زوجي ذبحني وقضى على 000000

[تااضي]

من جاب طاري الطلاق الحين شفيكم بنات يمكن قصده يهدد بس
واللي يقولون طلاق الحامل ما يقع سالوا شيوخ وتاكدوا يقع بس العده ليما تولد
وحبوبه اكثري من الاستغفار وقيام اللليل والله يصلح الحال ولا تفكرين حيل انتي حامل واهتمي بصحتج

 

[لقيت حبي]

وانا بعد معاج انا قضى على كل شئ فيني وخلص اصلا

 

[محاميه كويتيه]

الله يصلح بينكم دقي عليه وتفاهمي معاه اول جم سنة زواج تصير وايد مشاكل بس بعدين بتتأقلمون على بعض وبتفهمون على بعض اكثر
وانتي حامل تكون اعصابج متوترة على طول فلا تتسرعين بقراراتج واتصلي فيه والله يهدي سركم ان شاء الله

 

[دلع انثه]

انشالله تردون حق بعض ولاتعبين نفسج الي كاتبه ربج لج بيصير

 

[زوجة عزيز]

رجعي له نصيحه والله والله لايفرق بينكم ان شاء الله

 

[&&الجــــازي&&]

الله يصلح مابينكم ... واوصيج اختي وعن تجربة كل يوم قبل ماتنامين اقري سورة البقرة بنية انج ترجعين لزوجج وكثري من الاستغفار وقول ((لا اله الا انت سبحانك اني كنت من الظالمين )) ومثل ماقالوا الخوات طلاق الحامل لايقع

 

[يافديت الدلع]

شوفي ي قلبي قبل لاتنامين كل يوم صليلج ركعتين بالليل وادعي ربج انه يرجعج باقرب وقت ويسخره لج وحاولي تدزيله مسج ترا عادي بين الزوج والزوجه مافيه فرق والله يسخره لج

 

[ورده الكرستال]

الله يهديه حبوبه الزم ماعليج صحتج

كثري الاستغفار وسورة البقره وقيام اليل

 

[ساندريلا]

الله يسخره لج حبيبتي

 

[فوفى]

الله يهدى لج ان شاءالله بس انتى غلطانة ليش طلعتى وهديتى البيت؟؟

 

[كرز مرر]

دوسي ع كرامتج وردي له دامج ميته فيه وتبينة

 

[حشمه]

غلط حبيبتي حل المشاكل مو بالروحه لي الاهل الا لو كانت المشكله كبيره ماينسكت عنها

وانتي قلتي توج متزوجه وحامل وزعلتي مرتين ورحتي بيت اهلج!! بالمنطق

كل شهرين ثلاث انتي بيت اهلج مايصير اول شي الحين مانقدر نقولج ردي بيتج

خلي الوالد يتصل عليه ويشوف شناوي عليه يحل المشكله ولا يطلق ولا مجرد تهديد

وقعدي معاه وتفاهمو مره اهو يرخي ومره انتي ترخين هذه حياه مشتركه

الحين الحل تخلين الوالد يكلمه وان شالله تنحل الامور

 

[جرحي ابكم]

اكثري استغفار بغرض حل المشكله

 

[ناتشوو]

شنو هدفج من الزعل في بيت اهلج؟
عروس وكل شوي شايلة قشج ورايحة لبيت اهلج
ترى مافي شي اسمه حب مطلق وبعض التصرفات بتخلين زوجج يكرهج
يعني كثيرات ينغرون لي شافو زوج محب ومومقصر معاها حسبالهم خلاص بيموت لو قعدت ساعة عند اهلها
ترى كثرة الزعلات مصاخة
وعلى شنو الزعلات هذي وتوكم متزوجين
الزبدة
حاولي تدقين عليه قوليله انج ماتبين الطلاق وانج تحبينه وتبين ولدكم يعيش بينكم
مو ناطرة اهله ينصحونه ويجبرونه يردج
ترى بالاخير يبون راحة ولدهم
اذا شافوه مو مرتاح يمكن حتى يشجعونه على الطلاق
مهما كنت عزيزة عندهم

 

[الدااانــــه]

الله يهديه ويصلح حالكم

 

[aṕriliå]

الله يهديه ويرده لج ردًا جميلا

 

[++The DuchesS++]

الله يهديه

 

[غير كل الناس]

متحسفه؟؟؟؟؟

استغلي اللحظات ودقي عليه وراضيه قبل لايطلق وتنقهرين

والخلافات امر عادي بين الزوجين والله يهون عليج وتردين بيتج

 

[brettey]

الله يرده لج ردا جميلا عاجلا غير اجلا
بس تبين نصيحتي وتطبقينها
ماعليج من اي احد يقول لج كرامتج الزم وطنشيه ولا تتصلين
روحي الحين اتصلي واعتذري له الحين الحين واذا مارد حاولي مره ومرتين وثلاث ولا تياسين دخلي احد يصلح بينكم
طعيني والله اذا ماسمعتي كلامي بتندمين
والله الطلاق بهدله تدرين شنو بهدله عساج ماتشوفينه
وعليج بصلاه الليل والاستغفار

 

[!الجادل الصعب!]

على حسب مووضوعكم الي زعلتي عليه .. وليش كل شوي زعلانه وانتي توج متزوجه ..!