زوجي ذبحني :(

[yummy]

وااااااااي بنات بموت من القهر امبيييه يعني الرياييل شنو يعجبهم .. نفرشلهم الارض ورد ونطيعهم ونسويلهم اللي يبونه وهم مو عاجبهم وااااي يعني شنسوي

تخيلوا ذاك اليوم شفت عندي زوجي حساب بالفيس بوك لا وحاط صورته .. كلمته بهدوء وقتله شيل الصوره وكنسل الحساب قال اوكيه ولا يهمج ... تخيلوا اول امس ادش ولا الحساب لي لحين موجود وموشايل الصوره واااااااي حدي انقهرت وماتكلمت .. قلت بعدين ابطل وياه الموضوع .. والحمدالله ماعنده بنات بالفيس بوك بس ربعه .. بس شكووو يحط صورته نعم :| انا قايله بعدين بكلمه .. الحين خلصنه من السالفه في سالفه ثانيه

تخيلوا اليوم كله ماشفت راح الدوام وانا رحت الدوام ودق علي قال بتغدا ويا ربعي قتله اوكيك عليك بالعافيه استانس حبيبي وقتله لاطول مشتاقتلك .. قال لاماني مطول بس اتغدا وارد

صار المغرب :| دقيت عليه قتله ها وينك .. قال رايحين متحف القرين :| قتله ليش ماقلت انا ناطرتك (احنا متعودين مانخطي خطوه الا مبلغين بعض ..واهوا مرات ينسى يبلغني ف طوفتله وايد) المهم قال نسيت .. قتله اوكيه باي

ولي حد الحين توه دق قال انا بالمخيم .. قتله اوكيه وباي (وقاعده اكلمه بنفسيه وحدي منقهره) امبيه قولولي شسوي ابي اقهره مثل ماقهرني ابي يحس فيني شمعنى انا اللي اسمع الحجي واهوا لا!!!

الحين اذا رد شقوله!! بليز قولولي مالي غيركم يابنات ديرتي احبكم

 

[el3aNoOoNa]

صج شيء يقهر
ماحب هالحركات
نطريه لي رد وشوفي حاولي تكلمينه وبيني له انج متضايقه وقوليله الي بقلبج هذا ريلج اكيد بيتفهم الوضع ان شاء الله

 

[SARA88]

صح بيني له انج متضااايقه....

بس بهدوووء ... و مدي بووزج بس من غير اهواش .. ولا تتكيلمين

خلي اهوا يحس بذنبه ..

وبعدين قوليله انا ولهانه عليك و مشتاقتلك وانطرك من الظهر ... وانت ما تحس فيني .. و عطيه من الكلام المعسول

خلي يأنبه ضميره و ما يعديها

 

[aquamarine]

وااااي قهرتيني الحين بروح اتهاوش مع ريلي لوووول هذول الرياييل مايهمهم شي ولا ينقهرون مثلنا قلبهم بارد .. ماكو الا تصيرين ثللجه لان انا الحين صايره ثلجه علشان اقدر اتحمل العيشه انا اقول بطلي التلفزيون وقعدي اكليلج شي وطنشي كل شي وقوليله ترا سويت لي حساب بالفيس بوك علمني عليه لووول

 

[DaShTeYa_Q8]

على سالفة الفيس بوك صج تقهر بس دام انه ماكوو بنات و بس ربعه اتوقع عادي اهوه ريال
والكل يحط صوره .. اهم شي ماكو بنات

و اذا عالطلعة سووي نفسج طبيعية ومافيج شي و اهوه راح يحس

لا تكبرين الموضووع عشان طلعة مايسوى ..

 

[sony ericsson]

امبيه قولولي شسوي ابي اقهره مثل ماقهرني ابي يحس فيني شمعنى انا اللي اسمع الحجي واهوا لا!!!

إشمعنـــى أنتي تسمعيــــن الحجي!!!!!!!!!!!!
بكــــل بساطة لأن:-
قال رسول الله صلى الله عليه وسلم: إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت)

مااعتقد فــي أكثــرمن هذي!!


وبالنسبــه لموضوعج:
طولي بالج ولاتحاوليــن تثيـــريــــن مشاكل من لاشي!
الرياييل إحبون طلعات المخيمات والبر وتجمعات الشباب, فلا يصير عندج ربط بين الفيــس بوك وطلعات زوجج
حتــــى لاترجع الأمور عكسيــــه!





تحياتــــي
عبير​

 

[G!RLooNa]

اول شي عالفيس بووك

ليش تبينه يسكره و ما يحط صورته !!

بعد تقولين ما عنده بنات

عادي خل يسوله اكاونت فيس بووك شفيها

و مو بنت اهوا عشان تقولين له لا تحط صوك عادي مافيها شي ترا

وعالغدا والمخيم مادري طوفي شوي تدرين اذا كانو يمعه شباب و عقب الغدا كلهم قرروا فجأه يروحون مكان ثاني ,, صعبه يقولهم لا انا برد البيت يعني اهما الرياييل ما يحبو جذي بيضغطونه ربعه ويقولون له سكانه مرته و من هالحجي

بس قوليله اذا مره ثانيه بغيت تروح مكان بلغني لو بمسج احاتيك انا و من هالكلام

 

[najdeya]

سالفة الفيس بوك اذا بس ربعه عادي ليش متضايقه؟

ما الومج في حركات بسيطه يمكن هو يشوفها صغيره بس تحر الوحده و تنرفز احسن شي لا تكبرين الموضوع اذا هو فعلا ناسي و تعوذي من ابليس عادي طوفي بس اذا عادها قوليله بكل هدوء ان يبلغج اذا بيروح مكان مثل ما انتوا متفقين

 

[..الزين كـله ..]

الله يهديه صج سالفه تقهر بس حاولي تكلمينه بهدوء

 

[m!ss nunu]

جوفي حوبة انا بعلق على سالفة الفيس بوك
ممكن يكون حسابه في الفيس بوك برايفت يعني محد يقدر يشوف بروفايله وصوره الا ربعه الي ضايفهم عنده
فسأليه يمكن تكون السالفة جذي

اما اذا كان مسوي الحساب عام وكل من هب ودب يشوف ردي كلميه بهدوء وتفاهمي معاه

 

[Creamy Girl]

قوليله شنو من لقى اصحابه نسى احبابه وتدلعي عليع شوي وقوليله ترى خذت بخاطري منك جذي مخليني من الصبح ما شفنا بعض شدعوه ما ولهت علي ... ومدي بوزج عالخفيف مو تصي هوشه واهو ان شالله راح يطيب خاطرج

 

[حروف من ذهب*]

انا ماتي شايفه شي يقهر زوجج يحبج ويقولج كل شي ويسمع كلامج وين القهر ؟؟
حبيبتي هذي اشيأ تافهه لا توقفين عندها

 

[LaDantel]

ديري بالج كله الا الهواش .. اوكي صح اهو غلط .. بس تدلعي عليه و تغلي بس بدون هواش

خليه يحس بالغلط .. ومهما كان هذا زوجج .. خليه يوعدج انه دايما يبلغج عن طلعاته ولا يطنشج .. بس بأسلوب حلو ...

واضنج فاهمتني ...

بالتوفيييييييييييييييييق

 

[يمة يادلبي]

ترا الريايييل مايحبون ان الحريم يتأمرون عليهم
دام الريال ماغلط ولا زاغت اعيونه خليه على راحته
خو مو معناته ان اتزوج يعني خلاص مايعيش شبابه ولا يطلع ويستانس مع ربعه

فخليه على راحته

 

[yummy]

مشكورين بنات ربي يعطيكم العافيه وينولكم اللي ابالكم

اللي تقول خليه يحط صورته .. انتي ترضين .. بس انا مارضى كل من هب ودب يشوفون صورة ريلي ويمكن وحده من بنات ابليس
ادزله اظافه

خلاص انا بسمع كلامكم وبكلمه بهدوء ودلع واقوله ترى خذيت بخاطري انا قاعده ناطرتك وانته تروح وماتبلغني..الخ

فديتكم والله

 

[Arabian Beauty]

عادي مافيها شي .. وبعدين ليش مكبرة السالفة وحارة نفسج واهوا مو حاس انه غلط بشي ..

 

[بنت الحداد]

من صجج تبين تقهرينه

خلاص هوو ريال له مساحة حرريه اكثر من المره يعني انتي ماتقارنين نفسج فيه تقولين والله بقهره بطلعه وهو قاعد فالبيت

ترى مب حلووه

هدي باااالج ولاتعصبين السالفه ماتسوى طالع مع رربعه

واذا عالحساب فالفيس بووك

من الحين الي ماعننده اصلاااا وغير جذي انتي بعينج جفتي انه مافي بنات غيرر رربعه

يعني لاتوسوسين واايد عالصوره

روحي توضي وصلي ونااااااامي ولاتعورين راسج ولاشي

 

[yummy]

لا حبيبتي اكيد بحتر يعني قاعده ناطرته وآخر شي يطلع ويروح ومايبلغني بشي واحنا متفقين انه نبلغ بعض بكل شي ومو اول مره يسويها ف من جذي محتره

 

[yummy]

من صجج تبين تقهرينه

خلاص هوو ريال له مساحة حرريه اكثر من المره يعني انتي ماتقارنين نفسج فيه تقولين والله بقهره بطلعه وهو قاعد فالبيت

ترى مب حلووه

هدي باااالج ولاتعصبين السالفه ماتسوى طالع مع رربعه

واذا عالحساب فالفيس بووك

من الحين الي ماعننده اصلاااا وغير جذي انتي بعينج جفتي انه مافي بنات غيرر رربعه

يعني لاتوسوسين واايد عالصوره

روحي توضي وصلي ونااااااامي ولاتعورين راسج ولاشي

لانه قهرني وحرني
خلاص اهوا اذا رد بالسلامه بكلمه بهدوء وبشوف آخرته

فديتج مشكوره

 

[دلع العتبان]

؟؟؟
وين مشكلتج