد يواسيني

لا حرام عليج لاتسوين جذي
حمدي ربج عندج ريل بار إبأهله.. مهما يكون هذيل اهله والحمدالله رايح بيت الله .. ولايروح يسافر مني ومناك مع ربعه

خليه يروح وحبي راسه وقوليله انشالله عمره مقبولة

وادعيله ان الله يهدي لج دايما ويزيد حبه لج

وبعدين صدقيني الله بعوضج خير بعد ماتولدين .. وقوليله حبيبي روح بالسلامة انشالله بعد الاربعين اروح معاك العمرة
المهم لاتكدرين نفسج والبيبي اللي في بطنج ولمن يرد خلج ابكامل اناقتج واستانسي عيشي حياتج .. لاتزعلين بس انتي امكبرة الموضوع حياتي :hjy5jewf:​

انا ما شكيت من سالفة انه يبر فيهم
احنا من فتره رحنا للعمره لما كنت بالشهر الخامس
و اخذناهم معانا
و بعدين اذا على العمره انا ما ارفض يروح مناك
بس اهوه بشغله كل مره يدزون له عروض للسفر
و صارت من بعد سفرة دبي الي ما وافقت انه يروحها سفرة العمره
يعني لا كانوا ناوينها و لا شي بس وصل له عرض قال انا بحجز لي و لامي و خواتي
مع اني ما اقدر اروح معاه و كنت قايلتله من المره الي فاتت اني ما ابيه يسافر و يخليني بروحي

 

[tbola]

رد : زوجي راح يسافر و متضايقه محتاجه احد يواسيني

الله يكون بعونج اختي بس اهو رايح عبادة وويه اهلها يعني مو رايح سياحه

وانشالله ربي يصبرج

 

[خطاك دمر غلاك]

اختي الله يهديج ان شالله والله الي ما فيه خير لهله تاكدي انه ما فيه خير حق المره

وعليج بالدعاء والاستغفار ترا يشرح الصدر

وستودعيه الله وعسى الله يخليكم حق بعض

 

[الأميرة الحزينة]

السفرة كلها 3 ايام وعمرة ومع اهله ما تسوى منج كل هالضيجه..وموزين عليج الزعل انتي حامل بالعكس لا تصيرين الشينه بالموضوع اهو رايح رايح بينيله انج مستانسه عشان لا يفكر انج ماتبين اهله ..:eh_s(22): وحطي ببالج انه رايح عبادة مو خرابيط حمدلله وعسى الله يهديه لج ويتمم عليكم..اقري بالمنتدى وشوفي شكثر زوجات يشكون كله ازواجهم مطنشينهم وبيروحون تايلند ومادري ين يخربطون..:ssssso: حمدي ربج عاللي انتي فيه وانتي صايرة حساسه زيادة ترا من الحمال كلنا مرينا بهالشي ترا الموضوع عااادي وما يستاهل هالضيجه اقصاهم 3 ايام وعمرة ,. فكري عدل وموفقه حبيبتي
:eh_s(17):

 

[دلولي]

عادي ياقلبي اخذي منه وعد اذا تبين العمر بعد ماتخلصين نفاس ان شاالله تروحون مع بعض تاخذون عمره بس لاتمنعينه اهو رايح عمره خليه يروح ويدعيلك ان الله يسهل ولادتك ويجيبلك ماي زمزم شربي منه عند الولاده يعنى مكه كلها بركه

 

[جيرمني كيك]

رد : زوجي راح يسافر و متضايقه محتاجه احد يواسيني

حبيبتي يمكن انتي ما تقدرين على فراقه وصعب عليج هالشي
بس اهوا رااااااايح عمره يعني خليه ايروح وبينيله انج مو متضايقه والله بتكبرين بعينه لان اهوا رايح عباااااااااده مو سيااااحه وخلي يدعيلج اهناك الله يسهل عليج ولادتج وانشالله بيعوضج بسفره حلوه اذا ولدتي

 

[shoshowoo]

عمري انتي انا زوجي مسافر اسبوعين مع ابوه وعمه وعيال عمه اول شي تضليقت بس بعدين قلت فرصة نشتاق حق بعض واغير جم شغله

بعطيج جم فكره
اول شي اشتريت قطعه زل وكفر يديد واشتريت خور حده عجيب من الفارس العربي الي بالمباركيه

قضيت اذوني صارو 3 حده كيوووووت

كل يوم قاعده اروح امشي واشتريت لي بجايم يديدة واندر وير وجم تريننق قصيت قذله خذيت موعد تبيض اسنان ولا امفكره بغمازة

الي بقوله لاتضايقينه وتحنين وتجين خلاص انتي الحين بالامر الواقع كيفيي نفسج قوليله ادعيلي هناك الله يسهل علي ولادتي

ومعلومة كثرت البجي والزعل وانتي حامل يخلي الياهل اسم الله عليه غبي ولله ديري بالج

 

[BiiShOoO]

دامه رايح عبادة خليه يروح الله يسهل دربه

 

[Lovley]

انا و دي اعرف شنو المشكله اذا بيسافر العمره مع اهله و انتي ما تقدرين وليش تقولين يخليج بروحج وين اهلج؟
قصري الشر و خلي يروح لطاعت ربه لا تصيرين نحيسه
حمدي ربج مو قاليل لج رايح تايلند ولا غيره
انا يروح تايلند مع ربعه و انا عادي جنه العيد عندي شوي تغير ومو على طول مع بعض و اسوي اللي بكيفي

 

[Tom ♥ Jerry]

.


حبيبتي اهوه رايح عباده مو وناسه
خليه يروح و قوليله يدعيلج بعد

 

[north star]

.


حبيبتي اهوه رايح عباده مو وناسه
خليه يروح و قوليله يدعيلج بعد

ادري انا ما قلت له لا تروح العمره
بالعكس انا وافقت بس من بعد ما قال لي انه خلاص حجز امس باليل
حسيت بضيجه و قعدت ابجي الصبح بعد ماراح الدوام يعني مو جدامه
انا احس اني ما ابي فراقه و مو قادره اتخيل انه يروح عني
لو كنت اقدر جان رحت معاه
بس لاني ما اقدر كان في ودي يقدر وضعي و ظرفي
و ينطر لما الله يقدرني من بعدها ما عندي مانع
بس

 

[north star]

دامه رايح عبادة خليه يروح الله يسهل دربه

ما كان عندي مانع انا قلت له روح
بس الحين احس اني ندمانه و متضايقه
مو قادره اتصور انه راح اقعد من دونه

 

[الغاليه ام احمد]

حبيبتي وين رايح
رايح للعمره

 

[north star]

انا و دي اعرف شنو المشكله اذا بيسافر العمره مع اهله و انتي ما تقدرين وليش تقولين يخليج بروحج وين اهلج؟
قصري الشر و خلي يروح لطاعت ربه لا تصيرين نحيسه
حمدي ربج مو قاليل لج رايح تايلند ولا غيره
انا يروح تايلند مع ربعه و انا عادي جنه العيد عندي شوي تغير ومو على طول مع بعض و اسوي اللي بكيفي

المشكله انه مرتبط و متزوج مو عزابي علشان يروح و يخليني
لو كان الوضع بالعكس ما اتوقع كان راح يوافق
و اهلي موجودين و لله الحمد
بس انا الحين على ذمة ريلي و اهوه اولى يكون معاي
و بعدين منو قالج انه ما راح يروح اهوه خلاص حجز و انتها الموضوع
و بغض النظر عن المنطقة الي بيروح لها
اهوه راح يكون بعيد
و كل وحده و شخصيتها و اسلوبها اذا عندج عادي انا ما عندي عادي
يعني حبكت التغير انه يسافر و يخليني والا ما يصير تغير يعني ... شي غريب والله

 

[احب المنتدى]

رد : زوجي راح يسافر و متضايقه محتاجه احد يواسيني

ماشاء الله عليج

ماتبينه يسافر للعمررررررررررررررره؟؟؟؟؟؟؟؟؟؟

علشان ماعطاج خبر
خير ياطير

صج صج امرج عجيب و يضحك

 

[north star]

حبيبتي وين رايح
رايح للعمره

فاهمه انها عمره ما قلت شي
بس المشكله انكم ما تعرفون السالفه او يمكن ما قعد تقرون الموضوع
اهوه اكثر من مره يفتح معاس سالفة السفر
و سبق انه كان بيروح دبي من قبل هذي
و الحين وصله عرض للعمره و رد قالي بيروح
انا وافقت على انها عمره
بس المشكله ادري
المره اليايه راح يوصله عرض ثاني
سواء كان عمره او غيرها
راح يرد يقولي ابي اروح
يعني بتصير قصه ما اتخلص
و المشكله انه اهله اهمه الي دايما يقولون له نبي نسافر و نبي نسافر ما جنه تزوج
و جنه عزابي حسبالهم اي وقت يقدرون يطلبون يروح وياهم
ما يصير لازم يقدرون وضعي شوي
و يحطون في بالهم احنا الى الآن ما عندنا مكان نقعد فيه
و انه احنا تونا متزوجين
و انا الحين قاعده معاه في غرفته بس
يعني متى ما يروح لازم ارجع فيها عند اهلي
يعني مو قصه
اقعد اعيش منقصه نصيين مره عندهم و مره في بيت اهلى متى ما طق في بالهم يبون يروحون

 

[north star]

رد: رد : زوجي راح يسافر و متضايقه محتاجه احد يواسيني

ماشاء الله عليج

ماتبينه يسافر للعمررررررررررررررره؟؟؟؟؟؟؟؟؟؟

علشان ماعطاج خبر
خير ياطير

صج صج امرج عجيب و يضحك

اقري الموضوع بعدين ردي بأدب
امرج اعجب و يضحك اكثر

 

[الأميرة جوري]

رد : زوجي راح يسافر و متضايقه محتاجه احد يواسيني

مكبره الموضوع ومضايقه نفسج وزوجج علشان بيروح مع اهله للعباده واطهر وانظف بقعه علي وجه الارض المفروض توصينه يدعي لج ومن هالسوالف تتضايقين اختى لو رايح سياحه مع ربعه لدول المشبوهه شنو بتسوين ؟؟؟