زوجي راح يختنق مني

[امـ خــزامـى]

حبيبتي اللي دينه وخوفه من الله مهو رادعه
فانتي يعني اللي بتردعيه وتخليه يبعد عن هالمكالمات ؟
نصيحتي لك انك تنسي هالسالفه ..
وتعيشي حياتك
ومهما كلم بنات مرده لك انتي الاصل وانتي العفيفه الشريفه اللي تزوجها .. وهم مجرد تسليه ونزوه
ربي يوفقك ياارب

مع اختي مياسه وبقوووووووووووووووووه

طنشي حبيبتي مرده بيمل وترى شكك وخوفك بيخليه يتمسك بالخيانه اكثر
وطول مانت تشكين بتظل فكرة المكالمات بباله

لكن اذا طنشتي وربي شويات وينسى وعلى العموم النفسيه بعد النفاس شي لايطاق بسبب لخبطة الهرمونات

انت بس طنشي واصبري ومرده لك ياعسل

الله يسخركم لبعض ويهدي النفوس

 

[شقـــرديه]

لاا دير بالج تبينيله سيره انه يكلم بنات ويواعد
لان حتى لو تعدل بتدخلين الفكره براسه وبيقول بالحالتين شاكه فيني
تقربي منه ودلعيه مثل مايدلعج وخليه عاايش وياج نفس الملك
ولو عندج شك فيه لاتقولين له
يييبيها بطرييقه قصص مثلا قولي وحده بالمنتدى مسكينه كاتبه قصتها ريلها خانها واهو تبهدل هالنوعيه من القصص اللي الريال فيها اهو اللي خسر بالقصه بيخاف وبيحس بنفسه
وانشالله مايخوونج بس نصيحه لاتحطين هالشي ابالج عشان الشك مايااخذج وايد وتتعبين

 

[brettey]

كثر الضغط يولد الانفجار
عبالج جذيه بتمسكينه ولا بتردعينه ؟
غلطااااااااانه
بشري بخيانه ثانيه وحزتها بيقول لج هذا انا عاجبج ولا بالطقااااااااق
لا حبيبتي غلطانه وكسبيه بالدلع ولاتقطين روحج زايد بس خليج زينه معاه قومي بواجباته وخليج غامضه تدلعي بس بحدود خليه يركض وراج حسسيه انج غامضه
وبين فتره وفتره ذكريه كما تدين تدان والزاني يزنى به
وهم عليج بالدعاء والاستغفار

 

[بنت.المطيري]

ماقدر اطلع بدون لا ارد

الحرامي اذا تاب ونظرة الناس ليلحين تقوله انت حرامي راح يرجع يبوق لان لو صار شريف والا حرامي اهو بنظر الناس حرامي
فإنتي لاتعطين زوجج هالشعور قاعد يحاول يبينلج العكس لاتخربين شعوره اعرف وحده زوجها صار زين بس اهي صارت مريضه شك صار خلاص حلت بعينه السالفه وصار يكلم

رجعي عطيه الثقه وحتى بينج وبين نفسج لاتفتشين مو عشانه عشانج وعشان نف

 

[ترف بابا]

لااااااا تنبشين

حولي تتناسين

عشان تري اذا انفجر بيجاهر ولا عاد تهمينه وتتحطمين صج

الله يهديكم

 

[MiSsY HottY]

الله يعينك

 

[sh&t&m]

الله يعينج حبيبتي والله انا حاااسه فيج بس انتي حاولي انج ماتبينين له انج ما تشكين فيه يعني فتشي بتيلفون من غير مايدري والي يصيرلج هذا شي غصب عنج بس انتي حبيبتي كثري من الاستغفار والله يهديه لج ويسخره*

 

[كويتيه مـزيونه]

اللهه يهديه ويسسسخره لج ويهدديه
اااول شي تشيلين الوووسواس من راسج اذا ما شلتيه مراح ترتاحين
وبعدين دامه اعتذرلج وخلاص الحمدالله فتشي تلفونه بسسس مو قدامه من وراه يعني بالحمام او نايم ا

 

[شادن33]

انتي الحين اتزنين اتزنين عليه ليمن من صج يرد يكلم بنات يابنة الحلال الله غفور رحيم وخفي على الريال لا يهج من صج

 

[شرغوفة]

حبيبتي اللي دينه وخوفه من الله مهو رادعه
فانتي يعني اللي بتردعيه وتخليه يبعد عن هالمكالمات ؟
نصيحتي لك انك تنسي هالسالفه ..
وتعيشي حياتك
ومهما كلم بنات مرده لك انتي الاصل وانتي العفيفه الشريفه اللي تزوجها .. وهم مجرد تسليه ونزوه
ربي يوفقك ياارب

انا مع اختي الغالية مياسه وازيااده علي كلاااامهااا خلج واااثقة من نفسج وحطي فباالج ان اي وحده يكلمهااا ما توصل ضفر رييلج حبيبتي موفقة

 

[~حبيبة خلودي~]

الله يهديج وخفي عنه اشوي وعطيه اشوية ثقه

 

[دلع العتبان]

سبحان الله اغلب الي ياخذون عن حب بالاخير يخونونهم موقاعده انا اشوف الي حواليني

الله يهديه لج

 

[اسراب الطيور]

الله يفرج همك
انشاء الله مايشوف غيرك

 

[:حضرية واجد:]

سبحان الله اغلب الي ياخذون عن حب بالاخير يخونونهم موقاعده انا اشوف الي حواليني

الله يهديه لج

حبيبتي موشرط فديتج .. الزواج التقليدي له نصيبه من المشاكل و البلاوي .. و شكثر شفنا بالمنتدى بلاوي متلتلة !!

هذا مو منطق ابد .. لان الريال اذا كان خائن بطبعه سواء تزوج تقليدي او عن حب بيكون خائن بالحالتين ..

يعني الحين لو خطبني واحد خطبة عادية " تقليدية" .. و تالي سالنا عنه و قالو خوش ولد و يصلي و الخ ..
و تزوجته و اخر شي طلع خاين .. سفراته وايدة .. بخيل ... و عنده بلاوي زرقا ما تطلع بالسؤال عنه ..!!
و تطلقت بسبة هالامور هل بقول مثلج " سبحان الله الزواج التقليدي دايما مشاكله تبين عقب جم شهر " .. و اغلب الي تزوجو تقليدي جذي ؟!؟ لا طبعا غلط اني اقول جذي و الارتباط هم عن حب مختلف ..
و اخذوها مني يا بنات ترا محد يبين شين عند الناس .. يعني اي شخص بيروح يخطب ما تبين صفاته الردية للناس فيمدحونه بالعكس تلقون الناس تبالغ بمدحه لانه اهو طالع لهم بهالصورة و صفاته الشينة ما يطلعها الا عند اهله و ربعه و بينه و بين نفسه .. يعني الحين بهالزمن صعب اهلج يسالون عن واحد و ما يقولون زين .. و تالي من تتزوجين و تتوهقين تطلع البلاوي و يطلع بخيل و خاين و يسافر مع ربعه يصيع ..
و تطلع عيوبه الثانية ما يصلي ما يحترم زوجته و يغلط عليها ... الخ :eh_s(14):

:eh_s(17):

و بصراحة بعد هم ما اشجع الزواج عن حب هم لان ممكن البنت يتعلق قلبها بالاصبي حتى مع علمها المسبق انه خاين و يدور بنات .. او حتى لو تدري انه امه شينة و قشرة و نسرة .. و اشكثر شفنا بنات اهني كاتبين تزوجنا عن حب و امه مأذيتنا و متدخلة بحياتنا و في مشاكل تشيب الراس ..

يعني بس بفهم شي واحد مدامج تدرين ان امه جذي من قبل الزواج ليش تاخذينه حتى لو تحبينه الحب بيقل يوم بعد يوم و المودة اهيا الي بتاخذ جزء كبير من العشرة .. فشلون تاخذين واحد عارفة طبعه انه يدور بنات .. :eh_s(4): او عارفة ان اهله مو زينيين .. :eh_s(14): او عارفة انه امه قاسية و ناشفة ؟!؟! يعني جتلكم هالفرصة انكم تختارون و مع هذا نشوف البنات مثل المسبهين يفكرون بقلوبهم مو عقولهم .. و تالي تجي اهني تكتب مشكلتها و تبي تتطلق :eh_s(1): !!

اعتقد لازم البنت " بهالوضع الخاص " تسال عن الام اولا و اخيرا لانها بتكون خالتها .. و هم تدرس الصبي عدل و تشوف اخلاقياته من خلال بعد نظرها .. لان هذا زواج ترا مو لعبة بو يوم يومين ..



لووووول طلعت برا الموضوع بس شدتني نقطة دلع العتبان فديتها و شعبت :eh_s(22):

السموحة صاحبة الموضوع فديتج عسا ربي يوفقج يارب و يسخرلج ريلج :eh_s(17):


​

 

[ارجوانه كوول]

الله يسخره لج
ويجعلك اجمل النساء في عينه واقربهم الى قلبه

 

[لمسة حنية]

انا صار لي مثل موقفج بالضبط ويومها حسيت اني الدنيا ضاقت فيني واجهته طبعا خبركم الرجال لازم اللف والدوران مايقول الصج من اول مره وحلف مايعيدها بس هم ظل عندي شعور الشك وعدم الثقه استشرت ناس ثقة في هذا الموضوع لاني والله من يطلع من البيت او ادق ومايرد ياكلني الوسواس واحس نفسي بستخف فقالوا لي دامه تاب ومامسكتي عليه شيء لا تتصرفين طريقه تخلينه يرجع لهالشيء مره ثانيه لانه بقول هي كذا كذا شايفتني خاين وفعلا بديت اطبق النصيحه ماقولج عانيت بالبدايه بس الحمدلله الحين احسن وماانسى طبعا الدعاء والصدقه والاستغفار ومفعولها بهذي الامور الله يهدي ازواجنا يرزقنا بالحياة المستقره آمين

 

[Miss^NeozZ]

حطي نفسج مكانه ؟؟ :/



تعوذي من بليس وكبري عقلج

 

[*المــــلكة*]

الله يهديه لج​

 

[OM BARAK]

حبيبتي اللي دينه وخوفه من الله مهو رادعه
فانتي يعني اللي بتردعيه وتخليه يبعد عن هالمكالمات ؟
نصيحتي لك انك تنسي هالسالفه ..
وتعيشي حياتك
ومهما كلم بنات مرده لك انتي الاصل وانتي العفيفه الشريفه اللي تزوجها .. وهم مجرد تسليه ونزوه
ربي يوفقك ياارب

:eh_s(15): و ازيد عليها. لا تهملين روحج أبد عشان مايحط حجه عليج انج مو مهتمه بنفسج او مو مهتمه فيه و خففي أسئله حتى لو شاكه خشي الشك بينج وبين نفسج لانج مثل ما قلتي الريال بدا يزهق فلاتخلينه غصب يخون على أساس انج شاكه شاكه فليش ما يسويها صج و يريح نفسه​

 

[UNICORNA]

شيلى الشك تماما من حياتك لانه ممكن يكون تندم وانتى اللى تجيبين العيد

ولو كررها خذى موقف قوى مافيه رجوع

وقوليله مره واحده فقط بدون ماتعيدينها

انا بعطيك فرصه واحده وبيدك تحافظ عليها او تخسرها وانت بكيفك وبس

ولو كررها فراح يكون الجواب باين من عنوانه وخلاص ولو ماكررها خير وبركه

وربى ييسر امورك ان شالله