زوجي راح يختنق مني

[كشوخية]

شلونكم بنات بقولكم مشكلتي أنا صار لي سنه متزوجه وتوني والده من شهرين وأنا
حامل طحت على زوجي يكلم وحده وبغيت اتطلق منه بس. اعتذر وأيد حلف مائعيدها
أنصدمت فيه لأن أخذنا بعض على حب ماتوقعت يخوني والحين تغير. صار أحسن من قبل
ومومقصر معاي ودائما طلعات وهدايا بس بنات صارت فيني حاله ماقمت أثق فيه كلش
وافتش بتلفونه دائما واحقق معاه إذا طلع كل شوي أدق أحسه بدأ يمل مني ومن هالتصرفات
مادري شسووي نصحوني إذا. أشيل تفكير الخيانه من بالي صرت دائم أحسه يخوني وانبش باغراضه
ما ألقى شيء بس إحسااس الشك مو راضي يفارقني قمت أقوله لاتطلع مع ربعك ولا تروخ مكان
وإذا قالي بطلع أقوله أكيد بتطلع تواعد بنات تغبت من هالشعور وزوجي حيل قام يزهق شنو الحل
شلون أرجع ثقتي فيه

 

[توتا حمرا]

حتى لو اتشكين فيه المفروض ما اتبينين له
واذا فكر يخون ماراح يعمل لج حساب
لأن جذي كأنج حاطة نفسج في الصورة
واهو يجوف انج مقتنعة ان يخونج فما بصير عنده مانع ان يخونج صج الله لايقوله
الرجال اعتذر وتاب فحاولي تبدين صفحة جديدة معاه

 

[أعشقه]

الله يعينك غصب عليك تحسين بها الشعور
حتى انا لو مكانك غصب علي اسوي مثلك ويمكن اكثرر
لانك من الاسلس لنصدمتي من تصرفه
الله يعينك ويسهل امورك

 

[شــــــــــــــوقــــه]

حاسه فيج والله بس حاولي تكتمين الشك لا تبينين حقه و ربج موجود لو بيلعب مره ثانيه راح يكشفه

 

[إم بــــرٍآك]

يمكن الحين لانج تقريبا مصدومه وخاصه انكم متزوجين عن حب وهويمكن يوم يكلمها كان بلحظه ضعف حاولي لا تبينين له شكج لان الريال اذا مل بيسويها صج عطيه الثقه مره ثانييه بس خليه تحت عينج بدون مايحس راقبي تلفونه فتشيه بس لما ييكون مشغول او بالحمام مايحس فيج بس كلش لا تسالينه وتحققيين وياه بعدين يمل

 

[أم ميميتو]

حبيبتي لا تحسسينه ان ما عندج ثقه فيه لازم تعطيه شوية ثقه و بنفس الوقت تكونين حريصه و ديري بالج عليه بس الشك مرض رح تتعبين و تعبينه معاج

 

[مياسه الحساسه]

حبيبتي اللي دينه وخوفه من الله مهو رادعه
فانتي يعني اللي بتردعيه وتخليه يبعد عن هالمكالمات ؟
نصيحتي لك انك تنسي هالسالفه ..
وتعيشي حياتك
ومهما كلم بنات مرده لك انتي الاصل وانتي العفيفه الشريفه اللي تزوجها .. وهم مجرد تسليه ونزوه
ربي يوفقك ياارب

 

[دلوعة صلوح]

لا تبينين حقة انج تشكين فى صدقينى بعدين بيزهق وينفجر ترا الشئ ان زاد عن حدة انقلب ضدة

خليج عادية لا تخربين على عمرج دام صار احسن من اول يمكن صج تغير الله يهديكم لبعض.

 

[قل علها خيره]

حبيبتي اللي دينه وخوفه من الله مهو رادعه
فانتي يعني اللي بتردعيه وتخليه يبعد عن هالمكالمات ؟
نصيحتي لك انك تنسي هالسالفه ..
وتعيشي حياتك
ومهما كلم بنات مرده لك انتي الاصل وانتي العفيفه الشريفه اللي تزوجها .. وهم مجرد تسليه ونزوه
ربي يوفقك ياارب

مع ميآسه :eh_s(15):

 

[وافرر]

حتى لو اتشكين فيه المفروض ما اتبينين له
واذا فكر يخون ماراح يعمل لج حساب
لأن جذي كأنج حاطة نفسج في الصورة
واهو يجوف انج مقتنعة ان يخونج فما بصير عنده مانع ان يخونج صج الله لايقوله
الرجال اعتذر وتاب فحاولي تبدين صفحة جديدة معاه

معااها
وانتبهى كثر الضغط يولد الانفجار:eh_s(7):

 

[:حضرية واجد:]

شوفي يا قلبي اولا الله يسخره لج يارب و ما يشوف غيرج من الحريم .. ثانيا شيلي وسواس الشيطان من راسج .. لا تفكرين انه بيخونج كل ما طلع او مسك الفون كل الي عليج تسوينه اهتمي فيه و لا تقصرين بحقه و عليج بالثلث الاخير من الليل ادعي ربج لانه اهو الي بيشيل وسوسة الشيطان من قلبج و عقلج .. و خلاص يا قلبي المسامح كريم سامحيه عشان حياتج تمشي طبيعية و تردين مثل قبل " المهم انه اعتذرلج " .. و انتي بطريقتج " الخاصة " تقدرين تخلين ريلج حبيبج ابو عيالج ما يطالع غيرج و يفكر الف مرة قبل لا يسويها .. < ولو

صدقيني بيفكر الف مرة قبل لا يسوي اي شي لانه بيحس انه لو خانج بيفقدج و يفقد اهتمامج و لمساتج بحياته و ديما حافظي على هدوئج و عطيه مساحة خاصة فيه يعني خليه يطلع مع ربعه و من يطلع دزيله مسج انج اشتقتيله او مسج حب او مسج يدل على هتمامج مثل " دير بالك على روحك " .. و ما يمنع تنغزينه بمسجات غزلية تستعرضين شقاوتج فيها مثلا لو قالج بروح مجمع دزيله مسج تبينيله انج مراقبته بس على ضحك عوديه على هالنمط .. و دايما ساليه عن رايه بلبسج بمكياجج بعطرج تدلعي عليه .. بتلقينه ملهوف عليج و حتى لو ينعجب ببنية او بشكلها او بنعومتها بيجيج دايركت يقولج لبسي كذا .. حطي كذا .. رشي من هالعطر ..

اتمنى اني افدتج حبي .. و هذا من واقع خبرة لووووووول لاني في بيتنا سبع شقيقات 6 متزوجات و انا العانس الوحيدة فيهم لوووووول
و ياما مرت علي هالسوالف و المغامرات .. عسا ربي يسخرلج اياه و يهديه لج و تكون كل ايامج راحة بال .. ​

 

[Tulips]

الله يهديه ويسخره لج

والبنات كفو

 

[كربون امها]

حاولي انج تنسين موضوع الخيانة اصلا
وقعدي بينج وبين نفسج وقولي ليش يسوي جذي
نقص فيني ولابلاغة شف منه ولاالرجال طبعهم الخيانة

الجواب بسيط جدا الرجل متعتة الخيانة

يعني اجي من ناحية الدين كل فترة وفترة
بدون لا توجعين راسج بزعبلات الرجال تخسرين صحتج
في مستقبل منتظرج واولاد

كربون امها

 

[om MaRyooM]

علاجج اهوا
يعني قعدي معاه وصارحيه قوليله اللي تحسين فيه
وقوليله يساعدج انج تطلعين من هالحاله
بما ان اهوا سببها رح يتفهم اللي انتي فيه وفهميه شكثر انجرحتي
بس ودج تردين الثقة وتفتحين صفحه يديدة وقوليله
ادري انك قد هالثقة بس مشاعري كامرأة تختلف
وهزيت كياني وثقتي بنفسي وابيك تساعدني

واذا زوجج انسان واعي رح يفهم مطلبج وبتطلعين من الحالة اللي انتي فيها


وكثري استغفار وادعية وانشالله ربج مارح يخيب ظنج

 

[توتا الكتكوته]

استغفرالله واتوب اليه

 

[كشوخية]

مشكورين. بنات عالردود وإنشالله بسوي إلي قلتوا لي عليه.

 

[كشوخية]

توتا الكتكوته مشكوره على الأسلوب. والله لإيقطج بحالتي

 

[توتا الكتكوته]

^ ^ ^

لا تطمني انا مريحه راسي ما اعطي قلبي حق رجال ما احبه اكثر من نفسي هذي اكبر غلطه المره تسويها وبعدين

اهوا اول ولا اخر واحد بالدنيا شفيج الخيانه بدم الرجل علشان جذي الله حلل 4 حريم علشان يهدون حيييله فهمتي والرجل فيه طاقه جنسيه اكثر من المره

حتى لو انج ملكة جمال ولو احل له نساء العالم كلها وباقي بس مره وحده لتمنى هذه المره له معروووفه قلبي هالمقوله

انتي تحملين تولدين جسمج يتغير شكلج وبشرتج تتغير اهوا لا يحسس للحين مرغوب ودايم الرجل يبي يحس انه للحين مرغوب من البنات

لما يخون مو شرط يكن عليه قاصر

يبا اضربيه بعرض الطوفه اهم شي صحتج

 

[أم زايد ويزن]

تذكري ان الله غفور رحيم
فلازم احنا البشر نغفر ونسامح
عشان نقدر نعيش
الله يسخره لج

 

[سحـورة]

تصرّفج طبيعي جداّ
بس لا تبينين له ... أدري مابتقدرين تستحملين إذا قاعد يخون أو لمحتيه رد لعلاقاته ..
الله يهديه ، عامليه " بإعتياديه ولا تبالغين ف الترقب "