زوجي راح يسافر و متضايقه محتاجه احد يواسيني

[om__jana]

حبيبتي انا بعد زوجي مسافر الدوام دازينه بس ها مو 3 ايام 6 اشهر وانا حامل الحين بالثالث والريال اخذ رايي وانا وافقت لانها فرصه يتله حرام اخرب عليه وما اقولج ماتضايقت بالعكس ضاق خلقي عشان فتره طويله وانا حامل وعندي بنيه سنه ونص والمسئوليه كلها علي واهلي مو مقصرين بس مايصير كله افكر بنفسي واعتبريها فرصه تشتاقون لبعض والحمدلله انه رايح مع اهله مو ربعه ورايحلعمره مو تايلادندان شاء الله كلها جم يوم ويرجع لا. يضيق خلقج

 

[amna_83]

الهرمونان لاعبه بنفسيتج تمام
بالعكس هدي نفسج وخل يروح يدعليج هناك عند بيت الله وكلهم 3 ايام يوم روحه ويوم رده

 

[north star]

تدرون لو مني لي باجر يقولون لي الهرمونات لاعبه فيج
احس منطقي و صح
بس المشكله لما تصير حزة الضيقه والله العظيم ما اقدر اقاومها
و حتى لو حاولت ما اقدر
و اعيز اقنع نفسي انه هذا الشي مو طبيعي و لازم اهونها بس القى دموعي تنزل من دون لا اسيطر عليها
و تحوشني غلقه مو طبيعيه
و احاول اسمع قرآن حزتها و استغر الله
بس هم في نفس الوقت احتاج احد يواسيني و يحس بمشكلتي
و انه رغبة الزوجه انها تكون مع زوجها شي طبيعي و لازم
و لا معناته انها ما تحبه و لا تبيه
و بعدين لو تلاحظون الازواج يتضايقون لما تخلونهم
و تلقونهم بعد يزعلون و يبطونها اشكرا بالويه
صدقوني انا ما حاشني هذا الاحساس
الا لانه اهوه بالمقابل عسى ما انشغل عنه خلال اليوم و اكون بعيد عنه
يقعد يتشكى و يتشره انه ما شافني اليوم و ما قعدة معاه و لا جابلته
يعني مو معقوله
مثل ما اهوه يبي اني اكون معاه متى ما يبي انا بعد لي حق اطالبه بهذا الشي
و اذا يت على السفر فالحمد لله ما علي قاصر
لما كنت عند اهلي كنا نسافر بالسنه مرتين او اكثر
و يمكن سافرت اماكن اكثر منه اصلن
مو هذا بيت القصيد للبنات الي فهموا اني معترضه على سالفة سفرته
و اني ابي اسافر علشان استانس و اشرح صدري
بصراحه انا استانس اكثر لما اكون بديرتي وبمكاني و في بيتي
و اطلع اتنفه اهنيه
و احب اروح الشاليهات و المنتجعات الي عندنا
او اتمشى بالسوق او اروح السينما
يعني ما تفرق معاي صراحه
و حرتي من اهله انهم مو راضين يستوعبون فكرة زواجه و انه لازم يراعي ظروفي بعد
و كانوا يبونه يروح معاهم من دوني
و كان رافض الفكره و كانت صعبه عليه لانها كانت اول مره يفاتحونه بالموضوع
طبعا لاني كنت اقدر اروح لما بشهري الخامس كان زوجي رافض يسافر
و اهله شكلوا علينا حنه انا وياه
فاتحته بالموضوع حزتها و قلت له اني عادي بشهري الخامس اقدر اروح و انه
مو مشكله نوديهم و تصير محرم لهم
و بعدها وافق و سافرنا
و اذا على حمولتي فالله الحمد مو مقصره معاهم
بالعكس اهمه يمدحوني كل مكان
بالذات جدام اهلهم
و حتى اهلهم يقولون لهم من وين لقيتوا جنه مثل هذي لولدكم
و اذكر رد عمي حزتها انه على النيات ترزقون
و قعد يمدح فيني جدامهم و يمدح اهلي و انهم ربوني عدل
لماا اشوف نفسي مو مقصره معاهم و مراعيتهم بالصغيره و الكبيره
طبعا احتر و اتضايق لما احس انهم ما يحسون فيني
و يراعون حياتي الخاصه مع زوجي
و انهم لازم يعطون حقنا و انه لازم يراعون اوضاعنا
و انه ما يفصلون بينا
ترى حلات الزوجه مع زوجها
صدقوني

 

[زهره الريف]

الحمد لله عبالي عندج سالفه يعني بروح مع ربعه تايلند

صج والله وش فيها اذا ودى اللي شالته بطنها تسع شهور وزغطته وصرفت عليه وسهرت تدرسه عشان يكبر ويتزوجج ويدلعج مستخصره عليها 3 ايام خاااااااااااااااااافي الله حتى لو كانت مو زينه وياج خلج زينه معاها

 

[سعادة قلبي وياه]

انتي لإنج حامل من جذي ماودج يتركج وإنتي مثقله صاجه الحامل كله تبي كل من حولها هالفتره بس ماراح يطول زوجج كلها 3 ايام

 

[Pinky -cat]

نصيحة سوي عكس ما اهو متوقع ، يعني قوليله تروح وترد بالسلامة وموفقين والله يحميكم واستانسي ترا مسافر
لبيت الله ، غيرج يسافر لديرة فيها مصخرة وما بيد المرا شي

 

[اكسبلانكا]

مادري شقولج والله حاسه فيج وانا بعد توني داشه التاسع وصايره حدي عوبه ههههههه كله ابيه جدام عيني مابيه يطلع مكان الا وريلي على ريله
بس والله مومني من تعب الحمال والثقل مناشبته حتى بدوامه الله يعينه

عالعموم ترى هالشي غلط وكثره الحنه والرنه بتخليه يزهق عمره ويمل بس شنسوي الشكوى لله وعسى الله يسهلها علي وعليج وعلى كل حامل والله يهدينا ويطول بالهم علينا

 

[ملوكة الامورة]

عادي ياقلبي الهرمونات عندك متلخبطه عشان الحمل
عشان كذا مزاجك متقلب
خلاص هو بيروح ماتقدرين تسوين شي
هدي نفسك وفكري وش تسوين
كملي اغراضك للولاده
وكلها يومين بطير بدقيقه
صدقيني مارح تحسين فيها
اطلعي مع صديقاتك
والله يقومك بالسلامه ياااااااااارب

 

[Omhamood]

الله يهداج اختي كلها 3ايام
ً
لوتشوفين الي ازواجهم يسافرون بالاشهر دراسه وله علاج شتقولين

شكلج ووايد متعلقه في ترا موزين جذي اولا راح يمل منج ثانيا راح تصيرين ووايد ضعيفه

ولاقدر الله وصار شي بينكم راح تنهزين وتدمر نفسيتج حيل صيري قويه شوي وعيشي لنفسج

لاتناشبينه رايح العمره عباده خليه ،،،،،،،بعض الحريم استغفر الله ادور النكد لنفسها

سوري اختي بس بطيتي جبدي ،،،،،،،،،تحمليني وانا اختج

 

[نسمات 26]

الموضوع قديم خلاص اكيد الزوج سافر وتنتهى الموضوع

صار له اكثر من سنتين وشي

 

[ملوكة الامورة]

الموضوع قديم خلاص اكيد الزوج سافر وتنتهى الموضوع

صار له اكثر من سنتين وشي

هههههههههههه توني اشوف تاريخ الموضوع

 

[Mrs.H]

رد: رد : زوجي راح يسافر و متضايقه محتاجه احد يواسيني

انا ما شكيت من سالفة انه يبر فيهم
احنا من فتره رحنا للعمره لما كنت بالشهر الخامس
و اخذناهم معانا
و بعدين اذا على العمره انا ما ارفض يروح مناك
بس اهوه بشغله كل مره يدزون له عروض للسفر
و صارت من بعد سفرة دبي الي ما وافقت انه يروحها سفرة العمره
يعني لا كانوا ناوينها و لا شي بس وصل له عرض قال انا بحجز لي و لامي و خواتي
مع اني ما اقدر اروح معاه و كنت قايلتله من المره الي فاتت اني ما ابيه يسافر و يخليني بروحي

بعد فرصة ويتله.. والمدة قصيرة.. وهذي عمرة رايح بيت الله.، ولو وضعج يساعد اكيييد بياخذج

ليش تحرمين الريال من الاجر؟؟ بدال لاتشجعينه على الطاعة والعبادة ماتبينه يروح؟

انا عبالي بيروح 6 شهور اخرتها 3 ايام.. خلي الانانية عنج وخليهم يتعمرون ويكسبون اجر